Ka Nupepa Kuokoa, Volume LVII, Number 3, 17 January 1919 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

 

            Teritore o Hawaii.       )

Kulunakauhale a Kalaua         )ss

                        o Honolulu.     )

            O W. H. CAMPBELL, mamua o kona hoohikiia ana. ua hoakaka ae me ka olelo ana. oia ka Mea Uku Dala o ka The First American Savings and Trust Company of Hawaii, Limited, a o ka papa hoike malalo iho nei, he hoakaka piha, oiaio a pololei ia o na hana o ka The First American Savings and Trust Company of Hawaii, Limited, ahiki me ke komo pu o ka la 31 o Dekemaba, 1918, o pa papa hoike nei, ua koiia mai ia e ka Pauka Helu 3327 o na Kanawai Hooponopono Hou ia o ka 1915, o ke Ter@@ore o Hawaii.

            O ke kumuwaiwai mahele i hoama@aia o ka Hui, he $200,000.00, i maheleheleia iloko o 2,000 kea no ka waiwaiio o $@00.00 pakahi. O ka heluna o na kea i hoopukaia, he 2000, o ke kanahiku-kumamalima pakeneka no ia mea, ua llike pu me $140,000.00 no ka ukuia mai i ka wa e kaheaia ai. Na loaa ai@ o ka hui ma ka la 31 o Dekemaba, 1918, o ia i@@o keia:

            Kumuwaiwai i Ukuia..$          140,000.00

            Na Puka i Mahele Ole

                        ia ……………..          33,748.51

            Waihena i Hookaawa-

                        leia ……………          30,000.00

            Na Hoahu Dala ……….         841,011.89

            Na Hoemi i Hoomaopo-

                        poia …………..          2,714.98

                                                            $1,047,475.38

W. H. CAMPBELL,

Mea Uku Dala.

Hauaia a hoohikiia imua o‘u i keia la 9 o Ianuari, 1919.

            J. H. ELLIS,

No@ri no ka Lehuiehu. Apana Hookoloholo Kaapuni Ekahi, Teritore o Hawaii

            Ke hooia aku nei au in a keia, o ka ho@ke o ka papa hoke kumu i waihoia aku maloko o ke keena o ka Puuku o ke Teritore o Hawaii.

J. H. ELLIS,

Noteii no ka Lehulehu, Apana Hookolokolo Kaapuni Ekahi, Teritore o Hawaii. @@@@-- Jan. 17, 24, 31.

HOOLAHA I KA POE PAA AIE.

            Oiai. ua hookohu pono ia mai ka mea nana ka inoa malalo iho nei i Kahu no ka poe paa aie ame ka poe paa mahele o ka S. KIMURA & COMPANY, LIMITED, he hui Hawaii, i hoopauia ma ke kauoha a ka Puuku o ke Teritore o Hawaii. ma ka la 14 o Dekemaba, A. D. @@@@. ma keia ke haawi aku nei i ka hoolaha i ka poe paa aie apau o ka hui i oleloia, e waiho mai i ka lakou mau koi laia, ke Kahu i oleloia, ma ke kena o kona mau loio, Watson & Clemons, 417 Hale Kauikeolani, 120 Alanui Moi, Honolulu. iloko o 90 la mai ka la aku o ka hoopuka mua ia ana o keia hoolaha, a i ole e hoole mau loa ia aku no.

            Honolulu, Dec. 18, 1918.

T. IWANAGA,

Kahu o ka Poe Paa Aie ame ka Poe Paa

            Mahele o S. Kimura & Company, Limited.

WATSON & CLEMONS,

            Na Loio no ke Kahu i oleloia.

@@@@-- Dec. 20, 27, 1918; Jan. 3, 10, 17, 1919.

HOOLAHA LULU MANAWALEA.

            Ke hoikeia aku nei ma keia i na lala a@au o ka Ahahui Makua@ame na Ahah@i LaLa o ka Ahahui Kokua a Hookuoaooao o na Wahine Oiwi Hawaii, e lulu mai i ka lakou manawalea o Hookahi Pala no ko kakou hoahanau i make. Mrs. Maryann Lee Richards, a e haawi ae ia lulu ma ka lima o ke Kakauolelo Ohi Dala, Miss Ailen, ma Kapalama, Oahu.

MRS. MALKAI KA@KO

Kakauolelo Moolelo o ka Ahahui O wi Wahine.

