Ka Nupepa Kuokoa, Volume LVII, Number 9, 28 February 1919 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

KA EUANELIO LOLI OLE A IESU KRISTO NO KE ALAHOU ANA

A ike aku la au i na nohoalii a noho @ maluna iho,a ua haawiia na la-@ hoopa `i aku. A ike aku la au i @ o ka poe i okiia ko lakou poo @ hoike ana ia Iesu, a no ka olelo @ Akua, a me ka poe i hoomana ole @ holoholona ame kona kii, aole hoi @ kona @ ma ko lakou lae, @ ma ko lakou lima; ola pu lakou @ a hoomalu pu me ia i na @ hookahi tuasani.

@ i ola ke koena o ka poe i make @ ia mau makahiki hookahi tausani. Oia ke ala mua ana. Pomaikai @ hoi ke kanaka ke loaa iaia ke @ ana. Aole e lanakila ka make @ maluna o lakou, aka e lilo no @ i poe kahuna no ke Akua a no @ a na laou e hoomalu pu me Ia @ makaiki hookahi tuasani. @.

@ pomaikai auanei oe; no ka mea, @ lakou mea e uku mai ai ia oe; @ mea hoi, e ukuia no oe i ke ala @ o ka poe pono. Luk. 14:14-14. Aole hoi e hiki ia lakou ano ke hoo-@ na mea a lakou e hoopa`i mai nei @ Aka. ke ha`i pono aku nei au ia @, ma ka aoao i oleoia ai e la-@ aoao ku-e, pela no au e hooma-@ nei i ke Akua o ko`u mau kupu@ manaoio aku ana i na mea apau i @ ai ma ke kanawai, a ma ka na @ Ke lana nei ko`u manao i ke @ ae mai no hoi lakou i keia, i @ ana o kapoe make, o ka poe @ ka poe pono ole. Oih 24:13-15. @he oiaio k`u e olelo aku nei ia @ hiki mai auanei ka manawa, a @ hoi ia, e hooloheia ka poe make @ iloko o na ilina i kona leo. No @ elike me ka Makua he ola kona @ i ola Nona iloko iho On a. @ haawi mai hoi iaia i ka mana e @ aku ai. no ka mea, e hiki mai aua@ manawa e lohe ai ka poe apau @ o na ilina i kona leo, a e hele @ i whaho o ka poe i hana maikai, e @ mai lakou no ke ola; aka, o ka @ hana ino, e ala mai lakou no @ 5:25:20.

O ka manao o ka huaoloe "O kapoe haai iao." ua pili loa aku no ia ia @ ma o ko kakou Makua i ka @ ma o kaha la hoi? Ma o ka ha@ a @ ana i na hana i kauoha ole ka mai e hana. Ei no nae. Ua a`o, ua @ na uhane ino, a ua hanaia na @ mana he nui loa ma ka inoa o Kristo, a eia ka hua ame ko kakou uku, @ ha`i aku Au ia lakou. Aole Au @ oukou; e haele oukou pela mai @ aku nei, e ka poe haua ino. Mat. @

A e ala mai auanei na mea he nui loa e hiamoe ana iloko o ka lepo o ka @, o kekahi poe e ala lakou i ke ola mau loa, a o kekahi poe i ka hilahila, ame ka hoowahawah mau loa. Dan. 12:2

Ua loaa hou i na wahine ma ke ala-@ ana, ko lakou poe make; ua hoehaehaia kekahie poe, aole nae i ae lakou i ka hookuu ana, i loaa mai ai ia lakou ke alahou maikai ae. Heb. 12:35.

O ko lakou mau kino, elike loa ana ia me ke kino nani, a kamahao o Kristo nolaila mai; Nana e hoololi ae ko kakou kino haahaa i lilo ia i ano like me kona kino nani, ma ka mana e hiki ai Iaia ke hoolilo i na mea apau Nona. Pil. 3:20:21

E na punahele, ano la, he poe keiki kakou na ke Akua, aka, o ko kakou ano mahope aku, aole ikea ia; aka, ke ike nei kakou, a i Kona wa e ikea mai ai, elike auanei kakou me Ia; no ka mea, e ike kakou Iaia ma Kona ano maoli. @ 3:2

A in a ua hui pu kakou me Ia ma ka make. elike me Kona, alaila hoi la, e ike auanei au i kou maka me ka pono: Aia e alahou au me kou ano, alaila au e maha i`o ai. Hal. 17:175.

