Ka Nupepa Kuokoa, Volume LVII, Number 11, 14 March 1919 — Page 3
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Hana a ka Ahaolelo Kuloko
Ke Senate - La Hana 11.
S.B. 102 - E hookaawale and i bila haawina no ka uku hoomau ana aku i ka Poropeka M. M. Scott. _ Cooke.
S.B. 103 E papa ana i ka lawai'a ana i na i'a me ka upena ame ka hoopoino ana i na i'a. - Coney
S.B. 104 - E hoakaka ana no kekahi ana uku auhau paku'i no na hanahou no na kula o maui. - Rice.
S.B. 105 - E hookaawale ana i bile haawina no ka pomaikai o Jese P. Fivella, no ka hana ana a ke ano he limahana no 23 makahiki. - Rice.
S.B. 106 _ E hookaawale ana i haawina o $500 no ka laina paipu ma na aina hookuonoono o Kamaoa a i na aina hookuonoono o Kiolokaa, Kau, Hawaii. - Kamauoha.
Ka Hale - La Hana 11.
H.B. 176 - E kau ana i ka uku o na hope makai o Oahu. - Fernandez.
H.B. 177 - E kau ana i ka uku laikini no ka poe maauauwa i $50 o ka makahiki. - Jarrett.
H.B. 178 - E pili ana i na loaa no ke kuai ana i na aina hookuonoono o Waiakea e lilo ia mau dala no ka hana hou ana i ke alanui maloko o ka apana. - Lyman.
H.B. 179 - E kau ana i ka uku o na kiure i $3 o ka la, a i 20c uku mile. - Kaupiko
H.B. 180 - E hoakaka ana no ke Teritore e uku i na hoolilo o ka lawe ana i na paahao feloni ame na keiki makua ole. - Kai.
H.B. 181 - E hoakaka ana, o na uku apau e ohiia ana e na lunauana o ka papa ola, e komo aku iloko o ka waiho na o na kalana. - Rose
H.B. 182 - E hoakaka ana i na hoopii oki mare apau. - Rose
H.B. 183 - E hoakaka ana no ke koho ana i ka enekinia kalana o Hawaii. - Rose
H.B. 184 - E hoakaka ana no ka hookohu o na lunakanawai apana, na ka lunakanawai keikei, a e hoopauia hoi e ka aha kiekie. - Brown
H. B. 185 - E hookaawale ana i waihona dala, no ka hoomoe ana i paipu wai me Kapaa, me ka uku hou ana aku ia mau dala. - Kaahu
H. R. 40 - E koi ana e huli a e noii ponoia aku ka hihia o F. Schultz. - Fernandez
H. R. 41 - E hoakaka ana no ka huli pono ana aku o ke komite o na aina aupuni, no ka haawiia ana o ka ae e oki i na kiawe o Waianae. - Ahuna
H. R. 42 - E hookaawale ana i $10,000 no ke kukulu ana i kekahi uwapo ma ka muliwai o Waimea, e pili la me Makaweli, Kauai. - Chandler
H. C. R. 20 - E noi ana i ka ahaolelo lahui e hoololi o ke kanawai kumu, e lahui e hoololi i ke kanawai kumu, e hooko aku i na kanawai aina. - Rose
Ke Senate - La Hana 12.
B. S. 107 - E hookapu ana i ka lawai'a ia o ka amaama ma Puuloa, a pela me ke kuai ana aku. - Wise.
B. S. 108 - E hookaawale ana i $15,000 a e hoolako ana no kekahi komisiua no ka lawelawe aua i ka la kulaia no ka piha ana 100 makahiki o ke make ana o Kamehameha I ma ka la 11 o Iune. - King.
B. S. 109 - E hoakaka ana o ka makahiki haawina dala e hoomaka ai ke Kalana o Honolulu mai ka la 1 aku o Ianuari, 1920, a pau ma ka la 31 o Dekemaba, 1920. - Correca
Ua hooholois na bila 59, 86 ame 87 o ka hale ma a heluhelu ekoluia ana e ke senate a waihoia aku i na komite.
Ma ke noi a Senatoa Coney ua hooholoia ka B. S. 7 elike me ia i hoololiia e hookaawale ana i $182,000 no ka uwapo o Kapaa, Kauai, a ka heluhelu ekahiia ana.
Ua hooholo pu ia ma ka heluhelu ekahiia ana ka B. S. 27 e hoakaka ana e ukuia ke komisina o na hana e pomaikai ai ke lehulehu i $10 o ka la.
