Ka Nupepa Kuokoa, Volume LVII, Number 4, 24 January 1919 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

 

Teritore o Hawaii,             )

Kuianakauhale@a Kalana     )aa

o Honolulu.                         )

            O W.H. CAMPBELL, mamua o on a hoohikiia ana. ua hoakaka ae me ke olelo ana. oia ka Mea Uku Dala o ka The First American Savings and Trust Company of Hawaii, Limited, a o ka papa hoike malalo iho nei, he hoakaka piha, @iaio a pololei ia o na hana o ka The First American Savings and Trust Company of Hawaii. Limited, ahiki me ke kome pa o ka la 31 o Dekemaba, 1918. o ua papa hoike nei, ua koiia mai ia e ka Pauku Helu 3327 o ua Kanawai Hooponopono Hou ia o ka 1915, o ke Teritore o Hawaii.

            O ke kumuwaiwai mahele i hoamanaia o ka Hui. he $200,000.00, i maheleheleia iloko o 2,000 kea no ka waiwaiio o $100.00 pakahi. O ka heluna o na kea i hoopukaia, he 2000, o ke kanahiku-kumalima pakeneka no ia mea, ua like pu me $140,000.00 i ukuia mai, e koe ana he $60,000.00 no ka ukuia mai i ka wa e kaheaia ai. Na loaa aie o ka hui ma ka ia 31 o Dekemaba, 1918, o ia iho keia:

Kumuwaiwai i Ukuia . .. . . . . . $140,000.00

Na Puka i Mahele Olea . . . . . . . . 33,748.51

Waihona i Hookaawaleia . . . . . . . 30,000.00

Na Hoahu Dala . . . . . . . . . . . . .  841,011.89

Na Hoemi i Hoomaopopoia . . . . .  2, 714.98

                                                ________________

                                                $1,047,475.38

            O na pono o ka Hui ma ka la 31 o Dekemaba, 1918, o ia iho keia malalo nei:

            No Bila Loaa Mai . . .  . . . . . . . . . . . . . . . . .$ 718, 942.20

            No Mahele, Bona ame Hoopukapuka . . . . .   226, 290.00

            Dala Kuike ma ka Lima . . . . . . . . . . . . . . . . . 57, 155.46

            Na Waiwai Paa  . . .  .. . . . . . . . . . . . . . . . . .. . 39, 296.19

            Ukupanee e Loaa Mai Ana . . . .  . . . .  . .  . . . . . 5,708.20

            Na Pono e Ae .  .  . . . . . .  . .. . . . . . . . . . . . . .. . . .  83.33

                                                                        ____________________

                                                                                    $1,047,475.38

                                                            W. H. CAMPBELL.

                                                                        Mea Uku Dala.

            Hanaia a Hookikiia imua o'u i keia la 9 o Ianuari, 1919.

                        J. H. ELLIS,

            Noteri no ka Lehulehu, Apana Hookolokolo Kaapuni Ekahi, Teritore o Hawaii

            Ke hooia aku nei au ma keia, o ka hoike maluna ae, he kope oiaio a pololei ia o ka papa hoke kumu i waihoia aku maloko o ke keena o ka Puuku o ke Teritore o Hawaii.

                                                            J.H. ELLIS,

            Noterri no ka Lehulehu, Apana Hookolokolo Kaapuni Ekahi, Teritore o Hawaii. 6331-Jan.17, 24, 31.

HOOLAHA LULU MANAWALEA

            Ke hoikeia aku nei ma keia i na lala apau o ka Ahahui Makua ame na Ahahui Lala o ka Ahahui Kokua a Hookonono o na Wahine Oiwi Hawaii, e lulu mai i ka lakou manawalea o Hookahi Dala no ko kakou hoahanau i make, Mrs. Maryann Lee Richards, a e haawi ae ia lulu ma ka lima o ke Kakauolelo Ohi Dala, Miss Allen, ma Kapalama Oahu.

                                                                                                MRS. MAIKAI KALEO

Kakauolelo Moolelo o ka Ahahui Oiwi wahine.

6331-Jan.17, 24, 31, Feb. 7.

HE HOOMAIKAI

            E Sol. Hanohano, aloha kaua: ~E oluolu oe e hooholo aku i ka kaua aina maluna o ke aiai o ke kalana noeau a ke aloha, i hoike aku ai hoi oia i kela wahi poomanao e kauae la maluna.

