Ka Nupepa Kuokoa, Volume LVII, Number 3, 17 January 1919 — HE MAKANA KARISIMAKA. [ARTICLE]

HE MAKANA KARISIMAKA.

Ka Hanohuio—Ka Hop«n»—"Heaha kau e imi nei?" wahi a ka Emepera Alekariekero 'ka Nui ia Dioneges, kekahl! o na loea o Helena ia laua i halawai ai ma kekai wahi pupupu hale o ka poe lawai 'a. "E imi ana au i na iwi o kou niakuakane, a i na iwi pu hoi o ka'u mau kauwa, ua Joaa lakou apau ia'u, eia nae, aole e hiki ia'u ke ae i nn iwi o ko makua'kane mai na iwi ae ol ka'u mau kauwa; oiai, he like wale no | lakou." | Pela no. Ma keia ao ke kiekie ana o | ia mea he hanohano; a ma kahi o na j heaua ke waiho nei ia mea he hanohano iloko o na iwi i hala ka alohi ana o ko lakou nani. Ka Hanohano—I haalelela—o Damokelaaa, ka punahele o ke aloalii o ka Emepera Daionesiasa o Sirakiusa, ka mea a ua emepcra la i hapai ae ai a hookau aku iaia me ka hoonu'anu'a ana aku me na hanohano he nui; nia kekahi | o na la o ke kupulau, ua }iauoha aku ka Emepera iaia e hookeai no na la he iwakalua, i mohai lahui i na akua o na meaulu, i laupa'i ai ka aina me na huaai o kela ame keia ano. No keia kauoha a ka Emepera ua lil 0 ia i mea no ua Damokelasa la e inaina loa ai a haalele iho la oia i ke aloalii ame na hanohano he nui, a hoi aku !a a noho ma ke kulana makaainana ina na kuahiwi. Pela no. Me ka pailaniia me na pono he nui, e noho hauoli ana, a no kekahi j wahi kumu hookahi wale no, ua mokuahana mai la ke keiki i ka makua, ka wahine i 'ke kane, a pela aku, a hoohe-1 helo aku la iloko o na hihipe'a o ko ' keia ao noho huikau ana. Me ka hoolilo ana i ka hauoli i home e noho inan | ai ka auwe ana. | Ka Manaolana—Ka Lanaklla— Me he heleuma la iloko o ke kai no ka palekana o ka moku mai na ale heleuluulu j mai o ka moana e po'i ana, pela no ka manaolana o na haipule me na maka e kau mau ana no Iesu ka Hoola. I Ma Ona la ka palekana mai na ino ae, oiai, na la o ko ke\a ola honua ana. ■Ka Manaolana&Kristiano—Na kekahi ma'i fiva ikaika i o-u koke ae i ke ola o ke keikikane hiapo a ke Duke o Hamilitona. Mamua o kona make ana, ua lalau iho la oia i kana Baibala me ka wehe a heluhelu ana i keia mau huaolelo: "Ua hooili iho nei au i ka hooilikaua maikai. Ua pau ka 'u hana mn •ka manaolana pu. Nolaila hoi, eia he lei alii mau loa a kuu Haku ka Luuakanawai Nui e haawi mai ai ia'u ma ka la nui hope loa. Aole uo'u wale no aka no ka poe apau i aloha Iaia." • Me keia mau olelo i heluheluia eia, ua kahea aku la oia i kona pokii, a pane aku la oia: kuu pokii Dougalasa, he minuke koe o kou lilo no ia i Duke ma ko'u wahi; a lilo hoi au he Moi me kuu Haku kuu Ieau aloha." O keia iho la 'ka hopena o na Kristiano oiaio. He koa, he wiwoole, a he makaukau mau e waiho iho i ko keia ao no ka mea aloha no Iesu. Ka Manaolana—Kona mau mahele— He elun nian mahele nui loa i pili i keia mea he manaolana. Ka nma, ua pili i ka poe e manao nui wale ana no i na pono o keia noho honua ana; a ma keia ola wale ana no ko lakou iini ana me ka ikaika, oiai lakou e ola ana; a no lakou keia mau olelo "Dum spiro spero," (while I brethe, I hope); o ko'u manaolana aia no ia ma kuu ola ana. -■

Aka, o ka m'ahele hope ua pili alui ia. i poe i hoolaa ia lakou no Tesu ma ka hana ana ma keia ao i na hana no ka uku lani maluna; a pau na la o ka noho inalihini ana ma keia mau kapakai alaila, kau aku na maka no lerusālema nani kauhale o ke Alii Nui; laia ka lau-pama mae ole, ka lau pama oia mau; e ola. ana ia ao aku ia ao aku, amene. No ia poe la 'keia mau olelo, "Dum expiro spcro," (whilst T expire, I hope),a hala ae na la, hoea mai kuu manaolana. Ka Manaolana—Me ka manaoio—E hipuu ia laua elike me ke ku ana o na puu-jnahoe, alaila e ike no auanoi oe ia laua e kulou ana imua o ke awawa hua nui oke aloha. Mai ka puhaka hookahi laua i oili mai ai, a ke hana like nei laua me ke aloha o kekaju' i kekahi. O ka manaoio, o ia no ka hookipa anā mai ika mea i manaolanaia; ka manaolana hoi nana e sila iho i ka hopena o ka mea i manaoy>ia. Na ka manaoio e hai aku i ka uhane, "Ke ike nei au i ka lani ua hamama, a i ka Hoola e noho ana me Kona nani apau." Na ka manaolana hoi e halihali aku i ua uhane la no ia wahi nani me keia mau olelo: "Ina kaua noluna me lesu ka Haku, ina Kona aupuni o kaua pu no ilaila." Ma ka lohe i kupenuia me ka hana i oili ae ai kft manaoio. Ma ka hoomau ana ma ua hana la i hanauia mai ai ka manaolana. Ke apono mau nei ka manaoio i ka oi#io o ka olelo; a o 'ka manaolana hoi me ke sila e hooia ana i ka oiaio o ka hana a ka olelo i kauoha ai ma o ka manaoio la. Ke paio mau nei ka manaoio no ka pono o ka hana; a o ka manaolana hoi ke alualu mau nei no 'ka uku o ka hana i hana pono ia. Ma na olelo o ka Bai'bala i hoohua ae i ka manaoio; a no na pono lani i hekau mau ai ka manaolana ana.