Ka Nupepa Kuokoa, Volume LVII, Number 8, 21 February 1919 — KIIA KE KUHINA NUI O PALANI ME KA PU PANAPANA. [ARTICLE]

KIIA KE KUHINA NUI O PALANI ME KA PU PANAPANA.

Fcb. 19. —Ua kiia mai ke Kuhina Nui Palani Clemenceau e kekahi knnaka powa a ku ma ka poohiwi i keia kakahiaka. Ma na lono mua i loA& mai aole i manao ia he eha kela ona $ poino ai. E haalele iho ana ke "Tiga 0 Palani ■' i kona home, oia ka manawa i ki Olai ai kekahi kanaka i aahu iaia iho a like me he kanaka hana la, elima mau poka iaia, hookahi wale no 0 ia mail poka i ku mai iaia ma ka poohiwi. Mahope iho 0 ka paa ana 0 ke kanaka powa i ka hopuia ua ha'i ae la oia i kona inoa o Emeile Cottin, a he 25 ona makahiki, a 0 Creil kona onehanau. Eia nae, aole i mauaoio na maka'i i kana olelo mamuli o na apana pepa i loaa ma kona kino, a ma ko lakou manao he kanaka Hukini oia. Ma ka manawa o ka poka mua i kiia mai .ai, e hoao aku ana ke Kuhina Nui Clemenceau e pani i ka puka 0 kona kaa otomobile. Ua hiki no i ke kuhina nui ke hoi wawae ahiki i kona hale, a ma ke awakea o keia la iluna oia 0 kona noho nui hooluolu kahi i noho ai. O kahi hiohiona wale Do 0 kona pilikia mamuli 0 ka eha oia ka pii iki ana ae 0 ka wela ma kona kino.