Ka Nupepa Kuokoa, Volume LVII, Number 3, 17 January 1919 — WEHEIA KA PAKA O KALIHIKAI MA KA AUWINALA SABATI NEI. [ARTICLE]

WEHEIA KA PAKA O KALIHIKAI MA KA AUWINALA SABATI NEI.

Ma ka auwina la Sabati iho nei i weheia ai ka Paka o Kalihikai mahope 0 ka hoolaaia ana no na hana a ka lehulehu, he mau hana e ae kekahi i lawelaweia ma ia la a ua hoopukaia mai he mau kono i ka lehulehu e akoakoa aku malaila ma ia .manawā? Na ke" Community Welfare Club o Kalihikai i hoala ae i kela hana, he kalapu i kukuluia ae ma 'ka la 1 o Sepateinaba, 1917, a ma ia manawa mai ke ku ana o ia 4 kalapu. O na lunanui o ia kalapu i ke'*a manawa e ku nei, oia o F. V. Benevedes, peresidenaj Wm. K. Hutchinson, hope peresi(lena; M. P. Matt.os, puuku, P. J. Gomes, kakauolelo, a o A. V. Gil, M. de Mello ame E. T. Gilsey, na kahuwaiwai. Aia kela paka ma 'ke alanui Moiwahine mahope aku o ka halekula o Kalihikai. Malaila aku ka bana Hawaii'ma ia auwina la, a he mau lealea me na hana ae kekahi i malamaia malaila ma ia manawa. He mau mea kuai kekahi i hoomakaukauia o na loaa.apau 1 loaa mai e hooliloia aku ana no ke kukulu ana ae i hale halawai no ia kalapu ma keia hope aku, no ka pomaikai o na opio maloko o ia apana.