Ka Nupepa Kuokoa, Volume LVII, Number 4, 24 January 1919 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no

Magureta

a‘i ole

Iloko o na Wiliau a ke Aloha. He Moolelo i

Piha me na Haawina o ka Ehaeha.

 

            Aia iwaenakonu o kela keena, e ana he pakaukau. i hanaia me na pohaku momi, uahaliiia hoi ka papahele me na moena veleveka nani o na waihooluu like ole, a e a ana hoi kekahi ipukukui nuie ahuwale ai na mea apau ke nana aku, aia hoi he mau noho paipai, me kekahi manawa.

            Ma ka puka e hamama mai ana, ua hiki loa ia Noela Kauwila, ke ike aku i na pahu o na meakanu uliuli e waiho mai ana mawaho o ka lanai, a mawahoaku hoi, mahalo o kekahi lanai, e pipii ana, he wai mapuna, nona na kilihune wai, e pipi ʻ o ana iluna o ka lau o na meakanu.

            Oiai no o Noela e au hele ana ka nana ana a kona mau maka. mawaho o ka lanai loihi, ike aku la oia i ke ku‘eku ʻ e lima o kekahi mea, e kalele ana maluna o ka paehumu o ka lanai, me ka palulu ana hoi o ka poholima i na maka, a ma kekahi lima, e paa ana he peahi silika a e lewalewa ana hoi ma ka aoao.

            Me ka puuwai e pana kapalili ana, hoomaopop koke aku la ua o Noela, o ka mea nona ke kino a kona mau maka e ike aku la o Magureta i kahi e, o ke kua ke huli pono mai la ia Noela, ma ka lole nae, i kiki loa ai i ua kanaka opio nei ke ike aku, aole kela he wahine e ae, aka o ke kaikamahine no a ke kahunapule, ka wahine hoi a Kanani i hoohuoi ai, aia kekahi mea ano nui i pili i kana kane ame Magureta.

            Me na kaina wawae malie, i hele aku ai o Noela a ku iho la ma ka aoao o Magureta, a pane iho la me ka leo uuku e lohe ole ia mai ai e kekahi poe e aku, koe wale no ka mea ana e kamailio aku nei.

            "E Magureta, e aha ana oe maanei?" wahi ana, me kona ike koke ana aku nae i ka piwa ana ae o Magureta i ka wa i lohe mai ai i kona leo, aole nae he wahi mea a aea mai kona poo iluna, a i ole, hoololi ae paha i kona ano e ku ana.

            Aole e hiki la Noela ke hoomaopop aku i ke kumu o kela aea ole mai o ke poo o Magureta iluna, no ka makemake ole paha e nana hou mai iaia, a i ole no ka hoao ana paha e hoomaalili i kona mau noonoo makai ole mamua, o ka nana ana mai iaia nei a o ia ka ua o Noela Kauwila, o ka pane hou ana aku.

            "E aha ana oe e Magarita maanei nei?" me kela leo malie no, ke ano o ka mea i piha me na manao hophopo, o lohe mai auanei kekahi poe i kona leo.

            No keia kahea palua ana aku a Noela, akahi no o Magureta a aea ae iluna a nana mai la hoi ia Noela, aka nae ma kona mau maka, he o ia no na ano a Noela e ike aku la, o ia no oe o ke ano na maka, o ka poe i loohia i ka pupule, ka mea hoi nana i hoopii mai i ka maku‘u iloko o Noela, elike me kela ano ana i hoomaopopo iho ai iaia, maloko o ke keena hookipa.

            "Heaha kau i makemake ai ia‘u?" wahi a ua o Marguetta o ka ninau ana mai, i ka hana a Noela o ka hoea ana aku ma kela wahi.

            "Ma kela manawa hoi a kaua i halawai hope loa ai, aole penei iho la ke ano o kau ike ana mai ia‘a," i pane aku ai o Noela me ka leo haaulu.

            "Ke kamailio mai nei oe ia‘u no kela la hope a kaua i hui ai, heaha kou manao no ia mea?" me ka hoopinana ana ae o Magureta i kona mau lehelehe iluna.

            "Aole no ia la ko‘u manao, ua puka hewa aku nei ia‘u, e kala mai oe e Magureta," wahi a Noela Kauwila, me kona ike maoli ih ono i ka nui o kona hewa: a ua piha hoi me ka hilahila, a hoolalau hou ae la i ke ano o kana mea e kamailio aku ai:

            "E Magureta, pehea la oe i hoea ae ai maloko o ka halepulema kela kakahiaka, a ku ae maiwaena mai o anaina o ka poe makaikai, me he anela la e hookau mai ana i na ahewa ana maluna o‘u?"