Kau mai la ka lima o Iehova maluna o`u a lawe ae ia`u iwaho ma ka Uhane o Iehova, a hooku iho ia`u ilalo mawaenakonu o ka papu, ua paapu ia i na iwi. A hoohele ia`u e maalo ma ia mau mea apuni, aia hoi, he nui wale o lakou ma ka papu. Aia hoi, ua maloo loa lakoa. A ninau mai Ia Oia ia`u: E ke keiki a ke kanaka, e hiki anei i keia mau iwi ke ola! I aku la hoi au: E Iehova ka Haku, o Oe no ka i ike. Olelo hou mai la Oia ia`u: E wanana oe i keia mau iwi, a e olelo aku ia lakou: E na iwi maloo, e hoolohe i ka olelo a Iehova. Ke i mai nei o Iehova ka Haku penei i keia mau iwi: Eia hoi, e hookomo Au i ke ea iloko o `oukou, a e ola no oukou. A e kau iho Au i na olona maluna o oukou, a e uhi ia oukou i ka ili, a e hookomo ae au i ke ea iloko o oukou a e ola oukou; a e ike @ oukou. Owar no Iehova ka Haku. A wanana aku la au elike me A`u i kauohaia mai ai; a i kuu wanana ana, kawewe ae ia, aia hoi, he nauwe ana a hui ae la na iwi, ka iwi me kona iwi, A i ko`u nana ana aku, aia hoi pii mai uo na olona ame ka i`o maluna o lakou. Alaila olelo mai Ia Oia ia`u: E wanana oe i ka makani, e wanana, e ke keiki a ke kanaka a e olelo i ka makani, ke i mai nei o Ihova ka Haku, e hele mai, e ka makani, mai na makani e ha mai, a e

 

PALAMIMO KA HANA A KA POE AIHUE KAA

            Ma ka @ ka Poakahi aku la i hal, mahope o ka hora umi, i lawe aihueia aku ai he kaa otomobile no kekahi haole o John Detor ka inoa mai ka halekoa aku, kahi o kekahi aha ike e haawiia ana no ua koa.

            I wahi nae e loaa pono ole ai ka mea aihue, a o ka puulu paha o ka poe aihue kaa, ua hoea aku la ka poe lakou i lawe aihue ke kaa otomobile mua nowaho o Kaimuki, ma ka hora elua paha o kela po, a wehewehe ae la i ka papa huahelu i kauia ai ma ke kaa o H. H. Black, a kau aku Ia maluna os ke kaa o John Detor.

            Mahope iho nae o ka lawe ana mai i na helu o ke kaa o Black o Kaimuki, ua waihoia aku la na huahelu o ke kaa o Detor maluna o ka noho mahope o kela kaa o Kaimnuki, alaila holo pololei aku Ia ka poe aihue maluna no o ke kaa otomobile mua, nouka o Manoa, kahi i loaa aku ai ua kaa nei ma ka Poalua aua ae, me ka puka o kekahi laholilo.

           Mahope o ka halawai ana o kela kaa me ka poino, ua kii hou aku Ia ka poe aihue i ke kaa otomobile o James L. Cockburn ouka o Manoa a lawe mai la me ka wehewehe ana i ka papa huahelu, a waiho ae la maluna o ke kaa poino, a o na papa huahelu i kauia aku ai maluna o ke kaa o Cockburn, ame kahi i laweia aku ai kela kaa e huna, he ninau pohihihi loa ia.

            Mamulu o keia ano hou o ka aihue ana i na kaa otomobile, me ka hoololiloli ana i na huahelu mai kekahi kaa i kekahi, i ala mai ai na manao hoohuoi he oe loea ma ka hana aihue kaa otomobile mai Amerika mai, ka poe na lakou kela hana, me ka manao e kauai hoolilo aku i ke kaa otomobile i aihueia, a in a aole na kela poe, alaila na kekahi poe no o Honolulu nei, i ike a i kamaaina i ke ano o ka hooholo ana i na kaa otomobile o na ano like ole.

 

KOI KA REV. JOHN KEKIPI MAIA I KONA UKU.

             O na oolo-ku ilko o ka @ Naauao o Hawaii o na la aku nei hala, ua hoea mai ia i ka hoomaku maoli ana, mamuli o ka hookomo ana ae nei o ka Rev. John Kekipi Maia, i kaua koi iloko o ka aha hookolokolo, ma ka Poaha aku nei o ka pule i hala, no kona uku ma ke ano he kahunapule no kela hoomana, i hiki aku ka huina ma kahi o ka ekolu kaukani, eha haneri me kanalima-kumamakolu dala.

            Maloko o kana palapala hoopii oi ukahana, ma kona ano he kahunapule, e hoakaka ana ia mai kona manawa mai i noho kahunapule ai mai ka la 1 mai o Ianuari o ka 1894 ahiki i ka la 30 o Ianuari o ka 1919, he $460 wale o dala i loaa aki iaia ma ke ano he uku, ua like me uni kumamawalu wale no dala no ka makahiki, a ua like hoi ia me $1.50 no ka mahina hookahi.