            Ke haawi nui nei au i ko'u mahalo i ka poe apau i malama maikai ia'u ma ka Mala Ulu o Lele, a ke noi nei au i ke Akua e hoopomaikai ia oukou ma na mea e pono ai ka uhane ame ka kino.

            Ke mahalo nei no hoi au no oa poe ma Kanaio, no ka nui o ko lakou lokomaikai ia makou, ka hookipa ana ma ko lakou home. Ua ike kumaka au i ka nani o Kanaio, ua hele wawae is, aka, aole ia makou i ka ikaika. Ua ai a lawa i na ono o ke pakaukau i hoomakaukau ia no makou, o ia hoi no i'o puaa laulau, no manini maka, opihi, ake ame ka poi uouo kaohi puu. Ua nui ka eha o Keoni Bulu ia Hanale. Ua ai a lawa ka makemake.

            Ia pau ana no, hoolale na ha@a a ka Hawaii. E hoopomaikai ia oe e Kele ka mean nona ka la, ame oe e Kunukau, ka mea nona ke kahuna mua ame ka Ewa; aole, ia @@@@@ @@@@ no, aka i ka poe no apa@ i haawi mai i ka lakou mau kenikeni aloha.

            Me ka mahalo nui ia oukou apau ame kuu hoaloha, oia hoi o Mr. Keapuni noho la ma Kekaa. He hoomaikai kekahi a'u i ike maka.

            Ua lawa au me ke aloha ia oe e Sol. Hanohano ame na keiki.

            Owau no me ka mahalo,

                        MRS. NOHOHUI KAPUAA.

            Paia, Maui, Jan.6, 1919.

 

KA EUANELIO LULI OLE A IESU KRISTO NO KA BAPETIZO . . .

            I ke Kilohana Pookela no ka Lahui Hawaii, Aloha oe:-Ma kou helu o Jan. 3,1919, i ke iho ai au i na hoakaka a J Mahuka no ka papetizo ma ka hooluu ana i ka wai nui, a mamuli o ia hoomanao i kono mai ia'u e pane aku

            1. O ka huaolelo papetizo, aole ia he huaolelo Hawaii kumu, aka he huaolelo hapa haole ia, no ka nele ana i ka huaolelo Hawai'i kupono.

            2. O ka oihana o ka papetizo wai, no Ioane no ia kuleana, aole no isu Kristo

            3. O ka papetizo wai,  a Ioane aole in he papetizo i ka Uhane Hemolele

            Mataio 3:11 Owau (Ioane) no ke papetizo aku nei ia oukou i ka wai no ka mihi, aka, o ka mea e hele mai ana mahape o'u (Iesu) he nui aku kona mana i ko'u, nana oukou e papetizo aku i ka Uhane Hemolele ame ke ahi.

            Mareko 1:7. A'o mai la ia (Ioane) e hele mai ana kekahi maahope nei o'u, na oi aku ia mamua o'u, aole au e pono ke kulou iho, e wehe i kkaula o kona kamaa. I:8. Ua papetizo aku no au ia oukou i ka wai; aka, nana oukou e papetizo aku i ka Uhane Hemolele

            Ioane 1:16. Hoounaia mai la e ke Akua kekahi kauaka, o Ioane kona inoa. Hele mai la ioa i mea hoike, i hoike ai ia no ua malamalama la, i manoio ai na kanaka apau ma on a la.

            Ione 1:26. Olelo mai la o Ioane ia lakou, i mai la, ke papetozo nei au me ka wai, aka, ke ku nei kekahi ma iwaena o oukou, o ka mea a oukou i ike ole ai. 1:33. Aole nae au ike pono iaia, aka, o ka mea nana au i hoouna mai e bapetizo me ka wai, oia ka i olelo mau ia'u, aia a ike aku oe i ka Uhane e iho mai ana maluna on a, a e noho ana maluna on a, oia ka mea nana e papetizo me ka Uhane Hemolele.

            Luka 3:21. Eia hoi kekahi, i ka papetizoia ana o no kanaka apau, o Iesu no kekahi i bapetisoia; a i Kana (Iesu) pule ana, ua wehe ia mai la ka lani. 3:22. A iho mai la maluna ona ka Uhane Hemolele me ko ke kino ano o ka manu nunu a pae mai la ka leo mai ka lani mai, e i mai ana, O oe no ka'u keiki punahele, he oluolu loa ko'u ia oe.