            "Ke ninau mai nei oe ia‘u i ke kumu o ko‘u hele ana aku noloko o ka halepule, aole ia no kekahi kumu e ae aka no ka ike ana aku no ia ia oe e mare aku ana i ka mea au i koho ai he wahine nau."

            "Heaha ka waiwai âme ka pomaikai e loaa ana ia oe ma ia mea? Nokeaha kou mea i hookaawale ole ai ia oe iho, no ka hoopakele ana ia‘u, a ia oe pu, mai kekahi haawina kaumaha mai?" alaila naka ae la ke kino o Noela me ka haalulu, no kona hoomanao ana mai, i ke ano e maoli o kona kino, i ka wa i ike aku ai ia Magureta i ke ku ana mai, oiai oia e kuikuilima pu ana me Kanani mailoko aku o ka halepule, mal@ope o ko laua mareia ana.

            "O oe kau e olelo iho i kou laki, aole au i ku aku, i ka manawa a ke kahunapule i ninau mai ai, in a he mea kekahi iwaena o kela anaina, i ike i ke kumu e kupono ole ai olua e hooliloa i hookahi? Ua noho hamau loa au in a no ka owaka o kuu waha, ma kela la, he kanaka hilahila loa oe, a he akua lapu hoi, no ka wahine au i mare ai. Heaha auanei ko‘u kumu e hele ole aku ai ma kela la: no ka mea @ia ake loa au e ike i ke ano o ka wahine au i lawe mai ai ma ko‘u makalua."

            "Ua hehena ia anei oe e Magureta, i hoopuka mai ai oe i na olelo o keia ano? Mai hooili aku i kau mau ahewa ana maluna o Kanani, ka mea a‘u i lawe mai ai i wahine marie na‘u, aole loa he wahi kiko eleele i kau aku maluna on a, ua like pu kona maemae elike me kekahi bebe hanau hou."

            "Aole loa a‘u mau ahewa wale ana maluna o ko wahine, aole oia i hana hewa mai ia‘u."

            "Alaila e hooili mai ana anei oe i na hoahewa ana maluna o‘u e Magureta?"

            "O oe ponoi no ka mea nana e pane i kena ninau me ka oiaio loa; ua ike kou lunaikehala i na mea apau: aohe a@ ui ana mai, owao ka mea nana e hoakaka aku i ka mea oiaio." wahi a Magureta me ka leo kuoo.

            Aohe wai mea a owaka iki aku o ko Noela waha, ua punukuia aku ia i paa, no ka mea ua loaa pono oia ia Magureta.

            He oiaio, i na la a Noela Kauwila, w hoohala ana ma ke kulanakauhale ana i halawai mua loa ai me Magureta, ua lilo maoli kela kaikamahine i ipo aloha na Noela Kauwila ua nana mai hoi o Magureta maluna o keia kanaka, me he niea la, o na pana ana a kona puuwai, no Noela wale no ia. Ke lohe mai oia i na kaina waewae o Noela Kauwila, e hehi aku ana maluna o ka papahele o kona home, ua oni kapalili ae la kona puuwai, a ke lohe aku hoi i kona leo, ua puapua‘i koke mai ka ula ohelohelo ma kona mau papalina, a ma na olelo apau e puka aku ana mai ka waha mai o keia kanaka opio, malaila wale mai no o Magureta e hooko ai.

            Ua hala aku nae ia mau la, o kela mana ume iloko o Noela Kauwila, a Magureta e hooko mai ai elike me kona mau makemake, ua hala aku ia, a ua nohoalii i ho kuoo ame ka uahoa mahina o ua kaikamahine nei, ka mea hoi nana i hookahaha loa aku i Noela.

            Ke ku malie la no o Magureta, me ka huli papu ana mai imua o ke kanaka ana i kapa mai ai i ka epa ame ke kolohe, he mea kau la a imo iho kona mau maka, a i ole hoopepe iho paha kona ano, aole loa, o ke ano o kana nana ana mai, ua lawa ia no ka hoopii ana i ka lia maeele iloko o ke kino holookoa, o keia kanaka hohewale.

            "He ku maoli no kau mau e Magureta i ka lokoino ia‘u." wahi a Noela o ka hoao ana aku e hoolalau i ke kamailio ana. "Ua maopopo anei ia oe. i ko‘u wa i ike aku ai i kou ku ana ae iluna, maloko o ka luakini, ua aneane loa au e hina iho iluna o ka papahele a maule?"

            "Ina oe i hina iluna o ka papahele a make, he oi loa aku a o ka pono, aole nou wale iho no, aka no ka mea au i lawe mai ai i wahine nau, a i hookau aku ai i kau mau hana o ke aloha ole maluna on a, ka hana au e alako aku ana iaia @loko o ka poino." wahi a Magureta, me ka hopohopo ole iho o kana mau olelo.