6@31-- Jan. 17. 24. 31. @@@@@

E HOOLA I KELA KUMU

            I kou wa e loaa ai i kekahi kuaa h@@ pilikia. aole o kona manao, ua oohia oe i ke akepau, a i ole e loohia aku ana paha oe, aka o kona manao, ua hoopili kiaia aku kou mau akemama. nolaila he mea maikai ke kaa ana ma ka aoao o ka palekana, a e lawe i ka Laau Ku@@ a CHamerlain, mamua o ka lohi loa ana. Eia ke kuaiia nei e ka poe kuai laau lapaau apau, o Benson Smith & Co., Ltd., na akena no Hawaii.-- Hoolaha.

KA EUANELIO LOLI OLE A IESU KRISTO NO KE KAULIMA ANA.

            E Hawaii lahui, a Owau Mau Loa i makee mau ai, a e makee mau nei nou, ano, @ ala a e hoomanao nou, a nou wale no au, Kana wahi kauwa nei i opaia ai me ka welenia loa i kela mau la aku nei; e haiao mau aku i Kaua euanelio imua ou, elike me ia i palapalaia maloko o ka Buke o na Buke, elike me Kaha papa hoonohonoho i kauoha mai ai i Kana mau haumana i kela wa, a i ka poe manaoio mahope mai, a hoea wale mai i o kakou ano.

            O ke kaulima, o ka helu ena ia o na kumu ano nui o ka euanelio a Kristo, a i maheleia a hoohanaia aku no mai kinohi loa mai no ma na loina like ole he eha penei:

            Ka mua, no ka hoola ana i na ma‘i; ka lua, no ka hoopomaikai ana i na  keiki; ke kolu, no ka hooia ame ka haawi ana mai i na pomaikai ame ka poni no ka hookahuna ana, a i hoike noko Kristo iini, a makee no ke ola mau o keia loina ano nui o Kana euanelio, o ia Kana i kuahaua e mai ai, i ole ai kakou e alakai hewa ia, penei:

            E lilo ana ka lani ame ka honua, aka, aole loa e lilo ka‘u mau olelo Mat. 24:35. A ke manaoio mau nei no au, Nana no auanei e aloha mai ia kakou, i ae ma@ ai Oia i ke kauwahi lihi iki o Kona uhane oiaio e hoomalamalama mai ia kakou, i ike ai kakou i ka nani ame ke koikoi o Kana olelo.

            Kaulima no ka hoola ana i na ma‘i. O ke Akua ka i hele mai, mai Temana mai, a o ka Mea Hemolele mai ka mauna o Parana mai; uhi mai Kona nani i ka lani, a ua piha ka honua i ka hoolea; o Kona olinolino ua like me ka la. Mai Kona lima mai na kukuna malamalama, a malaila ka huna ana o Kona mana. Mat. 3: 3-4

            Lalau iho la Ia i ka lima o ke kanaka makapo; alakai aku la iaia mai ke kauhale aku; kuha mai la Ia i kona maka, hoopa mai la Kona lima iaia; ninau mai la in a paha ua ike oia i kekahi mea. Nana ae la ia iluna, i aku la: Ke ike nei au i na kan@ka, me he mau laau la e hele ana. Mahope iho kau hou mai la Ia i Kona lima ma na maka on@, a hoonana hou aku la @iaia iluna, a ola ae la ia, a ike maopopo iho la i kela kanaka i keia kanaka. Mar. 8:23-25.

            Eia kekahi: Iaia e noho, ana maloko o kekahi o ia mau kulanakauhale, aia hoi, he kanaka ua paapu i ka lepera, a ike oia ia Iesu, moe iho la ia ilalo ke alo, nonoi aku la Iaia, i aku la: E ka Haku @na makemake Oe e hiki no ia Oe ke hoomaemae ia‘u. Kikoo mai la ko Iesu lima, hoopa iho la iaia, i mai la: Makemake Au, e hoomaemae ia hoi oe. Haalele koke no hoi ka ma‘i lepera iaia. Luk. 5:12-13.

            A i ke komo ana a ka la, o ka poe apau no lakou na mea ma‘i o na ano apau; halihali mai la lakou io Iesu la, a kau iho la Oia i Kona mau lima maluna o lakou apau, a hoolaia iho la lakou. Luk. 4:40.

            Aia hoi  ilaila kekahi wahine, he ma‘i kona he 18 makahiki, ua hookulouia oia, aole loa e hiki iaia ke aea ae iluna; a ike mai la o Ieau iaia, kahea mai la Ia, i mai la iaia: E ka wahine, ua weheia oe mai kou ma‘i ana A kau aku la i Kona mau lima maluna iho on a: a ua hoopololei koke ia oia. a hoonani aku la ia i ke Akua. Luk. 13:11-13.

