Ka Nupepa Kuokoa, Volume LVII, Number 9, 28 February 1919 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no

MAGURETA

 

A i ole

Iloko o na Wiliau a ke Aloha. He Moolelo I Piha me na Haawina o ka Ehaeha.

 

            "Aole he mea i paopopo iki ia'u, no ka mea ma ko'u ka maaina ia Magureta, aole on a kamaitio wale mai in a, he mau pilikia kekahi i loaa iaia. Ua maa no maua i ke kakau leka aku kekahi i kekahi, no kekahi manawa loihi, aka no ka ma@ hookahi ae nei i hala me ka hapa, aole o maua kakau @ iki mamuli o ko'u hele e kaahele me ko'u mau makua, aka nae in a no paha i mau ko maua hoouna leka ana, aole @ he kumu nona e hoike wale mail ai i kona mau pilikia, @ me ka nui o na kaikmahine e ae."

            "Auhea oe e Miss Rinafoda, ina he makee kou a hea aloha @ hoakula, alaila ke lana nei ko'u manao, ua hiki loa ia'u @ hilinai aku maluna ou?"

Ua hii loa ia oe e Kauka Alika e hilinai mai i na mea @ apau maluna o'u. Ina he mea kekahi ma ka honua nei i @ ia'u ke hoopakele ae iaia mai ka lilo ana aku i wahine @. e haawi mai i ke kauoha, e hooko no hoi au elike me ka hiki @ ke hana," i hooiaio au ai o Miss Rinafoda.

            "E hoolohe mai oe e Miss Rinafoda i ka'u mau mea i ike, @ ke kumu o ka pilikia i loaa i ko hoaloha, penei no ia:

"Ia'u i haalele au ai ia Miss Anola, mahope o ka lawelawe @ aku i na mea apau e pono ai kona lima i eha, ua holo polo'ei aku la au no Rosemona, kela home kahiko on a i noho ai, @ o a hoi ana mai a nohopaa ma Nu Ioke nei.

            "Ua uhaki kela kanaka i ka aeliki hoopalau, ua haalele aku @ Miss Anola, a mare aku la he wahine okoa loa. O ka haalele awa o keia kane hoopalau ma ka uhaki ana i ka aelike hoopalau, ma ko'u manaoio loa, o ka mole ame ke kumu iho la @ o ka pilikia o ka noonoo o Miss Anola, aole he kumu e ae."

            "Ua hookahaha loa mai oe e Kauka Alia ia'u i keia la, ma kena hoakaka, no ka mea, o keia ka makamua loa o ko'u lohe pua, eia ka ua hoopalauia o Magureta i ke kane, a ua uhaki @ kanaka i kana aelike. Ina ua halawai i'o o Magureta me @ pilikia o keia ano, aole loa oia i kamalilo iki aku i kekahi mea okoa mawaho ae ona."

            "O ka mea oiaio maoli no keia au e kamailio mai nei a o ke kumu ia o kona pilikia, ua noonoo nui loa oia, no ka hana a kela kanaa maluna on a, ahiki i ka inoino maoli ana o kona @oonoo. Ina i hoakaka oia i keia mea imua o kona hoaloha pilipaa. e ike ana kaua e hoomamaia ae ana kona noonoo, a e @uhee aku ana no kela pilikia mai iaia aku me ke kanalua ole. Oiai nae, he meahuna ia nana hookahi wale no i ike, o ka'u e makemake nei ia oe e hana mai no'u. o ia no kou koi ana aku @. e haalele iho ia Nu Ioka nei, a hele aku he wahi okoa loa e noho ai.

            "E hookahahaia aku ana paha oe no ke kumu a'u i makemake ai iaia e kaawale aku i kahi e, penei no ia, o kela kanaka @ i haalele aku iaia, eia oia maloko nei o keia kulanakauhale. a oiai ua hopohopo au, in a na'u ponoi e koi aku iaia e @oi no kekahi wahi okoa e noho ai, o ka'u makemake nei ia @ o ia no kou hui mau ana aku me ia iloko o keia mau pule.

            "E lilo oe i mea kokua nui mai ia'u, ma ka imi ana i mau mea e lilo nui ai knoa noonoo malaila, i ole ai Oia e noonoo nui. no na mea o ka wa i hala. Ina e hiki ana ia oe ke hele pu me ia i ka holokaa, i kela ame keia manawa, o kekahi mea kokua nui aku ia iaia, me kou hoolalau ana aku no hoi i ke kamailio ana. ma kela ame keia kumahana.