            Ioane 3:3. Olelo mai la o Iesu iaia, (Nikodemo), i mai la: Oiaio, he oiao Ka'u e olelo aku nei ia oe, iua e hanau nou ole ia ke kanaka, (papetizo wai), aole e hiki iaia ke ike aku i ke aupuni o ke Akua. (Euanelio a Kristo)

            Ioane 3:5. Olelo mai a o Iesu: Oiaio, he oiaio Ka'u e olelo aku nei ia oe, in a e hanau ole ia ke kanaka i ka wai ame ka Uhane (elike me Iesu, Luka 3:21, 22), aole e hiki iaia ke komo iloko o ke aupuni o ke Akua. (No Iesu wale no ia kuleana).

            Ioane 20:16, 17. I mai la o Iesu iaia E Maria. Haliu ae la ia a i aku la Iaia, (Iesu): E Raboni, oia keia e ke kumu. I mai la o Iesu iaia: Mai hoopa mai oe Ia'u, no ka mea, aole au i pii aku i Ko'u Makua. (Komo iloko o ke aupuni o ka lani, oia ke kuleana o ka uhane i kau ai maluna On a).

Ioane 20:19. i ke ahiahi o ka la mua o ka hebedoma (ka la a Iesu i pii ai i ka lani mahope o kona ala ana mai ka make mai) ua paniia na puka, hele mai la o Iesu a ke iho la iwaena, i mai la ia lakou: Aloha oukou. Olelo hou mai la ia lakou: Aloha oukou, elike me ka Makua i hoouna mai ai Ia'u, pela hoi au e hoouna mai ai Ia'u, pela hoi au e hoouna mai ai ia oukou, (he kauoha keia na Iesu i kana poe haumana mahope iho o kona ala ana nai ka make mai, mahope iho o kona hoi ana mai ke aupuni o ke Akua mai).

            Ioane 22. A pau kana olelo ana i keia, Ha iho la oia ia lakou, i mai la ia lakou: E loaa ia oukou ka Uhane Hemolele i ka papetizo wai a Ioane mamua).

            Luka 24:49. (Mahope no keia o ko Iesu hoi hou na mai ke aupuni o ke Akua, o ia ka lani. Eia hoi e hooili ana au maluna o oukou i ka mea a ko'u Maakua i olelo hoopomaikai iho ai, Isaia 44:3 ame Ioela 2:28), aka, e noho oukou ma Ierusalema a hoolakoia mai oukou me ka mana noluua mai (papetizo o ka uhane).

            Oihana 1:4. A i kona halawai ana me lakou (o Iesu me na haumana), kauoha mai la Oia ia lakou, aole e haalele ia @@@salema, aka, e kali i ka ka Makua olelo hoopomaikai a oukou i lohe ai Ia'u. 1:5. No ka mea, ua papetizo i'o no o Ioane me ka wai, aka, e papetizo ia no oukou i ka Uhane Hemolele, mahope iho o na la aole he nui. 2:1. Ahiki i'o mai la ka la Penekekota, ua akoakoa lakou (na haumana) me ka manao lokahi. 2:2. Emoole pae mai la ka leo mai ka lani mai (olelo a ke Akua) me he makani nui ikaika la, a hoopiha loa iho la i ka hale apau, kahi a lakou i akoakoa ai. 2:3 a ike ia aku la e lakouna elelo manamana me he ahi la, a kau mai la iluna iho o kela mea keia mea o lakou apau. 2:4. A piha ae la lakou i ka Uhane Hemolele, (olelo a ke Akua), a hoomaka lakou e olelo i na olelo e (wanana i na olelo a ke Akua) elike me ka haawi ana mai o ka Uhane ia lakou e olelo aku.

            Ieremia 23:29. Aole anei i like ka'u olelo me ke ahi@ wahi a Iehova, ka mea e nahaha ai o ka pohaku. (O ka hooko ia ana keia o ka mea i wanana ia e ia kaula).

            2 Kimokeo 3:16-17. O ka Palapala hemolele apau, ua haawi ia mai ia e ka Uhane o ke Akua; he mea ia e pono ai no ke a'o ana, no ka papa ana, no ka hoopololei ana, no ka hoonaauao ana ma ka pono; i hemolele ai ke kanaka o ke Akua i makaukau lea ai hoi i na hana maikai apau. (Ua hiki mua mai ia ma ka la Penekekota maluna o na haumana a Iesu).

