Ka Nupepa Kuokoa, Volume LVII, Number 9, 28 February 1919 — KA PONO KOHO BALOKA O NA WAHINE [ARTICLE]

KA PONO KOHO BALOKA O NA WAHINE

Eia maloko o ko kakou ahaolelo e nolio mai nei i keia mau la. lie mau bila kanawai i hookomoiaj aku c liaawi ana i ka pono koho haloka i na waliine, elike me ka mana i loaa mai i ko kakou ahaolelo kuloko. mai ka ahaolelo lahui mai o Amerika Huipuia; a no ke kakoo ana i kela mau bila, ua kaheaia he halawai akea no na wahine, ma ka Halekeaka Bijou ma keia auwina la. I Ma na hana apau i konoia mai ai kakou na makaainana o keia Teritore e hana aku, o na manawa Me nei i hala. o na wahine ka hikimua loa, ma ke ku ana mai imua, a hooko aku me na manao kui'o,» a i hoike ae hoi i ko lakou mau noonoo kuokoa, nia ka hoohana ana aku. maluna o na alahelē apau i ku i ka naauao; a mamuli o ia mau ano i ikeia aku maluna o lakou. ame kekahi mau ano lehulehu e'ae i pili i na wahine. ua lawa ia 110 ka hookau like ana ae ia lakou me na kane, ma na hana i pili i ko kakou kulana makaainana. Iwaena o kekahi heluna mahuahua loa o na wahine maloko nei o keia Teritore, ua oi aku ko lakou ike i ka mea pono e hana aku ai, ma na ninau pili i ke kalaiaina maanei nei, mamua o na kane; a mamuli o ko lakou kulana naauao. a ike i na mea pono e hna aku ai, e lilo ana lakou i poe kinai aku i na kalaiaina haahaa. i lawelawe mau ia maanei nei, ina 110 ka haawiia o ka pono koho baloka ia lakou. Oiai nae, ua loaa i ko kakou ahaolelo ka mana pilia, e haawi mai ai i keia pono koho baloka i na wahine, e hoohana aku ia mana, no ka hooko ana i na hoohiki a ko kakou mau aoao kalaiaina i hoopaā ai. a e nana aku i ka oili mai o na hopena a makou e manaaio nei, aole ia he hopena na kakou e mihi ai.