            "Eia kekahi mea a'u e noi aku ana ia oe e hana mai. no ka mea aole no ia he mea pilikia. Ua ike mai o Miss Anola ia'u ma ka inoa o Kauka Noka, ke maopopo la no hoi ia oe o kekahi no ia o ko'u mau inoa, nolaila aole oia i lohe iki, o kauka Mika kekahi inoa o'u ka inoa hoi o ko'u makuakane. Aole o'u makemake e ike mai oia owau o Kauka Alika aka e mau no kona ike ana ia'u o Kauka Noka."

            No kekahi mau sekona, aole o Miss Rinafoda i pane koke mai oiai ua kahaha loa oia i ke kumu o ko Reginola hoike ele ana aku i kona inoa oiaio i kaulana maloko o kela kulanakauhale ma kekahi noonoo on a, ua hana hewa loa aku keia kauka no ka huna ana i kona inoa oiaio.

            Ke hoomaopopo aku la no ke kauka opio i ke kahaha o ko Miss Rinafoda manao no keia mea ana i noi aku ai i kela kaikamahine e kokua mai iaia a in a no ka ae ole aku o Rinafoda alaila e komo ana oia iloko o ka pilikia o kona palekana wale no o ia ka ae aku o keia kaikamahine e huna i kona moa oiaio.

            No ka inoa wale no o kona kaikuahine o Kanani kana i makemake ole ai e lohe wale ia ae no ke komo pu aku iloko o ka pilikia i loaa ia Magureta a oiai ua hilinai loa oia maluna o Miss Rinafoda no kona mau ano maikai apau nolaila he pono no iaia ke hoike mai i ke kumu o kona makemake ana aole e ikeia ae kona inoa oiaio maoli.

            "Ke ike aku nei au, ua hookahahaia kou manao e Miss Rinafoda no ka'u mea i hoakaka aku nei imua ou." wahi a Kauka Alika, me ka hele a pii ka ula ma kona mau papalima: "aka e hooi loa ia aku ana kou kahaha ke lohe aku oe i ke kumu o ko'u huna ana i ko'u ino pololei no ka mea o ke kanaka nana i haalele aku ia Magureta ma ke ano epa o ke apuhi i ka hauoli ame ka inoa maikai o kela kaikamaine oia uo ko'u kaikooke ponoi, ka mea i haalele aku ia Magureta no ka mare ana mai me ko'u kaikuahine."

            "O Noela Kauwila anei ka mea i hoopalu mua me Magureta?" i ninau aku ai o Miss Rinafoda me ka piha i ke kahaha. me ka hopu okoa ana aku i kekahi lima o Kauka Alika.

            "Ae o Noela Kauila ua kanaka nei nana i hoopoino aku i ka noonoo o Magureta. Ua like no kou kahaha me ko'u. i ka manawa a'u i lohe ai i keia mea. a o ka mea kupaianaha loa a i hoopohihihiia mai ai no hoi ko'u noonoo, ma kahi o ka hoowahawaha ana o Magureta i ke kanaka nana i hana hewa aku iaia, ua holo aku kona hoowahawaha maluna o kuu kaikuahine ka mea i hana ole aku i kekahi mea nona e pilikia ai"

            "Ua hoopiha mai oe e Kauka Alika ia'u. me ke pohihihi loa. ma kau mau mea apau e kamailio mai nei, no ka mea o keia ka makamua loa a'u i lohe ai i kekahi pilikia o keia ano. Aole au i hoohuoi iki, ua hoea aku ka pilikia i loaa ia Magureta ma ke kulana elike me ia au i ha'i mai la." wahi a Miss Rinafoda. me ka leo i piha i ke kaumaha ame ka ehaeha no ke kulana poino maoli o kona hoaloha.

            "Nolaila ke ike mai la oe e Miss Rinafoda no ko'u hoike ole ana aku ia Mafureta i ko'u inoa hope o pau auanei kona hilinai ana mai maluna o'u, ke maopopo iaia, owau ke ka@kunane ponoi o ka wahine ana i hoowahawaha ai a e hiki ole ana ia'u ke hoopakele aku iaia."

            "Ma keia wahi i hoakaka maopopo loa mai ai o Kauka Mika i ke ku'ana o ka pilikia i loaa ia Magureta a no ia mau hoakaka i hiki hou ole iho ai ia Miss Rinafoda ke hoole aku i ka makemake o ke kauka opio, a haawi aku la i kona ae. e haawi i kana mau kokua ana ma na mea apau e pono ai kona hoalaoha.

            ua kamailio wale aku la no laua no na mea lehulehu a laua e hana aku ai no ka pono o Magureta, a @ ka makaukau ana o Kauka Alika, e haalele iho ia Rinafoda, kapailio hou mai la:

            "He mea oiaio o ka'u mea i hoike aku nei no'u iho, ua aneane ia e lilo i kumu e hoohaahaaia ai au ma ko'u inoa ame ka'u oihana. no ke ake wale ana no ia e hoopakele ae i kuu kaikuahine: aka ma kekahi ano nae, ua hoemiia iho ko'u hilinai ana aku maluna o kana kane, a kaikoeke hoi o'u.

