Ka Nupepa Kuokoa, Volume LVII, Number 7, 14 February 1919 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

Aole i liuliu loa ma ia hope iho, i ka nana mai a na makaikiu me he mea la ua hooholo iho la oia i kona manao. Lalau iho la oia i kekahi pahi oki pepa e waiho ana iluna @ ke pakaukau, a oki iho la i kekahi kihi o ka wa-hi leka. a i ka hemo ana ae o ka leka hoomaka iho la ka nana ana i ka manao i kakauia maloko.

"He hoahui wahine anei kekahi o Kaila Esekina?" i au aku ai kekahi o na makaikiu i kekahi.

I ka hala ana o kekahi mau minuke pokole ma ia hope

h@@mahope iho o ka heluhelu anan o ka wahine opio i ka eka i ka lewa, a hoomaka 'iho la ka lelele ana. me he la e laia i ohi ae ai ma ia ano ua huli pono mai la kona alo ma kahi a na makaikiu e ku aku ana nana ma ka puka o La runi kakau. Ia manawa aneane loa na makaikiu e uava @@ no ko laia ike pono ana aku, no ka mea aola ia he wa-hine okoa aku, aka o Akeneki Wekafoda no.

O Akeneki Wekafodo io no anei oia, he kaikamahine i hoike mai i kona aloha paumako maluna o Hale Toda, ua haawi hoi i kona ola no Hale Toda, a wia nae ia manawa hookahi, ua hana pu mai oia i kekahi hana apuhi i mean o hoopoinoia ai o ka Hale Toda ola ame kona mau pono?

O keia ka ninau mua i ala ae nae. i ka manawa a laua i ike maopopo aku ai i ka hele-helena o Akeneki ame kana hana ua hoopau kokeia ae ia mau manao kuhihewa o laua.

He oia mau ko Akeneki oiaio, oia mau kona aloha ia Hale Toda, a no ko Hale Toda pono oia i haalele aku ai i ka home a i kona makuakane hoi, a au mai la i ka loa me ka manao e lilo mua iaia ka leka mamua o ka loaa ana ia Kaila Esekina.

Aole e nele ana ke hookahhaia o ria makaikia i ko laua manawa i ike aku ai iaia no ka mea, ma kona manawa i haalele aku ai i na makaikiu ma Noe aka, ua hoihoi wawae-ia aku oia no kona home e kekahi hoaloha ona, a pehea la oia i hikiwawe loa ai ka hoea ana mai i Nu Ioka?

He ninau pohihihi loa keia i na makaikiu ia manawa, aka, e loaa ana no ia laua ka ike mahope iho. Okekahi ninau hoohuikau i ko laua mau noonoo ia manawa e hoike aku anei laua ia laua iho imua ona?  Ina pela, alaila, pehea la laua e hana aku ai i ole ai e lilo ia hoike ana aku i mea e hoomaka'uka'u ole aku ai ia Akeneki?

No kekahi manawa ke kuka ana o na makaikiu mao ka hawanawana liilii ana aku o kekahi i kekahi e lohe ole mai ai o Akeneki. I ka loaa ana o ka laua olelo hooholo, a oiai hoi o Akeneki e heluhelu hou ana i ka leka no ke kolu o ka manawa, ia manawa i kamailio aku ai o Akeneki i ka i ana aku:

"O ke aloha aumoe no kou, e Miss Wekafoda. O Ka-ta keia e kamailio aku nei a mai maka'u oe. Eia wau ame Kita maanei. E ae mai ana anei oe ia maua e komo aku?"

I ka pau ana no o kona kamailio ana, o kona wehe malie ae la no ia i ke panipuka, a komo aku la oia me kona kokua noloko o ka rumi a Akeneki e ku mai ana.

Ma ka manawa mua i pae aku ai ka leo o Kata he oiaio ua hoopihaia o Akeneki i ka maka'u, a emi malie aku la a noho iho la iluna o ka noho, e ku kokoke mai ana, eia nae, i ka manawa i maopopo ai iaia o Kata io no ka mea i ka-mailio aku la iaia. ua hoopau kokeia ae la kona maka'u

I na makaikiu i komo aku ai a ku mahai o ke pakaukau huna ae la o Akeneki i kone mau maka me kona mau lima, me ka pii o ka ula ma kona mau papalina, me ka kahea ana mai me ka leo nui ma ke ano e akaaka hapa ana a e uwe ana no hoi:

"Aohe a'u pane e ae o keia wale no, o oe kekahi o na kaikamahine koa loa a'u i ike ole ai i ka lua e like me oe mamua, e Miss Wekafoda,"me ka akaaka ana aku. "Ke ike ole nei au i ke kumu o kou hoea koke ana mai nei, a pela hoi me ke kumu o kou hikiwawe ana o ke hoea 'ana mai ianei. no ka mea, haalele aku nei no hoi maua ia oe i ke Awakumoku Sega eia mai nei ka oe iane. O ka'u i ma-nao nau ai aia la oe i kou home kahi i noho ai a i ole kahi i hiamoe ai i nei manawa me ka maluhia, eia ka ua hoea mua mai nei oe ianei"

"Ke manzo nei au he mea pono ia oe ke hoahewa mai ia'u no keia hewa nui a'u o ka hana ana iho nei. he hana a'u i hiiahila iho la e hiki ole ai ia'u ke nana aku i kou mau maka. aka, i hai aku nae au ia oe, i hoea mai la au ianei no kekahi mea a'u i noonoo nui ai, a no ia mea, aohe a'u mea e ae e noonoo ai o keia wale no," alaila hoikeike mai la oia i ka leka ana e paa ana iloko o kona lima ia manawa, wahi a Akeneki. 

"Ina e oluole mai ana oe, alaila e hoike mai oe ia maua i na mea apau e pili ana i kela mea nana i hoehaeha aku i kou noonoo a i lilo ai hoi i mea nana e hoohia-a mau aku i kou noonoo." wahi a Kata, alaila hele aku la oia e pani i ka puka o ka holo.

"O, me ka hauoli loa wau e hoike aku ai ia oluna ia mea, e Mr. Kata," wahi ana. "Aka nae, momua o kuu hoike ana aku ia olua ia mea e pono au e hoike aku ia olua he karaima ka'u i hana iho nei me ka hlopono loa.

"Ua hoea mua mai nei au ianei mamua o olua a ua erheia iho nei e a'u ka leka e pane mai ana i kau mea i hoolaha ai malojo o na nupepa, he leka e hoiaio ana he keikikane io no io Hale Toda na Hale Esekina."

Iaia i kamailio mai ai i keia mau olele ar la. haawi mai la oia i ka leka ia Kata ia manawa hookahi, a lalau aku la n ohoi o Kata me ka helehelena hoihoi a heluhelu ae la a nui ka leo, e like me ka Kita noi.

() eia malalao nei ka manao o ka leka, ua kakauia mai e kekahi wahine. pela ke Kata nana iho ma ke ano o ka limakakau. a e hoakaka ana penei:

Helu 19 Alanui Bisela. Alinetona. N.J

"Aloha oe:--Mamuli o ko'u ike ana i kau hoolaha malokpo o ka Nupepa Intelligencer, o keia wahi, ua lalau koke iho la wau i ka'u peni iloko o ko'u lima no ka hoike ana aku ia oe no ka hiki ia'u ke hoakaka aku ia oe no kau mea i makemake ai. Aneane he iwakalua-kumamakolu makahiki i hala aku nei. ma ka manawa a'u e noho ana ma ke Alanui Helu 221, ma ke kuea Irving, Montclair, N.J ua hele mai la o Hale Eskina, kekaikikana a ke Kiaaina Eskina o Nu Ioka, ame kana wahine, I'Ielena Tenana, e noho me a'u ma ke ano hoolina lima i kuu hale.

"No ka umi-kumamawalu mahina ko laua noho pu ana me a'u ma ka manawa o ka makuakane, i hanau ai. Mamuli o ka'u hokeke ana aku i kiia ai ke Kauka Ford, ke kauka nana i lawelawe ia Mrs.Esekina, elike me ka'u e hoomanao nei.

Ua make oia i key manawa aka nae ua hike loa ia oe ke kele ae e noi no ka moolelo o ka hanau ana o kela keiki maloko'o o ke keena e hoopaaia ai o na hanau ma Montclair, no ka mea, o na hanau apau e hoikeia ae ana malaila. Mawaho ae o keia, ma ka aoao au o ke Kauka Ford kahi i ku ai ma ka manawa ana i hana ai i ka palapala hoike hanau maloko o kuu rumiaina.

