Ka Nupepa Kuokoa, Volume LVII, Number 12, 21 March 1919 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo Pohihihi

a ka

MAKAIKIU WAHINE RUTA REVENA

I Huli Ai Mahope o ka meheu o na Rose a loaa Pono ka mea Pepehikanaka.

 

"Aole au i manao ma ka'u mea o ka olelo ana aku nei ia oe ua huna oe i kekahi mea ia'u i kamailio aku la ia oe i keia manawa, e Mre. Delema, no ka mea, ua ike no au ua hoike mai no oe ia'u. O ka'u i kamailio aku la ia oe i keia kekahi mau mea a'u e hopohopo muu nei he mau ninau kupono ole paha ia a'u e ui aku ai ia oe no ka mea e pili ana i ke ola ana o kou makuakane, ame kona ano oiaio maoli iloko o kona mau la e ola ana."

            "O, in a he ninau kekahi au e ui mai ana ia'u au i makemake ai e loaa aku kekahi haina mai a'u aku, e pane aku ana au elike me ka maikai loa e hiki ana ia'u. Ua waiho aku au i haha holookoa iloko o kona mau lima, a ke hauoli nei au ma ke kokua ana aku ia oe ma na ano apau e hiki ana ia'u.

            "O, me ka mahalo no ia pane au. Nani ia ua ae laelae mai la oe, nolaila, eia ka mea mua a'u e ninau aku ana ia oe, ua ike iki no anei oei ko makuakane i ka launa me kekahi wahine, oia hoi ma ka olelo ana ae, na wahine i ike nui ole ia ko lakou mau ano maikai?"

            "Me ka oiaio loa aole au i ike iki, e Miss Ravena, malia paha ua launa no oia aohe nae hoi au i ike. Ma ka'u mau mea i hoomaopopo iaia e hoopapau mau ana oia ma na hana kokua a manawalea, a no ka lilo loa o kona noonoo ma ia hana, aohe on a manawa e noonoo ae ai no na mea e ae."        

            "Pehea ka loihi o ka make ana aku nei o kou makuahine?'

            "Mai ko'u wa no i hanauia mai ai."

            Ae, pela i'o ka." alaila nana aku la o Ruta iwaho ma ka puka aniani me he mea la e noonoo nui ana oia no kekahi mea.

            ""A eia hou; ua haulehia no nae paha ko makuakane i ke aloha i kekahi wahine, mai ka manawa mai o ka make ana aku o kou makuahine, a ua loihi no hoi na la o kona noho manao kuko i loko onae hui aku me kekahi wahine?"

            "Aohe hiki ia'u ke pane aku, in a ua hui oia me kekahi wahine alaila oia wale iho no ka i ike ia mea."

            "Heaha kou manao maoli, ua hui anei oia, a i ole aole no paha?"

            "Aole o'u manao na hui oia me kekahi wahine," wahi a Mrs. Delema o ka pane ana mai me ka lolohi loa. "Ua @hu ko'u lohe ana mai kekahi poe mai i kamaaina i kuu makuawahine no ka pipili loa o ka manao o kuu makuakane @ i kuu makuahine iloko o kona mau la e ola ana, a aole no @ loheia iki ia ko papa launa ma ke ano kolohe me ke@ poe wahine, ahiki i kona make ana aku la.

            "He mare hauoii loa ko laua, pela ka olelo a na kanaka i kaaw@e iki, a na ka make i hookaawale i ka i laua pili ana. O keia ka'u mau mea i lohe." alaila hooki iho la ka wahine @ kana kamailio ana me ke kani ana iho o ke uhu, no kona hoomanao ana ae i ka hana a kana kane iaia, me ka loaa o kekahi mau hoopaapaa lehulehu ia laua me kana kane iloko o @o lana mau la o ka mare ana ahiki mai no ia la.

           "Alaila, ua lilo ka make ana o ko makuahine i mea hoaheha loa i kona noonoo; aole e nele ana ka loaa o ia mea, no ka mea. in a ua noho laua me ka hauoli iloko o ko laua mau la o ka mare ana a haule aku la ko makuahine e loaa @na kela haaw@na iaia."

            "O, ua hookaumaha loa ia oia! Aole au i manao ua like kona an@ mahope mai o kela manawa i make aku ai kuu makuahine me kona ano mamua aku. Ua manao au ma mule paha o kona hooluuluu loa ia ana i hooikaika loa a oia i ka hana ma ia hope mai i mea e hoopoinaia ae ai kona noonoo no mama."