            Ua hookumuia ka Hoomaua Naauao i ka makahiki 1893, ka wa i hookahuliia ai ka noho moi o Hawaii nei, a i ka la 20 o ka mahina o Feberuari o ka 1911, i hoohuiia ai me ka aupuni. Mai ke kukulaia ana mai o kela hoomana i kohola ai oia i kahunapule ahiki walo no i ka mauawa i hookomoia ae ai kana hoopii koi ukuhana, ma kona ano he @.

            Maloko o kana palapala hoopii, e hoakaka ana oia, ma kona manawa o ke kohoia ana i kahunapule, ua, hooholoia he elima dala kona uku no ka mahina, mai Ianuai 1, 1894 mai, ahiki i Ianuari 1, 1895, a he $25 ahiki i ka la I o Iualai o ka 1895, a o ia uku hookahi no mai ia manawa mai, ahiki i Sepatemba 1, 1903. Mai Sepatemaba mai o ka 1903 ahiki i ka la 1 o Feberuari, 1911, he $15 o ka mahina, a he $10 no ka mahina mai Feberuari 1, 1911, a Feberuari 20, 1919.

            Wahi a ka mea hoopii, no kela mau makahiki loihi o kona noho kahunapule ana no ka Hoomana Naauao o Hawaii, he 452 wale no dala i ukuia aku iaia nolaila ua noho aie ka hoomana iaia ka huina o $3,453; elike me kona uku i hooholoia ai no kela ame keia mahina.

pa iho maluua o keia poe make i ka pehiia i ola lakou. A wanana aku la au elike me Kana i kauoha mai ai ia`u, a komo mai la ke ea iloko o lakou, a ola ae la lakou, a ku ai la lakou i luna @ ko lakou mau wawae, he mau koa lehulehu loa. Alaila, olelo mai Ia oia i`u, E ke keiki a ke kanaka, o keia poe iwi, o ka onana o ka onaua apau ia a Iseraela; aia hoe, ke olelo nei lakou, ua maloo ko kakou mau iwi a ua lilo ka kakou mea i manaolana ai; ua oki loa ia ae nei kakou mea i manaolana ai; ua oki loa ia ae nei kakou.

            Nolaila e wanana aku, a e olelo aku ia lako: Ke i mai nei o Iehova ka Haku, aia hoi e ko`u pe kanaka, e huai ae Au i ko oukou mau luakupapa`u a e hoopii mai Au ia oukou mailoko mai o ko oukou mau luakupapa`u, a e lawe ae ia oukou i kaina o ka Isera ela. Alaila e ike oukou Owau no Iehova i ka wa i huai ai Au i ko oukou mau luakupapa`u e ko`u poe kanaka, a lawe mai hoi Au ia oukou mailoko mai o ko oukou mau luakupapa`u; a hookomo i kuu uhane iloko o oukou, a e ola oukou, a e hoonoho Au i a oukou ma ko oukou aina; alaila e ike oukou Owau no o Iesu ka i olelo a e hana aku hoi, wahi a Iehova. Ezek. 37:1-14

            JOHN M. Mahuka.

 

NELE I KA AINA KE UKU OLE I KA AUHAU.

            O ka põe i loaa iho nei i a lakou na helu, ma ka huki ana i na apana aina hookuonoono o Waiakea, Hawaii in a aole lakou i uku i ko lakou mau auhau, e nele ana ka loaa ana o na apana aina ia lakou, elike me ia a ke @ Aina Aupuni . T. Bailey i hoakaka ae ai ma ka Poaha aku nei o ka pule i hala.

            No ka manao o ke Komisian Aina Aupuni Bailey, o palaka a poina kekahi poe i ko lakou mau palapala hookaa auhau, ua makemakeia, ma ka manawa e wae ai i na apana ainam ma ka la 13 ae nei o Maraki, e makaukau kela mau likiki hookaa mai ka luna auhau mai, a i ole he mau leka paha mai na luna auhau mai, e hoika ana no ka uoho aie eole aua o ka mea a wae ana i apa n aina nona i ke aupuni.

            Aia kekahi mahele o ka aelike maloko o ka palapala noi no ka huki aina e hokaka ana, ka mea noi, no kona uku ana i kona mau auhau apau i ke aupuni, me kona hoohiki ana malalo o keia palapala noi, i ka pololei ame ka oiaio o na mea apau i hoikeia maloko alaila, aka, in a nae e hiki ole ana iaia ke hoikeike ae i ka likiki hookaa, no kona uku ana i kona mau auhau, ua lawa ia no kona hooneleia aku i ke kuleana e wae ai i apana aina nona.

            Ma ka oleloia, he nui a lehulehu wale o ka poe noi i loaa ko lakou mau helu, i loaa ole ko lakou mau palapala hookaa aukau, a i nele no hoi ka uku ana i na auhau no kekahi mau makahiki, a i kulike ai me na hoike i loaa mai i keia keena, he nui a lehulehu wale o ka poe i loaa iho nei ko lakouo mau helu, ma ka huki aina ana o Waiakea, e nele ana i na pomaikai o ka wae ame ke koho ana i mau apana no lakou, malalo iho la o keia kumu.