"Aole i loihi loa ma ia hope iho, me he mea la he ekolu a eha paha mahina, ua ioaa mai la ia Hale Esekina kekahi hookohu no kekahi hana aupuni, a mamuli o ia hana i loaa mai ai iaia ua holo aky la oia no Inia. Mamua o ko laua holo ana aku no Inia ua hoihoi aku la o Mrs. Esekina i ka hehe @ laua me kekahi mau hoaloha o laua ma ke Aeakumoku Sega. ma ka Mokuppuni Lohihi, a i ole ma kekahi wahi kokoke paha malaila, pela ho'u manao, no ka mea he ka'u laua i ka lawe pu i ka laua bebe la, aka, mamuli o ko'u ike ihoaina ia i kaulana i ka wela, me ka laha mau o ka ma'i piva. oiai kela bebe he opio oio loa ia manawa. Ua makemake no au na'u e malama i ua bebe la, aka mamuli o ko'u ike iho no hoi ua piha no ko'u alo i na keiki lehulehu a'u e malama ana, oia ka'u mau keiki ponoi, a ua make aku no hoi ka'u kane he mau makahiki lehulehu mamua aku, aohe mea nana e malama mai ia makou ke lehulehu loa mai ka'u mau keiki e malama ai. pela au i lawe ole mai ai ia bebe ma'u e malama.

            "Mai ko laua la i kaawale aku ai mai a'u aky ahiki i keia la aole au i lohe ihi mai i kekahi mea e pili ana no laua, aohe no hoi he maopopo o ko laua wahi o Inia o ka noho ana ahiki mai i keia la aohe maopopo iki ia'u ke ola mai la no paha laua a aole pah. a i kuu wa i ike ai i kau hoolaha iloko o ka nupepa, e noi mai ana no kekahi hoakaka e pili ana no laua ua hookikolele nui ia mai au. Ina he mau mea hou aku kekahi au i makemake ai ia'u e hoike aky ia oe e 'ilo ai i mea kokua aku ia oe ua hauoli loa au i ka hoike aku. Iua aole au i loaa i ka ma'i rumatika in a ua hoea kino aky no au imua ou, 'aka hoi, ua loohia ika pilikoa, nolaila, ma ka leka no oe e ike iho ai i na mea apau a he mau hoakaka oiaio loa keia, no ka mea, ua ikemaka au. Ina ua loaa a oe kekahi ike no ka mea e pili ana i ka ohana Esekina mahope iho o ko laua haalele ana mai ia'u e hauoli loa ana me ko'u makemake ia Mrs. Esekina ame kana bebe.

            Owau no me ka oiaio loa, Mrs. Ernest Thopson."

            Ea, aole anei keia he noolelo moakaka loa?" i ninau mai @i o Akeneki i ka Makaikiu Ka-ta mahop iho o ka pau ana o ka Ka-ta heluhelu ana i ka leka.

            "Ae, he moakaka loa keia, a o keia no hoi ka maua moolelo i makemake loa ai e loaa," wahi a Ka-ta o ka pane ana aku. "Ua hauoli loa au i ka loaa ana mai la o keia mooleleo no ka mea. aole au i mano e loaa mai ana kekahi moolelo hoohauoli loa mai i ko'u noonoo ma keia ano, no ka mea, ua oihi loa ka manawa ihala aku neim a ua kauliilii no hoi ka noho ana oka poe imaopopo i kela mau mea, na makua o Hale Toda e kapaia nei i keia la."

            "O. maikai maoli o Mrs.Thopson o ka hoike ana mai nei i keia mea," wahi a Kita o ka pane ana mai.

            "O, hauoli maoli iho la au in a e hiki ana ia'u ke apo aku a hoi aku ia Mrs. Thompson!" i hooho ae ai o Akeneki me ka piha loa i ka hauoli. "Aohe ninau ana ikeia manawa no ka loaa o ko Hale mau pono, aole anei ou manao pela, e Mr. Ka-ta?"

            "Aohe kanalua ana i keia manawa," i pane aku ai o Ka-ta. "Ke manao nei au ua malaelae loa ko kakou i makemake loa ai i nei manawa.

            "Ina no aole e loaa ana kehai palapala hoike no ko Hale Toda hanauia ana ua lawa loa keia leka e hooiaio mai ai i ka Hale mau koi, me ka mahalo nui i ka hoike a nei wahine lokomaikai, mawaho ae o ka Mr. ame Mrs. Toda hoike, he mau oleloike e paaia nei e a'u i nei manawa ma ke ano he oleloike i hoohikiia."

            "No ke aha kou mea o ka olelo ana ae nei e kanalua ana no ka loaa o kekahi palapala hoike no ko Hale hanauia ana?" i ninau mai ai oAkeneki me ka helehelena kaumaha.