Ua hooholo pu ia ka B. S. 32 a ka heluhelu ekahiia ana, e pili ana i na laikini o na hale pahupahu maika, i $5 ma kahi o ka $25 no ka makahiki.
Na Shingle, lunahoomalu komite loaa ame hoolilo, he hoike e apono ana i ka hookaawaleia o $9300 no na Jako hale kula. Aponoia.
Na Russel lunahoomalu komite hookolokolo, he hoike e apono ana i ka waihona o ka B. S. 14 ma ka papa e pili ana i ka hoopoino ana i na i'a a e hookapu ana i kekahi mau auo hana no ka lawai'a ana. Aponoia.
Aponoia ka hoike a ke komite hookolokolo e pili ana i a bila senate e hoakaka ana no ka waiho ana mai o na hui a na lahui e i hoike makahiki. IIolo ma ka heluhelu elua ia ana.
Na Cooke, lunahoomalu komite ola, he poloai i na hoa senatoa, e holo aku e maka'ika'i i ka halema'i pupule.
Noonoo ia ka B. S. 5, e hoomahuamahua ae ana i ka palena i $10,000 malalo o ia aohe hoolaha ana a na lunakiai no kekahi mau aelike. Ua hoololiia a i ka $5000 ka palena a hooholoia.
Ka Hale - La Hana 12.
B. H. 186 - E hooponopono hou ana i na kanwai e pili ana i na hoopii kivila maloko o na aha hookolokolo apana, e pili ana i ka hoopii kumu. - Andrews.
B. H. 187 - E hoakaka ana no ka hana ana ame ke hookomo ana aku m@ aa wahi like ole a ka aha a ke ano kaahele. - Rawlins
B. H. 189 - E pili ana i ka poe noi no na laikini o ka poe kapili kapuailio ame na kapuailio a e kau ana i na uku laikini. - Rawlins
B. H. 190 - E hoololi ai i ke kanawai e hoakaka ana no ka hoopii kivila e pili ana i na moohelu waiwai hamama. - Andrews
B. H. 191 - E ae ana i kahi hoikeike i'a ia F. A. Potter. - Andrews.
B. H. 192 - E hookaawale ana i $4995 no ka hoopau pono ana i ka hana o ke alanui o Palolo. - Andrews
B. H. 193 - E hookumu ana i papa luna nana no na hale kii onioni. - Rose.
B. H. 194 - E hoololi ana i na moolelo e pili ana i ka hoopaa ana maloko o ka buke i na pu ame poka mai ke kakauo'lelo kalana ae a i ka aikai nui kalana. - Kai
B. H. 195 - E hoakaka ana no ka hana ana a pela aku o ka holo ana ka uwila a Pahoa, Hawaii. - Lyman
B. H. 196 - No ka uku ana aku ia John Jardin, he kanaka hana noloko o ke kahua kapitala ai ka 1890, a he ma'i i nei manawa, a ke $45 no ka mahina. - Ahuna
B. H. 197 - No ka uku ana aku ia Joe P. Fivola, he kanaka hana noloko o ke kahua kapitala ai Iulai, 1895 mai, a he ma'i hoi i nei manawa, ma ke $45 no ka mahina. - Ahuna
B. H. 198 - E hoakaka ana e lilo ka makai nui kalana i mea nana e kuni i ua kaupaona ame na mea ana. - Silva
H. R. 43 - E noi ana i ke komisina o na aina aupuni e hoolako mai i ka hale me kekahi kope o na palapala apau e pili ana i ke kanu ana i ke ko ma na aina hookuonoono o Waiau, Ili o Piihonua, Hawaii, i kanuia e ka Hui Wiliko Hawaii. - Silva
H. R. 44 - E noi ana i ka puuku teritore no kekahi mau papahelu e pili ana i na auhau a na apana ame na inoa o na luna auhau. - Chandler
H. C. R. 21 -E hoakaka ana no ka hookaawaleia o kekahi mau aina aupuni ama ke lakou loaa makahiki i hooliloia no ka hoohoihoi ana i ka noho hookuonooia o kekahi mau aina aupuni e aku. - Holstein
H. C. R. 22 - E noi ana i ke komisina o na aina aupuni e wehe i ke ahupuaa o Piihonua no ka noho hookuonoono ana. - Kai
H. J. R. 2 - E kauoha ana i ke komisina o na aina aupuni e hoopanee ka hookaa ana i ka uku hookaa liilii mua maluna o ka aina hookuonono o Waiakea mai Maraki 13 a i Iulai 1. - Kumalae
H. J. R. 3 - E kauoha ana i ka lunahooia e uku i na kanaka hana e loaa aku ana na ukuhana i emi iho malalo o ka $100 no ka mahina e ukuia ma ka hapalua mahina. - Ahuna
Na ke komite hookolokolo he hoike e apono ana i ka hooholoia o ka B. H. 83 a e noi ana e waihoia ma ka papa k B. H. 94 no ke kulike me ka B. H. 186, a e hookomo mai ke komite he bila hou, a hooholoia ma ke heluhelu ekahi ia ana.