            Nolaila o ka papetizo wai a J. M. M. e olelo nei, aole ia o ka papetizo a Iesu Kristo i ka Uhane Hemolele, aka o ka oihana bepetizo ia a Ioane, i loo o na mamo a Isaraela, e mamaoio aku no ka hiki ana mai o ka Mesia o Kristo no ia. aka aohe mea nana ouko ue papa aku, oiai he mehele no ka Ioane mai ke Akua mai.

            1 Petero 3:21. Ma ia mea, o ka bapetizo ana, ka mea i hoailona ia, o ia ka mea e hoola mai nei ia kakou (aole nae o ka hoola ana i ka paumaele o ke kino, aka o ka hoomaopopo ana i ka manao maikai i ke Akua) ma ke ala hou ana o Iesu Kristo.

            Roma 9:8. O ia hoi o na keiki ma ke kino (papetizo luuwai) aole lakou he poe keiki na ke Akua, (Ekalesia a Iesu Kristo), aka o na keiki a ka olelo hoopomaikai (ka poe hana berita me Iehova) e helu ia na mamo a lakou.

            Mataio 21:25. (He ninau na Iesu). O ka papetizo ana a Ioane, nohea ia@ No ka lani mai anei@ No kanaka papa@

            Mataio 11:11. He oiaoia Ka'u e olelo aku nei ia oukou, o na mea a na wahine i hanau ai, aole kekahi o lakou i oi aku imua o Ioane Papetite, aka, o ka mea liilii loa iloko o ke aupuni o ka lani, ua oi aku ia imua ona.

            Ioane 3:6. O ka mea i hanau (papetizo) ia na ke kino (na ka wai) he kino no ia, a o ka mea i hanau (papetizo) ia na ka Uhane (olelo a ke Akua) he Uhane ia. 3:7. Mai kahaha kou (Nikodemo) maau i Ka'u i olelo aku ai ia oe, (he mamo na Isaraela) a pau oukou i ka hanau hou (papetizo wai) e pono ai.

            1 Petero 1:23. ua hanau hou (papetizo) ia oukou (ka poe a Petero ma i hoohuli ai ma ka olelo o ka papetizo a ka Uhane Hemolele i loaa ai ia lakou ma ka la Penekekota) aole na ka hua e pala wale ana (papetizo wai) aka na ka hua pala ole ma ka olelo a ke Akua ola, (papetizo i ka Uhane Hemolele, o ia ka olelo a ke Akua), ka mea e mau loa ana.

            Iakoba 1:18. No kona makemake iho i hoohanau (papetizo) mai ai Oia (Iesu Kristo) ma ka olelo oiaia (berita mau loa) ia kakou, (na mamo a Isaraela).

            Mataio 16:18. Ke olelo aku nei hou Au (Iesu) is oe: O oe no o Petero a maluna o keia Pohanku (Iehova, Kanawailua 32:3, 4), e kukulu ana au i Ko'u Ekalesia, (ka mana o ka Makua, ke Keiki ame ka Uhane Hemolele), aole hoi e lanakila mai na ipuka o ka pa maluna on a 16:19 E haawi aku hoi Au ia oe i na ki (ka mihi iloko o ka Makua, ke Keiki ame ka Uhane Hemolele) o ke aupuni o ka lani.

            Eia ke kauoha a Iesu Kristo ia J. Kekipi, ka mea nana i kukulu ka Hoomana Naauao ma Hawaii nei, ma ka po o ka la 29 o Okatoba, 1887, ma Makapala, Kohala, Hawaii, ma ka hihio: E Kekipi, e Kekipi, a i kukulu oe i Kuu Ekalesia, mai hoohalike oe i Kuu Ekalesia me na Ekalesia e ae, no ka mea, he kanaka ko lakou poo (olelo a ke Akua, ka Baibala), a he Ekalesia hiki ke hoola, in a e makemake kekahi i ke ola e komo mai oia iloko o Ko'u Ekalesia, in a aole alaila e imi aku oia i kona ola ma kahi ana i puka mai ai.

            Ke aloha o ka Haku o Iesu Kristo me kekou apau, Amene

            Owau iho no me ka haahaa,

                        REV. W. E. EDMONDS,

                        Hoomana Naauao o Hawaii. Kekilohana o ka Malamalama, Hilo Hawaii, Jan. 10, 1919.