            "He mea hiki no ia ke kanalauia iho, no ka mea, aohe maopopo o ka loaa aku. Malia paha ua pau kela hale hookolokolo ma Montclair i ke ahi a ua pau pu me na palapala apau. Aka nae, aohe o'u manao he mea kekahi o ia ano i hanaia. Me ke kanalua ole ke olelo ae aia no keia moolelo ke waiho mai la a e loaa aku ana no ia, me ka moakaka o na mea apau @ ke me ia i kinohi.

            "Hookahi a'u mea hoike aku ia olua, ke hauoli loa nei au no ko Hale pono a no kou pu kekahi, e Miss Wekafoda. Ea. e Miss Wekafoda, aole oe i hoike iki mai nei i ke ano o kau hana ana ahiki ana oe ianei, a pela hoi me ka kumu o kou mauna ana mai i kou ola ma o ka holo ana mai i keia loa a hoea ana ianei."

 

MOKUNA XXXIII

Ke Kaikamahine Koa.

            "O, he kumu oiaio maalahi loa, e Mr.Kata," i pane mai ai o Akeneki," a ke manao nei au e olelo mai ana no oe he haaupo loa a he ano wahine ole paha iloko o'u no ko'u hana ana i keia mea.

            "Aka, e hoolohe iki mai oe, ua makemake au e hana i kekahi mea no Hale no ke kokua aku iaia. E hoomaopopo mai oe ahiki mai i keia manawa aphe noonoo maikai iloko o papa no Hale a ua maopopo no ia oe ke kumu mamuli wale mai no ia o'u nei.

            "I keia manawa ua ike le'a wau i ka manawa maikai no'u e hana ai i kekahi hana no kona pono, a pela i hooholo ai i ko'u manao e holo mai ianei e like me ia au e ike mai la.

            "O ka mua, e pono ia'u e hoike aku ia oe ua lohe ei.  mai au, oiai au e moe ana malalo iloko o ka moki no olelo a Betimana o ka olelo ana aku ia oe ma keia auina la maluna o ke Swift i ka manao ana o Kaila Esekina e holo mai ianno ka manao e lilo aku iaia na leka a kekahi poa e pane mai ana no kau hoolaha."

            "O kau anei e manao la no ka mea e pili ana i ka makemake o Kaila e loaa aku iaia na pane mai kekahi poe mai e loaa mai ana ia'u no kela hoolaka au i hookomo ai iloko o ka nupepa?"

            "Ae, oia, Ia'u e moe ana malalo o ka moku, ay e hoomanao la no ka kali ana o ka malo ae o kuu mau mea apau i kamailio aku ai ia oe.

            "Mamuli o ka hamama o ka puka aniani ua hiki ai ia'u ke alo ae, no ka mea, he nui maoli kona leoe kamailio ana ia oe. Aole o'u manao e hoolohe aku i kana mau mea apau e kamailio aky ana, aka pehea auanei e hiki ai ia'u ke alo ae, no ka mea, he nui maoli kona leo e kamailio aku ana, nolaila o ka'u hana wale no o ka hoolohe pono aky i kana mau mea a pau e kamailio ana?"

            "Ae, ua pololei oe, aohe au mea e ae e hana ai o ka hoolohe wale ae no. Hoomau aku i kau kamailio ana, ke oluolu mai oe. No ke aha kou mea o ka noonoo ana e holo mai ianei, no ka mea aohe mea i kamailioia iwaena o maua me Betimana e hoounaia mai ana na pane pololei ianei"

            "Ua ike no au i kela, aka ua ike no au i kekahi mau hoolaha maloko o ka nupepa Times o Nu Ioka a papa e lawe mau ai. a ua ike au ma ia mau hoolaha e hoakaka pololei ana i kou wahi e noho ana, a ke manao nei au pela aku la no paha me na hoolaha apau, elike me ka'u i ike ai."

            "Heaha kou kumu o ka manao ana e ho'o mai i keia loa me ka luhi pu ia oe, me ka mauna pu i kou ola, no kou manao wale ana no e loaa aky ia oe kekahi pane?" i ninau mai ai ka makaikiu Kita. 

            "He mea pono no e loaa aku ka ike ia oe ua palekana ko Hale Toda mau pono iloko o ko maua mau lima, a o kela ame keia palapala e loaa mai ana e hoohanaia aku ana ia ma ke ano maikai a hikiwawe loa, no kona pono."

            "Ua maopopo no ia'u ia mea, e Mr.Kita," wahi a Akeneki i pane mai ai, me ka akaaka pu ana mai. "Eia nae, ke hopohopo nei ua no ka hiki ole ia'u ke hoakaka aku e maopopo mai ai ia olua ko'u manao maoli, a ke hoike aku nei nae au ia oe eia me a'u kekahi mea o ia ano.