            Aole Ia i hiki ke hana i na hana mana ilaila, he mau mea ma‘i wale no nae Kana@i hoola ai i ke kau ana o Kona mau lima iluna iho o lakou. Mar. 6:5.

            Ka na lunaolelo kaulima ana. Ua hauaia no hoi mawaena o na kauaka, na hoailona ame na mea kupanaha he nui loa, e na lima o ka poe lunaolelo. Lokahi ae la lakou a pau ma ka lanai o Sotomona. Oih. 5:12.

            Loihi loa no nae ko laua hoomau ana e olelo wiwoole aku no ka Haku, nana no i hoike mai i ka oiaio o ka olelo a Kona lokomaikai, a haawi mai la no hoi La i na hoailona ame na mea kupaianaha a ko laua lima i hana‘i. Oih. 14:3.

            Na ke Akua no i hana i na mea mana ano e ma na lima o Paulo. Oih. 19:11.

            E kaa ana ka makuakane o Popelio i ke kuni a me ka hikoko, komo aku la o Paulo i on a la, pule aku la, kau iho la i kona lima maluna on a, hoola aku la iaia. Oih. 28:8.

            Ko na lunakahiko kaulima ana. Ina he ma‘i ko kekahi o oukou, e kii aku oia i na lunakahiko o ka ekalesia, a e pule lakou maluna on a, me ka hamo ana iaia i ka aila ma ka inoa o ka Haku, a o ka pule a ka manaoio e hoola no ia i ka mea ma‘i, a na ka Haku e hoala mai iaia, a in a i hana hewa oia, e kalaia mai ia. Iak. 5:14-15.

            Hele aku la o Anania a komo aku la i ka hale, a kau aku la i kona mau lima maluna on a, i aku la. E Saulo, e ke kaikaina, ua hoouna mai nei ka Haku ia‘u, o Iesu, ka mea au i ike ai, ma ke ala au i hele mai ai, i ike oe, a i piha hoi i ka Uhane Hemolele. Oih. 9:17.

            Eia no na ouli kupanaha e pili pu aku i ka poe e manaoio mai ana Ia‘u: Ma ko‘u inoa lakou e mahiki aku ai i na daimonio, a e olelo no hoi lakou ma na olelo ano e. E ka‘ika‘i no lakou i na nahesa, a i na e inu lakou i ka mea make, aole lakou e poino ia mea; a e kau no lakou i ko lakou lima maluna o ka poe ma‘i, a e ola lakou. Mar. 16: 17-18.

            Aia no he manawa a na lunaolelo i hiki ole ai e hoola i ka poe ma‘i, a i hiki ole ai no hoi e kipaku i na daimonio, o ke kumu, no ka mailuilu loa o ka manaoio. Penei ka Mataio hoike: Ahiki ae la lakou i ka poe kanaka, hele mai la kekahi kanaka i on a la, kukuli iho la imua On a, i mai la: E ka Haku, e aloha mai oe i ka‘u keiki, no ka mea, ua loohia ia e ka ma‘i hina, ua eha loa, ua hina pinepine ia iloko o ke ahi, a iloko o ka wai. A lawe mai au iaia i Kau poe haumana, aole hoi e hiki ia lakou ke hoola iaia. Olelo mai la o Iesu. i mai la: E ka hanauna manaoio ole @me ka hewa, pehea hoi ka loihi o K@‘u hoomanawanui ana aku ia oukou@ @@@@e mai iaia ianei. Papa aku la o I@ u iaia, a puka aku la ke daimonio @@@ho on a, a ola iho la ua keiki la mai ia hora mai.

            Alaila hele ma-lu aku la na haumana I o Iesu la, ninau aku la: No keaha la i hiki ole ai ia makou ke mahiki aku iaia? I mai la o Iesu ia lakou, No ko oukou manaoio ole. He oiaio ka‘u e @@@@ aku nei ia oukou, in a he like ko oukou manaoio me kekahi hua makeke, a e olelo aku paha oukou i keia mauna, e nee aku oe i o a e nee aku no ia, aole mea hiki ole ia oukou. Mat. 17: 14-20.

            Aka, manao iho la au, he pono ke hoouna aku ia Epaperodito io oukou la, oia he hoahanau, he hoalawehana, a he kokoolua koa no‘u, a he elele no hoi na oukou, a he mea lawelawe no kuu hemahema.

HE HOHONO HULU PUAA WALE NO KA HOI KE KOOLAU.

            I ka oi aku no o Lae, aole he hale i nale i ke kalua puaa o keia Hapenuia, mai ka la okoa no ka a o ka imu o ka puaa no ka 1918 i pau, ame ko ka 1919 o ka hora 12 o ia po Poalua.