            "No na mea nae e pili ana i ka pono o Magureta, he mea kupono e loaa na kokua ia'u, no ia kumu iho la i kono ia mai ai au, e hoike aku ia oe i keia meahuna."

            "Ke haawi aku nei au i ka'u mau mahalo ana he nui ia oe e Kauka Alika, no kou hoike piha ana mai i na mea apau loa a ma ko'u aoao, ke hooiaio aku nei imua ou, e hilinai mai i ka'u mau kokua ana aku no ka pono o kuu hoaloha, a e hooko no au ma na mea apau au i ike ai he pono," me ka hopu ana aku o Miss Rinafoda i ka lima o ke kauka opio.

            "E hoomanao loa oe, in a no ko'u hoea imua o Magureta, a o oe pu kekahi malaila, a mai poina oe i ke kapa ana mai ia'u o Kauka Noka, aole hoi o Kauka Alika," me ka hopu ana mai no hoi o ke kaika opio i ka lima o ke kaikamahine, me ka minoaka ma kona mau papalina, no ka holopono o kana misiona."

            "Aole loa au e poina iki ana, i na mea a kaua i kamailio iho nei, a e ike aku ana no oe ma keia hope aku, e kahea mau ana au i kou inoa o Kauka Noka, ahiki i kou ike ana iho, me he mea la, o ka inoa hookahi wale no ia a'u i ike aku ai ia oe, aole he inoa okoa ae."

            Haawi hou aku la ke kauka opio i kona mahalo me ka hoomaikai ia Miss Rinafoda, o ko laua hookaawale ae la no ia, a huli hoi aku la o Reginola me ka manao hauoli no kona mau rumi, no ka hoomaha ana, oiai ua nui maoli kana hana, ma kela kakahiaka.

            No ka pule holookoa mahope mai, e hele mau aku ana o Reginola e nana i ka lima eha o Magureta, i kela ame keia @ i @ekahi manawa, e hoolana loa ia mai ana kona manao. no kona i ke aku i ka loli o ko Magureta ano, mai kela leleiana o kona mau maka, a i ka oluolu maoli o kana nana ana mai, aka i kekahi manawa ana e hoea aku ai, aia ka hiena ame ka hakanu maluna o ka helehelena o ua kaikamahine nei, ua lilo keia mau ano i mea maikai ole i kona noonoo, me kona piha pu no hoi me ke kaumaha.

            Ma kelahi la nae ana o ka hele ana aku e ike ia Magureta, e haumana ana ka puka aole hoi elike me ka maa i na manawa e ae, he kikeke mua aku oia i ka puka, a na ke kauwa e kii mai a lawe aku iaia iloko, ma keia la nae, no ka hamama hoi o ka puka, hui pu iho me kona kamaaina i ka hele mau ana ma kela home, aole oia i kakali a hoea mai ke kauwa aka komo pololei loa aku la no oia iloko, o ke keena hookipa ana e ike mau ai i ka noho o Magureta i na manawa apau mamua aku.

            I kahi e no ua o Reginola e hele aku ana, ike aku la oia ia Magureta i ka heluhelu i kekahi @uke, e kulou ana no hoi kona poo ilalo, i ka wa i lohe mai ai i ka nakeke, aea mai la kona poo iluna, a i ka ike ana mai i kona kauka. nani ino iho la i ka buke, me ka hoao ana e huna i kona hainaka maluna iho, ua lohi loa nae kela hana ma kona aoao, oiai ua loaa pono oia i ke kauka opio, e ku e ana i ka mea i kauohaia aku iaia, aole e hana.

            Me ke kuoo o ka mea e hoike aku ana i kona mana, hele pololei loa aku la o Reginola, a lalau aku la i ka buke, e waiho ana maluna o ka uha o Magureta, a kaili mai la a paa i loko o kona lima.

            He buke keia no na ma'i o ka lolo, a ma kahi i peluia o ua buke nei, i loaa iho ai ia Reginola ka hana nui a Magureta e heluhelu ai 'i kela buke, no na mea no ia e pili ana i na hana, e ola ai ka mea i loohia i ka ma'i pupule.

            No kekahi manawa ke ku malie ana o Kauka Alika. e nana i kela buke. alaila leha mai la kona mau maka maluna o Magureta oiai hoi ua kaikamahine nei, e nana aku ana me na maka hulili, a o ia ka ua kauka nei o ka i ana mai.