 

HOKA KA MANAO O KA MEA AIHUE.

            Ma ka Poakolu aku nei o ka pule i hala i komo ae ai ka piko pauiole maloko o ka home o kekahi wahine haole, o Mrs.F. R. Nugent ka inoa, e noho ana ma ke alanui Hokele, a oiai ua loaa no ke dala iaia ame kekahi mau waiwai e ae, ua hoohokaia nae kona ma nao, mamuli o ka oili ana mai o ka mea nona ka hale, me kana pu panapana e paa ana iloko o kona lima, a kauoha mai la iaia e ku a hele mailoko aku o kela home, a e waiho aku hoi i kana mau mea apau i aihua ai.

            O keia kekahi o na aihue ku i ka hoonana i ka wa ao okoa no, a mai holopono no ka aihue ana a ka mea kolohe, o ka u-pa wale ana no o ka puka, pela iho la i loaa ai ka ike ia Mrs. Nugent ua hoea ae kekahi mea maloko o kona home.

            Mawaho no o ka hale kela wahine wahi i hana ai, a na kela u-pa ana o ka puka me ka ikaika i kono aku iaia e hoi mai no ka hale, he oiaio, iaia i komo mai ai, ike aku la oia i kekahi Pake e hoomakaukau ana e lalau aku i kekahi mau lako hoonani mailuna aku o ka piano, o kona kii aku la no ia i kapa pu panapana, a kauoha mai la i ka mea aihue e waiho malie oia i kela mau waiwai, pela hoi na dala ana o ka aihue ana mailoko mai o ke eke dala a Mrs. Nugent, a oiai, aohe he mea hiki iaia ke hana aku, ua wikiwiki ke kolohe i ka waiho hou i na waiwai apau, a hoomaka iho la e haalele i kela home, me knoa hoopilikia hou ole ia aku, aka ua loaa aku nae he haawina o'o maikai loa iaia, no kona pono e hookaawale loa iaia iho, mai ka hoao hou ana e komo aihue maloko o kela home.

            I ke kamailio ana ae o Mrs. Nugent i na makai, no ke komo aihueia ana olko o kona home, ua hoakaka pu aku oia ma kona mauaoio, o kela Pake o ke komo ana me ka manao aihue, he mea pupule oia.

 

AOLE HE MAU PILIWAIWAI MA KA FEA O IUNE

            Mamuli paha hoi o na ku-e lehulehu i hoalaia mai, no ka lawelaweia o na hana piliwaiwai, ame ua hoikeike e ae, i kupono ole i ka mauao o ka lehulehu ua hooholo ke komite fea o ke teritore aole e malamaia ana he mau hana piliwaiwai, a mau hoikeike kupouo ole, ma ka fea teritore o Iune ae nei, aka he mau hoikeike wale no o ke ano maikai, e hoonaauao mai ana i ka lehulehu.

            Ma ka manaoio o ke komisina fea, o na hana hoikeike o keia makahiki, e oi ae ana kona nui, ka maikai ame ka holomua, i ko ka fea o ka makahiki aku la i hala.

            He nui na hana piliwaiwai, i lawelaweia ma na la ame na po, e malama ana ka hui malu i ka lakou mau hana hoikeie, a ua hoomaopopoia ke ku-e maoli o kela mau hana, i ke kulana ame ke ano o keia kulanakauhale, a ku-e pu hoi i na kanawai i hanaia.

 

HOOLAHA I KA POE PAA AIE.

            O ka poe apau he mau koi ka lakou i ka Moura & Company, Ltd., (i hoopauia i keia wa), e oluolu e waiho mai ia mau mea i ka mea nona ka inoa malalo iho nei, ma kona keena maloko o Wailuku, Maui, T. H., no ka hooponopono ana, iloko o kanaiwa la, mai ka hoopuka mua ia ana o keia hoolaha, o hoole mau loa ia aku ia mau koi.

            J.GARCIA,

Kahuwaiwai no Moura & Company, LTD. 6336-Feb. 21, 12; Mar. 7, 14, 21

 

EIA MAI KE OLA O KA POE HOOKUONOONO.

            Mr. Solomou Hanohano, Auhea oe e kuu hoa:- Na ka hoaloha o kaua, ka Hon. H. L. Holstein, ke Speaker a kaua i kauoha mai nei ia'u e haawi aku ia oe i keia kope o ka Bila Hale Helu 8 ana i hookomo ai i keia mau la iho nei, no ka pono o ka poe hookuonoono me ka poe mahiai.

