Ka Nupepa Kuokoa, Volume LVII, Number 9, 28 February 1919 — KE IKEIA NEI KA HUA I LULUIA [ARTICLE]

KE IKEIA NEI KA HUA I LULUIA

Ma ka hoalaia ana ae o ke Kalapu Makaainana Hawaii, he manawa pokole wale ae nei no i hala, 0 kekahi o na kumuhana ano nui i laweia ae a noonoo, o ia no ke kinai ana aku i na hana pili,waiwai ma keia kulanakauhale, ka hana nana i luma'i a 1 alako aku i kekahi heluna nui o na ohana Hawaii iloko o ka hune ame ka nele i keia la, ke hua mai nei ka anoano i luluia, inamuli o ke a!a ana mai o ka Papā Hawaii, ame na kahunapule haole, a kakoo ia hana a ke Kalapu M'akaainana o na Hawaii, me ke ku-e ikaika ana i na liana piliwaiwai i hookuu akeaia iloko o na la ekolu a na hui malu, e hoikeike'ana i ka lakou mau hana imi elala, ma Honolulu nei, ma ka pule aku Ia i hala. Aole he kanalua iki, no ka lilo maoli o kekahi mau hale, i mau wahi piliwaiwai maloko nei o keia kulanakauhale. elke me ia i ikeia ai, ma ka hele kino ana aku o ka Lunakanawai Heen ame kekahi komite o ke kiure kiekie, e hopuhopu i ka poe piliwaiwai inamua koke aku nei; oiai nae he piliwaiwai ia i lawelaweia, ina na wahi malu, .o na hana nae i lawe!avyeia iloko o na la ekolu o ka pule i hala, maloko o ka hale koa, ua kuu akea ia niai ia, ma ke ano i ku-e maoli i ke kanawai, e potio ole ai e aeia'ma keia mua aku. Ke hauoli nei makou i ka lilo ana o na manao ku-e o na Kahunapule Rev. Palmer ame Rev. Loofbourow, i mea na ke kiure kiekie e lawe mai ai a huli pono aku i kela hana piliwaiwai; aole malaila wale no pau, aka ke haawi pu nei keia pepa i na mahalo ana i ke komisina fea o ke Teritore, no ka hoike okoa ana ae i kekahi manao, no Ka ae ole ia o na ano hana piliwaiwai apau, ma ka fea e hoea mai ana iloko ae nei o lune. Oiai kakou e hooikaika ana e kinaiia aku na hana hakihaki a ku-e kanawai apau ma Hawaii nei, he hana kupono ole loa ka lawe ana mai o kekahi mahele o na makaainana, malalo o ke koloka o na hui malu, a lawelawe mai i na hana i ku-eia i: ke kanawai; a ina no ka lilo o ia ano hana, i mea aponoia e kakou, ua wehe hamamaia ae ka ipuka, no na hana piliwaiwai e ae, e hoohanaia mai ai malalo o na loina i kulike me ia i lawelaweia maloko o ka halekoa. "E o-u ka maka o ka wauke o i opiopio," wahi o ka olelo a kahiko; nolaila o ka manawa wale no leeia e laweia ae ai na keehina oole'a, a kaomi aku i keia ano hana piliwaiwai, e lilo ai i kumu alakai, e hoala hou ole ia mai ai na hana imi dala, malalo o na koloka hoonalonalo a uhiuhi o ke ano maalea, ma ka hakihaki ana i na kanawai o ka aina.