Na ke komite ola he hoike e apono ana i ka bila 40 o ka hale. Holo ma ka heluhelu elua ia ana.
Ke Senate - La Hana 13.
B. H. 199 - E hoemi ana i ka hookupono ana i na luna aupuni kulanakauhale mai ka elua a i ka hookahi makahiki. - Kumalae.
B. H. 200 - E hookaawale ana i kekahi aina ma Waiakea, Hilo, i paka no ka lehulehu a e ikeia ka Paka Panaewa. - Rose.
B. H. 201 - E hoakaka ana no kekahi uku ame na hoolilo o ka hookolokolo ana i ka wahine ma ka hoopau ana i ke kanawai mare. - Andrews
B. H. 202 - E hoakaka ana no ka hoonui ana ae i ke kupono o ka waiho ana ae i na moolelo ano nui o na papahelu waiwai ano nui. - Tavares.
B. H. 203 - E hoakaka ana no ka hoemi ana mai i na mea ino ame ka hoi hoi hou ana aku i ka papa ola o na hoolilo o ia hoemi ana in a e haua ole ana na on a pela. - Tavares.
B. H. 204 - E hoakaka ana no ke koho baloka ana i na luna aupuni o ke kalana o Hawaii ma ka Poaono ekolu o Novemaba no ke kau o eha makahiki, a e hoomauia aku ka noho ana o na luna aupuni i keia manawa ma ka hana ahiki i ke koho baloka ana loko o Novemaba. - Lyman.
B. H. 205 - E hoakaka ana no ka hoomalu ana i na manu kolohala maluna o ka Mokupuni o Hawaii no ka manawa o elima makahiki. - Lyman.
B. H. 206 - No ka hookohu ana i komisina ia ame holoholona elike e ia malalo nei; i 1 no Kauai; 1 no Maui; 2 no Honolulu; 2 no Hawaii, a e hana lakou elua makahiki me ka uku ole, a e hookaawale ana i $25,000 no ia hana. E lawe ke komisina i na hooponopono ana apau i na kanawai e pili ana i ka hahai ana i na holoholona me kekahi mau mana e ae. - Lyman.
B. H. 207 - No ka hana ana i kekahi mau alanui ma ka aina o Waiakea. - Silva.
B. H. 208 - No ka hoololi ana i ke kanawai e pili ana i na hui pana'i ola i hiki ai e hoolako i na hui apau i kukuluia ke kaa malalo o ke kanawai panai ola. - Silva.
B. H. 209 - E hookaawale ana i $8500 no ke kuai ana i na aina ma Hilo, Hema i pa ilima. - Silva.
B. H. 210 - E hookaawale ana i haawina dala no ke uku ana aku i no koi e ku e ana i ke Teritore i hiki aku ka huina i ka $268.97 - Lewis.
B. H. 211 - No kekahi aelike no ka pono o ka hana ana i mau kukui uwila ma Hilo Akau ame Hema, Hamakua ame Puna, Hawaii. - Rose.
H. R, 45 - E noi ana no kekahi komite o elima lala no ka ninaiau ana ame ka noii ana aku e pili ana i ke alanui holopuni o Oahu. - Kumalae.
H. C. R. 23 - E noi ana i ke komisina aina e hoopanee i ka hookaa ana i ke kolu o na hookaa liilii ana maluna o ka aina a Kapaa, Kauai, no eono mahina. - Werner
Ke Senate - La Hana 14
B. S. 112 - He bila pani ma ka hakahaka o ka bila senate 60 i waihoia a ka papa.
Elua bila i hoohoiloia ma ke heluhelu ekoluia ana: B. S. 99 ame B. S. 102, e noi ana no ka uku hoomai o $150 no ka mahina no M. M. Scott.
O ka S.C. R. e noi ana i ka ahaolulo lahui e hoolilo mai ia Hawaii i mokuaina ua hooholoia me ka lokahi mahope o ka waiho ana mai oka lunahoomalu o ke komite hookolokolo i ka hoike e apono ana no ka hooholo loa ia.