 

KUU HOME I KAWELA BAY.

 

Charles Rose Kuu Home Ia.

Sabati, la 12 o Ianuari nei, i kouo pau ia aku ai kona mau hpe alii makai apau no kana paina komo hale ame na makai pu, amu ko ke kulanakaubale pu mai, na hoaloa i konoia aku, nawai no la hoi ka nui hewahewa o na ano meaai like ole o ke konohiki ai au puni iho la no ia o ka moku o Kakuhihewa, he oni anaa, hulipu na Koolau elua, a pupuu a hoolei, noho ana i ke alo o ke konohiki.

         O ka wana, hee, Jos, Keaunui; oie, Hamana Kalili; ula, lai, laumaia, Pohaku, noho ana i Kawela Bay. Ili, police o Punaluu, na ano like ole, na Hope Makai W. Davis o ke Koolau, na limahana o Punaluu me Laie, a ua piha no ka 20 makahiki o ko laua noho mare ana, e hoomau ia aku no a loaa ka iubile, ame ke ola kino maikai.

         O Kawela Bay kekahi kaikuono nani loa ia o Oahu nei, aia hiki mai, a hiki mai, hiki pu mai no me Mahealani

J.A. KAHIONA

         No ka hoao ana ae o kekahi Kepani ohua o ka huli hoi  na mai nei mai Iapana mai, ma ka Poaha o ka pule aku nei i hala e hoopae opiuma, i paa ae ai oia i ka hopuia. He eono kaukani dala ka waiwaii'o o K@@a opiuma i hoao ai e hoopae malu mai iuka nei o ke aina.

        

         SACRAMENTO, Jan.14.- Ua hoaponoia e ka ahaollo o ka Mokuaina o Kaleponi ka hoololi o ke kanawai hookapu waione lahui.

 

         LONDON, Jan. 15.- O ke aupuni repubalika o Luxemberg i kukalaia ae ai ma ka Poaha e ke komite ola he eono hora wale no ke ku ana, elike me ka lono i loaa ai i ka Nupepa Express mai Berusela ae. Ua hoomaluia e na Palani a ua loaa ka maluhia maloko o ke aupuni o ke duke wahine kiekie.

            HE UKANA LUULUU ME KA WAIMAKA

         E Mr. Lunahooponopono o ke Kuokoa, Aloha oe:-E oluolu mai hoi oe i ke kauwahi kowa kaawale o kau nepepa, e hookomo iho i kela poomanao e kau ae la maluna, oiai he malihini au imua o kou alo ame kou hanohano, i ike mai ai ua kaikunane, na kaikaina, na keiki, ame na moopuna a kuu wahine aloha, mai ka hikina a ka la i Kumukahi a kokolo loa mai i na kaiaulu o Puna, a aia ilaila he ekolu moopuna. e walea ana i ke ala o ka hala ame ka hinano.

         Eia ke kupuna la, ua hala i ke ala hoi hou ole mai, ahiki i ka welona a ka la i lehua.

         O keliiholoaaikeoneokailua Waikia, ua pauaho i keia ola honua ana, i ka hora 6 o ke kakahiaka Poakahi, la 6 o Ianuari, 1919 nei. Ua pio iho la ke kukui a pouli ka hale, a newa kunewa aku la i ke ala polikua a kane.

         Ua hanau ia o Mrs. Keliiholoaaikeineokailua Waikia C. Mokuhalii ma Hokukano, mai ka puhaka mai o Kailiulaole (k) ame Kauaiulaihelani (w) i ka la 6 o Maraki, 1860.

         ua hoonaauaoia oia ma Hilea, a malaila no oia ahiki i kona nui ana, a mareme Mr. Kuluipo, a puka mai, mai ko laua puhaka mai he ehiku keikikane, ekolu kaikamahine, a make no hoi ia kane. Oia nei ka makuahine o Ululani i kipu ia ai e ka Pilipino malalo o Ewa, Oahu.

         Nolaila, ua lawe aku ka po he ehiku keike ame kou lakou makuakane, a koe iho la elua keikikane ame hookahi kaikamahine.