            "O e na lani! He keu kena o na olelo ku i ka lokoino! Heaha kou manao maoli ma kena mea au e kamailio mai nei?" wahi a Noela, me ka hele o na maka a kunahihi.

            I pane ma ko Magureta aoao, haka pono loa mai la kana nana ana maluna o Noela no kekahi manawa alaila poha mai la kona leo kuoo, ma ka pane ana mai: "I ka manawa e hooko maoli ai kekahi kanaka i ka hewa elike me kaue Noela i hana ai he hana hiki ole iaia ka hooki ana i kela ano hana a huli ae ma ke alahele o ka pono ame ka pololei aka e iho mau aku ana oia ilalo e hoohui ana i ka hoopunipuni me ke aloha ole e hooko ana i ka hana karaima me ka hana ku i ka hoohaahaa ua like pu oia me kekahi kanaka e kau ana maluna o ka amana likanaka---ua nele oia me ka mana, e hooki ai i kana mau hana ino malaila auanei oia e luma‘iia aku ai e kana mau hana ponoi iho!"

            "He kaula wahine anei o Miss Anola, i wanana e ma ai oe i ko‘u hopena?" wahi a Noela me ka imi wale ana ma no i wahi e hookanaahoia ae ai kona mau manao maikai ole.

 

MOKUNA VII.

 

            "Manao au, aole loa he kupono iki o kena mau olelo au e hooili wale mai nei no i na ahewa ana maluna o‘u e Magureta." i pane hou mai ai o Noela, mahope o kono noho hamau ana nokekahi mau minuke. "Pehea, e ae ana no ane oee huikala mai ia‘u?"

            Aole loa he huikala e loaa ia oe mai ia‘u aku," i pane pokole aku ai o Magureta, me kela leo kuoo mau no ona.

            "Ina o kau pane iho la kena e Magureta ea alaila ua ku-e aku oe i ka mea a kou makuakane kahunapule i a‘o mai ai. E Magureta, ua poina paha oe i kela pule a ko kakou Haku: 'E kala mai i ka makou lawehala ana, me makou e huikala aku nei i ka poe i lawehala ana, me makou e huikala aku nei i ka poe i lawehala mai i ka makou.'"

            "Aole he hewa i pili mai ia‘u ma kekahi ano, no ka mea ua hoopoina aku au i ka pule ana i keia manawa."

            "Ke hoomanao nei au iloko o na mahina elua a‘u i hookamaaina ai ia oe, aole he mea oi aku o ka manaoio i ka pule ame ke Akua, o oe hookahi wale no e Magureta."

            "He manawa okoa ia a he manawa okoa loa keia, o ka oiaio, ua pau loa ko‘u manaoio ana i ke Akua a oki loa aku hoi i ke kanaka."

            Ke nana mai la o Noela Kauwila maluna o Magureta me ke kahaha loa me ka piha pu hoi me ka weliweli a ala mai la kekahi manao iloko on a malia e hoea mai ana i ka pupule ana o keia kaikamahine ma o ke olalau o kona noonoo.

            Ma keel manawa hope loa ana i haalele aku ai ia Magureta oia ke kaikamahine piha olioli piha i ka oiaio ame ka oluolu, e loaa ole ai kona lua ke hoohalikelike ae. I ka poe apau e hoea aku ana imua on am me ka nana ole i ko lakou kulana, in a paha he kiekie a he haahaa ua like lakou apau iaia he kaikamahine e malama loa ana i ka ihiihi ame ka laahia o ka hoomana ana i ke Akua, a ua alohaia hoi e na mea apau, i keia manawa nae, ua kaawale aku ia mau ano apau mai iaia aku.

            O ka hu‘ihu‘i o ka hau, o ke a‘ia‘i o ka pepa, aohe lilo i keia kaikamahine i keia manawa aia ke kuoo ame ka uahoa maluna ona a ke nana aku la hoi kona mau maka, me ka imo ole, a hoike aku iaia, ua pau kona manaoio ana i ke Akua ame ke kanaka.

            Ua hoopilikia maoli ia aku ka noonoo o Noela Kauwila, ke kono okoa ae la kona lunaikehala, aole he kumu e ae, o ka lilo loa o na ano o Magureta, aka, oia ponoi no ia, ka mea nana i hoopilikia aku, a i hoopoino hoi i ke ola ana o keia kaikamahine, mamuli o kana mau hana pauaka, o ka lokoino ame ke aloha ole.

