Ka Nupepa Kuokoa, Volume LVII, Number 12, 21 March 1919 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

Ka Ahahaui Malama ame Hoaie Dala O na Hawaii i Kaupalenaia

Kumuwaiwai $50,000.00; o ke Kea Hookahi $100

Na Manao o ka Hookumuia Ana o ka Agagui

         ( ) na manao o ka hookumuia ana o "Ka Ahahui Malama ame Hoaie Dala o na Hawaii i Kaupalenaia" o ia no keia malalo iho nei:

         1.       No ke kokua ana i na lala e hoahu, malama ame hoonui aku i ko lakou mau waihona me ke kokua pu ana aku ia lakou iloko o na hana kuai aina. hookui waiwai aina ame kekahi mau hana kupono e ae i hookahuaia maluna o ke kahua o ke kaulike e hiu like ana iloko o na aie o ka hui.

         2.       No ka hoahu ana i waihona, a i ole i mau waihona paha, mauiloko mai o na uku mahina o na lala, na uku like ole mai ka poe aie mai, na puka o na dala i hoopukapukaia, ame ke ola o na dala i hoaieia aku a i ole, i hoaieia mai i ka Ahahui.

         3.       No ka hoaie dala ana i na lala maluna o na kahua kupon, a mauna o na waiwaipaa kupono i aeia e na kanawai o ka Ahahui ame kona Papa Hooko.

         4.       No ka paa ana, hoomaemae ana ame ka hoolilo ana aku i na aina i loaa mai mamuli o ke kuai moraki ana, a mamuli o kekahi mau aie okoa ae paha i paaia ai ia mau aina e ka hui ; a i ole, no ka paa wale ana no, a no ka hoonui ana aku i ka waiwai o na aina malalo o ka hui ame ka hoolilo ana aku i ka waiwai o na aina malalo o ka hui ame ka hoolilo ana aku ia mau mea.

         5.       No ka hoohana ana, kuai ana ame ka hoolilo ana i kekahi a i ole, i kona mau waiwaipaa apau, no ka hoaie dala ma o ka nota la, a ma o kekahi mau ala e ae paha a ka hui e ike ai he pono ; a o keia mau hana, no ka uku ana aku i na unuhi dalaana la, no ke kuai aina ana la, no ke kuai aina ana la, no ke kokua ana la i na hoaie dala ana iwaho ; a no ka haawi ana la i kekahi mau waiwaipaa o ka hui no kekahi mau hana kupono.

         6.       No ka hoaie ana i na dala o ka hui kona mau lala no ka manawa pokole maluna o na waiwaipaa i aponoia e ka papa hooko, aka, e hanaia keia hana mahope wale no o ke ku ana o na dala iloko o ka waihona no kanakolu (30) la me ka hoohana ole ia me ka paa pono no noe o na uku mahina i na lala e makemake ana i ke dala ma ka hoaie.

         7.       No ka wehe ana aku i ke kumuwaiwai o ka o ka hui e uku lilii ia e na lala ma o na uku mahina la, a ma o kekahi mau alaheje e ae paha ; no ka ae ana aku i na unuhi ana ia o na kea elike me na rula o ka hui ; a no ke kukulu ana iloko o na kanawai no ka lawe ana ae mai na lala mai i na kea i uku ole ia ko lakou mau uku mahina ame na auhau like ole i kau mai maluna o ia mau lala.

Ke Kumuwaiwai o ka Ahahui.

         O ke kumuwiwai o ka hui i kukulu mua ia ai, he Iwakalua Kaukani Dala ($20,000.00) i maheleheleia iloko o na kea no lakou ka waiwaiio o Hookahi Haneri Dala ($100.00) o ke kea hookahi, me ka wehe hamama ana no i ka puka o ka hui no kona hoonui ana aku i kona kumuwaiwai i ka Hookahi Miliona Dala ($1,000,000.00). Mamuli o ka nui mai o na Hawaii e makemake ana e komo mai iloko o ka hui. ua hoonui hou ia ae ka huina o ke kumuwaiwai a ke Kanalima Kaukani Dala ($50,000.00), a o ia ia e ku nei ahiki mai la i keia la.