            "O keia ka buke au i huna ai ia'u, ma kela la mua loa a'u i hoea mai ai, a loaa oe e heluhelu ana, me ko huna ana malalo o na nupepa," aole nae he pane aku o Magureta, no ia noho malie loa o kana ma'i, ua lilo ia i mea e hoehaehaia aku ai ka noonoo o ke kauka, no ka hookuli o Magureta iaia.

            Pani iho la nae oia i ka buke a paa, alaila waiho aku la maluna o ke pakaukau, a oiai ua hoopilikia loa ia aku oia. no ka pane ole mai o kela kaikamahine no kana mau olelo. nolaila pupuu ae la oia i kona mau lima mamua o kona umauma, a hoomaka aku la e holoholo, aia hoi o Magureta ke nana mai la i ka hana a kona kauka, a no kona ike okoa anaiho i ka hewa o kana mea i hana aku ai i kela keonimana, ku okoa ae la iluna, a hele mai la me ka hopu ana aku i kekahi lima o ua kauka nei me ka pane ana aku:

            "Auhea oe e Kauka Noka." wahi ana me ka leo i piha me ka ehaeha. "Aole e hiki ia'u ke alo ae mai ka noonoo ana ame ka heluhelu ana i ko'u pilikia, elike me ka hiki ole ia kaua ke kaohi mai i ka pa ana a ka makani. Ua maopopo ia'u ke ano o ko'u pilikia, o ia ka hehena o ko'u noonoo o ke ano kupaianaha loa.

            "He maikai no ko'u noonoo ma na kumuhana apau e kamailioia ana, aka maluna o kekahi mea hookahi wale no. malaila iho la ko'u pilikia, ma ka'u ike moli iho no, ua kaooka ae au mai na kanaka noonoo maikai mai apau. ua piha au me ka maalea ma kekahi ano, iloko no hoi o ia manawa hookahi, ua piha au me na ano apau e hoopilikia aku ai ia ha'i.

            "Aole paha oe i manao mua, e loaa aku ana kela hoike ia oe mai a'u aku," alaila haalo'ulo'u iho la o Magureta i kana akaaka ana. uiaia i ike mai ai i ka alawa ino ana aku o Kauka Alika iaia, eia nae aole he wahi mea a hoike iki on a, no ka hoopilikia wale aku o kana ma'i iaia.

            "Ma kela manawa mua loa mai o ko kaua halawai ana maluna o ke kaa uwila. ua loaa ka ike ia'u, ua hoohuoi oe no ka maikai ole o ko'u noonoo. Ua heluhelu aku au, ma ke ano o kou nana ana mai i ko'u mau maka, maluna o ke kaa, a ma ke ano o kau nana ana mai i hiki loa ai ia'u ke koho aku, he kauka kau oihana' a o keia no ke kumu o ka maikai ole o ko'u noonoo ia'u, e noho ana maluna o ke kaa, a pela iho la au i pupuahulu ai, i ko'u wa e makaukau ana e lele mailuna aku o ke kaa. O ko'u manao maoli, o ia no ke kaawale koke mai ia oe mai, a mai ka ike wale ana mai hoi o ka lehulehu i ko'u ano leleiona.

            "O ka mea apiki nae, me kela makemake no o'u, e hookaawale ia'u iho mai ia oe mai, i kuu wa nae i pohala ae ai, oiai au e waiho ana maloko o ka hale kuai laau, a ike aku ia oe e kulou iho ana maluna o'u, me he mea la, ua kono koke ia mai au, hokau aku i ka'u mau hilinai ana no ko'u palekana maluna ou pela iho la au i haawi koke aku ai i ko'u ae ia oe i ninau mai ai no ka hoi pu ana mai me a'u no ko'u home nei, a i koho aku ai hoi o oe ko'u kauka. oiai ua manaoio au, e kokua mai ana no oe ia'u ma ka hoopau ana ae i ko'u pilikia.

            "Ua ma'u no keia mau la au e hoea mau mai nei imua o'u me ko'u manao no hoi, e hua'i pau aku ia oe i e kumu o ko'u pilikia. me he mea la nae, e ake'ake'a okoa mai ana kekahi mea ia'u. aole e hoike aku i kekahi mea imua o'u. o lilo auanei ia hoike ana ae i kumu, e hiki hou ole iho ai ia'u ke hoomalu i ko'u mau noonoo makai apau.

            "He mea makehewa nae no'u ka huna hou ana iho i ka mea oiaio. I keia la, ua loaa pono mai au ia oe e heluhelu ana i keia buke, o ka'u hana mau iho la i keia i na manawa apau, owau hookahi wale no ko ka hale nei. a i hoikealu no au ia oe ea. ua hele au a piha i ka inaina. ua ku a maka'u maoli au ia'u iho nolaila e Kauka Noka, e hiki ana anei i oe ke hoopakele ae ia'u. mai ka lilo ana aku i wahine pupule, e hoopoino aku ana ia ha'i?"

