Ka Nupepa Kuokoa, Volume LVI, Number 49, 6 December 1918 — NA POINO I HANAIA E KA MAKANI MA KAKAAKO. [ARTICLE]

NA POINO I HANAIA E KA MAKANI MA KAKAAKO.

Ua palaha ilalo ke kino o ka halewili laiki hou a na Kepani ma Waikiki iho o ka hale puhi bia ma Kakaako. he pule hookahi wale no ke kukuluia ana. Ua ku na pou apuni a ua kau ōa oa, a iloko o ka nunui o na ikua ame ka paa i na umii ua lilo nae ia paa i mea ole i ka ikaika o ka makani. Ua ulaaia ae ke pili hao oluna o kaupoku o ka halemli laiki a ua Kepani ma ke kihi o na alanui Kawaiahao ame Uniona a lele i kahi e & hamama oluna o kaupo'ku, ina no ka ua nui aohe uao ai o na ukana apau oloko i ka puli^. O na palaau kahlko maha'i o ke alanui Uniona ua palaha ilalo. O ke pili hao o kaupdku o ka hale hoolin\alima loihi o Ah Leong ma ke alauui Moiwahine me Puowaina ua ulaa ia«ae a lele i kahi e. Laki kekahi mau hale i ka nahaha ole i ka manawa i hina aku ai na kua nunui o ka hale wili laiki hou a na Kepani e pili ana ma Waikiki iho o ka. hale hana bia, o ka puka aniani wale no o kekahi hale ka i loaa pono aku i fte poo o kekahi kua a nahaha. O kekahi mau kumulaau kiawe nunui ma ka aoao mauka o ka pa halepule o Kawaiahao ua ulaaia ae a waiho aua ilalo. Paa loa <ka pukapa nui ma ka aoao Ewa i kekahi kumulaan kiawe nui o ka liina ana a kau pono maluua o ka pukapa.