Ka Nupepa Kuokoa, Volume LVII, Number 3, 17 January 1919 — HOOKAPUIA NA HANA MOKOMOKO MA NA PAPU APAU. [ARTICLE]

HOOKAPUIA NA HANA MOKOMOKO MA NA PAPU APAU.

Ma ka Poaono aku la i hala i hoikeia aku ai e 'ka Loio Apana Amei-ika i na aliikoa o na papu o na hana mokomoko hookuku i hoolahaia ae no ka malamaia maloko o na papu o. ka oihana koa, ma kahi e kauia ai lie uku komo no ka i'ke ana ia mau lealea a he mau makana hoi ke jhaawiia ana i ka mea e eo ai he hana ku-e kanawai ia, a e pono e hoopauia'. Ua hoikeia aku keia manao o ka Loio Apana Amenka i ka Mekia Edward \Vitsell, a mai iaia aku a i na aliikoa kiekie na laikou e hoomalu ana i na papu, ma ke kakahlaka o ka Poaono aku la i hala, o na lealea hookuku inokomoko apau i hoomakaukauia, o ka oi aku oia ka mea i hoolahaia ma ke akea, e pono e hoopau ia. Ma keia hookapu ana aku la a ka loio Amerika aole oia i manao e hoopauia ia hana hooikai'ka kino mawaena o na koa, aka ma kahi o ke kanawai i iku-e ia ai oia hoi ka hoolahaia ana ae ma- ke akea e malamaia ana na hana hookuku mokomoko ma ke>kahi manawa ame ka uku komo e hiki ai e ikeia ia hana a e haawiia ana he mau makana i na moho e eo ai, ua lilo ia he hana ku-e kanawai, a e pono e hoopauia. Mamuli o keia hoaikaka a ka Loio Amerika ua lo'aa koke ka ike i na aliikoa kiekie o ka oihana koa, he hana ku-e kanawai maopopo i'o no ia, nolaila, ua hoopukaia a-ku >ke kauoha i na aliikoa kiekie o na Pakoa o Leilehua, •kahi nana ka hoolāha i hoopukaia no ka malamaia aku o na hana mokomoko, a pela me na uku komo ame na makana e haawiia ana ina moho e eo ai o ka mokomoko.

Ua hoomaopopo ka.oihana kaua i ka waiwai o keia ano lealea maikai a maemae, he ike waiwai nui no ka mea e loaa ana o ia ike, he mea hoopakelei iaia iho, aka .nae, i ka manawa e lilo ai ia i hana huli loaa, a e haawi pu ia ana hoi ho mau makana ma ke dala a ma 'kekahi mau mea e ae paha, .a ua hoolahaia ae ia mea ma ke akea, ua ku-eia | ke kanawai. Mamuli o ia kumu i kau i leo mua aku ai ka loio apana Amerika mai hana lakou a oi aku mamua o na palena a ke kanawai i hoakaka ai.