            I ke ahiahi okoa no i hoomaka mai ai na ohiki aumoana e eu, o ia hoi na kalapu himeni like ole. Hala aku ana noho hale i ke alanui, hookahi ke ka‘i hele pu ana, ka ua mea he puehu o ka hulu o ka manu, a oiai no hoi ua nui na hoolilo hapenula, he noonoo mai aua. nei ka lakou la o kou puehu, o ka lakou la ka lakou la e nana, a oiai, ua nui hewahewa na Kelema@ia pololi, a hune o keia kaua huliamahi.

            Nui ino mai nei hoi ka makika nana. hu i ke ao, nohea mai la? Noloko mai paha o ka maia, a i ole no ke ko mai no.

            Nui ka hu‘ihu‘i o ke kehau o keia mau po, peia no paha apuni, o ka mea moe hookahi ka mea aloha o ka oni wale paha ia e ki-kookoo ai, aia ka pono o ke ao ae, ko ke Koolau inau kuhinia Hapenuia.

            Ea, pili nakekeke maoli ka nane a ke Ehukai@

            Malia no ke Kalikimaka, pelu pu no me keia Makahiki Hou, o ka hu‘ihu‘i hoi ko ia nei.

            Eia mai o Joho Liilii ka nane o keia 1919, e ka Lunahooponopono, a nau hoi ia e kalena pono aku i kona nani, i holo ka hauoli apuni na moku, no akahi makahiki holo wale i ka nupepa, i makana na ka Koolau i ka mea koho pololei; e hoomaha hoi ka Ehukai, a na ke Koolau hoi keia, e oni ae i ka la o ka makemake, nona paha keia hooheno:

            Kuu ipo, kuu kama,

            Kuu milimili--e!

            He kama i hanauia i Tahiti ku, i Tahiti moe; i ka hanae ana o kuu kama e kapa mua ia kuu inoa o John Liilii, a nui a oo, a ulu kokea, a palalauhala, a haumakaiole, a ka ia i ko-ko, a kau ia ma ka paia, a owai au i  hanauia iluna o na laau@ Owai au i ka olelo a kanaka?

            Lewalewa o John Liilii, he laau ma kona elemu; he pohaku i kona opu; he nani oia ke nana ia aku; he uku ia oia i ke kenikeni, a owai ka inoa elua o kuu ipo, kuu kama! Kohoia i ka piko, ok@mukumu ao puaa o ke Koolau i Awalakaiehu i Kauwalepopai.

            Hene ke Koolau.

J. A. KAHIONA.

LILO KA HOKELE KEINE MA WAIKIKI I KE KUAIIA E KA ELKS.

            O kekahi o na hana kuai aina ano nui i hanaia maloko o Honolulu i ike ole ia no kekahi mau mahina lehulehu i hala oia ka mea i hanaia ma ke kaka hiaka Poaono aku la i hala ma o ke kuaiia ana e ka Ahahui Elks o Honolulu o kela apana aina o Cleghorn ma ke kapaaki o Waikiki nona ke kumu kuai he $30,000.

            O kela apana aina i lilo ae la ma ke kuai he hapa ia o ka hokele a Heine ma Waikiki, he 84 kapuai ka loa ma ke alanui Kalakaua a e holo ana mai ia alanui aku e i ke kapakai. No ka waiwai o A. S. Cleghorn keia apana aina o ka hapanni o kela hokele a Heine aia maluna o kela apana aina.

            No kekahi inau mahina lehulehu i hala aku nei ka hoomakaia ana o na kukakuka no ke kuai, a mai pau mua keia kuai i ka hanaia, no ka hala e ana o Jas. Jaeger i Amerika, kekahi o na kahuwaiwai o ka waiwai o Cleghorn, no ka mea aole oia i kakauinoa ia palapala. Ua make mai nei o Mr. Jaeger ma Kapalakiko a o ka Lunakauawai A. G. M. Robertson ka i hookohuia ae ma kona hakahaka.

            O ka hana a ka Ahahui Elks i manao ai elike me ia i hoolahaia ae, @ wawahiia ana ka hale kahiko a e kukuluia ae ana he hale nui nona na hoolilo aneane i ke $50,000 ma kona wahi he elua papahele ke kiekie, a e maheleheleia ana ka papahele malalo iloko o kekahi mau rumi lehulehu, a ma ka papahele elua he mau rumi halawai, he mau rumi hooluana, a maluna loa he rumi hulahula me ke kihapai maluna o kaupoku.