            "E hana mau ana oia me ka ikaika ame ka hoopapau ma kana mea e hana ai i na manawa apau, mai ko'u manawa i hoomaopopo ai iaia me ka hele ole i kekahi wahi e hoomahaoi. No ke aha la ke kumu o kou ninau ana mai la i kekahi mea e pili ana i kona ano? He manao hoohuoi anei kekahi iloko ou he wahine ka mea nana oia i pepehi a make?"

            "Ahoe." I pane ai ai o Ruta. "Aohe manao maopopo iloko o'u i nei manawa no ka mea, nana oia i pepehi eia pae ma na mea hoike i loaa ai ia kaua e kuhikuhi mai ana ia mau mea kekahi o lakou, he wahine ka mea maopopo loa.

            "Ma kekahi ano ke hoomaopopo aku he wahine ka i hu me ia ma kekahi manawa aole i loihi loa mamua aku o kona make ana. o na mea na laua e hoike mai ia hui ana oia ka @maka ame ke kii i loaa ai ia'u iloko o ka ume au e hoomanao la. No kela kii nae ka mea nui a ko'u noonoo e kana nei, makemake au e maopopo ka wahine nona ke kii."

            "Ae oiaia ka hoi. Ua poina au ia kii. Ua ike nae paha @ ka wahine nona ia kii, e Miss Revena?"

            "@ali iki iho la o Ruta no kekahi minuke mamua o kona pane ana aku i ka haina a nana pono aku la i na maka o Mrs. Delema a i aku la: 'O Fedete Faure."

            I ka lohe pono ana aku o Mrs. Delema, haikea ae la kona pe'ehelena alaila ku koke ae la oia iluna a hele holoholo poo la iloko o ka rumi, a ia hulu hou ana mai ana, kau ma @ kekahi limi on a maluna o ka poohiwi o Ruta a i mai la: "O Fedete Faure!" me ka palua a pakolu ana mai o kana @puka ana ia inoa. "Auwe, kela wahine hana keaka olo@ ka hale keaha (ieite. O, e na lani! Alaila haule ino @ oia iluna o ka punee ma ka aoao o Ruta.

            "No ke aha kou mea i piha loa iho la i ke pihoihoi no keia mea a'u i hoke aku la a oe, e Mrs. Delema? He mea oiaio aole no e nele ana ka hoopahaohaoia o kekahi mea no ka @ ana o ke kii o kekahi wahine hana keaka iloko o ka @uume a kekahi kanaka wahine ole, a eia nae, i ha'i aku. @ ia oe, aia no he mau kaukani kanaka mawaho ae on a maloko o ke kulanakauhale nei o NU loka, he malama mai @ i ke ki o Feidete Faure maloko o ko lakou mau pahu@ a i ole maluna o ka lakou mau pakaukau kakau.

            "O ke kumu o ko Feidete haawi ana i kona kii ma kela a ma keia wahi i na kanaka ioikoi ame na kanaka ana e ike @pa i ka aui o ke dala i mea e hoeiia mai ai kona mau hoolilo hoolaha, ma ka hoouna ana aku i ke kii, he emi mai @ hoolilo ma kona aoao.

            "@e mea ole wale no kela kii i ka poe noonoo nui ole @ iaia aka no ko makuakane he mea nui kela kii iaia mamuli o kekahi kumu, oia kumu aole aoe; aole no hoi kekahi no a e ae i ike oia wale no."

            Ua lilo keia mau oleleo hope a Ruta o ka pahu pono ana aku mamua o Mrs. Delema i mea nono e eha ai, ua hikiwawae loa kona hoomaopopo mai i ko Ruta manao, nolaila, pane mai la ma ke apo hookaeoeo:

            "Aohe o'u nana i kau mea e manao ai," wahi ana "He kanaka maemae oia ma na ano apau iloko o kona mau la apau o ke ola ana aole o'u nana in a ua loaa i'o mai iaia ke kii o kela wahine hookano. O na hoowahawaha loa au iaia. ua like oia me popoki!"

            "Aha!" wahi a Ruta i noonoo iho ai iloko on a. "Ke ike nei au o Mr. Delema ka kekahi i huikau pu iloko o kela wahine hookahi me ke kanalua ole. No ke aha hoi kou kumu i hoowahawaha ai ia Feidete Faure, e Mrs. Delema?" i ninau aku ai oia.

            "O, kela wahine ino! No ke aha? No ka mea, ua hoao mai oia no kekahi mau manawa i hala aku nei e wawahi i ka maluhia o ko'u home--ke hoao mau mai nei no oia e hoehaeha i kuu puuwai ma o kona akenui mai e kailu aku i kuu kane mai a'u aku--okana hana mau e hoao mai nei makemake oia e aihue i kuukane a e hooaunaele hoi i kou maua noho maluhia ana. Aka, aole e hiki ana iaia ke hana pela, aole loa e hiki! E--"

            "E olulu oe e hoomaalili i kou noonoo, e Mrs. Delema. Pehea i loaa ai iai oe kela noonoo ke hoao mai nei kela wahine e aihui i ko kane?"

