Ka Nupepa Kuokoa, Volume LVII, Number 7, 14 February 1919 — MAHUKA EKOLU MAU PAAHAO MA KA POALIMA NEI Paa Hou Mai Nae Elua o Lakou i ka Hopuia i na Makai Iloko o ka wa Pokole HOLO KO LAKOU KOLU ME KONA LAKO I NA PU Komo Aihue Kela Mau Paahao Maloko o ka Halekuai o Kekahi Kepani a Lilo na Pu [ARTICLE]

MAHUKA EKOLU MAU PAAHAO MA KA POALIMA NEI

Paa Hou Mai Nae Elua o Lakou i ka Hopuia i na Makai Iloko o ka wa Pokole

HOLO KO LAKOU KOLU ME KONA LAKO I NA PU

Komo Aihue Kela Mau Paahao Maloko o ka Halekuai o Kekahi Kepani a Lilo na Pu

Iloko o na hora kakaiknhi wale no mai ka holo mahuka ana aku o kekahi niau paahao opio ekolu, mai ka malu aku o na luna oihana o ke aupuni, he elua o lakou i paa hou ae i ka hopuia, ma ka pa o ke Sabati aku nei i hala, a pakele aku ke kolu ma ka apua, mamuli o kona holo ana a nalowale mai na kanaka aku o ke aupuni, Ma ka manawa i paa aku ai o keia mau paahao i ka hopuia, he. hookahi o laua he pu panapana kana, a ua piha hoi na pakeke o keknhi me na poka, aole nae ana pu panapana, a ma kana hoakaka, o ke kolu o lakou, ka mea iaia ita pii panapana ekolu kahi i malania ai. 0 na i paa mai i ka hopuia, j he hookahi keiki Hawaii, o ka inoa, a he keiki Kepani nona ka inoa o Mrsb; a o ke kolu o lakou i hele lanakila aku, o Daniel Keliipuleole kona inoa. Ma ka Poalima aku nei ka mahuka ana o kela mau paahao, a ma ke kakahiaka ae o ka Poaono, i loaa aktj ai ka hoike i ka Makaikiu McDuffie no ke kohio aihueia antt o ka halekuai o "87 "Mi-' tamoto ma ke alanui Moi, a lilo aku he eha mftu pu panapana me umi mau pahu poka, me kekahi mau waiwai e ae. 1 ka wa i loaa mai ai ka lohe i ka Makaikiu MeDuffie, no ke komo aihueia ana o ka halekuai o ke Kepani, ua ala koke mai na hoohuoi ana iloko ona, o k6la poe paahao mahuka ka poe na lakou kela hnna, nolaila ua haawi aku la oia i ke kauoha i kona mau kanakn, a i na makai no apau, e kiai makanln loa i kela poe mahuka, a e hopu aku ia lakou a paa. 0 Masa ka mea mua loa o kela mau paahao i paa ae i ka hopuia e ka MaI kai Kaulio Smit,h, a loaa aku he pu panapana me na poka maluna o konn kino, a i ka manawa i hoakakaia aku ai, no 1 ka halekuai o ke Kepani kela mau waiwai, ia wa i hoike mai ai keia keiki, | aole oia ka mea nana i aihue i kela mau ! waiwa, aka na koua mau hoa; akahi no 4 niaopopo mai la i na kanaka o ke auI puni, o kela mau paahao i'o ka poe aihue. | Ma ka wanaao nae o'ke Sabati nei, I ua ikeia kekahi mau kanaka elua, ma- | mua mai o kekahi haleaina, fcia ke alanui Papu, ua hoikeia ae ka lohe i na makai, a he oiaio i ko lakou lioea ana aku, ua hoomaka 'kela mau kanaka e holo, ua alualuia aku nae lakou ahiki i ka paa ana he tiookahi i ka hopuia oia 0 Kupahu, a pakele aku kona kokoolua. 1 ka wa i huliia aku ai kona kiuo, ua loaa aku la ua poka he uui maloko o na I pakeke o kona lolewawae, aole nae ana pu panapana, o kana i kamilio ae ai, aia 1 kona kokoolua ua pu panapana ekolu kahi i paa ai. Imua o ka Makaikiu AlcDuffie i hoike okoa ae ai kela opio i kona manao, aole e pau kona holo mahuka ana mailoko aku o ka halepaahao, aka e hoomanawanui ana no oia, a ke loaa no he manawa kupono, e mahuka ana no oia mailoko aku o ka halepaahao, me ka nana ole no kona hopu hou ia aku. Wahi ana, aole ka oia i pili i ka hewa i hopuia ai oia, no ka mea ua hookuuia mai oia e ka luriakanawai, i ka wa i hooloheia ai o kona hihia, o kona kuinu wale no i paa ai, na kekahi makai i hopu iaia, a no ka panai ana aku i na mea i hanaia mai maluna ona, e holo mahuka hou ana no oia mailoko mai o ka halepaahao, ke ike hou oia i kekahi alahele maalahi. No kekahi mau paahao e ae, ua hopuia laua no ka hewa aihue, o ia kā aihue ana i ke keleawe, a kuai aku i na wahi hoahu keleawe. Me halawai ka ke kalapu Repubalika o ka Mahele Elua, Apana Eha, e malama ae ana ma ka hora ehiku o ka po o ka Poakahi ae nei, Febeniari 17, 1019, maloko o ka Holo o ka Paka Paani o na Kamalii ma Kamoiliili; ua makemakeia na mea apau e hoea ae ma ia halawai no ka noonoo ana i kekahi mau j kumuhana ano nuL