            "He manao maikai loa keia i kuu noonoo ana, a ke manao nei au e hoomaopopo iho ana no kela ame keia kaikamahine i komohia ke aloha no kekahi mea ana i aloha ai, i kekahi kumu o ka'u hana ana i keia hana a olua i ike mai la ia'u i keia po.

            "Mamua o ko kakou kaawale ana ma Noeaka aohe au i noonoo iki no ka holo mai ianei, aohe no hoi o'u manao iki ia manawa e kamailio aku ia olua no ko'u manao e holo mai ianei, a i ole noi hoi ia olua no ko'u holo koke mai ianei mamua o ka loaa ana he manawa no Kaila Esekina e hoea ai ianei

            "Eia wale iho no ka loaa ana o keia manao ia'u a mahope iho; ia'u i haalele aku ai ia olua, e ulu mau ae ana keia manao iloko o'u e holo mai au ianei, no keia kumu no, aia mau iloko o'u ka hopohopo aole olua e hoea mai ana ianei iloko o ka manawa kupono e keakea aku ia i ko Kaila Esekina hoea ana mai ianei a haehae i ka leka a mau leka paha e hoounaia mai ana, a no ka ikaika loa o ka ulu mau ae o ia manao iloko o'u ua hiki ole ia'u ke hoomanawanui. 

            "Ua loaa ia'u ka ike maopopo e loaa mai ana no kekahi mau palapala ia oe, e pane mai ana no kau hoolaha e loaa ai kekahi hoike maopopo no ko Hale pono, he pane hoi a'u i makemake loa ai e liko ole aku ia Kaila Esekina.

            "Oiai au e hoi ae ana no ka home, ua nui ka makemake iloko o'o e maopopo kau mea e hana mai ana ua loaa paha ia oe kekahi hopohopo no ko Kaila hoea mua mai ianei, a i ole e ukali mai ana paha oe mahope o Kaila i Nu Ioka nei, a huli aku iaia ma kekahi wahi?

            "Aohe maopopo ia'u o kau mea e hana mai ana, a no ia maopopo ole, pela wau i hooholo ai i ko'u manao e hoea mua mai au ianei e pono ai, a e komo mai iloko nei o keia hale, i lilo mua ia'u ka leka, in a he leka kekahi, mamua o ko Kaila Esekina hoea ana mai ianei," wahi a Akeneki.

            "Ua maopopo aku la ia'u kou manao, aka, pehea oe i aa ai e holo mai ianei iloko o keia manawa o ka po me kou nana ole i kou ola?" i ninau aku ai o Kata.

            "Ua hai mua aku nei au ia oe i ke kuu a o ka mea hoi nan i hoolalelale loa i ko'u noonoo," wahi a Akeneki o ka pane ana mai.

            "Ua nui ko'u noonoo ana no keia mea ahiki i ke ano e ana o ko'u noonoo e hiki ole ai ia'u ke hoomanawanui no ka holo mai ianei. He mea oiaio, he mea pono ia'u e haawi aku au i ko'u hilinai maluna o'u a ke ike nei au ia mea i keia manawa, aka e ike mai no nae oe i keia ua piha loa au i ke pohoihoi. "E haawi ana paha oe i kau noonoo hohonu ana maluna o ka Betimana mau olelo me ka manaoio i kana a aole paha, aole au i maopopo no ia mea. 

            "O kekahi no hoi aole i maopopo ia';i ka olua wahi e noho ana a pela me ko Hale. Ua hoi pololei loa paha oukou no ke Awakumoku Sega a aole paha, a no ia maopopo ole, pela au  i hooholo ai i ko'u manao he mea pono ia'u ke hana ponoi me ko'u kaukai ole aku ia olua.

            "Ia'u i hea ae ai i ka hale ua hoakaka aku la a'u i na mea apau ia papa. no ke kumu o ka'u hoohakalia loa ana i ka hoi mai, elike me ka maikai loa a'u i ike ai, a ia pau ana, noi aku la iaia e hookuu mai ia'u e hoi au e hiamoa. no ka nalulu o ko'u poo, a ia ae ana mai no on a o ko'u hoi pololei aku la no ia noloko o ko'u rumimoe, aohe o'u nalulu io, aka, i loaa ia'u ke kumu e hookuu kokeia mai ai au.