            Me ka awiwi wale mo keia o na olelo a Maguretta o ke kamalilo ana aku ia Kauka Alika, me ka iaika hoi o ka umii ana o kona lima, aohe nae he wahi mea, a hoike iki mai o e kauka opio, i kona hopohopo ame ka maka'u no kana ma'i, koe wale no kona makaala ana i na manawa apau e kupale iaia iho, in a e manao ana o Magureta e hoopilikia aku iaia.

            I ka pau ana o ka Magureta noke ana aku i ke kamailio, ua kkomohia aku na manao aloha iloko o Reginola no keia kaikamahine, aole ka huhu maluna o kona mau maka, aka nana mai la oia me kona mau maka aloha maluna o ka mea pilikia, hoike mai la no hoi kona helehelena i ka oluolu ame e uoo, alaila lalau iho la i ka lima o Magureta, a wehe ae la mai kana paa ana aku ma kona lima, a hopu mai la i ka malie, a pane ae la:

            "Elike no me ka'u i hoike mua aku ai ia oe, pela no au e hooia aku ne, e hiki ana ia'u ke hoopakele ae ia oe, a ke manaoio ne au no ia mea," wahi ana me ke kuoo, e hilinai mai ai o Magureta, e loaa i'o ana ka pono iaia malalo ka lawelawe lapaau ana a keia kauka.

            "Aole o'u makemake, e hoopunipuni hou mai oe ia'u elike me kau i hana mai ai ia'u i keia la. He mea pono hoohamama mai oe i kou puuwai ia'u, a mai hana oe i kekahi mea a'u i papa aku ai. ma kahi malu loa, in a i makemake oe e kaawale keia pilikia mai kou noonoo aku. Mai keia manawa aku, e hoohiki mai oe imua o'u, aole loa oe e heluhelu hou i keia buke. pehea e ae mai ana anei oe o hooko i keia mau mea apau?"

            "He hana maalahi wale no ia'u ka hoohii ana, o ka mea apiki wale no. i ko'u wa e noho hookahi iho ai, o ka poina iho la no ia, me ka palaka o ka noonoo, a hoi hou mai la no kko'u mau ano kahiko apau. Ua hoao no au i kekahi ma nawa e hana i kekahi mau mea e pono ai, aole nae he holopono iki, i ka wa no e oili ae ai na noonoo uluahewa, ua hiki ole loa ia'u ke kaomi aku me he mea la, eia kekahi mau uhane ino, ke alakai nei ia'u no kekahi pali kiekie kuninihi, ke haule no ma kekahi aoao, he hookahi wale no hopena, o ia ka make ame ka poino."

            Lalau aku la o Kauka Noka i ka lima o ke kaikamahine opio, a paa mai la iloko o kona lima, me he mea la e hoike okoa aku ana ua kauka nei i kona makemake o ia no ko noho malie o Magureta, eia nae aole he hookahi huaolelo i puka ae mai kona waha aku, aia hoi kona mau maka ke haka pono la maluna o Magureta, a oiai no oia e paa ana i ka lima o ke kaikamahine opio, ua hilinai mai la o Magureta imua, a pane mai la me ka leo kohu hawanawana:

            "Ua olelo mua mai nei oe, he mea pono ka ia'u ka hua'i pau ana aku ia oe i na mea apau. Malia i, o paha, i kou maopopo ana i ko'u pilikia, e hiki ana ia oe ke kipaku i keia uhane ino mailoko aku o'u. E hoike maoli aku anei au ia oe, i ke ano o ka mea nana e hoopilikia nei i ko'u noonoo i na manawa apau?"

            "Aole a kaua noonoo ana no ia mea i keia manawa." i pana aku ai ke kauka opio, ma ke ano hoomalielie, no ka mea ua ike no oia, i ke kumu pilikia o ka noonoo o kela kaikamahine, aole he mea maikai ka hoala ana aku i na mea e ulu ku mai ai oia, a pane hou aku la ua kauka nei:

            "Ke makemake nei au e nana mua kaua i ko lima eha a in a aole oe i hoopilikiaia aku ma kekahi ano, alaila, ke manao nei au, e lawe aku ia oe no ka nana ana i kekahi mau kii hou loa, i kauia maloko o ka hale hoikeike o na meakahiko."