            Ma keia bila, he 7 iaia o ka papa, o na hoa eono o ka papa komisina aina aupuni, me ka komisina aina aupuni, a e hoomaopopo pu ana no hoi keia bila i ke ano o ka hoohnaa ana i ka lokou oihana. Ke makemake ka poe i dala hoohana, hana lakou i palapala noi e hoakaka ana i ka huina dala i makemakeia ma na hana i manaoia e hoohana aku.

            Haawi ae i keia palapala i na akena o ka papa, a na lakou e hoouna mai i ka papa i Honolulu nei. Na keia papa e waiho aku i keia palapala noi i kekahi poe a lakou e koho ai i poe kau aiwaiio, a na ia poe e hoomaopopo i ka waiwaiio o kahi i manaia e hoopaa mai malalo o ka moraki.

            He oluolu loa ka ukupanee, me ka loihi o ka manawa hookaa. He elima makahiki ka haahaa a he 40 ke kiekie loa, aka, he hiki no ke hookaa pau i na wa apau ia aie, in a ua loaa he pomaikai i ka mea hookuonoono a mea mahiai paha.

            O keia kekahi o na bila kanawai maikai loa i kupono e hooholo koke ia. Oiai, ke olelo nei keia bila kanawai, he $5000 ka huina aie kiekie hiki ke loaa a ahe $100 ka palena haahaa. O ka mea ikaika o i ka hana me na dala e loaa aku ana mamuli o keia bila, aole e nele knoa holomua loa. O keia ke alahele e manao ai ke ola o ka poe ilihune i loaa iho nei ko lakou mau aina hookuonoono, a pela no me ka poe mea aina mahuahua o na eka e waiho walke mai nei me ka hoohana ole ia, no ka nele i ke dala.

            Mamuli o keia kanawai a ke keiki o Kohala e loaa ana ke ola me ka holomua e kuonoono ai iloko o na makahiki pokole. Kaua no,

            COELHO.

(Mamuli o ka loaa ole o kahi kaawale o ka pepa i keia pule, ua hiki ole ke hoopukaia aku ke kino holookoa o ka bila i oleoia, aka e hoopukaia aku ana nae ma keia pule ae.-L.H.)

 

NUHOU KAUMAHA MA WAIANAE.

            Mr. Solomon Hanohano, Lunahooponopono o ka Nupepa Kuokoa, Aloha ni kakou:- E oluolu mai kou ahonui i wahi keena kaawale ma ke kino lahilahi o ka kaua milimili, no kela mau lalani olelo e kau ae la maluna, o ia hoi: Nuhou kaumaha ma Waianae.

            Ma ka la ewalu o keia mahina, o ia ka Poaono, hora 10:30, ua haalele mai i keia ola honua ana kekahi keiki a ka lunahoohana nui o ka mahiko o Waianae nei, oia o Fred Meyer, Jr., aia mawaena o 30 ame 40 ka nui o kona mau makahiki.

            Ua mare oia i ka wahine, he elima a laua keiki e ola nei me ko lakou mama, Mrs. Emma Kauila; no Waianae nei no kana wahine, ua haalele iho oia i kona papa, kona mama, kona mau pokii eono ko lakou nui, o ia hoi he eha pokiikane a he elua pokii kaikuahine, no lakou keia mau inoa: G. Meyer, John Meyer, H. Meyer, E. Meyere, Miss Kina Meyer, Miss Peke Meyere.

            Ua nui ke kaumaha o ka ohana, o ka piha ana keia he eono poe o Waianae nei i make i keia ma'i e holopapa nei, a he nui aku ka poe e waiho mai nei maluna o kahi moe, ua loaa no hoi ka oluolu i kekahi poe me ka nui o ka malamaia.

            O keia keiki i hala aku la, he punahele oia i kona mau makua, F. Meyer ame kona mama Mrs. K. Meyer; ua nui ka minamina o na hoaloha no keia keiki noho makua ole, na keiki ke u aku nei, pela hoi ka wahine i hooneleia i ke kane.

            Ua hana pu keia keiki me kou kiu hanu meahou, ma na hana pili hooholo kaaahi ma Waianae nei; ua paa no nae ka ole i kakauia ma ka Buke Nui, ke hana nei au ia oe noloko mai o ka lepo, a e hoihoi hou aku ana au ia oe ilaila; ua hooko ia keia mau mea apau a kakou e ike nei, o ko ke Akua kuleana no ia; Oia ka i ike i ka mua ame ka hope, nau auanei e ke Akua mana loa e hoomama mai i ka manao kaumaha o kona mau makua ame kona poe pokii, a pela hoi kana wahine ame ka laua ohana keiki.

            Me neia mau meahou hoolelehauli; me oe e ka Lunahooponopono ko'u welina ame kou mau keiki hoonoho hua o ka papapa'i.

            Owau iho no me ka haahaa,

                        D. K. LIMAHANA

            Waianae, Oahu, Feb 8, 1919.