            "Iau i hoea aku ai iloko o ko'u rumimoe, aole au i hoololoiahili wale, o kala ka manawa kupono. Ua hoololi koke au i ko'u mau aahu, a i ka paa ana, mahope o ko'u komo ana me ka awiwi loa, ua iho koke aku la au no ka halekaa ma kekahi puja ma ka aoao o ka hale ahiki, i ka halekaa otomobile, a o ko'u kauoha aku la no ia ia Toma, ke kalaiwa kaa e lawe koke mai ia'u i Nu Ioka nei maluna o ke kaa otomobile nui o papa."

            "Koa maoli no oe!" wahi a Kita o ka pane ana mai me ka aka

            "Ua maopopo ia'u ka olua mea e kamailio mai ana, aka mai kamailio mai olua ahiki i ka pau ana o ka'u mau olelo.

            "O keia kalaiwa, o Toma a'u i olelo ae nei, o ko'u mea ia nana au i malama mai kuu wa bebe mai. O ko makou kahukaa mau oia a he like kana malama ana ia'u me ke kahi o na wahine malama keiki a kahuma'i paha.

            "Aohe ia mea he maka'u iloko o'u ke kaa wau malalo a kana malama ana, e ike iho ana wau ua palekana mau au ke hele pu me ia, eia nae, me ka hana nui au i noi aku ai iaia e lawe mai ia'u ianei ahiki i kona ae ana mai, me ka hakanu no nae.

            "Ua haalele aku nei au iaia i ka halekaa elua kuea mai nei aku," wahi hou a ua o Akeneki.

            "Me he mea la ua hala mua mai o Esekina a mahope mai oe o ka holo ana mai. Pehea kau mea o ka hana ana i hikiwawe loa ai kou hoea ana ianei? Me he mea la ka hoi i ka nana aku ua lele mai nei oe ma ka lewa."

            "Eia no ke kumu," i pane mai ai o Akeneki," he oi aku ka holo o ka maua kaa i kona, a o kekahi mea pono e kaa e maua mamua ona. Ua kauoha au ia Toma e kuupau i ka holo o ke kaa, a ia holo ana mai a maua, he hole au e olelo iho ai i ke kau o ka weli, a he holo hoi e pau ai ke ola in a no ka halawai nei me kekahi ulia."

            "A pehea i maopop ai ia oe aole o Esekina i hoea mua mai ianei mamua ou, a i ole komo mai paha iloko nei oiai oe maloko nei?"

            "Aole ia he mea paakiki loa i ka noonoo iho. Ia mua i hoea mai ai i kahi kauhale o Iselipa ua kaa mai la ko maua kaa mamua a haule kona kaa mahope.

            "I maopopo ia mea ia'u mamuli o ko'u lohe ana aku i kona leo o ia kahea ana mai, me ka hoopuka ana mai i kekahi mau huaolelo i kana, no ka mea ua papa aku au ia Toma aole e hoopaa i ka holo o ke kaa, a in a no he manao kekahi iloko on a e hana pela e papa aku ana no au iaia."

            Nee ae la na makaikiu i ka akaaka no nei mau olelo ana.

            "No ko'u ike ana iho la ua hoakaka mai la oe i na mea apau me ka maopopo loa, akahi n oa hoopauia ae la ko maua pohihihi: pela io ka oe i hoea mua mai ai ianei. aohe io no e nele ana ka hana o kekahi kaikamahine i piha i ke aloha no kana mea aloha i kahi hana o keia ano, elike me ia au  ihana mai nei i nei manawa o ka po, no ka pono o ke kokua ana aku ia Hale.

            "Aka, eia ka'u mea e haohao a e kahaha pu nei, pehea i loaa ai ia oe keia hao oki aniani a i loaa mai nei ia maua ma ka puka ma ka lanai malalo?" wahi a Kata.

            Ia manawa hookahi lalau iho la oia a lawe ae la i ka hao aki aniani mai kona pakeke ae a hoikeike aku la.

            O ko Akeneki manawa hoi keia o ka nee ana ae i ka akaaka, i kona manawa i ike mai ai i ka hoikeike ana aku o Kata i ka hao oki aniani, ka mea paahana a ua o Akeneki o ka wehe ana a hemo ai ka puka.

            "O, kena hao!" wahi a ua o Akeneki. "He pahu mea hana ka kuu kaikunane ka Fereda o na ano meahana like ole apau, he pahu meahana i haawiia ae iaia ma ke ano makana no ka hoopahaohao ana i ua o Fereda ma kekahi la hanau ona. 

            "He hana mau na maua ka hoao mau ana e wehe i na pukakomo ame na puka naiani o ko makou hale ahiki i ko papa huhu okoa an amai ia maua.