Holo ma ka heluhelu elua ia ana na B. S. 69, e hookaawale ana i $25,000 no ka fea a ke Tritore, ame ka B. S. 103, e pili ana no ka luku ana o na i'a.
Holo ma ka heluhelu eluia ia ana na B. H. 30 ame 81.
Waihoia na bila malalo nei i na komite kumau: B. H. 48, 99, 104, 114, 119, 122, 137.
Holo ma ka heluhelu ekolu ia ana na B. S. 99 ame 102.
Na B. S. i hoomoeia ma ka papa: 34, 64, 65, 67, 60.
Ka Hale - La Hana 14.
B. H. 212 - E hoakaka ana no ka hookupono ana i na loio no na aha apana ame ko lakou mau uku. - Andrews
B. H. 213 - E hookawale ana i $250 no ka uku ana aku i na on a o ke awapae o Kipahulu no ka hana ana i uwapo. - Joespeh.
B. H. 214 - E hoolako ana i dala no ke pa'i ana i na kanawai o ke kau o 1919. - Silva.
B. H. 215 - E hoopau loa ana i ke kanawai e hoakaka anan no ka hookohu ana aku i kakauolelo ekolu no ka aha apana o Honolulu. - Kumalae.
B. H. 216 - E hoamana ana i na luna kiai o Honolulu e uku aku i na limahana i na dala i laweia ae mai na ukuhana ae o lakou iloko o Apreila ama Mei, 1911 - Ahuna.
B. H. 217 - E kauoha ana e hanaia i mau hoailona mikini no ka holo ana o na kaa maloko o Honolulu. - Ahuna.
H. C. R. 24 - No kekahi Paka no ka lehulehu a ka apana o Hana, Maui. - Paschoal.
H. C. R. 25 - No ke kokua i ka malama ana i ka hale wiliko ma Kekaha, Hawaii. - Kumulae.
H. C. R. 26 - E noi ana i ke Kiaaina e apono i na elele like ole mai na lahui liko ole mai e noho maluna o na papa komisina. - Kumalae.
Ke Senate - La Hana 15
B. S. 113 - E hoololi ana i na pauku 1 ae 2 o ke Kanawai 215 o ke Kau o 1917, e hoakaka ana no na hana hou a aka lehulehu e hoololi ana i e Kanawai 11 o ke Kau o 1918.
B. S. 114 - E hoakaka ana no ke kanawai aie dala a pela aku. - Shingle.
B. S. 115 - E hoolako ana i haawina dala o $912 no ka hoihoi hou ana aku i na dala auhau i hookaa palua ia i ke Teritore. - Shingle
B. S. 116 - E hoakaka ana no ka hana ame ka haawi ana kau ma o a maanei i ke uwila maloko o ka Apana o Hana. - Baldwin.
B. S. 117 - E hoakaka ana no ka hoolaha ana i na kanawai i hooholoia e ka ahaolelo o 1919 ma o ke keena ia o ke kakauolelo o ke Teritore a e hookaawale ana i $5000 no ia hana.
B.S. 118 - E hoakaka ana o ke enekinia kalana o Honolulu e pono he kanaka, oia i loaa ka makaukau mamuli o ke a'o nui ia ana ma ia oihana no elua makahiki ma kekahi kula kiekie, a he umi makahiki kona manawa o ka hoomaamaa ana ma ke ano he enekinia maloko o Honolulu. - Wise.
B. S. 119 - E noi ana e hookawaleia i $10,000 no ka halema'i o Naahelu, Hawaii. - Kamauoha.
Ka Hale - La Hana 15
B. H. 218 - E hookawale ana i $10,000 no na alanui o ka pa iliua o Olaa, Hile Hema. - Silva.
B. H. 219 - E hoololi ana i na kanawai kanisi i hookuuia ai na ukuhana manauhi ame na ukuhana kaulele maluna o na uku mahina a uku la paha, aole uae no na ukuhana manuahi no ka makahiki. - Werner
B. H. 220 - E hoololi ai i na kanawai e pili ana i na ukuhana o na makai o Kauai. - Werner
B. H. 221 - E hoololi ana i ke kanawai e pili ana i na hui kaaahi ame a hoololi a hoolilo ana aku i ko lakou waiwai. - Andrade.
H. R. 46 - E hookumu ana i komisina Hawaii no ua haua hoolaha no ka Mokupuni o Hawaii a e hookaawale ana i $12,000 no ia hana. - Kai.
H. R. 47 - E hookaawale ana i $400,000 no ka hoomau ana aku i ka hana ana i ke alanui Konakalika ahiki i ka Luaopele. - Kawewehi.