AMSTERDAM, Feb. 26.-He kaua hahana ka i hooukaia ma ka Poaono maloko o ke kulanakauhale o Prague, ke kapitala o Bohemia. Na na koa o ka puali kiai lahui ame na haumana i hoauhee aku i kapoe kipi i ke aupuni mailoko aku o na hale aupuui, me ia hahana o o na ku-eia mai. Lehulehu wale ka poe i hoehaia.

 

MAEWAEWA NA HANA A KE ALOHA OLE-KUU KANE ALOHA UA HALA.

            E ka Lunahooponopono o ka Nupepa Kuokoa, Solomon Hanohano, Aloha kaua;-E ae oluolu mai hoi ia'u no'u kekahi wahi kaawale o ka kaua hiwahiwa, elike me kela poomanao e kau ae la maluna, oiai he malihini au imua ou, oiai nae, o ke aloha ka mea i oi ae mamua o na mea apau; nau hoi ia e hoomaikeike aku i ka ohana, na hoaloha ame na makamaka no kuu mea aloha he kane, mai ka la i ka oili ana a Kumukahi i Ha'eha'e, a ke kaohi ana i Lehua, i ka palena o na moku, a Kaula hoi i ke kai e nanakee mai la i koua hoomanao ole ia e ua poe aloha ole nei i ka halelua hoi o ke Alii Kuhaimoana; aloha ia aina kama ole, i kama i ka phoai a na manu, a i makamaka hoi i na ale ahiu o ka moana, e hoolaau ia ana hoi e kahi kai ale kualol@ huluapiipii o Hoomo'a.

            Ae, ko ke au i hala e-o ke au ka ame ke au miki, ae, hala e kuu mea aloha he knae, nona hoi keia wahi kanaenae:

Aloha kuu aina apoapo popo la, nana nuu. I ka ehuehu a ke kai la, Nana nuu. O Lehua i Kauai la, Nana nuu. Walohia wale!

            Ua hanauia o Jacob Maunaloa i Oct. 15, 1858, ma Puukapu, Waimea, Hawaii, mai ka puhaka mai o Kahaoa (w) ame Poohina (k), kona mau luaui aloha, a he elua wale iho no laua a ko laua mau makua, a i lehulehu hoi i na keiki ame na moopuna, elike me kekahi wahi mookuauhau o kuu kane aloha i loaa ia'u kana wahine aloha.

            Kahaoa (w) noho ia Poohina hanau na keiki, Anni Kanaha (w), Jacob Maunaloa (k), Anuie Kanaha (w) noho ia Peter P. Ainoa (k), Mary P. Ainoa (w)

            Annie Kanaha (w) noho hou ia Ramond Nohunohu (k), hanau ke keiki Marry Makea Keaoulinohunohu (w).

            Elizabeth P. Ainoa (w) noho ia William Wesbarths, Jr.; hanau ke keiki, Maka Weisbarth, Jr. Mary Makea Keaoulinohunohu (w) noho ia John Keawe, nole keiki. Jacob Maunaloa (k) noho ia Malia (w), hanau ke keiki, Annie Maunaloa (w); Annie Maunoloa (w) noho ia William K. Kane, aole keiki.

            O keia iho la kahi mookuauhau pokole o kuu kane aloha, ma ka aoao o kona kaikuahine, ua nui a lehulehu na keiki ame na moopuna, a ma ka aoao hoi o kuu mea aloha he kane, ua hooneleia mai ola, no ka mea, ua hala e no ka maua hiapo he aneane ekolu makahiki i hala ae nei.

            Ua pili aloha wale ia no hoi na wahi apau o ke one hooluhiluhi o Kakuhihewa nei, mai ke awala'i o Kou nei, a ka i-a hamahama leo o Ewa, mai ke awalau hoi o Puuloa, a ka lae o Kalaeloa a ke one halihali pa'imalau o kualakai. Ke hoomanao ae au i keia mau wahi lihaliha me ka luuluu, a no wale mai la no ia'u ka uka o Leilehua, i ka uwapo phaku o Kipapa, i ka pililua hoi o Waipio hoapili hoi o Aiea me Moanalua hookama ia hoi e kahauiki me Kalihiuka.

            Aloha ka uka anoano mehameha kanaka ole o Kilohana i ka pali kapu hoi o Haumea, i na pohaku kaulana o Hapuu laua o Kaleihauola, i kahi kahuahale hoi o Kahilina'i a'u i pili koolau ai me kuu mea aloha he kane. Ae, he aloha kahi aina o Kamuoie i kahi kahawai hoi o Kahooaniani, i ke kula o @leloa i ke kahawai o Kahaukomo, hoapili hoi o Palikea ame kahi wai o Wailele. Luuluu wale!