         Ua hoohuiia iho la maua ma ka materemonio maemae loa e ka Makua Uhane Kelekino i ka la 18 o Iune, 1891; ua loaa mai he eha hua mohaha mai ka maua mau puhaka mai, he mau keikikane wale no, o ka mea kupaianaha ua kii mai la ka po a lawe aku la ekolu, a koe iho la hookahi keiki me maua, ame ka nanea wale no keia noho ana, ua kikoo mai la no na lima menemene ole o ke aloha ole a lawe palanehe aku la i ka hanu o kuu mama aloha. Auwe, luuluu wale!

         I ko'u hoopau and i keia, ke hoomaikai ae nei au ia Mrs. II. Liliu o ka haleipupukui o Kalae Point, no kana mau kokua i ka plae oloko ame waho o ka pahu o kuu wahine ame na lei pepa; a pela hoi ia Daniela M. Kahakua i ka hana ana i ka pahu, ame oe e Sol. Hanohane ko'u aloha ame na keiki o ka halepa'i.

CHAS. MOKHALII.

NOIIA KA PALAPALA HOOKUU KI NO NO KA MEA HANA SUAIPA

         Ma ka po Poaono o ka pule i hala aku la he elima poe ha'iha'i kanawai no ka hana suaipa i paa ae i ka hopuia ma Kakaako i na kanaka o ka Ilamuku Amerika, a ma ka Sabati mai he elua mau mea hana suaipa hou i paa ae i ka hopuia. O keia ae la ka hua o ka hana a na kanaka o ke aupuni o ka hokakakiu ana no ke kinai ana i ka hanaia o ke suaipa maloko o Honolulu

         Ma kekahi o keia mau hihia ae la ohiku he Kepani i hopuia o Imamura ka inoa no ka halihali ana i ke suaipa mai kekahi wahi a i kekahi, o ka loio McBride ka i hooikaika e hookuuia ua Kepani la mamuli o kekahi palapala hookuu kino a maloko o ka home o ka Lunakanawai De Bolt ka hooloheia ana o ka McBride noi no ia palapala.

         Ma ka hoakaka a ka oihana makai ua hoea ae o McBride i ka halewai a noi ae la e aeia aku oia e kamailio me Imamura ma ke ano oia koua loio, a ua hooheia  ana o ka McBride nooi no ia palapala.

         Ma ka hoakaka a ka oihana makai ua hoea ae o McBride i ka halewai a nooi ae la e aeia aku oia e kamailio me Imamura ma ke ano oia kona loio, a ua hooleia mai kana noi e na makai makuli o ko ka paahao lilo ana he paahao ma ke aupuni federala, a no ia hooleia ana aku o kana noi e na makai i holo akuai oia no ka home o ka Lunakanawai De Bolt no ke noi ana e hoopukaia mai i palapala hookuu kino no Imamura, a ua loaa mai.

         I ka loaa ana o ka palapala ua hoea hou ae la ka loio uo ka halewai, a hoike aku la i ka palapala hookuu kino o Imamura, eia nae, i ka wa i maopopoai i ua o McBride he paahao federala o Imamura ua huki hou oia i ka palapala.

         Ma ke kakahiaka Poakahi nei i laweia ae ai keia mau hihia apau ehiku mamua o ka aha federala no ko lakou hookolokolo ia. O ka poe i hopuia no lakou keia mau inoa: Wm. Kakaio, T. Imamura, Laie Kaninau, Kaonohi ame L. J. Wilhelm. O na wahine elua i hopuia ai ma ke Sabati mai no laua keia mau inoa: Mrs. Annie Keliikuli ame Hana Kina.

E HOEA MAI ANA KA LUA O NA PUULU KOA PALANI

         O ke emi loa he kanaha mau aliikoa ame elua haneri koa Palani hou he mau kanaka lele i ka lewa e hoea mai ana i Honolulu nei a e holo loa aku ana no Vladivostok, Siberia, aneane i na la waena o Feberuari, elike me ka lono i hoikeia mai i Honolulu nei. He elua haneri koa i haaleleia aku i Kapalakiko a ma ka manawa a na koa Palani mua i hoea mai ai a hala aku no Siceria, a o ia mau koa aku la i koe apau ua kauohaia mai lakou no ka holo mai maluna o ka moku lawekoa Amerika hou aku e holo ana no Vladivostok.

         O na aliikoa Palani hou i hoounaia mai Palani mai ua hoea ae lakou i Kapalakiko ma ka la 8 o Ianuari. Aia lakou malalo o ka hoomalu ana a ko lakou aliikoa kiekie De Latour. O kekahi heluna o lakou he poe i waeia no ka huli pono ana i no kulana hoomokaulii maloko o Rusia.