            No ka mea, he nui kona makemake ia oukou apau, ua kaumaha loa kona naau, i ko oukou lohe ana he ma‘i kona; a he ma‘i no kona ua kokoke e make, aka, ua aloha mai ke Akua iaia, aole iaia wale no, ia‘u no hoi, o loaa ia‘u ke kaumaha maluna o ke kaumaha. Pil. 2:25-27.

            O hookiekie paha au no ka nui o na mea i hoikeia mai, ua haawiia mai ia‘u he mea oioi ma kuu i‘o, he elele na Santana i ku‘i mai ia‘u, o hookiekie auanei au. No ia mea, ekolu a‘u noi ana aku i ka Haku, a haalele mai ia mea ia‘u. I mai la kela ia‘u: Ua lawa kuu lokomaikai nou, no ka mea, ma ka nawaliwali ka hoomaopopoia ana o Ko‘u mana. No ia hoi, e kaena aku au me ka oluolu i kuu nawaliwali, i kau mai ai ka mana o Kristo maluna iho o‘u. Nolaila, he oluolu au i ka nawaliwali ame ka hoinoia ame ka poino, ame ka hoomaauia, ame ka pilikia no Kristo, no ka mea i kuu nawaliwali ana, alaila ua ikaika au. 2 Kor. 12:7-10.

            Mai inu hou i ka wai maoli, he wahi waina uuku hoi kau e lawe ai i pono ai kou opu, a no kou nawaliwali pinepine ana. 1 Tim. 5:23.

            Ua noho no o Eraseto ma Korineto, a ua waiho aku au ia Teropimo ma Mileto e ma‘i ana. 2 Tim. 4:20.

JOHN M. MAHUKA.

Ianuari 5, 1919.

 

HE HOOMANAO ALOHA NO KA MAUA KEIKI

    E ka Lunahooponopono o ka Nupepa Kuokoa, Kilohana Pookela o ka Lahui Hawaii; Alohe oe a nui loa: -E oluolu mai oe i ka maua wahi puolo ukana e hooili aku nei maluna o kou hokua, ke loaa he wai rumi kaawale, a o ua rumi la, no ka maua wahi ukana e hooili aku nei, ke oluoluia mai hoi, a nau hoi ia ma kou ano he elele mama mai ka la hiki ma Kumukahi, a ka welona a ka la i ka ilikai o Lehua, i ike mai ai na kini makamaka o ka maua keiki aloha i haalele mai ia maia na makua iloko o ke kaumaha a luuluu, a hele kohana aku la i ke ala hoi ole mai i ke ala koʻikua a Kane, kahi o na mea apau e hele aku ai.

   Ma ka hora elua me ka hapa o ka Poaha, la 2 o Ianuari nei, i pauaho mai ai ka maua keiki aloha nui ia. Edw. Keaouli Stone, i keia ola honua ana, a waiho iho la i ke kino puanuanu koekoe kou na maua kona mau makua aloha e uwe paiauma aku ma keia aoao o ka lua kupapaʻu, me ke kumakena ana no ka aua leialoha i haalele mai, a hoi aku la kona uhane me ka Mea Nana ia i hana mai, a ko iho la ka olelo a ka Buke o na Buke, ma Kana kaula ame na lunaolelo la, i ka i ana mai: "He lepo oe, mai ka lepo mai no oe; he mahu ke ola o ke kanaka i pua ae a nalo aku."

Auwe, lihaliha wale, ke hoomanao ae no ka maua keiki jele loa

   Ua hanauia mai ka maua keiki aloha, mai ka puhaka mai o kona mau makua, Mrs. Alice Simeson ame Edw, Simeson, ma ke alanui Liliha, Kunawai, ma ka la 30 o Mei, 1901, a hookuu mai la i ka la ame ka hora i haiia ae nei maluna; nolaila ua piha iaia na makahiki he 17, he 7 mahina me 2 la o ke olaʻana ma keia ao inea i piha i na luuluu, a hoi, aku la ma ka poli o kona Makua aloha, o kali ana no ka pu hope a ke anela, no ka hoala ana mai ko na ilina.

   Ua hala mua kona mau makua, a oiai he elua laua me kona pokii aloha i haalele ia iho e ko laua makua ma keia ao, a kaa mai la ka malama ana ia laua, i ka mua o ko laua mama iaʻu a mare, a koe hookahi iho la kona pokii aloha me maua na makua, e u aku nona.