            He oiaio, ma ko maua home ma Alanui Ilaniwai i hookahua mai ai ka ma'i maluna on a, a he ma'i no hoi i loaa mau iaia, o ia ke kunu, a mamuli o ka loli ano e ana ae, ua hoihoiia oia iloko o ka haukipila Moiwahine, a ma ke ahiahi Poalua ua laa mai la i'u ke kauoha mai ka haukipila mai no ka hele ana aku e ike i kuu mea aloha he kane, ua loaa mai la ia'u ka hoike he manawa wale no nona e haalele iho ai i keia ola ana.

            Ua hoea aku au no ka haukapila me kuu ohana keiki ame kekahi o ka maua mau moopuna, a ma ka aono o kono moe i noho iho ai au me ka ohana keiki a nana i kuu kane aloha iloko o na haawe ko'iko'i a ka ma'i e hooalii ana maluna on a, eia nae, he maikai no kana olelo, aole oia i hoohewahewa mai ia'u me na keiki ame ka moopuna, a eia kana wahi olelo hope ia'u me ke aloha:

            "Mai kaumaha oe no'u e mama. " O keia kana wahi olelo hope loa, a ma kona aoao au ahiki i ke kuu ana o kona aho hope loa ma ka hora 1 a. m. o ka wanaao Poakou, Jan. 29, 1919, a hoihoi ia kona kino puanuanu maloko o ka hale hana kupapa'u ma ke alanui Papu, a hoi mai la au me kuu ohana keiki me ka moopuna a maua me ka ukana luuluu o ke kaumaha no ko maua home, nana aku la i ka hale o ke kane wale no oloko ame waho.

            Ma ke kahiaka Poakolu, ua hoike ia mai la ia'i ma ke kakahiaka Poaha e laweia ai no ka pailina o Kaimuki me ka manao nei la he pono, eia ka aole; ma ke kakahiaka Poaha hele aku nei i ka hale hana kupapa'u, hoike ia mai la ia'u ua lawe mua ia ke kino o kuu aloha nowaho o Kaimuki ma ke ahiahi Poakolu. I ko'u lohe ana o ke kau iho la no ia me na keiki ame ka moopuna maluna o ke kaa nowaho o Kaimuki, ia hoea ana aku no ka lua, e waiho mai ana ka pahu o kuu aloha iloko o ka lua me ka hamama no o ka lua, aole i huna ia i ka lepo, a ua waiho ia kuu kane aloha maloko o kela lua mai lela po ahiki i ke ao ana me ka hiki ole ia'u ke hoomaopopo i ka'u mea e hana ai.

            Oiai ua like ka mea i hanaia no kuu kane aloha, elike me ke au pouliuli o na kupuna o kakou he onou wale no ma ua wahi apau e hiki ana ke huna i na kino make. Eia nae, he au naauao keia, i piha me na noonoo uhane ole, a'u e ahewa loa nei i ka mea hana pahu kupapa'u nana i hana keia mau hana maewaewa menemene ole, elike me ke poomanao o keia welina hoomanao poina ole no kuu kane aloha.

            Mamuli o keia mau hana uhane ole, aole he mau hoohiwahiwa i hana ia nona, aole pu no hoi ka ohana i ike ia ia, owau wale iho no ame na keiki ame ka moopuna e noho nei imua o ko'u alo, luuluu a paumako ko'u uhane ke hoomanao ae no keia hopena i loaa i ka'u kane.

            Ua hele kohana mai no oia mai n puhaka mai o kona luaui makuahine, pela no oia e hele kohana aku la me ka nele i na hoaloha ame ka ohana.

            O ka loihi o ko maua noho aloha ana o ke kane ame ka wahine, he iwakalua-kumamalima makahiki. Nolaila, hoi ka lepo i ka lepo, a o ka uhane i ka mea nana i haawi mai.

            No laila, ke hooki nei au maanei me ka naau luuluu, a pela hoi ka'u mau hoomaikai ame ka'u mau keiki i ka lunahooponopono o ka Nupepa Kuokoa no kona ahonui a me kona puuwai hamama no ka hookomo ana iho i keia mau manao oiaio, mali'a o hoea mai he la e hanaia ai ka oukou mau mea aloha e like me ka'u kane.

            Me na keike oniu huamekala ahonui ho'u welina pauole.

            MRS. MALIA MAUNALOA.

Ilaniwai St., Kewalo.

 

MA ʻ I KUNU.

            He hana hawawa loa ka ae ana aku e kawelewele ke kunu me ka hoopilikia mai ia oe, oiai ua hiki loa ka Laau Kunu a Chamberlain e hoola aku ia oe Aole e hiki ia oe ke ike i kahi a kela kunu e alakai aku ai i kou hopena. He hana hawawa nau ka ae ana aku i kou puu ame ke akemama, e lilo mai i mea ma'i, oiai nae he hana maalahi loa ke komo ana ae maloko o ka hale kuai o kekahi laau no ke kuai ana i omole o ka Laau Kunu a Chamerlain. Eia ke kuaiia nei e Beuson, Smith & Co., na akena no Hawaii.-Hoolaha.

