Ka Nupepa Kuokoa, Volume LVII, Number 10, 7 March 1919 — O KA POE MALALO O KE KANAWAI AOLE E HIKI KE HOOKAAWALEIA AE. [ARTICLE]

O KA POE MALALO O KE KANAWAI AOLE E HIKI KE HOOKAAWALEIA AE.

Mr. Lunahooponopono o ke Kilohana a ka lahui Hawai., Solomon Hanohano, Anoai waJe:—E oluolu mai i wahi rumi o ko kakou moku lawe meahou no keia wahi puolo ukana, na ko kaua mau kini heluhelu a hoa lahui hoi o ko kaua paemoku aloha. ) He makahiki hou keia o kakou o ka 1919; he makahiki oi hoi ma kona mau huahelu i ka nana iho, a pela paha e hookala hou ia mai nei na mea hana no ke ola o keia lahui a kupa hoi o keia paeaina. Ua hoala hou ia mai ko'u uhane e hoike hou aku i ka'u wahi ipu elike , me kana i koho mai ai ,a maluna o keia

mau pauku ae la o Roma, nona keia | manao alakai e kau ae la maluna, a Paulo e hoike nei i ko Koma. Aia ma ka pauku ekahi o keia moku* na, e olelo ana: Aole anei i ike oukou e na hoahanau, no ka mea, ke olelo aku nei au i ka poe i ike i ke kanawai, e kau ana ke kanawai maluna o ke kanaka i kona wa apau e ola nei? Aole au e wehewehe ana i ka Paulo i ko Eoma, aka i ka Faulo ia kakou, ka poe i malama ole i ke kanawai a ko kakou mau kupuna ame ko kakou mau alii. O ka ae ana aku o ko kakou mau kupuna ame ko kakou mau alii i na alakai ana a na makua o ka pono i hiki mai ai i Hawaii nei (miaionari); ua ae aku lakou me na hooiaio apau e lilo ia i kanawai paa mawaena o lakou, 0 ia paa a lakou i hoopaa ai, he o ia mau ia ahiki mai i keia wa ia kakou; ua pau lakou i ka make o ka aoao nae a lakou i hoopaa ai eia no ia ko ku mau liei, o ia hoi (Hoomana Kalavina). Nolaila, ua like me ke kanawai i hoopaaia me keia lahui kanaka. Aole mea nana e wehe ae a hemo mai ke Akua m'ai, ua make ka poe na lakou i hoopaa 1 keia mea liilii i nana ole ia e kakou. Ma ka pauku elua e pili ana i ka olelo no ke kane ame ka wahine, o ke kane oia ke Akua ma ka hoohalike ana ae, o ka wahine oia ke kanaka; ua mare aku kakou ka lahui Hawaii me ke Akua ma ka aoao a ko kakou mau ku puna, ame na 'lii i hilinai ai; nolaila hookahi wale no pau, o ia ka pau ana o ka aoao a lakou i aplike ai. (Pau ka hoomana kalavina). Nolaila' e kuu lahui, e ike like mai kakou i ko kakou ku-e i ke kanawai, he moekolohe, a kakou e olelo nei i ko kakou make ka emi o 'ka lahui; aole 'kakou i ēmi ma ka ike o ke kanaka, aka ma ka mana o ke Akua. Nolaila ma ka pauku ekolu, ua pili loa ka olelo no kakou ka lahui, i kela manao, oiai ua fflare lakou i kane hou, oiai eia no ke kane kalavina ke ola nei, aole au e olelo ana no ka poe i kupaa ma ka aoao o na kupuna ame na lii, aka, o ka poe i haalele a mare hou aku, no lakou ka pili o keia. E kala mai ina ua eha kakou, no ka mea, ina eha oia, no ke Akua ia e hoeha ana iaia' no ka mihi ola, oia kona hoi hou ae i kahi ana i haalele kumu ole ai. Pela no.ka pauku eha e koi mai nei i na hoahanau Hawaii apau, ua make kakou i ke kanawai ma ke kino, o Kristo i lawe ia" mai i Hawaii nei, a hoomare ia mai i ko kakou mau kupuna ame na lii, ka mea hoi a ke Akua i hoala hou mai ai maiwaena mai o na akua a na kupuna o ko kakou mau kupuna, ame na kupuna o ko kakou mau alii, o ka poe i make i haahaa kakou, na hanauna ame na mamo o keia wa i na hua ohaha o ka pono no ke Akua. ' No ka mea, ia wa e noho aua lakou j ma ke kino, ahiki mai no ia kakou, eia mau no ia mau ano ma ke kino, oiai eia ke kanawai o ka uhane e hoomalu ana ia kakou, aka ma na kuko hewa i ku-e i ke kanawai, ua hooikaika maloko o 1 ko kakou mau lala e hoohua mai i ka I hua no ka make, a pela kakou e ike nei i ka make 'o ko kakou lahui no ka mea ua paa i ke kanawai. Nolaila hoi ua kuu ia kakou mai ke kanawai mai, ka mea i paapio ai kakou, no ka mea ke' hookauwa hou nei kakou me ke ano hou ana ae o ko kakou mau uhane la, aole hoi ma ka mea kahiko o ke kanawai, elike me na ano a kakou i maa. O keia mau pauku maopopo, he hooiaio nui loa keia uo kou ola ame ko'u ola e kuu lahui, ina e hoopau ae kakou i na manao mua o ka like ole ame ke ku-e aoao hoomana, a hoi mai kakou me ke aloha, e ikeia kakou iho, he Hawaii, a he Hawaii elike me ka moto kaiilana o ko kakou kupuna alii o Kakuhihewa: Hawaii oe Hawaii au, Hookahi kupuna o Kakuhihewa; Mai hoohewahewa oe ia kaua, la'u nei hoi i kou pilikoko. Ke kuhi mau aku nei i ko kakou hewa ia mea, ia mea, eia nae pee malie no i ou pilikoko. Nplaila e hoopau loa i na ano o na wa i hala, e hoi mai i ka poli o ka inakua, ke ola hoi ou e Hawaii, aole i paniia na puka i ka po ame. ke ao. E hoi mai me ke aloha hoohanau; e hoi mai me ke aloha i kou lahui; Q hoi mai me ke aloha i kau olelo; e hoi mai me ke olaha i kou paeaina; e hoi mai me ke aloha o ke Akua no ke ola ame kou ulu hou ame kou mana piha, no ke "aloha i na lahui like ole ilōko o kou paeaina. Ke hooki nei i keia mau manao me ka manaolana e loaa mai ana na ho oia ana mai .ia kakou ae iloko o keia mau kuka'i manao ana e lokahi mai ai kakou apau. Me ka mahalo no i kuu Solomon ame kou mau keiki oniu hua metala ko'u welina. GEO. M. KAUAULALENA. I Kahuku Camp, Koolauloa, Feb. 26..