   Ua hooneauaoia ka maua keiki ma ka halekula o Liliuokalanu, a mahope o kona haalele ana i ke kula me ka pau pono ole o kona manawa hele kula, ua koi mai la oia ia maua e haalele i ke kula, a he makemake oia e hele i ke hana, ua hoole aku maua, aka ua nui kona paakiki, a ua hooko aku maua na makua i kana koi, me ko maua menemene nui nona, no ka mea he opiopio loa.

   Ua komo oia me kona hoahanau, kaʻu keiki hoi me kaʻu wahine mua, oia S. R. Stone Jr., e hana nei ma ke alahukimoku, a me ia oia i hana ai ahiki i kona pauaho ana mai la, he @@a kona maʻi, eha ma ke poo, anu ke kipo, mai ka uuku mai a hele loa i ka nui, ua nui ka imi ana no ke ola i ke kauka, o hanai ana i ka laau, e hoopuloʻuloʻu ana, e haawi ana i ka huaalo, aka, he mea ole na hooikaika aoa, a no ka mea, he mea iʻo ke Akua ka Mea Nana i haawi mai.

  Ua hala, ua nalo na maka no ka wa mau loa. O ka mana keiki aloha, aia me ia ke akahai, ka oluolu ame ke aloha ia maua kona mau makua ame kona pokii aloha.

   Ma ke ahiahi o ka la i haule ai oia, ua hoihoiia aku kona kino lepo no kahi o Mr. Williams, a ma ka poaono, la 4.  hora 3 ame ka hapa i laweia aku ai kona kino lepo ma ka ilina o Kawaiahao, a uhi iho la ka lepo maluna o ka lepo.

   Nolaila, o maua na makua ame kona pokii, i haaleleia iho ma keia ao, ke haawi aku nei makou i na hoomaikai he nui, no ka poe apau i haawi makana aloha mai, no ke kino lepo o ka mau keiki aloha, o ia hoi na keiki hana o ke alahukimoku, no ka lawe ana i ka hapa o na hoolilo ma ko lakou aoao.  Me oukou ko maua aloha nui, a na ka Haku ka Makua ma ka lani e kokua mai ia oukou, ma kekahi mau mea mailuna mai; a pela maua e hawi aku nei i na hoomakiai he nui i ka maua keiki aloha, S. R. Stone Jr., no kau mau kokua aloha maluna o ke kino lepo o kou hoahanau i haalele mai ia kakou; a pela pu maua e haawi nei i na hoomakai he nui, maluna o ka poe i lawe mai i ka lakou mau bo-ke pua, a lu iho maluna o ke kino lepo o ka maua keiki aloha.

   Ke haawi pu aku nei maua i ko maua aloha a nui i ka poe apau i hele mai e kumakena pu i ke kino lepo o ka maua keiki aloha, iloko o na hora pokole e waiho ana ma ko maua home, ma Palolo nai, na makamaka o keia aina o ka noho ana, oiai maua iloko o ke kaumaha.

   E ka ua lililehua o Palolo e, ua pau kau hoopulu ana i na papalina aloha o ka maua keiki; e ka huikaulua o ke kaona, ua pau kona huikau pu ana aku me oe; a e ka alanui Liliha, kahu hoi i hoopuka ia mai ai o ka maua leialoha i keia ao malamalama, nou keia kanaenae aloha.  Aole oia e maalo hou iho ana maluna o kou mau luhiehu, kahi hoi a ka maua leialoha i holoholo ai i kona mau la opio; ua pau, ua nalo, ua huna na maka i ke aouli o Ed, Keaouli Stone no ka xwa mau loa.

   Ke nonoi a ke pula nei maia i ke Akua, ka makua mana loa, e hoomama mai i ko maua mau kaumaha, ma Kona inoa, a Nana no auanei e hoomaha mai i ko maua mau luuluu, ma ka inoa o ka

 

HE MAKANA LARISIMAKA.

   Ka Hanohano - Ka hopena - "Heaha kau eʻ imi nei!" wahi a ka Emepera Alekanekero ka Nui ia Dioneges, kekahi o na loea o Helena ia laua i halawai ai ma kekai wahi pupupu hale o ka poe lawaiʻa.

   "E imi ana au i na iwi o kou makuakane, a i na iwi pu hoi o kaʻu mau kauwa, ua loaaa lakou apau iaʻu, eia nae, aole e hiki iaʻa ke hookaawale ae i na iwi o ko makuakane mai na iwi ae o kaʻu mau kauwa; oiai, he like wale no lakou."

  Pela no.  Ma eia ao ke kiekie ana o ia mea he hanohano; a ma kahi o na heaua ke waiho nei ia mea he hanohano iloko o na iwi i hala ka alohi ana o ko lakou nani.