            "Ha! ha!" i noke okoa ae ai o Magureta i ka aku haalo'u! o'u no kekahi mau sekona, a kamailio mai la: "Ke ike aku nei au, ua makemake oe e hoohalike mai i ko'u ano me ko kekahi keiki hookuli. e hoohulihuli ana i ko'u noonoo mai kekahi hana pihoihoi mai, a i ka hana e lilo ai au mea noho malie. Ua lohi loa oe e Kauka Noka, no ka mea. ua hookuuia ae la ke diabolo i waho. e paani, o ka inoa o ua daimonio nei, oia no o Hoowahawaha."

            Haka pono loa mai la ka nana ana a Magureta maluna o e kauka opio, aole no nae ia he mea e wiwo iho ai ua kauaka nei, aka ke nana aku la no oia me ke kuoo, imua o kekahi mau maka i hele a aa, o ia no oe o kekahi mau alelo manamana o ka uwila e oili mai ana imua on a. me ke kulou ana mai no hoi o Magureta a kokoke e pili me ka helehelena o ke kauka, a ia wa i hoomaka hou mai ai e kamilio:

            "Ae, o ka inoa o ua daimonio ne, oia no Hoowahawaha, a o kekahi mau inoa e ae on a, oia o Weliweli ame hehena. O ke kumu mai o keia mau daimonio, mamuli no ia o kekahi kaikamahine u'i loa e noho ana ma Nu Ioka nei. Ina paha ma kekahi ano okoa ae au i hookamaainaia ai me kela kaikamahine, in a ua aloha aku au iaia me he hoahanau la no'u aka nae aole pela, ua makemake loa au e---" me ka hooki ana iho o ke kamailio ana mai a ua o Magureta, aaki iho la hoi kona mau ku'i ka mea nana i hoopii mai i ka maka'u ame ka weiiwe'i iloko o ke kauka opio. aole no nae ia he mea nona e hookuu aku ai i ka lima. ana e paa ana, a i ole. Hoike okoa aku paha ma kona mau ano aia ka maka'u ke uohoalii la maluna on a, no kela kaikamahine.

            "Alaila ua hoowahawaha anei oe i kela kaikamahine. ma muli o kekahi mau mea ana i hana mai ai ia oe." wahi a Kauka Noka, me ka leo oluolu.

            "Aole oia i hana hewa maoli mai ia'u," wahi a Magureta i pane mai ai. me ke akauu ana mai o kona ano pihoihoi. "Ma ko'u manaoio, aole oia iike iki. ua hana hawe ia mai au ma on a la."

            "Mamuli o au mea e hoakaka mai nei ia'u e Miss Anola ua kono ia mai au e hoike okoa aku imua ou i ko'u manao," wahi a ke kauka opio. me kona noonoo ana iho, he oi aku ka pono. e hoopa aku i ke kumu ame ka mole i ala mai ai ua noonoo uluhewa o kela kaikamahine, no ka mea he wa kupono loa kela, ua hoea mai i kekahi kumuhana e pono ai ke maweheia ae.

            "Ma ka'u koho, o ke kumu nei o kou hoowahawaha ana eia wahine u'i o Nu Ioka nei, o ia no kona mare ana aku ne ke kanaka i manaoia e mare mai me oe, aole anei pela @a mea oiaio?"

            "Ha! O oe ke kanaka mua loa a'u i ike ai i ka hiki ke heluhelu mai i ka meahuna iloko o kekahi mea." me ka nana pono loa ana mai o Magureta ma na maka o ke kauka. me ka pii pu ana ae no hoi o ka ula ma kona mau papalina.

            "O kekahi ia o na hana a'u i a'o ai a loaa ka makaukau," pane aku ai no hoi ke kauka opio, me ka leo malie, alaila hoololi ae la i ke ano o kana mea e kamailio aku ai, ma ka pane ana ae: "Ina pela iho la ke kumu oiaio maoli o ke ano e ana o kou noonoo ea o ka pololei loa o kou mau manao hoowahawaha e holo aku ai. maluna no ia o ke kanaka i hana hewa maoli mai ia oe. aole hoi maluna o ka wahine i mare aku iaia."

            "O ka mea kupaianaha aku ia, aole o'u wahi hoowahawaha iki i kela kanaka."

            "E ae mai ana anei oe ia'u e Miss Anola, e waiho aku i kekahi mau ninau pili pololei loa ia oe?"

            "E ninau mai ikau mau mea apau i makemake ai, ua makaukau au e hoike aku i ka oiaio," wahi a Magureta, me ke akakuu ola ana mai o kona mau ano pihoihoi, ka mea hoi nana i hookahaha loa aku i ka manao o ke kauka opio, he keu no la, e oi loa mai ana ka uluahewa o kela kaikamahine, e aneane hiki ole ai iaia ke hoomaul aku.

            "He nani hoi ia, ua ae mai la oe e waiho aku au i kekahi ninau i pili loa ia oe ke haawi e aku nei au i ka'u mahalo ana no kou piha oluolu maoli. Pehea, ke mau nei no anei kou aloha ana ike kanaka i mare aku me ka wahine okoa?"