            "O, no ka mea no hoi paha he mea kekahi nana i\e hooiaio mai ia'u no ia mea," wahi a Mrs. Delema me ka lalau ana iho i kana ekepaalima, a wehe ae la. "E nana mai oe i keia," alaila haawi mai la i kekahi leka ia Ruta a i mai la: "E heluhelu iho oe i kena leka, ua kapa mai kela wahine i kuu kane o Dear Del--"

            Ua kakauia ka leka me kekahi lima kakau wahine me ka maemae loa ke kakauia ana a o keia malalo nei ka manao maloko o ka leka:

            "E kuu Del aloha: O kau leka o ka loaa ana mai i ka po aku la i hala he keu aku a ka hoopihohoihoi i ka noonoo, ua maopopo ia'u ua oi loa aku kau kauoho mamua o ka mea hiki ia'u ke hoomanawanui, ua ikaika loa i ko'u manao--me he mea la e koi okoa mai ana no e hooko koke aku au i kou makemake. Auhea oe, e ae mai ia'u e hoike aku i kekahi mea ia oe. Ua holopono au ma ka'u hana he mea hookaumaha aku paha keia ia oe, aka nae, e pono oe e ae mai i keia he mea oiaio.

            "Ke holomua nei au ma ka'u hana, he hana a'u i aloha aku ai oiai nae he hana paha ia a kekahi poe e olelo mai ana he @. Ea, no ke aha la au e haalele ai i ka hana a'u i ike iho ai he hana e loaa ai ia'u ke ola, no ka mea, o keia hana imi pomaikai maluna o ke awai o ka awai o ka hale keaka he hanohano no ke kanaka e manao iho ana ua aloha mai oia ia'u mamuli o ka ike mai i ka nana o kuu mau aahu ame ko'u mau mea kahiko.

            " E hoike aku au ia oe i ka mea oiaio he wahine ano okoa loa au, ae, oia ka mea oiaio loa, mai ke ano ae au e ike mai ana maluna o ka awai o ka hale keaka. He wahine opulepule a hikiwawae loa au o ka huhu ma kekahi mau manawa he alunu he makee waiwai pu. Nolaila e pono oe e hoomaopopo iho i keia mau hoakaka a'u oia hoi no ka maikai ame ka palekana o na mea apau i like me kou ano, ke hoike aku nei au ia oe ua hoole au i kau kono no ka mea, aohe waiwai o ke @akai hewa ana aku i ka noonoo o kekahi kanaka e lilo ai oia i kanaka hupo i ka manawa hope, ma keia e ike mai oe aole o'u lokoino a manao iho hoi e hoopoino wale aku i na kanaka me ka nana ole i kekahi mau hewa e ae o'u.

            "He mahalo nui ko'ou kekahi kanawa eia nae ua maopopo a'u aole oia i kupono e pili mai me a'u--no keia kumu he opiopio loa oia. He makemake au i na kanaka hanohano a waiwai a i kaulana hoi kolakou mau ano maikai a puni ke ao--aole i kamalii. "Feidete."

            "Ma ka'u nana ana iho la i ka manao o keia leka ke manao nei au ua hookaumaha hewaia kou noonoo me ka naaupo 'oa e Mrs. Delema," wahi a Ruta, mahope o ka pau ana o kana heluhelu ana.

            "No ke aha iho la hoi ? Aohe anei kena leka he hooiaio maopopo no ka launa mau ana o kuu kanu me kela wahine? E pana iho oe i kela mau huaolelo ma Aka hoomaka ana o ka leka, Dear Del!' O, ka popoki."

            "Aole ua hewa loa oe. Aka nae e noi aku ana au ia oe e haawi mai i keia leka ia'u a na'u e malama, malia o hiki mai po hoi ka manawa e waiwai ai keia leka. Ma keia leka i ike ho la au i ka maikai o ko Feidete manao ame kona ano maoli ke ole au e koho hewa ma ka aahu wale no on a e ku mai ai maluna o ka awai o ka hale keaka i ano e e ai kona nanaina a ma na manawa e ae, he helehelena okoa loa kona, ma keia 'eka iho la i loaa ai ia'u keia ike."

            "Eia hou, he wahine naau lokomaikai maoli oia, no ka mea ma ka manao o kana leka i kakau ai, in a nana i'o keia leka na hoike mai oia i ka mea oiaio aole ma ke ano e hopunihei wale mai ai i ka noonoo o na kane."