   Ka Hanohano-I haaleleia-O Damokelasa, ka punahele o ke aloalii o ka Empera Daionesiasa o Sirakiuse, ka mea a ua empera la i hapai ae ai a hookau aku iaia me ka hoonuʻanuʻa ana aku me na hanohano he nui; ma kekahi o na la o ke kupulau, ua kauoha aku ka Empera iaia e hookeai no na la he iwakalua, i mohai lahui i na akua o na meaulu, i laupaʻi ai ka aina me na huaai o kela ame keia ano.

   No keia kauoha a ka Emepera ua lilo ia i mea no ua Damokelasa la e inaina loa ai a haalele iho la oia i ke aloalii ame na hanohano he nui, a hoi aku la a noho ma ke kulana makaainana ma na kuahiwi.

   Pela no.  Me ka pailaniia me na pono he nui, e noho hauoli ana, a no kekahi wahi kumu hookahi wale no, ua mokuahana mai la ke keiki i ka makua, ka wahine i ke kane, a pela aku, a hoohehelo aku la iloko o na hihipeʻa o ko keia ao noho huikau ana.  Me ka hoollilo ana i ka hauoli i home e noho mau ai ka auwe ana.

Ka Manaolana--Ka Lanakila-- Me he heleuma la iloko o ke kai no ka palekana o ka moku mai na ale heleuluulu mai o ka moana e poʻi ana, pela no ka manaolana o na haipule me ua maka e kau mau ana no Iesu ka Hoola.

   Ma On a la ka palekana mai na ino ae, oiai, na la o ko keia ola honua ana.

   Ka Manaolana&Kristiano-- Na kekahi maī fiva ikaika i o-u koke ae i ke ola o ke keikikane hiapo a ke Duke o Hamilitona.  Mamua o kona make ana, ua lalau iho la oia i kana Baibala me ka wehe a heluhelu ana i keia mau huaolelo:  " Ua hooili iho nei au i ka hooilikaua maikai.  Ua nau kaʻu hana me ka manaolana pu.  Nolaila hoi, eia he lei alii mau loa a kuu Haku ka Lunakanawai Nui e haawi mai ai iaʻu ma ka la nui hope loa.  Aole noʻu wale no aka no ka poe apau i aloha Iaia."

   Me keia mau olelo i heluheluia eia, ua kahea aku la oia i kona pokii, a pane aku la oia: "E kuu pokii Dougalasa, he minuke koe o kou lilo no ia i Duke ma koʻu wahi; a lilo hoi au he Moi me kuu Haku kuu Iesu aloha."

   O keia iho la ka hopena o na Kristiano oiaio.  He koa, he wiwoole, a he makaukau mau e waiho iho i ko keia ao no ka mea aloha Iesu.

   Ka Manaolana--Kona mau mahele--

He elua mau mahele nui loa i pili i keia moa he manaolana.  Ka mua, ua pili i ka poe e manao nui wale ana no i na pono o keia noho honuea ana; a ma keia ola wale ana no ko lakou imi ana me ka ikaika, oiai lakou e ola ana; a no lakou keia mau olelo "Dum spiro spero,"  (While i brether, I hope); o koʻu manaolana aia no ia ma kuu ola ana.

   Aka, o ka mahele hope ua pili aku ia i ka poe i hoolaa ia lakou no Iesu ma ka hana ana ma keia ao i na hana no ka uku lani maluna; a pau na la o ka noho malihini ana ma keia mau kapakai alaila, kau aku na maka no Ierusalema nani kauhale o ke Alii Nui; Iaia ka lau-pama mae ole, ka lau pama oia mau; e ola ana ia ao aku ia ao aku, amene.

   No ia põe la key mau olelo, "Dum expire spree," (whilst I expire, I hope:' a hala ae na la, hoes mai kuu manaolana.

   Ka Manaolana--Me ka manaoio---E

hipuu ia laua elike me ke ku ana o na puu-mahoe, alaila e ike no auanei oe ia laua e kulou ana imua o ke awawa hue nui o ke aloha.  Mai ka puhaka hookahi laua i oili mai ai, a ke hana like nai laua me ke aloha o kekahi i kekahi.  O ka manaoio, o ia no ka hookipa ana mai i ka mea i manaolanaia; o ka manaola na hoi nana e sila iho i ka hopena o ka ea i manaoioia.