H. C. R. 27 - E kaupalena ana i ka paa ia o na aina hookuonoono i na makaainana wale no o Hawaii. - Chandler.
Ke Senate - La Hana 16
B. S. 120 - E hoakaka ana aole e lilo ne aelike laula i mea kupono ahiki i ko ka lunahooia kalana apono ana i ka aelike e hoike ana i ka mea oiaio he koena dala ka iloko o ka waihona waiwai i lawa, e hoopiha aku i ka huina o na hoolilo no kekahi aelike. - Wise.
B. S. 121 - E hoakaka maopopo ana i na hui hoopukapuka dala o na aina e; e hoakaka ana no ka hooponopono ana, ka hookeleia ana e ka haawi ana i laikini a e hoakaka aua i na hoopa'i no ia ku-eia ana. - Desha.
B. S. 123 - E hookaawale ana i $10,000 no na paku'i ame na hana hou i ka home o ka poe ma'i akepau ma Puumaile. - Desha.
B. S. 124 - E hoakaka ana no na dala haawi mua a ke Teritore i na kalana lehulehu like ole, i kekahi hapa o na auhau i ohiia mai. - Desha.
B. S. 125 - E hoamana ana i ke Kalana o Hawaii e uku aku i na koi no na aie i hanaia mamua aku o ka la 31 o Dekemaba, 1917, mailoko ae o na loaa o ka 1918. - Desha.
B. S. 126 - E hookaawale ana i $200,000 ma ke ano he dala haawi mua no ka hana ana i na alanui mawaena aku o na apana aina hookuonoono o Waiakea, Hilo Hema. - Russell.
B. S. 127 - E hoamana ana i na lunakiai o ke Kalana o Hawaii e hookaawale i $5000 mailoko ae o na dala aie no na laina paipuwai mai ka oihana wai ae o Waiohinu a i Honuapo, Hawaii. - Kamauoha.
Ka Hale - La Hana 16.
B. H. 222 - E hookapu loa ana kalawe ana i kekahi ano i'a me na upena i oi aku ka loihi mamua o ka 18 kapuai. - Joseph.
B. H. 223 - E hoolilo ana i ka hoailona ana, kaha ana, hoike ana, a i ole haawi ana paha i kekahi bila a kikoo dala me ka manao e hana epa i ka mea hoike oiaio ma ka helehelena o ka bila i mea e hiki ai ke loaa mai ke dala. - Lewis.
B. H. 224 - E hoakaka ana no ka hoopa'i ma ke dala ame ka hoopaahao ana i na kanaka hoike hoopunipuni a epa i mea e loaa ai ke dala ma ka aie mai na banako mai. - Lewis.
B. H. 225 - E hookuu ana i na banako mai ke kau ana aku i na ahewa a ka poe hoahu dala no ka uku ana i na bila dala apuka ina aole e hoikeia aku ana ka lohe i na banako maloko o na mahina ekolu. - Lewis.
B. H. 226 - E hookuu ana i na dala hoahu a na keiki oo ole maloko o ka banako ai na aie ae o ha'i, a mai ka hoomalu ana a ha'i, a e hoakaka ana no ka uku ana i na moohelu waiwai pakahi a huiia. - Lewis.
B. H. 227 - E pili ana no na aha hookolokolo o na opio. - Tavares.
B. H. 228 - E hoolako ana i kekahi home no na keikikane hana, e hookaawale ana i $20,000 no kekahi kahuahale a no ka hale. - Rawlins.
B. H. 29 - No ka hookomo pu ana i na kaaahi ame na kaa uwila malalo o na kanawai e pili ana i ka holonui me ka nana ole i ko ha'i pono. - Kalakiela.
H. R. 48 - E noi ana e hookaawaleia i $50,000 no ka malama ana i na awapae ame na uwapo o Hawaii. - Kaaua.
H. R. 49 - E noi ana e hookaawaleia i $100,000 no ka hooloihi ana aku i ka laina paipu sua o Hilo. - Rose.
H. R. 50 - E hookaawale ana i $25,000 no ka luawai hookio ame ka hooloihi ana i na laina paipuwai o Hilo. - Rose.
H. R. 51 - E hookaawaleia i $150,000 no na alahaka ame na pio alahaka pohaku ma Hawaii. - Rose.
H. R. 52 - E hookaawale ia i $15,000 no ka hoonui ana ae i e keena auhau o Hilo. - Rose.
H. R. 54 - E hookaawale ana i $200,000 no ka hanaia on a uwapo no ke kai hohonu a Kailua. - Kawewehi.
H. R. 55 - E hookaawale ana i $15,000 no ka hale hoahu buke o Hilo. - Lyman.
H. R. 57 - E hookaawale ana i $500,000 no kekahi uwapo hou a Hilo. - Lyman.
H. C. R. 28 E noi ana i ka ahaolelo lahui no kekahi hoololi i na kanawai aina; a e haawiia mai ka mana i ka ahaolelo kuloko e kai i kanawai, a e hoouna aku ana elua au bila. - Rawlins.