            "Aole loa he wahi aloha iki i koe iloko o'u. no kekahi kanaka hohewale. nana i haalele mai ia'u, me ka hoakaka ole mai i kekahi kumu kupono. He oiaio, aole o'u makemake iki iaia i keia manawa: aka nae i ka wa a'u i lohe maoli ai i ke kumu o kona hoea hou ole ana mai e ikeia'u ua ano e maoli ko'u noonoo a ma ka'u uana iho me he mea @ ua kumalie na mea apau iloko o'u a mai keia manawa mai i nohoalii mai ai ke daimonio maluna o'u. e hoop@pule ana ia'u i ke ao ame ka po, a ua aneane maoli no au e lilo aku i kauwa hooluhi nana."

            "E akahele e Miss Anola." wahi a ke kauka, me ke kau ana ae i kekahi lima on a iluna. aia hoi ka minoaka ma kona mau papalina kahi i hekau iho ai mamuli o kona ike ana aku e hoea mai ana i ka la, e lanakila ai kana mau hooikaika ana, maluna o ka pilikia i loaa i ka noonoo o kana ma'i a i aku la:

            "Ke manao nei au, aole a kaua hoala hou ana mai i keia kumuhana, oiai ua hoike mai la no oe i ke kumu oiaio loa a ke haawi hou aku nei au i ko'u mahalo no kou hilinai ana mai maluna o'u i keia meahune i pili loa aku i kou lanakila malalo o ka'u mau lawelawe ana, aka nae e kala mai oe, ke ninau hou aku au i hookahi manawa i koe, o ia keia, e ae ana anei oe e hoko mai i ka'u mau kauoha apau."

            "Alia au e hoohiki e aku ia oe aka nae e hoao au ma na ano apau e hoolohe i kau mau auoha." wahi a Magureta, me ka maikai ole no nae o kona noonoo, i ka nana poho loa aku o ke kauka opio iaia.

            "Ina pela ea, i hooia no kou hoolohe i'o i ka'u mau kauoha, pahea, e ae mai ana anei oe e hele pu me a'u no k@ nana ana i na kii?"

            "Ae, ke makemake nei au e hele pu me oe." wahi a Magureta me ka hoihoi, me ka oluolu pu hoi o kona leo, me ka pane hou ana mai: "Malia paha ua lilo au i mea hoopau wale i kou manawa waiwai nui e Kauka NOka?"

            "Aole a kaua kamilio ana no ko'u manawa, o ka mea nui wale no, o ia kou hoolohe ana mai i ka'u kauoha." i pane aku ai no hoi ke kauka me ka hoikeike ana kau i kona ano oluolu, me ka minoaka ma kona mau papalina, nolaila, aohe he mau ku e hou ana mai a Magureta. aka noi mai la e kala aku ke kauka opio iaia, no kona hoi ana maloko o kona rumi, e hoomakaukau ai iaia iho. no ka laua hele holoholo ma kela la.

            I kela manawa nae e Magureta i komo aku ai maloko o kona rumi, me ke pani ana mai i ka puka, ua hiki ole i ke Kauka Reginola Noka Alika, ke umi iho i ka meahuna iloko o kona puuwai, a o ia kana i hooho okoa ae ai iaia wale iho no:

            "Iloko o keia mau la a'u e hele mau mai ana e ike i keia wahine opio, ua hiki ole i kela ano kuoo, a uahoa o'u, ke noho mana hou mai maluna o kekahi makemake, e paila mau ae ana iloko o kuu puuwai, no ka mea ua @aulehia ma oli no au i ke aloha i keia lede opio, i kau a mea o ka u'i maoli no, a in a penei iho la ko'u pili mau aku ma kona aoao, e aneane liiki ole ana ia'u ke hookaawale mai iaia mai," alaila ku okoa ae la ua kauka nei iluna me na manao pihoihoi, a hoomaka aku la e holoholo maloko o ka rumi.

            Ke hakoko la oia me na noonoo like ole, no kona hoao ana e hoopakele iaia iho, mai ka haulehia ana aku iloko o e aloha kupouli no kela wahine opio aole nae he wahi @lahele maopopo iki iaia, no ka mea o kona malele ana aku kana lapaau ana ia Magureta, ua like pu no ia me kona hoouna okoa ana aku i ua kaikamahine nei. no ka hale @upule. he hana aloha ole ia, a he ku no hoi i ka lokoino. he hookahi nae mea maopopo loa. o kona hoomau ana aku ka imi ana i na alahele e palekana ae ai kela kaikamahine, mai ka lilo ana aku i wahine pupule, e alakoia aku ana oia, e lawe mai i ua wahine opio la i wahine nana. pela wale no e loaa ai he nohona hauoli ana iaia ma keia ao.