 

Maanei ka Pini Makepono

Po Pipi Palai Palupalu (Chuck Steak)…….. 17 1/2 c

" " " (Shoulder Steak)……17 1/2 c

Po Pipi kupa (stew)…………… 17 1/2 c

Po Pipi Paakai…………….. 17 1/2 c

Po Hipa Palai (Mutton chops) ……….. 27 1/2 c

            Kipa mai ma ka

            METROPOLITAN MEAT MARKET

            (HALEKUAI PIPI O WALA.)

Alanui Moi.    Kelepona 3445.

 

KA FLU PANIOLE me na PILIKIA E

Kela Laau Kaulana

B.B.C.

            No na mea e pili ana i ka ma'i Flu Paniolo i lilo ai i mea kamailio nui ia aole he kumu e lele ai ka oili. He mea oiaio, aole no he hewa o ka makaala ana. E hoomaemae i na puka o ka waha, ka puu ame ka ihu--e hanu ma ka ihu. in a e paa mai ka hanu, e hoohana i ka'u laau B. B. C. no ka hanupaa, e hoonaha i ka opu me elua. ekolu a eha manawa o ka la, e hele iwaho o ke ea, a e hiamoe maloko o na rumi nui o na wahi hookuu ea a e makaala. ma @ maikai na meapaahana o kou kio. Hooikaika i ka opu. e hoomaemae i ke koko. na puupaa, ke akepaa ame ka puumimi, e pale aku i ke anu. a e hooikaika i na meapaahana. aole au mea e hopohopo ai. O ka B. B. C. ka mea nana e hooko aku i kela hana. Nanae hooikaika i ke kino-kukulu hou i na meapaahana e kokua aku ana i ke kiola ana ae i ka nawaliwali ame ka ma'i. He auneki o ka hoopakele ua like ia me ka paona o ka hoola--o ka hanu iloko o ka wa pono, hoepakele ae ai ia oe mailoko nui o ka ma i kpilikii loa, a mau pilikia e ae paha pu anailaila.

            Kumuku@, $1.25: 3 no $3.50. Kuai kuikawa no keia pule. @ no $6.2@. Na makou e uku i ka @ no ka hoo@ ana ma na kaaoha @ apau o $6.25. Ma kepono @ B. B. C. no ke dala. oiai nana e hana. a e hoola. Ke kuai ne na hale kuai laaa @ na haleuai o na mahiki ia mea. @ no hoi ma ke Keena Poo o ka B. B. C., 161 ALANUI MOI, @ Me ka makeke kuai i'a. malaila au e loaa ai i na la apau a'u e noho ai i he @ nei.

 

E nanaia kou maka.

Malia he oi iki ae ka lilo no ke ANIANI MAIKAI

Ua oi loa aku nae

KOU POMAIKAI

Aole oe e mihi ana no kou uku ana i ka "oi iki" no ka mea ua kupono maoli. Malia aole hoopoino mai na lole emi ia oe- HOOPOINO mai nae na aniani emi.

            Ina hiki ke hanaia na aniani maikai o makou ka poe na lakou e hana.

Dr. Lewis Edwin Capps

MEA NANA MAKA.

156-158 Aalnui Hokele.

Mauka o ka Hokele Young.

THOMPSON OPTICAL IN STITUTE LTD.

 

HE INOA NO HARRIET KULANI D. BURGESS.

Auhe wale oe Lilinoe,

Hoopulu lihilihi o Lehua.

Ua hele wale oe a malino.

Ua mea olu nei o ke kino;

He ala ia kino me ka lau,

Lau-lii onaona o @

Ahiahi kau mai na pua.

Ohaoha i ka ua Lilinoe.

 

Kaulike mai nei ka aloha,

I ka manowai o ka puuwai,

Ua iini paha loko oia la,

I ka onohi nohea o Hawaii.

He ala ia kino me ka lau.

Lau-lii onaona o Koiahi,

Ahiahi kau mai na pua,

Ohaoha i ka ua Lilinoe.

MARY J. KULANI MONTANO

HE HOOMAIKAI NUI.

            I ka põe apau i komo pu mai me na koua aloha i kuupapa aloha Hoopale Kealalio, i- haalele mai i keia ola ana, ma ka la @ Feberuauri, 1919, ma kona home aloha ma Holualoa, Kona Akau, Hawaii, ae oluolu e lawe aku i ka'u mau hoomaikai palena ole.

            Na ke Akua iloko o Kona lokomaikai e hoopomaikai mai i ko oukou mau ola pakahi, a hoopaneenee i ko oukou mau la a kaniko, palalauhala, haumakaiole a kaiko, Amene.

            JOHN A. HOOPALE.

            Honolulu, Feb 19,1919.