            No ka manawa mua loa, akahi no o Noela a ike iho i ke ko‘iko‘i ame ka hohonu o ka hewa ana i hana aku ai i kela kaikamahine, ke ku maile la oia a nana aku maluna o ka mea ana i epa aku ai, me ka hiki hou ole ke pane aku, me he mea la ua humuhumuia ae la kona mau lehelehe a paa ma kona mau maka nae e hoike okoa ae ana iho i ka nui ame ke ko‘iko‘i.

            "Ua lilo anei ka‘u ka‘u mau olelo i kamailio aku nei ia oe e Noela, i kumu e hoehaehaia ai kou noonoo maikai?" me ka hiki ole i ua o Magureta ke uumi iho i kona aka, o ke ano pahenehene no ke kanaka e ku aku ana imua ona a ua kaikamahine nei, e ike mai la, ua hele o Noela a piha i ka haalulu a o ia kana o ka pane hou ana mai.

            "Ua hookahahaia aku anei kou manao e Noela, no ka ike ana mai la ia Magureta Anola, ua loli ae oia mai kela manawa mai au o ka ike hope ana aku iaia? Aole anei e hiki i kou noonoo maikai, ke ike mai i ke kumu o ka loli ano e ana ae o ua kaikamahine nei, mamuli no ia o ke poho wale o kona mau manaolana, no ka hauoli ana i upu aku ai e loaa iaia, no keia ola ana?"

            "O, e Magureta, ke manaoio nei au aole he maikai o kou noonoo, pela oe i kamailio mai ai i kena mau olelo kupuno ole, o ke ano uluahewa," wahi a Noela me kona koho maoli ana iho no, ua opulepuleia o Magureta.

            "Aole loa he kanalua iki no ka oiaio o kau mau olelo i kamailio mai la e Noela," wahi a Magureta me ka leo kuoo. "Ua like pu ko‘u lolo me ke ahi, ke lalapa nei  ia me ka enaena i na minuke apau o kuu ola ana @ ua loli ae kuu puuwai a like me ka pohaku, ka paakki ame ke kaumaha. Ua haaheo anei oe no ka hua o kau hana maluna o‘u?"

            "O, e Magureta, mai hooili wale mai oe i na ahewa ana maluna o‘u? Mai kapa mai hooili wale mai oe i na ahewa ana maluna o‘u? Mai kapa mai oe i kekahi inoa maikai ole maluna o‘u" i uwalo okoa aku ai o Noela, me he mea la e nonoi okoa aku ana ia Magureta, e huikala mai iaia.

            "Aha! Hoko o kou mau manao hookiekie o ka piha haakei, he mea maikai ole loa nou ka lohe ana aku, i na ahewa ana no kau mau mea i hana ai e Noela," noke hou ae la o Magureta i ka akaaka, ma ke ano pahenehene, ka mea hoi nana i hooi mai i ka ehaeha iloko o Noela," alaila noke hou ae la o Magureta i ke kamailio ana, me ke kuoo o kona leo.

            "Owai ka mea nana i hoowale mai ia‘u, me na pahele o na hana maalea ahiki i ko‘u punihei ana aku ia mau hana. Owai ka mea nana i haawi mai i kekahi hoohiki aa no kona aloha ia‘u ahiki i ka lua kupapa‘u, ka hana hoi a ʻ u i panai aku ai, maimuli o ka manaoio ana i ka oiaio ame ka pololei o ia hoohiki? Owai ka mea nana i hohola mai i ka upena o na hana maalea ahiki i ko‘u hua ʻ i pau ana aku i na manao maemae loa mailoko aku o kuu puuwai ame kuu uhane?

            "Owai ka mea nana i lua ʻ i mai i na huaolelo o ke aloha, me ke kukulu ana mai i kekahi kii pena, no ka hauoli e kakali mai ana no ka hookipa ana aku i kekahi kaikamahine hewa ole elike me a ʻ u nei le ano: ka mea a‘u i hoohalike ae ai, ua like pu ia me kekahi ihane e ake aku ana e komo iloko o ka lani? O, e Noela, e hiki ana anei ia oe ke hoomanao i keia mau mea apau." Ke hoomanao la no anei oe i kela kau wela a‘u e poina ole nei, oiai oe iloko o ka Paredaiso---ia‘u hoi e nana aku ana i ka olina mai o ka nani alohilohi, ka mea laahia loa i na wahine apau? Me keia mau mea oiaio apau a‘u e kukulu aku nei imua ou, o kau anei ia e hoole mai nei, aole e kau aku na ahewa ana maluna oe e Noela Kauwila? Me kou mau maka ponoi a elua e nana mai nei, e hoohewahewa ana anei oe i ka hana a kou mau lima ponoi, ame na pauaka a kou mau manao lapuwale?"