H. C. R. 29 - No ke kuai ana aku i ke kahua o ka halewiliko o ka hui mahiko o Waimanalo, Ltd,. a o na dala e loaa mai ana e hooliloia aku no ke kukulu ana i halepaahao kalana maloko o Honolulu. - Kumalae.
NO KA POMAIKAI O NA KOA
E kuu kilohana Pookela o kuu lahui Hawaii, ma o kona Lunahooponopono la, Mr. Solomon Hanohano; Aloha kaua: - Aole mea e ae a'u o nonoi aku ai i wahi rumi no keia wahi poomanao e kau ae la maluna, o oe wale no ke alakai o ka lahui ma ka makuahine a ko kaua lahui.
Mauli o ko'u ano makua uhane, no na huli Koolau o Oahu nei, ua konoia mai au e hoike aku a i ole e haiolelo aku mai ko'u awai aku i keia wahi poomanao, "No ka Pomaikai o na Koa." Aole no na koa i hookuuia mai, ka oihana koa mai o na lahui e, ke ko'iko'i o ko'u manao, aka, o na koa o kuu lahui ponoi no.
Nolaila, ma ko'u mau kihapai nei, aole he mau keiki i lawe ia i ka oihana koa i launa mai ,a i ole hoahanu paha no keia mau ekalasia i komo aku i ka oihana koa, koe wale no o kuu Mokupuni o Maui, ka'u i ike ai he nui o lakou i kamaaina ia'u, a'u i ike ai he mau paahana no.
O kekahi o keia mau keiki i hookuuia aku, aole paha lakou i ike mua i na hana pono no ke akua; no laila i kou lakoua komo ana i ka oihana koa, a ma ko lakou mau wahi like ole i hoakoakoa ia ai, ua ili iho ke ko'iko'i o ke a'o ana ia lakou i na mea uhane. Mai ka poe alakai kokoke malaila, a mamuli o ko lakou hoi ana i ko lakou mau home ko lakou mau wahi hele mai ai, pela i makemake ia ai o na kahu o na ekalesia like ole, ka mea nana e alakai hou aku ia lakou.
Nolaila he mea na oukou e hoomaikai nui aku ai i ke Akua, no keia pomaikai kiekie loa i loaa ia kakou, mamuli o ka launa ana aku o kona uhane, me na mana nui o ka honua, a loaa ae la he wahi puka no kakou e pakele ai, no keia haawina weliweli ana i hoomakaukau ai i kumu a'o i ko ke ao nei e ike aku iaia.
I hoike no ka oukou hoomaikai nui ana iaia, e kipa aku ma kona mau ipuka e hai ia ana o kana olelo, a e haawi pu aku i ko oukou mau kino, o ka poe i lilo ole i mau hoahanau i mohai ola, o ia auanei ka oukou hoomana ana iaia me ka naauao, mai olelo iho kakou ua pau ae la no, ua hoi mai nei kakou.
E hooikaika like kaki apau na Hawaii e hooana i ke Akua me ka lokahi no ko kakou pomaikai like. Ma ke ano he mai koa maikai la no Kristo, e hoopoina kakou i na mea o ka wa i hala ma ka olelo ana ae he koa au no ka puali A B C, a pela aku, aka, he koa maikai kakou apau no Kristo ke hana nae kakou Nona.
Mai poina kakou e na Hawaii i keia mau manao paipai waiwai loa. Oiai in a kakou e huli aka a nana i kahi i komo aku i ke koikoi o ke kaua, iloko o na makahiki i hala ae, ua a'o nui ia mai lakou no ke Akua, a lakou i hoomaopopo ole ai mamua ae o ko lakou noho palaka ana, aole keia i pili aku i ka poe i malama iaia.
Nolaila i mea e loaa like ai keia pomaikai i na koa like ole o kuu lahui, i ohiia no ka puali lani ae ka puali honua. Ke ku aku nei au maluna o ka awai o ko kakou wahaolelo ahonui, ke kilohana pookela noi o ka lahui, a ha'i aku i ko'u mau manao pili i keia kumuhana i ili mai maluna o makou na kahu.