Ka Waiwaiio o ke Kea Hookahi he $100.00

         Ina e lawe hookahi kea, he $1.00 ia o ke komo ana. a he $1.00 o ka mahina e uku liilii ai (in a ma ka uku liilii ka uku ana) ahiki i ka piha ana o ka huina o $100.00. Ina no hoi ma ka ukupau i ka wa hookahi. ua hiki no. Ina no hoi ma ka uku hapa, ua hiki no. Ina elua kea e lawe ai, alaila he $200 ia o ke komo ana a he $2.00 o ka mahina e uku ai in a ma ka uku liilii. Ina elima kea e lawe ai, alaila he $5.00 no ia o ke komo ana. a he elima dala o kamahina e uku liilii ai ahiki i ka pau ana o ia mau kea i kea i ka ukuia.

         I ka wa e pau ai na kea i ka ukuia, alaila e hoopukaia aku no ka palapala hooia waiwai o ka hui malalo o kona sila i ka mea nona ia mau kea.

         E ukuia na kea (in a ma ka uku liilii) mamua ae o ka la 20 o kela ame keia mahina. I na e haule hope, alaila e kakiia no ka mea nona na kea he kenikeni (10c) ko ke kea hookahi. Ina e haule hope loa ka ukuia ana o na kea ame na kaki like ole mai na lala mai, alaila ua loaa i ka hui he mana, ma o kona palapala hoohui la me ke aupuni, e lawe lilo loa ae i na dala i hookomoia iloko o ka hui.

Ke Ola o na Dala o ka Ahahui

         o na dala apau e komo mai ana mamuli o na kea, e loaa ana no ia mau dala na pakeneka o ka puka o ka hui elike me ka ka Papa Hooko e haawi ai. Elike no keia mau pakeneka me ka ikaika o ka puka o na hana o ka hui. Ahiki mai la i keaia la, ua ukuia aku i na kea o ka hui he 6% i kela ame keia makahiki. Ina e oi hou ae ka puka o ka hui, alaila e oi hou aku ana no na pakeneka e ukuia aku ai.

         No na dala apau e komo mai ana iloko o ka waihona elua elike me ia i hoikeia ae la maluna, he 5% wale no e haawiia ana ia waihona i na makahiki apau, aole oi aku.

 

         Aole keia he Ahahui hou akahi no a hoomakaia, aka he Ahahui keia i hookumuia mai ka waihona liilii iloko o ka Malama o Iune, 1916, ahiki i ka holomua ana o na hana, ame ka pii pu ana no hoi o ka waiwai o ka Ahahui elike me ko hoakaka ana malalo iho:

                            Ianuari 1, 1917    -        -        -        -        -        -        -       -           -           -           -           -           -         -        -        -        -        -        -        -        -        -        -        $5,000.00 ka Waiwaiio o ka Ahahui

                            Iune 30, 1917      -        -        -        -        -        -        -       -           -           -           -           -           -         -        -        -        -        -        -        -        -        -        -        7,139.76 " "           "           "

                            Dekemaba 31, 1917     -        -        -        -        -        -       -           -           -           -           -           -         -        -        -        -        -        -        -        -        -        -        10,270.92 "           "           "           "

                            Ianuari 1, 1918    -        -        -        -        -        -        -       -           -           -           -           -           -         -        -        -        -        -        -        -        -        -        -        10,270.92 "           "           "           "

                            Iune 30, 1918      -        -        -        -        -        -        -       -           -           -           -           -           -         -        -        -        -        -        -        -        -        -        -        14,700.35 "           "           "           "

                            Dekemaba 31, 1918     -        -        -        -        -        -       -           -           -           -           -           -         -        -        -        -        -        -        -        -        -        -        17,784.70 "           "           "           "

                            Dekemaba 31, 1919     -        -        -        -        -        -       -           -           -           -           -           -         -        -        -        -        -        -        -        -        -        -        $50,000.00 ka Huina Nui i Makemakeia

 

         I keia manawa kokoke piha elua Haneri (200) Kea i laweia e na lala o ka Ahahui, koe iho Ekolu Haneri (300) Kea-HOO-KAHI HANERI ($100.00) DALA KE KUMUKUAI O KE KEA HOOKAHI.