            "E hoomanao hoi paha oe e Magureta, ua kuhihewa ma oli no au, aole oe i kamailio iki mai a hala okoa kekah@ manawa mahope mai, nolaila aole au mau ahewa wale ana mai maluna o‘u," i mi wale mai ai no o Noela Kauwila, @ wahi e loaa ai ka pono ka kona aoao.

            "Ae, no kuu hoike ana aku anei ia oe, he keiki hookama wale iho no au na Mr. ame Mrs. Anola, pela anei oe i ho hope ai, no ko hilahila, i ka mare ana mai i kekahi kaikamahine i maopopo ole kona mau makua ponoi?" alaila hoopinana ae la o Magureta i kona mau lehelehe o ka piha hoowahawaha i ke kanaka nana i hoopoino i kona noonoo ame kona uhane, me ka i hou ana mai no nae.

            "He mea oiaio, aole ko‘u mau makua, pela pu no home a‘u, i manao, he mea maikai no‘u ka hoopalau ana aku me kekahi kanaka ahiki i ka hoikeia ana ae o ko‘u moolelo eia nae aole oe i nana ae ia mea, e hua‘i pau mai apa @@ imua o‘u, i ka nui o kou aloha, aole he mea nana e hoolol@ ae ia aloha ou, ahiki i ka make ana.

            "Mai kou mau lehelehe ponoi mai no, i haawi mai ai @@ i ka hoohiki paa, pehea na mea e hoea mai ana, aole loa ia he kumu e hoemiia iho ai kou aloha no‘u i hookahi iniha a i ole e mawehe ae paha i ka nipuu nana i hoohui i ko kaua mau aloha, a lilo i hookahi. O kuu kino nei kau i aloha ma ai, aole o na mea e hoopuni ana i ko‘u ola ana, no ka mea ua ‘ike no oe, he kaikamahine haahaa wale iho no au, aole he kulana, aole he waiwai, eia nae, papale ae oe i na mea apau, a hoohiki mai la oe imua o‘u o na lani, e lawe aku ana oe ia‘u i wahne mare nau, ao ka make wale no ka mea nana e hookaawale ae ia kaua. Pehea la i hiki ai ia oe e Noela Kauwila ke hoi hope ma na olelo ponoi a kou waha? Pehea la i noho mana ai ka epa, ke kolohe ame ka hoopunipuni iloko o kou naau?"

            "Mai lilo oe e Magureta i kaikamahine, i piha me ke aloha ole, no ka mea, ua kuhihewa maoli aku no au, o Mr. ame Mrs. Anola kou mau makua ponoi, in a paha i loaa mua ka ike ia‘u, he kaikamahine hookama oe na laua, in a no ua hookaawale au ia‘u iho, mai ia oe mai."

            "Malia paha pela iho la ke kumu oiaio au i hoowahawaha mai ai ia‘u, aka nae, e lilo ana anei ko‘u hookamaia ana e kela mau makua maikai, i kumu, e loli ae ai  ko‘u mau ano maikai he nui, kela mau ano au i heluhelu mai ai imua o kuu alo, me na mele i paanaau i kou maka?" alaila ma kela wahi aku, o na olelo a Magureta, ua like ia me ka lapalapa ahi, e oiliili aku ana mai kona waha aku.

            "Heaha kou oi ae imua o‘u ma na ano apau? Heaha ka oi ae o kekahi wahine e aku mamua o‘u, aole loa, ua hiki ia‘u ke olelo ae, aole loa i oi aku kou, kulana mamua o ko‘u, koe wale no paha kou waiwai, ame kou kulana iwaena o ka poe hanohano, eia nae, heaha ia mau mea ke hookukuia ae me ka momi hookahi iloko o ka uhane ola o ke kanaka, o ia no ke aloha. O ka waiwai, @@@ hanohano ame ke kulana, wahi a kou mau lehelehe ponoi, he mau mea ano ole loa ia, o ka mea nui, o ia no ke aloha oiaio o kekahi no kekahi, ka nohona hauoli ana, a o ka mea oi aku, o ia no ka lilo o na puuwai elua, i hookahi pana like ana."

            Hoomaha iki iho la o Magureta i kana kamailio ana aku, ma ke ano e kakali ana oia, o ka loaa he pane mai la Noela mai, aole nae he wahi mea o ua kanaka nei a kamailio mai, oiai ua loaa pono aku la oia i na olelo apau a Magureta, ua kau okoa mai la imua o kona mau maka kana mau hoohiki wahahee, ana e pahele aku ana i ka noonoo o keia kaikamahine i wahi e lilo mai ai i wahine nana.