Ina eia he mau keiki i komo aku iloko o ka oihana koa i huli hoi mai i ko lakou mau home, a i pili kokoke mai i keia mau luakini o Hauula eme Kahuku e oluolu e kipa ae ma ia mau ipuka i ha'i i hou ia aku ke koena o na mea i koe, aole i hoopuka ia.
Ua hamama ka puka no kou uhane ame kou kino e lohe ai i na mea maikai. E hooiaio nui aku ai i na mea pili lani, no ke mea o ke Akua ame kana oiaio no apau.
Ke hooki nei me ka hoomaikai i ka Lunahooponopono o ke Kilohana ae na keiki oniu hua metala ko'u welina.
GEORGE M. KAUAULALENA.
Kahuku, Koolauloa, Oahu.
Mamuli o ka hoea ana ai ka lohe i keia keena ua pauahomai o Mr. S. W. Kaainoni i keia ola ana, ka akena o ka Nupepa Kuokoa ma Papaikou, Hilo, Hawaii, ua kohoia aku nei o Anakelea Kaainoni i pani ma kona wahi, a oia ka mea nana e ohi mai a e hoouna mai i na dala no ka nupepa i keia keena.
HE HOOMAIKAI.
I ka Nupepa Kuokoa, Aloha oe: - E oluolu mai kou lokomaikai e pahola aku i ka'u mau hoomaikai nui, i na makamaka ame na hoaloha i komo pu mai me a'u iloko o ko'u mau hora o ke kaumaha ame ka luuluu, no ka'u kane aloha, Thomas N. Kaleilehua, i haalele mai i keia ola ana, ma ka hora 9:15 a. m. o ka la 25 o Februari, 1919.
O na makana pua a oukou i lu iho ai no ka hoohiwahiwa ana i ke kino o kuu kane, pela ko oukou hoike okoa ana mai i ko oukou aloha me ke kaumaha nona, ua lilo ia i hana na'u e poina ole ai, a'u e nonoi nei i ko oukou oluolu e lawe aku i ka'u mau hoomaikai nui no ia mau hana kui'o o ke aloha hoakanaka.
Ke haawi pu aku nei au i na hoomaikai nui loa i ka lunahoomalu o ko Kalana o Hawaii, Samuel Kauhane, a i ka lunaalanui o ka apana o Hamakua, Wm. luna alanui o ka apana o Hamakua, W. George Hussey no ka lakou mau makana aloha pookela o ka puuwai hamana.
Maluna ae o na @nea apau, na ke Akua no iloko o Kona lokomaikai kamahao e papahi iho maluna o oukou pakahi ame oukou no apau i na pomaikai he nui. Me ka luuluu,
VINCENTA K. NALEILEHUA.
Honokaa, Hawaii.
HALAWAI A KA AHAHUI HIMENI LEI ILIMA GLEE CLUB
I kuu lamaku o ka malamalama, Solomon Hanohano, Esq., Aloha nui oe: - E oluolu oe e ke kapena ahohui e hookomo iho malako o ka Nupepa Kuokoa, ka ipukukui pio ole i ka makani kauaula i na inoa o ka lunanui:
Sam Kauhi, peresidena; Mrs. K. Kauhi, hope peresidena; Lo Kaina, kakauolelo; Miss Kauhi, hope kaukauolelo; James Makia, puuku; Mrs. Helen Mark - ham, lunahooia; Chas. Honolii, lunahoohana nui; Mrs. Helen Roberts, kakauolelo dala.
LO KAINA, Kakauolelo.
E KEWAKUWAI IA MEA
Nui wale na kanaka i manao, aole e hiki ka rumatika ke hoolaia, me ka lawe ole i kekahi laau inu. Ua hiki loa i ka laau hamo Pain Balm a Chamberlain, ke komo iloko o ka ili, a ua hoolaku ia i ka poe ma'i rumatika a oi aku mamua o kekahi laau inu e ikeia nei, me ka haawi pu mai i ka hooluolu ana me ka hikiawe. Eia ke kuaiia nei e Benson, Smith & Co., na akena no Hawaii - Hoolaha.
keia mau la, he uuku loa ka make, o
NA ANOAI O KILAUEA, KAUAI.
Ma ka la 2 o keia mahina i loaa aku ai ke kino make o kekahi Kepani maloko o kona hale, oiai oia e noho hookahi ana, ua make oia he pule a oi mamua aku, oiai ua helelei kekahi wahi o kona kino i ka wa i loaa aku ai.