I KA HUI MANAWALEA O KAUAI

         He ui he ninau i ka Hui Manawalea o Kauai o Manoakalanipo-la o e kuu lei makihana aloha, mai ke ala apuni ae na ailana o Hawaii nei. He milimili oe na ka poe heluhelu, a he pulakaumaka na me nei.

         Sol. Hanohano, aloha kaua:-E oluolu oe e hookuu ae i ke ala o ka hiwahiwa a kaua a loaa aku ka moku kailila o Kauai, o ia hoi, no kela wahi poomanao e kau ae la maluna o ka piko o na mauna, a me ia ka ninau ia oukou he poe papa wale no anei ka mea i hana a i ole i hoomaamaa i na kaikamahine i ka hoowali kikala i ke one o Luhi@

         O ka papa a'u e ninau nei, o ia no ka papa peresidena o ka Hui Manawalea o Kauai, a i ole paha he mau lala paha, a i ole komite paha@ No ka mea ua ike iho la au i ka pepa o ka la 3 o Ianuari, 1919, e hoike mai ana ma ke ahiahi o ka la 14 o Dekemaba, o ia hoi he Poaono kela, ua hoike ae oukou i na mea maikai a kakou a na Hawaii i maa, koe aku na ili puakea.

         Eia kekahi he misiona alakai no anei kekahi me oukou i ka wa a oukou i hana ai i kela hoowali kikala@ Ina ao'e misiona pakele ouoku, in a he alakai wika niho o ka iole, aole ka oukou i ike he huhu o Samuel E. Woolley, he kanawai, wahi a ko makou mau misiona e ha'i nei.

         Mamuli o ia mau hana ua haunaele Ewa i ka Moae i keia mau la a'u e noho nei. Mahalo loa au i ko'u ike hou ana i ka lua o ka manawa au e Kauai i hana ai i kela hoowali kikala. E aho paha no'u e hoi aku ilaila me oukou e hoowali ai.

         Ua olelo ko makou alakai, he hewa moekolohe ka kela, ua anelike me na hewa ku i ka make, a he hoopilikia ka E oluolu e hoike mai ma keia mau pepa iho ke loaa ka rumi o ka hiwahiwa a kakou. Ua olelo pu mai ko makou misiona, in a e hoomau e hoopa'i ana ke Akua ia makou; noia kumu lke uo a oukou i hana ai, o ia no ka keia Hui Manawalea o Paia i hana ai.

         Ua imi aku makou i dala no ko makou waihona Hui Manawalea ame ka Hale Laa, ma ka hula olapa, a he ahamele kekahi, ua nui na loaa ia makou mamuli o ka hoowali ana o ke kikala. Pehea, he inoa e ae no kekahi a ko oukou mau misiona e haawi ai ia oukou elike me ko makou? Ua lawa paha keia, no kekahi manawa aku, wahi a ka nupepa; a ike hou aku au.

         Me ke aloha nui i na keiki hoonoho hua mekala ame Sol. Hanohano ko'a welina. Owau iho no,

MRS. NOHOHUI KAPUAA

         Paia, Maui, Jan. 6, 1919

HE HOOMAIKAI

         O makou o na hoahanau o ka Ekalesia o Waikane, ma o ko makou kahu la, ke haawi aku nei makou i ko makou hoomaikai nui i ka poeno lakou na inoa malalo iho, i hoomohala mai i ko lakou mau lima aloha a haawi mai i ko lakou mau lima aloha a haawi mai hoi i na kokua ana, no ka hoopau ana ae i kekahi mau hemahema e pili ana i ko makou hale kahu ma o Mrs. Pilahi kaleimamahu, ke komite a makou i apono ai, no ke noi ana aku i na kokua ana a no lakou hoi mau inoa:

         Ekalesia o Waianae, $10; Eklesia o Hauula amu Kahuku, $10; Caroline Robinson, $5; Mary E. Kipimana, $5; Corn, $2; Mrs. W. P. Miller, $2; Wili Laiki, $2; Kalehua Ah Sam, $1; Annie Ah Young, $1; K. Kawai, $1; Mrs. Pila Manuahi, $1; Mrs. Ahuna Nakapuahi, $1; Mrs. Fanny Colling, $1; Ernest H. Colling, $1; W. A. Miller, $1; G. R. Miller, $1; Louisa Miller, $1; Loke Konaaihele, $1; Moses Konaaihele, $1; Mr. ame Mrs. J. K. Roberts, $1; Mrs. E. Rocha, $1; Mrs. M. K. Woodward, $1; J. C. Crowder, $1; Mrs. J. C. Crowder, $1; Kahikina, $.75; Kuiki, $.50; Kauikala, $.50; Julia Kea, $.50; Imiola Kea, $.50; Mrs. P. H. Nawaliwali, $.50; Kalei Nihoa, $.50; Mrs. Hoohila Manina, $.50; John Dunhan, $.50; Miss Lucy K. Ahnee, $.50; Carolie Watson, $.50; Henry Wahea Jr., $.50; Mary Watson, $.25; P.Waiwaiole, $.25; Mrs. Lokai Pauole, $.25; Huina, $65.00.

         Ke haawi pu aku nei no hoi ka Ekalesia o Waikane i ka hoomaikai i ka poe i haawi pu mai i ka lakou mau kokua ana i ko lakou hale kahu, ka poe hoi i haawi pu mai i ka lakou mu kokua ana i ko lakou hale kahu, ka poe hoi i haawi lokomaikai mai i ka lakou mau kokua ana, mailoko mai o ko lakou puuwai me ke kono ole ia aku, aka, mamuli no o ko lakou makee i ka pono o ka hana a ko lakou Haku aloha, ame kona neemua ana, a Nana no auanei e haawi mai i na  hoopomaikai ana he nui maluna o oukou apau loa.

         M ka haahaa

JAMES DAVIS.

Kahu o ka Ekalesia o Waikane, Oahu.

 

         WAHINGTON, Jan. 20-He umi mau Mekia-Kenerala, he 13 Brigadier-Kenerala ame hookahi Konela i waeia e ke Kenerala Pershing e loaa aku ana  na medala hoohanohano o ka oihana ka ua, i hoikeia ae e ke keena kaua i keia la.

 

E HOIKE ME KA POLOLEI.

         Aohe waiwai o ko makou "hoolalau wale ana no." He oi aku ka pono o ko makou hoike maoli ana aku i ka mea pololei. Makemake makou e hoao oe i ka Laau Kunu a Chamberlaiu, i kou wa e loaa hou ai i ke anu, Aole makou i ike i kekhi kumu nou e hoohana ole ai ia mea. Ua loaa i keia laau ma o kona hoola kamahao ke kaulana apuni ke ao nei, a ua kamailio mai na mea apau ma na wahi like ole me ka mahalo nona. Eia ke kuaiia nei e ka poe kuai laau lapaau apau, o Benson Smith & Co., Ltd., na akeha no Hawaii.-Hoolaha.

         HOOMAKAUKAU NO MUA AKU NEI

         E Hoao e Hoomakaulii Ano…E Malaa i ke Dala e wehe Buke Banako H 'ahu me ke

         CHINESE-AMERICAN BANK

A NANA AKU I KA ULU O KAU DALA

         NA PAHU DALA       $1.00 no ka Wehe        Kihi o ke Alanai

         no ka Hoolimalima       Ana i ka Hoahu            Moi me Nuuana

 

Kela Laau Kamahao

B.B.C.

I Aponoia e na Kauka Kaulana he nui ame na Kanaka iloko o na oihana a ka lehulehu

         He loina akeakamai. I kaawale malama walawa minerala mai. He mea ia i hoohuihuiia o na Meaulu Laau Lapaau e hana pu ana me ke Akua, hoomaemae a hooikaika i ka mikini holookoa oloko o ke kino; e kiola ana i ka nawaiiwali ame ka ma'i, e hoolilo ana laia i mea hulili me ka mimo ame ka mana o na aaioio. Nana e hoomaemae i ke koko-hoola i ka Opu, ke Akepaa, ka Puupaa ame ka Puumimi. He Lanu Hoonaha kaikai me ka hohemo i ke ko-e.

         O ka B. B. C. ka mea nana e hoopiha mai i ke kino me ka ikaika wikani o ke ola kino ame ka ikaika o na la opio. Ua hoopomaikaiia ka poe nawaliwali. nananakea, emi pu me ka haalulu. mahope o ka hoao ana he mau pule kakaikahi wale no.

         O ka B. B. C.  ka Laau maikai loa ma ke ao nei.