            O kona lunaikehala, ke hoahewa loa la ia laia me ka piha ehaeha no kona maua, kona lapuwale ame ka piha epa, ma ka haalele ana aku i kela kaikamahine, ana i hoowalewale ai, ahiki i ka haawi ana mai i kona aloha iaia, ke kaikamahine hoi ana i hoohiki aku ai imua o na lani, e lawe mai oia i wahine marre nana, aole hoi elike me kana i hana aku ai, ke kiola ana iaia, a piikoi hou aku la i ka u ʻ i ame ka huapala o kekahi kaikamahine okoa.

            "I ka manawa i loaa aku ai ka ike ia oe, no ko‘u moolelo," i hoomau hou mai ai o Magureta i ke kamailio ana, "ua hookahahaia aku kou noonoo; he mea mau no ia i na kanaka apau; me kuu manao nae, o ka nui o kela aloha iloko ou no‘u, ka paa o kela manao ou, e lawe aku ia‘u i wahine nau, ame ka laahia o ka hoohiki au i hana aku ai me ke Akua, e hoolilo ana oe i na mea pili i ko‘u hanauia ana, i wahi mea uuku loa, a e hiipoi mau aku ana oe i halawai aku me kela kaikamahine huapala, me Kanani Alika. Hekaikamahine punahele oia na kekahi mau makua wawai, he helehelena u‘i kona, he kalena kiekie hoi ka i loaa iaia; i kou ike ana, aia iloko o kela kaikamahine ka mea e hapala ole ia ae ai ka inoa o Noela Kauwila, ia wa i kiola aku al oe i ke aloha o Magureta Anola ilalo, kiola pu aku la i ua kaikamahine nei, i mea hehihehi wale ia malalo aku o kou mau kapuai wawae, me he iliili helelei la no na lae kahakai.

            "Aole wale e lilo aku ana kou mare ana me Kanani Anola i kumu e hoomahuahuaia ae ai ka hanohano o kou ohana, aka e hoomahuahua pu ia ae ana ka nui o kou mau waiwai ame kou loaa makahiki, a e hooiia aku ai hoi kou mau manao haakei o ke ake hanohano ame ka haaheo.

            "Aole oe i nana ae, o kau mau hana ku i ka lokoina ame ke aloha ole, o ka mea ia nana e hoohiolo i ka manaolana o kekahi kaikamahine hewa ole, hoopoino i kona ola ana, hoohiolo i kona manaoio i ka hoa kanaka, a hoohilo i kona puuwai i pohaku. O, malia paha aole i pili aku ka hewa maoli ia oe e Mr. Kauwila; e hiki ana anei ia oe ke alo ae. mai keia mau mea oiaio apau, no ka ili ana aku o na ko'iko'i o n ahewaia, no ka hoopoino ana i ko'u uahane?"

            "O, e Magureta, aole e hiki hou ia'u ke hoomanawanui i keia mau olelo au," wahi a Noela Kauwila, me ka hookikina o kana kamailio ana mai i kela mau oleleo. no ka mea na ike maoli no oia, i ka pololei ame ka oiaio o na mea a Magureta e kamailio aku nei. aohe he wahi kumupale kupono iki ma kona aoao. E waiho mai ai, no ka hoopakele ana ae iaia. mai na ahewa e hookauia aku la maluna o kona mau poohiwi.

            "ke hoike okoa mai nei kou helehelena e Noela Kauwila. pela hoi me na olelo a kou waha. he mea maikai ole loa ka hua'i ana ae i na mea i hanaia o ka wa i hala, heahe auanei kau mea e hoahewa wale mai ai ia'u, no ka mea, o oe pono no ka mea nana ia mau hana. A o kou ano okoa iho la no ia. emau aku ai ia ano ou ahiki i ka make ana," alaila noke hou ae la o Magureta i ka akaaka, pahenehene.

            "Ua aloho i'o maoli no au ia oe e Magureta, a in a aole ke ano pohihi o kou hanauia ana ina no ua lawe mai au ia oe i wahine mare na'u." i hoololi ae ai o Noela i ke ano o kana mea e pane mai ai ma kona aoao.

            "Aole loa oe i ike ia mea he aloha oki loa aku hoi i ka manao o ia huaolelo. O kou mau ao apau he lapuwale ia na ia ano lapuwale ou i alai ae i kou uhane, e ike ia mea maemae he aloha o kou aloha he aloha ia e makee wale ana no i kou pono a e hoopoino aku i ke ola ana o ha'i."

            "Ua oi aku ka ehaeha o kau mau olelo e kamailio mai nei ia'u mamua o ka mea hiki ia'u ke hoomanawanui iho" i puoho mai ai o Noela Kauwila me ke kunahihi o kona mau maka.

            "Nawai auanei i hoehaeha aku ia oe, na kau mau hana ponoi no e Noela Kauwila. O keia ka hooia oiaio loa, o ka'u mau mea i kamailio mua aku nei aole ou nana i ka pono o ka poe e ae aka no kou pono wale iho no a o kau lealea a o kou lealea o kou hauoli kau mea nana aole o ka hauoli o ha'i.