            "Ia Fereda i hele ai ua waiho iho no oia i ua pahu meahana la ana mahope, a no ko'u manao he mea paahana kupono loa ia na'u e lawe pu mai ai, pela au i lawe mai ai, ua ike iho la olua i ka hua o kana hana, ua hemo ka puka." 

            "Pela io ka. Ua weheia e oe ka puka me he mea la he mea i paulehia loa ia ano hana. Ua kupono loa oe e lilo i ma kaikiu," wahi a Kata i pane aku ai me ka aka.

            "O, he hana lealea maoli!" wahi a Akeneki. "No ko maua akamai loa, aole no hoi i poina ka hana ana e hemo ai ka puka, pela au i aa ai e holo mai ianei a e wehe i ka puka, no ka mea. ua ike au i ka mea e hemo ai, a he karaima koikoi loa paha keia la a olua e kapa mai ai ia'u ma ke ano he mea aihue a wawahi hale". 

            "Aole au ike i kekahi kaikamahine koa loa elike me oe mamua Ke haawi aku nei au  iko'u mahalo moi ia oe no keia hana makau ole a mauna loa i kou ola au o ka hana ana iho la, a e hawi pu aku wau  i ka'u hoomaikai ia Hale no ka loaa ana o kekahi kaikamahine koa loa i wahine nana.

            "E hoopau kakou i ka noonoo hou ana aku no keia, e hana aku ana. He manawa wale no no Kaila e hoea mai ai ianei, nolaila, e pono oe e Kita e lawe koke aku iaia nei no kahi o ke kaa, a e kakali ae hoi au ianei no ka hookipa ana mai i ka on a miliona opio no ka halawai ana aku me ia, malia o hoea mai.

            "Ia Miss Akeneki e kau aku ai i ke kaa ea, hoi mai oe a ma kekahi wahi kokoke mai i ka hale, a hakilu mai i na mea e hanaia ana. Aole o'u makemake ia oe e komo mai oe iloko nei o ka haloa ka manawa pupono ole, o maka'u e auanei ka malihini, holo e hoi a paa ole oia ia kaua i nei manawa kupono loa.

            "Aia a hala aku oe ea, alaila. hoomakaukau au i kekaini mau mea e paa ai o Esekina, e hoopioia ana e a'u ke kukui alaila kakali aku nona no kona komo mai.

            "E Miss Wekafoda, pehea ana oe e hoakaka aku ai i ko makuakane no keia hana au i hana iho nei ma o kou holo malu ana mai ianei me kona ike ole?"

            "O, e waiho mai oe ia hana na'u e hana. Aohe waiwai o ko'u hoike ana aku iaia no ia mea, no ka mea, ke ike e nei no au in a no ko'u hoike aku iaia no ia hana aole loa oia e huikala mai ana ia'u, o ka'u e manao nei e hoea mua aku ana wau i ka hale mamua o ke kakahiaka, a e kauoha aku ana no hoi au ia Toma e hoomaemae nua i ke kaa, i hiki ole ia papa ke hoohuoi ua holoia ke kaa. Ke maopopo mai la keia ia oe la?" wahi a Akeneki o ka pane ana mai me ka akaaka.

            "He keu maoli no oe a ke kaikamahine koa, E manaolana aku kakou aole oe e hoohuoiia ea, a ku oe i kahi o ka pilikia, e hoomanao oe i keia ua makaukau mau au e haawi aku i ko makuakane i kekahi mau huaolelo maikai nou imua on a e pau ai kona huhu ame kona pohihi.

            "Eia wale no ka'u kauoha ia oe, mai hana mau aku oe e like me keia ma keia mua aku no ka mea, ina e lohe aku ana wau ua hana hou oe i kekahi hana o keia ano iho la. a ua komohia oe iloko o na popilikia, e ehaeha ana wau nou, nolaila ea, e hoolohe mai oe i keia ao."

            Hankalia no a pau ko Akeneki mau hemahema i ka hooponoponoia, kau ka papale a paa ka uhimaka i ka hanaia, ukali aku la o Kita iaia no kahi o ke kaaa mailoko aku o ka hale. Ukali iki mai la o Kata ia laua ahiki i ka pukai ko laua olili loa ana mai iwaho papani hou mai la o Kata i ka puka a paa mahope o laua, alaila hoomaka iho la oia e hoomakaukau i ka upena nae no Esekina e paa ai, elike me ia ana o ke kamailio mua ana mai ia Kita.

