Ka Nupepa Kuokoa, Volume LVII, Number 10, 7 March 1919 — NA ANOAI O KILAUEA, KAUAI. [ARTICLE]

NA ANOAI O KILAUEA, KAUAI.

He mau la malie keia o Kilauea nei, me na wahi kilihune ua, i na la apau, e hoopulupe mau ana i na lihilihi maka, o na keiki kupa o keia wahi, hui pu iho no hoi me ka huihui o ke kehau, o ke suiusulu aumoe, he hu'ikoni mai hoi kau, e kaapa wale ana no, ma o a maanei, aia ka pono o ke ao ae, i ahona i kahi huluhulu nioe kehau o Milolii. No ka ma'i flu, keia ma'i e kauia nei ka weli apuni ke ao, he o ia mau ka puka liilii ana i na la apau, ahiki iho la i ka Poakahi la 17 he 292 ka nui, ma keia niau mahele like ole, Makaweli 164, Lihue 26, Kealia 12, Kilauea 90, o ka Pilipino ame ke Kepani ka nui loa iwaena o keia huina. Nolaila iwaena o ka noho huikau ana 0 keia mau lahui, hoomaopopo ole i ke ano o ko lakou noho ana, ka lakou mau meaai, ko lakou wahi moe, o ia ke kumu hikiwawe loa o ke komo ana mai o keia kupuino, iwaena o keia lahui, mo ka hakalia ole, ua hamama ka puka, ua malaelae ke alahele, hele no komo, aohe mea nana e ke'ake'a aku, nolaila ua hooholo ke kauka aupuni i elua nana ana o ka la inaloko o na Camp, ame na wahi like ole. No kuu lahui aloha, he malama no lakou i ko lakou mau ola kino, ma keia aina me ka maikai, ai no kahi huaale piwa, inu no kahi paakai, a aila paha, ke inau la no ka maikai o kou ola kino, aohe wahi a keia aeahaukae e komo mai ai, oiai ua paa ka puka. Hele mai la a ma ka puka ku, ke kiei. la, ke halo la, o ka ike i ke ki, haha aku la maluna o ka puka, o ka pahi ka mea i loaa aku, aole hoi ke ki, ka mea e hemo ai o ka puka, oiai nae aia no ke ki i ka poho o kou lima, kahi i paa ai, ua poho wale ka manaolana, o ua aeahaukae nei, oiai aole i ko kona makemake, e komo mai a nohoalii, a hoopunana ,a hoolilo ia oe i pio nana i ka wa pokole loa. A no keaha ke kumu, a no ka mea, ua hoomaemae oe nou iho, maiJoko a waho, mamua o kona hiki ana mai, aole hoi o ka hulali wale no mawaho koe oloko, aka, o ka maemae mailoko a waho, o ia ka mea maikai, aole wahi a keia ma'i ino e komo mai ni iloko ou, a hoopunana iho, oiai ua maemae oe ma na ano apau. Mk ka hale kukui o Kilauea nei he 50 inakou mau mea i loaa i ka ma'i, lole nae.o ka ma'i Paniolo flu, kau e ka weli, he ma'i maoli nei no, aka o ka hope mai paha' ia, ina aole i makaala mua ia, i keia manawa ua maikai loa ko lakou mau ola kino elike me mamua. Nolaila ke haawi aku nei keia makapeni i ka mahalp a nui loa i ke keiki o Ualakaa, no kana mau mea maikai e hoomalamalamā, hoeueu, hoomaikeike, imua o ko Icasou lahui, a pela no hoi me ke keiki Maluulu o Lele, e hu'e pau mai nei i na kohikelekele a ka puukolu, e hoohialaai mau ana i na makamaka heluhelu o ka nupepa Kuokoa; sure hoi kela, hoomau ia mai! Ma ka la 18 iho nei i hoea mai ai ma ka hale kukui o Kilauea nei ke keiki o ke ka) hawanawana o Hawaii, •I. E. Laau, no ka holo ana mai e ike 1 ka ma'i o kana mau kaikamahine, Mra. Lydia Akana ame kona pokii, he mea ole ka loa, o na kai elua, i ka makua i aloha i kana mau keiki, he o ia mau no oia i ke alo pali, a huli hoi aku 'a no ma ka la 22 iho la. I kona lioea ana mai la i keia aiiia inalihini, no na wahi la pokole wale no, aole oia i hele makaikai aku, i na wahi kaulana o keia aina, oiai he nui kana hana mahf[)e, aka nae ua kilohi iki iho !a oia i ka u'i, ka nani o ka hale kukui owaka i ke aouli, ke kukui nani hookahi o ke aupuni Hawaii nei. Oiai i kona hiki ana mai, ua hoonoa mua ia mai la ke kapu o keia hale kuku'kui,, oiai ua pau ke kaua, nolaila e na makamaka, aine na hoaloha, eia ka wa kupono e ike ai i ka nani o Aipo, ke kukui i hana noeau ia e Palani, he oki loa ka lohe pepeiao, e hele mai a ike muka, a kiss hoomau i kona mau papalina ula ohelohelo, koe kou hoopa ana aku iaia. No keia kukui kekahi mele maikai loa i hakuia e na kaikamahine puukani o keia wahi, i kona manawa i paa ae ai, pela mai ka lohe o kou mea kakau, ina i loaa ia'u he kope no keia mele, me nei ua huepau ka hana i na niho niho, me ka nana ole. Sure kela. Ua lawa keia wahi meahou liilii a hui hou aku no i ka wa pono, ke huli hoi nei ke keki o Mokuaeae. Haina ia mai |na ka puana, No.ka hale kukui owaka i ke aouli. Me ka Lunāhooponopono ko 'u mahalo a nui, ame na keiki oniu hua kepau 0 kou papapa 'i ko 'u adieu. PETER KAMANO, SR. . 1 YORK, Feb. 24.—Ua pili mai 1 ka uwapo niaanei i keia la na mokukaua Ameril<a Montana ame Kansas ame na moku lawekoa West Durfee ame Artenis ma ke kakahiaka nui wale o keia la me 3389 mau koa Amerika j maluna o ia niau moku. i