            "Ua oleloia 'aole he aloha ke ole he mohai'i ka manawa hea o Noela Kauwila i molia aku ai i kona hauoli iho a i kona mau pono paha no ha'i? Aole loa oe e aa ana e molia aku i na mea i maa ia oe, in a no ia no ka pono o kau wahine O ka wahine nona ke aloha i hawi mai ai ia oe, ua piha kona uhane me ka maemae ame ka oiaio aia nae olua a loihi aku uhane me ka maemae ame ka oiaio aia nae olua a loihi aky ka noho ana. aole e hala keia mea a'u e kamailio aky nei ia oe. he mea liilii loa na makemake o kau wahine i kou manao o ka mea nui o ia no kou mau makemake ma na hana haakei a hookelakela. Aia a hoea mai na hora o lea noaoia e ike auanei oe e ala mai ana kela wahine opop a hoike mai i kona mau ano maikai he nui a ia wa e ahywale ae ai kou mau ano ino apau imua ona. elike me ia a'u e heluhelu aku nei imua ou me he buke hamama la."

            "He keu aku ka lokoino o kau mea e hoakaka mau nei nou he mea keia e hoike mai ana aole he wahi lihi aloha ki i koe iloko ou no'u e Margureta"

            "Aole loa he wahi lihi kuleana iki ma kou aoao e ninau nai ai in a he wahi aloha kekahi o'u ia oe aole paha me ka ke no o kau wahine hookahi wale no ke kuleana ma ia unau in a he makee kekahi iloko ou no kau wahine. Ma nae he mea e hooluoluia aku ai kou noonoo ma ka lohe ana na he aloha kekahi o'u nou e hoike aku no au i ka mea oiaoio loa ua like pu ko'u aloha me kekahi luapele i pau ka a ana o kona ahi."

            "O ka make ana o kou mau makua. pela ka nui o kau mau kiai makaala ana i ka wa ma'i o kou makuakane hanauna. na lawa ia mau haawina kaumaha e hoano-e ai i kou noonoo maikai e Magureta." wahi a Noela me ka eueu o kona mu lehelehe mamuli o kona ike aole ia o ke kumy oiaio o ka pilikia i kau aku maluna o kela kaikamahine opio aia nae ka pono o kona kaawale ae mai na ahewa ana aku a Magureta iaia/

            "He oiaio o ka ma'i ame ka make ana o ko'u mau makua aloha he mea hookaumaha mai ia ia'u a he hana nui hoi ke kiai ana i ka wa ma'i o ko'u mau makua aloha he mea hookaumaha mai ia ia'u a he hana nui hoi ke kiar ana i ka wa ma'i o ko'u makuakane hanauna ua hoopoina loa nae au i ke kaumaha ana no lakou i keia manawa. Ua ike maoli iho no au, ua oi loa aku ka pono o ko lakou kaawale ana mai ia'u aku no ka wa mau loa, e ike ole mai ai lakou i ka nui o ka ehaeha i kau iho maluna o'u mamuli o kau mau hana pauaka e Noela."

            "Alaila ua make anei na noonoo maikai apau noko oe e Magureta? Aole anei ou ike iho ke hooili mai nei oe i na hoehaehe ana maluna o'u?" i puoho mai ai o Noela Kauwaia. meka leo o ka mea i hele a uluahewa ka noonoo.

            "Pela no ko'u manao, a ke manaoio nei au, ua lolo maoli ko'u mau noonoo maikai apau a koe wale no he hookahi mea--." me ke kulou ana mai o ua o Magureta imua, a no ka pane ole aku o Noela, hoopau pono mai la ua o Magureta i kona manao me keia mau olelo: "Ua hele au a piha i ka hoowahawaha!"

            "No'u nei aie kou hoowahawaha e Magureta?"

            "No na mea e pili ana ia oe e Noela, aohe he wahi noonoo iloko o'u nou."

            "Ina he hoowahawaha kou, alaila ia wai oe i hoowahawaha aku ai?"

            "Ua hoowahawaha aku au, i ka mea au i lawe mai ai he wahine nau, maluna on a ko'u mau manao lili apau i hohe oa"

            "He keu ku a ke kohu ole loa o kou hoowahawaha wale ana aku no i kela wahine, me ko ike no aole oia i lihi launa aku i kahi o ka maopopo ana i ko kaua mau ano mamua o ko'u hookamaaina ana aku iaia. Ua kaawale loa oia mai na ahewa ana no kekahi mea ana i hana ole ai!"