Ma Kahili, Kilauea, Kauai, kahi i noho ai keia Kepani, he puhi nanahu kana hana, aia kona mau makahiki mawaena o ke 40 a oi, aia kona ohana ma Iapana, o na hoaloha wale no maanei.
He Pake ka mea nana i ike i keia mea, oiai oia i kaalo ae ai mawaho o keia hale, honi oia i ka pilau, i kona wehe ana aku i ka puka e waiho mai ana aku i ka puka e waiho mai ana ke kino make o keia Kepani, a nana i hoike aku i ka oihana makai ame ke kauka.
I ka hiki ana mai o ka oihana makai, ke kauka ama na kiure koronelo ma keia wahi, ua hooholo na kiure i ke kumu o kona make, a oiai aohe mea hiki ke hanaia no kona kino make, ua puhiia ka hale ame kona kino make, ua puhiia ka hale ame kona kino i ke ahi, a o kona iwi ua malamaia e kona mau hoaloha,a laweia aku e kanu.
Ma Kilauea nei i hookipaia aku ai kou mea kakau e Mr. ame Mrs. Joe Kekaula, ko laua kaikoeke ame ko lakou makuahine iloko o na lululima aloha ana, ua ai a lawa i ko lakou lokomaikai, i na mea ono i hoomakaukauia, o ia hoi kela poi uouo kaohi puu no a ka Hawaii, puaa no hoi i'a maka, opihi na opae kalaole o ke kahawai, e mahikihiki ana no i ke pa; auwe no hoi ka ono e! He nui wale aku no na ona, ua haupa iho la ua wahi elemakule piha eu nei, a piha ka lua o ke inaina, oiai ua noho pono iho la o Keoni Bulu, kana punalua aloha.
Nolaila, ke haawi aku nei ka eueu o ka halekukui i ka mahalo a nui loa ia oukou, no ka oukou mau mea maikai apau i haawi mai ai ia'u, na ko kakou Makua me ka lani e hooloihii ko kakou mau la, na keiki, na moopuna, ia haawina hookahi.
Apopo he la ai meaono ia no na kiai o ka halekukui nei, i hana noeau ia e na lima lawe palaneha o Mrs. S. A. Amalu ame Mrs. Chas. K. Akana, na puukani o keia wahi; auwe no koi ka ono o ka puu ke moni aku, moni wale aku la no ka hoi ko'u haae i kou haanui mai i ka ono o ka oukou meaono, pela no paha, "I'll never forget the lighthouse cake!"
Hui pu iho no hoi me keel ike hana ice cream o na kiwi, make loa i ke aloha, hapalua hora no mo'a ka ice cream. Auwe no hoi ke aloha e, i ka ia la mea hu'ihu'i e, haule iho la no ua poe nei, hoonanea ma na himeni, o ia u'i okoa no ia he honehone mai hoi kau.
No ka ma'i flu, ua ahona iki hoi i kahi ma'i nei no iwaena o k@ lahui aloha, i keia mau la, o ia hoi nalulu o ka opu, nahu ke poo.
Ua lawa keia mau wahi meahou, hui nou aku no i ka wa pono.
Me ka Lunahooponopono ko'u aloha nui, ame na keiki oniu hua kepau o ka papapa'i ko'u a@dieu. Owau mau no.
Peter Kamano, S@
Kilauea Light Station, Kauai.
Makahiki i Hala I Keia Makahiki Oi Ae
100,000 ka Nui ka Nui e ka Maikai!
KA FEA TERITORE ELUA O HAWAII
Honolulu, Iune 9-14
E Hoikeike na mea apau!
E noi koke mai i keia wa no na hoakaka e pili ana i na keena au makemake i loa ai e like.
MAHIAI HOLOHOLONA KELPA
MALAMA I NA ME KOLO MALAMA I NA MEAAI KALEPA
NA I'A NA MEAKANU ME PUA NA HANA IKE ME HANALIMA
NA ILIO MIKINI OTOMOBILE
Fea Komisina Teritore
Edwin H. Paris Lunahoomalu. J. Walter Doyle Kakauolelo Hooko.
Kelepona 5379. 303-4 Hale o ka Hawaiian Trust.
E Nanai Kou Maka.
"Maikai ae Mamua o ka Mea Maa"
Ka Makou ia i makemake ai ia oe e olelo ae no ka makou
HANA APAU
"KRYPTOKS"
ME
"SIR WM. CROOKES"
NA ANIANI HELU EKAHI.
Dr. Lewis Edwin Capps
MEA NANA MAKA.
Thompson Optical Institute, Ltd.
156-158 Alanui Hokele
Mauka mai o ka Hokele Young.