         Ua hooholo na Lunanui o ka Ahahui i ka manawa e lilo ai apau keia mau kea i koe, he Ekolu Haneri (300) ko lakou huina nui, a piha pono ke KUMUWAIWAI O KA AHAHUI KANALIMA KAUKANI ($50,000.00) DALA, alaila ia manawa e hoopii hou ia aku ana ke KUMUWAIWAI o ka Ahahui i ka HANERI KAUKANI ($1000,000.00) DALA, a e hoopuka hou ia aku ana he Elima Haneri (500) Kea, aka nae o ke KUMUKUAI o ke Kea hookahi ia wa he HANERI ME IWAKALUA-KUMALIMA ($125.00) DALA. MAHOPE MAI PAA KA PUKA. AOLE LALA HOU E KOMO MAI.

         Nolaila, e na Hoaloha mai Hawaii a Niihau, o keia ka manawa kupono e komo mai ai iloko o KA AHAHUI MALAMA AME HOAIE DALA I KAUPALENAIA, oiai he Haneri ($100.00) Dala wale no ke kumukuai o ke kea hookahi, in a e hoopanee ana a mahope paha, e pii aku ana ke kumukuai o ke kea hookahi i ka Haneri me Iwakalua-kumamalima ($125.00) Dala, a pau ia, PAA MAI KAPUKA, a o ka nele loa no ia.

         Ina paha ua makaukau ole kekahi mau hoaloha i kahi kenikeni, aka nae he Liberty Bond kana e paa mai nei, ua hiki no, LAWE MAI I KA LIBERTY BOND A NA MAKOU E HOOPONOPONO AKU NA MEA APAU.

         Ina paha he wiahona liilii ka kekahi mau hoaloha e lolii mai nei iloko o ka Banako, a o ke ola o ke dala he eha (4%) pakeneka wale no, e pono e hookomo mai me keia Ahahui, no ka me o ka makou ola o ke dala he elima (5%) pakenenka o ka makahiki.

         E hookuu aku i kau dala e hana elike me ka hiki i ke ao me ka po.

         kekahi, in a he pilikia, a he makemake aie dala paha ko kekahi mau hoaloha, hele mai e kukakuka pu me ka Peresidena, Akaiko Akana, a i ole me ke Kakauolelo Hoohana Daniel S. K. Pahu.

E oki i keia pepa pa'ihakahaka lawe kea malalo iho nei a hoouna koke mai i keia la.

MR. AKAIKO AKANA.

         Peresidena Ahahui Malama ame Hoaie Dala o na Hawaii i Kaupalenaia.

         Aloha oe:

                   Ke lawe nei au i . . . . . . . . . . . . . . . . . . kea (ukupiha) (uku liilii)

o ka AHAHUI MALAMA AME HOAIE DALA O NA HAWAII I KAUPALENAIA, a ke hookomo pu aku nei maloko

 

nei he $1.00 ma ke ano uku komo a $ . . . . . . . . . . . . . . . . . . no na kea.

         Malalo o ka mahele uku liilii, ke ae nei au e hoouna aku i . . . . . . . . . . . . o ka mahina ma ka uku mua ahiki i ka uku piha ia ana o ka huina maluna o ko'u mau kea.

                                               Inoa

                                      Wahi Noho

KA AHAHUI MALAMA AME HOAIE DALA O NA HAWAII I KAUPALENAIA

                                                                                                                                    AKAIKO AKANA,                                                              Hora hana, 11:00 a.m. ahiki i ka 1:00 p.m.                                                               DANIEL S.K. PAHU,

                                                                                                                                     Peresidena.                                                                 Keena hana, Helu 956 Alanui Maunakea.                                                                 kakauolelo Hoohana.