            "Ua ike no au i kena mea au e Noela e kamailio mai nei, aole au he wahine hupo. e maopopo ole ai ka'u mea e kamailio nei; aka nae o ka hoowahawaha nona, o ka mea hookahi wale no ia e kau mau mai nei imua o kuu noonoo."

            "Ma ka'u nana mai nei nae ia oe e kamailio pu ana me Mrs. Kauwila me he mea la aole he hoowahawaha iloko oa nona, he oluolu maoli ka olua kamailio ana a ua lohe okoa mai au i kou olelo ana aku iaia. he manaolana kou e hui hou ku ana no olua ma keia mua aku."

            "Ae, he oiaio loa kena mea au e kamailio mai nei e Noela. aka i ha'i aku nae au ua oleloia aia iloko o ka hoowahawaha ka lili ame ka huhu ua hunaia aku ka meahuna e ka maalea ame ke akamai i ka wa apanei au i ike ole ai. o ka hora  ia o ka poino e ala mai ana ka mea au i nana aku  ai he hoaloha maikai loa nou, a kumakaia i ka hilinai au i pulama mau ai nona."

            "He mea oiaio lia, ua opulepule ia ka noonoo o Magureta," i namunamu liilii wale iho ai no o Noela Kauwila iloko on a. "He keu aku nae keia a ke ano kupaianaha loa o ka hehena o ka noonoo o ka noonoo me ka maopopo no o na mea apau i keia wahine opi aka nae e hoike akoa mai me ka hunahuna ole iho i ka mea nui iloko o kona hoohoo.

            Nee mai la ua o Noela Kauwila imua he hookahi kaiaa wawae ni ke kilohi pono ana mai maluna o na maka o Magureta, alaila kamailio aku la:

            "Ke nonoi aku nei au ia oe aole e hoopoinio wale aku i kuu wahine. Aole loa oia i hana hewa iki mai ia oe: aole hoi e lilo na ahewa wale ana mai au ia'u i kumu e ili aku ai kou mau manao inaina maluna o ka mea hewa ole."

            Ma na maka i hele a piha i ke koa ame ka maka'u ole, haka pono mai la ka Magureta nana ana maluna o Noela a ma ka ike mai a ua kanaka nei me he mea la ua like kela nana ana aku a Magureta iaia, me kona ike okoa ana aku i kekahi pahi i hookalaia a oi.

            "Ina ua makee oe e Noela i ka pono, i ko wahine ea, alaila o ka'u wale no e a'o aku nei ia oe e lawe aku iaia no kahi e halawai hou ole ai me a'u. aole o ia wale no aka mai hoao hou oe e palua mai i ka hana elike me keia au i hana mai ai ma keia po mai haea hou mai ia'u ma ko'u inoa a mai hoao kekahi o olua e maalo mai imua o kuu alo" alaila hoohuli mai la oia i kona kua ia Noela Kauwila me ka lawe hou ana ae i kona kuleana elike me kela manawa i loaa aku ai ia Noela e ku ana ma ka paehumu o ka lanai a ke nana aky i ua o Magureta ua like loa me kekahi kii mahala i kalaiia no kekahi wahine i nele me ka uhane.

            "Ua aneane loa e pupule o Magureta." wahi a Noela i noonoo iho ai iloko on a iaia e nana aku ana maiuna o kela wahine opio a me kona hoao hou ole mai e kamailio iaia hili aku la hoi no kahi a kana wahine e nanea ana me kona mau hoaloha ma ke kamailio ana.

            Ua hoopilikia maoli ia aku ka noonoo o Noela no na olelo a Magureta i kipehi mai ai maluna on a nlaila i lela hoea ana aku imua o kana wahine koi koke aku la e huli hoi laua i ka hale oiai he mea makehewa wale no kona noho hou ana iho me kela anaina aole e loaa ana he hauoli haia ua oi aku ka ehaeha o na olelo a Magureta iaia mamua o ka hiki ana i kona mau hoaloha ke hoohauoli mai.

            Aoheno he hookololohe aku o Kanani e noho ma ke'a aha ike a hoohauoli i ka wa a Noela i koi aku ai iaia oi aka ua haawi koke mai la oia i kona ae. o ka ike hope ae la no ia me na hoaloha haawi ke aloha poeleele o ko laua nei hele aku la no ia no kahi o ko laua kaa e ku mai ana a iloko o ka manawa pokole loa aia na lio ke aha'l la ia laua nei ma ke alanui e hoea aku ai no ko laua home.

            I kela noho pono ana iho no o Noela ma kona wahi ae no hoi kana wahine ma kona aoao hoopoli mai la oia i ka poo o Kananji i loko io kona umauma no ka mea ua hoomamaia mai la kona noonoo no ke kaawale ana kana wahine ma kahi ee hoopilikia ole mai ai o Magureta iaia ma kekahi ano.