   Na ka manaoio e hai aku i ka uhane, "Ke ike nei au i ka lani ua hamama, a i ka Hoola e noho ana me Kona nani apau."  Na ka manaolana hoi e halihali aku i ua uhane la no ia wahi nani me keia mau olelo:  "Ina kaua noluna me iesu ka Haku, ma Kona aupuni o kaua pu no ilaila."  Ma ka loha i ku penuia me ka hana i oili ae ai ka manaoio.  Ma ka hoomau ana ma ua hana la i Hanaia mai ai ka manaolana.

   Ke apono mau nei ka manaoio i ka olelo o ka olelo; a o ka manaolana hoi me ke sila e hooia ana i ka oiaio o ka hana a ka olelo i kauoha ai ma o ka manaoio la.  Ke paio mau nei ka manaoio no ka pono o ka hana; a o ka manaolana hoi ke alualu mau nei noʻ ka uku o ka hana i hana pono ia.

   Ma na olelo oka Barbala i hoohua ae i ka manaoio: a no na pono lani i hekau mau ai ka manaolana ana.

 

HOOMAKAUKAU NO MUA AKU NEI

   E hoao e Hoomakaulii Ano--- E Malama i ke Dala e wehe i Buke Banako H@ahu me ke

CHINESE-AMERICAN BANK

            A NANA AKU I KA ULU O KAU DALA

NE PAHU DALA

ao ka Hoolimalima

 

$1.00 no ka Wehe

Ana i ka Hoaha

 

Kihi o ke Alanui

Moi me Nuuanu

 

Kela Laau Kamahao

B.B.C.

I Apononoia e na Kauka Kaulana he nui ame na Kanaka iloko o na oihana a ka lehulehu.

   He @oina akeakamai.  i kaawale mai na waiawa minerala mai.  He mea oa o hoohuihuiia o na Meaulu Laau Lapaau e hana pu ana me ke Akua, hoomaemae a hooikaika i ka mikini holookoa oloko o ke kino: e kiola ana I ka nawaliwali ame ka maʻi, e hoolilo ana iaia i mea hulili me ka mimo ame kamana o na aalolo.  Nana e hoomaemae i ke koko-hoola i ka Opu.  ke Akepaa. ka Puupaa ame ka Puumimi.  He Laau Hoonaha maikai me ke hohemo i ke ko-e.

   O ka B.B.C. ka me nana e hoopiha mai i ke kino me ikaika w@kani o ke ola kino ame ka ikaika o na la opio.  Ua hoopomaikala ka poe nawaliwali.  nananakea. emi pu me ka haalulu.  mahope o ka hoao ana he mau pula kakaikahi wale no.

   O ka B.B.C. ka Laau maikai loa ma ke ao nei.

   KUAILA MA NA WAHI APAC.

Keena o ka B.B.C., 161 Alanui Moi Honolulu, Hawaii

E HOALA HOU IA KE KALAPU REPUBALIKA

            Ua nonoiia mai au e kekahi mau mea mahaloia e hoala hou ia ke Kalapu Repubalika, Mahele Eono, Apana Elima, o Waiane nei, mai kona hiamoe ana he hookahi makahiki me ekolu mahina.

            Nolaila, o ka poaoao hope o keia mahina, hora 7:30 p.m, ma ka hale hoo holojolo no ia.

   Ke noiia aku nei ka poe apau o keia kaʻapu i kuleana mua ame ka poe e makemake ana e komo mai, ame na nika e kiei mai ana mawaho o ka pa, hui pu mai a naue like!

                        H. P. K. MALULANI,

                                                Peresidens.

   Ianuari 6, 1919.

 

HOIKE NO KA HOOLOLI I KA INOA

                        Ma keia ke hoike aku nei ka

            HAWAIIAN GAZETTE CO., LTD.

 

mahope aku a ma ka la mua o Ianuari, 1919, e hoololiia ana

            ka inoa o ka Hui i oleloia i ka

   ADVERTISER PUBLISHING COMPANY,

             LIMITED.,

 He o ia mau no ka oihana a ka Hui ma ke ano he Poe paʻi Hoopuka, Humu Buke. Paʻikii me kahakii a Hana Kuni

   Hoouna mai i na hookaa dala apau ame na hoolaha ma ka inoa o ka hui i oleloia, Helu 217 S. Kings St. Honolulu, Hawaii.

HOONANA KA PIKO'PAU IOLE

   Ma ka home o Mrs Wi@ E Bell, mawaho ae nei o Kaimuki, ma ka hora ehiku o ka po Poalua aku la i hala, i komow aku ai he Pilipino aihue me ka lilo ana mai o na dala a Mrs. Bell iaia, a nalowale aku la iloko o ka pouli, mahope iho o ke ki ana aku o Mrs. Bell i kana pu panapana.

q