MOKUNA XIII

            He hapalua hora paha kela kakali ana a ke kauka opio, oili hou mai la o Magureta iwaho, me kona lole hou, i kupono no ka hele holoholo ana. a i ka Reginola nana aku me he mea la. ua hooi hou ia ae a u'i o Magureta koe wale no ka haikea o kona helehelena.

            "He keu maoli no kou hikiwawe o ke komo ana mai la i kou lole." i pane aku ai o Reginola. @ ka wa a Magureta o ka hemo ana mai iwaho."

            "Manao au, ua loihi loa kou kakali ana ae nei ia'u no ka mea, o na kanaka elike me oe, he mea waiwai nui ka manawa ia lakou," wahi a Magureta me ka ike ole ia aku nae he minoaka ma kona mau papalina. oiai nae o ka Reginola hoailona ia e ake mai aku ana e ike maluna o ke kaikamahine opio, aole nae aia mau no ke kuoo ame ka uahoa maluna o Magureta i na wa apau.

            "Mai kamailio mai oe no ia mea he manawa oiai ua nui ko'u makemake e ike i na kii hou o ka hona ana mai nei nolaila o ka loaa ana he kokoolua e heia pu ai me a'u a e kamailio pu ai hoi no kela mau kii e oiiae ana ka wauwau e loaa ia'u ma ka hoohala ana i ka manawa malaila manua o ko'u hele hookahi wale aku no."

            Oiai nae laua ua makaukau aohe mea e hoo'a'au hou aku ai ua anehe mai la ke kauka opio e hele uo kahi e ha@ma aku ana o ka puka huli e aku la ua@ kana nana ana maluna o ke pakaukau me ka ike ana aku i ka waiho mai o ka @uke a Magureta e heluhelu ana ma keia manawa ana i komo aku ai iloko. nolaila lalau aku la oia i ua buke ei me ka huli ana mai ia Magureta a ninau mai la:

            "E oluolu anei oe e Miss Anola e haawi mai i keia @uke ia'u no kekahi manawa a hoihoi nou mai no?"

            Pupuka ae la na maka o Magureta me ka nana ana mai i ka helehelena o ke kauka opio a nana aku ana i ka @uke e paa ana iloko o kona lima me ka iana mai:

            "Ina ua makemake oe e lawe aku i kena buke ke haawi aku nei au i ko'u ae me ka manao maikai." wahi ana me keku ana ae iluna a pololei alaila pane hou mai la: "Aole oa i maopopo iki ia'u pehea la i loaaai ia oe e Kauka Noka @a mana e noho rula mai ai maluna o'u no ka mea o oe wale no ke kanaka nana i kono mai ia'u e hoolohe aku i kaa mau kauoha apau."

            Minoaka wale aku la no o Kauka Noka me ka pane ole aku no ka mea ke ike la no oia i ka pololei o na olelo apau a Magureta e kamailio mai la a o ka olu hoi ia o ua kauka nei o ka hoea mai i kona manawa e noho mana ai ma na ano apau a o ka hooloheia o kana mau kauoha ame ka hookoia hoi o kona mau makemake o ke akahele wale no ia e hiki ai iaia ke hoopakele ae i keia wahine opio mai ka lilo ana aku i mea pupule.

            Alakai aku la oia ia Magureta ahiki i kahi e ku mai ana o kona kaa kokua aku la i ua wahine opio nei no ke kau ana ma kona wahi a kau ae la no hoi oia ma kona wahi o ko laua holo pololei aku la no ia no kahi i ku ai o ka hale o na mea hoikeike. kahi a laua i hoohala ai he elua hora ma ka nana ana i na kii ame ka hele holoholo ana maloko o ua hale nei e kamailio ana hoi ma na kumuhana i kaokoa loa mai ka laua mau mea i kamailio ai ma ka hale o Magureta ma kela la.

            Ma kela hoohala ana a laua maloko o ka hale o na meahoikeike. he hookahi mea i loaa mai ia Kauka Noka Alika. o ia no ka hoopoina loa ana o Magureta i ke kumu o ka pili kia o kona noonoo mamuli no ia o ka ike ana aku i kela mau kii. he mau mea ia a Magureta i hialaa@oa au a @ me, ke kaukamaha la ua kauka nei no ka haalele ana @ i kana ma'i. iloko o ke kulana mehameha e hiki ole ai ko a ae, mai ke ala hou ana mai o kana mau hoomanao ana no kela kumuhana hookahi nana i hoopilikia mau au i kona noonoo i na manawa apau.

(Aole i pau.)