            O kana hana mua oia no ka wehewehe ana ae i na leka a hoomokaki iho a iluna o ke pakaukau, me he mea la ua komo kekahi mea iloko o ka hale a ua wehewehe i na leka me ka awiwi loa.

            O kekahi mau leka ua hookoe no oia iloko o ka wahi o kekahi mau leka ua wehe hapaia ae a waihoia aku ma kekahi wahi. Ua haupu koke ae la oia no ka leka a Mrs. Thompson, nolaila unuhi ae la oia mailoko ae o kona pakeke a hookomo iho la mawaena o na leka e ae.

            I ka pau ana o keia hana kokolo aku la oia a ma ka puka aniani, pale ae la i ka uhi manoanoa e kau ana ma kekahi aoao o ka puka aniani, hoopaa aku la i ka huka, alaila ki iho la nana i ke alanui malalo aku no ke kahi ana no ka hoea mai o ka malihini ana e manaoio loa an ai a manawa oia o Esekina, e hoea mai ana no oia i ka hale i kekahi manawa.

            I nei manawa ua makaukau ka upena nona i hakalia wale no i ke komo mai. No kona ike kanaka ole aku  i ka maalo mai ma ke alanui hoi ae la oia a me kahi o ka puka aniani a pee iho la malalo a no iwakalua minuke paha kona noho ana malaila.

            Ma ka mink hope loa hoea ana no o Esekina. me ka awiwi wale oia o ia hele ana mai, elike me ke ano o ka poa kolohe, a ia hiki ana mai i ka hale, aloalo mua ae la kona mau maka ma o a maanei, me he mea la, e nana ana oia no kana wahi e hele mua mau au.

            He kuka loihi holokaa kona e komo ana ia manawa, me ka papale muouou holokaa ma kona poo, me na maka aniani e kau ana ma kona mau maka, a i ka nana aku a ka Makaikiu Kata iaia ma kahi mamao ua loi maoli no kona helehelena, eia nae, ua maopopo no ia Kata o Esekina no ia mailuna a lalo, ke kanaka ana e manao mau aku ana e hoea mai ana i kekahi manawa.

            Ua hooiaio kokeia keia manao on a, no ka mea ua hele mai la o Esekina a ku iho la malalo iho o na puka aniani kahi a Kata e pee ana, a nana ae la iluna i ka hale.

            O ko Kata emi hope aku la no ia, a hele aku la iloko o kekahi wahi rumi uuku ua uhiia ka puka me kekahi paku ma kekahi mau wahi lehulehu ma ke ano e hiki ai i kekahi mea maloko o ia wahi rumi ke ike aku i na mea a pau e hanaia mai ana maloko  o ka rumi hookipa, a ke lohe aku hoi i na mea a pau e kanailioia mai ana maloko o ka rumi.

            "Aole o'u manao e hoao ana oia e komo mai ma ka puka," wahi a Kata i noonoo iho ai.

            Ku iho la oia hoolono a i ka hala ana o elima paha minuke lohe mai la oia i ka halulu wawae.

            A liuliu iki lohe hou mai la oia i ke kani ana ae o kekahi mea me he mea la he hao, a mai kahi mai o kekahi o na puka aniani ke kani ana o ka lohe ana mai. maloko mai o kekahi o na puka aniani o kona rumi moe, he rumi pili loa mai i kahi rumi uuku ana e pee ana.

            MOKUNA XXXIV

Ka Lua o na Mea Komohewa.

            O ke kani ana o ka lohe ana mai no kekahi ia o na puka aniani i mahikiia mai a haki ke pilina a hamama. Oiai o Kata e hoolono malie mai ana ua hiki loa iaia ke lohe mai i ke hapai malie loaia ana ae o ka puka aniani, a meha iho la mahope, a ia manawa lohe mai la oia i ka pii malie mai o ua kanaka la ma ka puka aniani a komo iloke. ia manawa like ike mai la oia i ka malamalama lohe maopopo aku la oia i na kaina wawae e nihi malie ana no kahi o ka puka o ka rumi hookipa, a ia manawa pau mai la kona lohe ana i ka nehe o nawawae, a malamalama hou ae la oloko a Kata e hoomaopopo ana ia manawa he malamalama ia mai ke kukui uwila makai mai a Esekina.

            Mamuli o kahi malamalama ua hiki loa ia Kata ke ike aku i ke kanaka e ku ana ma ka puka mawena o na rumi elua me kona kuka loihi holokaa, a ua hunaia ae no hoi kona mau maka e na aniani nunui, ka maka aniani e ike mau ia aku nei i na kanaka holo motokaikala'a Otomobile.

(Aole i pau.)