            "O alaila e kupale mai ana ka paha oe ma kona aoaoa, ea?" @ hooho mai ai o Mrs. Delema me ka leo o ka mea i piha i ka huhu. "O no'u aole. Ua like wale no na wahine hana keaka apau; aole hookahi o lakou mea maikai."

            "Ua halawai no nae paha oe me kekahi o lakou mawaho o ka manawa hana e Mrs. Delema?"

            "Ahole aole no o'u makemake e hui me kekahi o ia poe. He makaala loa au i ka poe a'u e launa ai, aia wale no i ka'u poe hoihoi ai aole o'u launa wale aku me kela ame keia."

            "Kupanaha no ka, pehea ka oe e ike ai i ke ano o ia pe?" @ pane aku ai o Ruta. "A pehea, ua makaala no nae paha oe ia oe iho ma ka mea e pili ana i kou launa ana aku me na kane ma ka manawa mua au o ka hui ana me kou kane?

            "A ea, hou, ina aole oe i hui iku me kekahi o na wahine hana keaka mawaho ae o ko lakou manawa hana alaila o oe ka wahine hope loa maluna o ka honua e hiki ole ana ke kamaillio i kekahi mea e pili ana no ia poe.

            "No'u iho ua lehulehu ka poe o lakou a'u o ka launa ana, a o kekahi o ko'u mau hoaloha pilipaa loa he poe wahine hana keaka pela i loaa ai ia'u ka ike a nui no ia poe, a mamuli o ia kumu i hiki pono ai ia'u ke kamailio i na mea e pili ana no lakou."

            "Aia iwaena o na kaikamahine himeni o na hale keaka he lehulehu o lakou he mau kaikamahine maikai a naauao a i oi aku hoi ko lakou mau kulana maikai mamua o kekahi poe wahine o na ahahui, o ko lakou puu nui wale no i ikeia o ia ko lakou hookomoia ana aku iloko o na hana pelapela."

            "Ina pela ae, e hui kala mai oe ia'u e Miss Ruta," wahi a ka au i ko'u hana ana i kekahi hana kuhihewa loa, a ke kaumaha nei au.

            "Ua maopopo no ia'u he mau kaukani o na wahine hana keaka he poe maikai a oiaio, aka, mamuli paha hoi o ke ano a o ko'u noonoo no ka make ana o kuu makuakani i puka hewa aku nei ka'u olelo. O kekahi no hoi mamuli o ke ano hoolalau o ka'u kanie--ua aneane e naha ko'u puuwai a eia nae iloko no o ia mau hana ana he keu aku no ka nui o ko'u aloha @aia."

            Alaila hina aku la oia ihope me ke kaumaha loa o kona helehelena i ka Ruta nana mai. Ia manawa hoao mai la o Ruta e hoomama i kona noonoo i ka i ana aku: "Ke kau maha nei au nou, e Mrs. Delema. Aka nae i ka'u nana aku ia oe ke hoehaeha iho la no oe ia oe iho me ka waiwai ole, no kou noonoo kho wale aku no ia Miss Faure ka wahine hana keaka me ka nana ole aku i ka mea a kau kane i hana ai i ka @wa i hala."

            "Heaha ke kumu o kou kamailio ana mai la me kela, e Miss Ruta?"

            "A eia, no elua mau kumu: Ka mua, ma ka nana aku, aohe noonoo o Miss Faure i ka mea a ko kane i haawi aku ai; owai la ia kanaka ana o ka haawi ana aku aole kaua i ike. Aoe anei ou ike iho ma ka manao o kana leka e hoao mai ana o Miss Feidete e hoohoka i ka manao o ko kane?"

            "Aohe o'u ike iho la ia mea. Manao au oia iho la no kana on a hana e pahele mai ai a lio aku ka noonoo o kuu kane iaia. Makemake oia e lilo i mea makemakeia aku. Ina e hoao mai ana oia e hoohoka i ka manao o kuu kane, no ke aha oia i kakau mai ai iaia, he haalele loa mai hoi paha kona pono iaia me ka nana hou ole mai. E nana iho oe i kana mea o ke kakau ana mai maloko o kena leka. 'He mahalo nui ko'u po kekahi kanaka.' aole anei kela he hoike okoa ana mai no i kona makemake?"

            "Na ke Akua e kokua mai ia oe!" i noonoo iho ai o Ruta iloko wale iho on a, "auhea ka kou lolo?" Alaila kamailio mai la o Ruta a nui ka leo i ka i ana ma: "Ehia makahiki o ko kane?"

            "Ua oi aku kona mau makahiki i ko'u he kanaha-kumamalau on a mau makahiki i keia manawa. Kupanaha no hoi kau ninau mai me ke kumu ole i kekahi manawa? Heaha auanei ke kuleana o kona mau makahiki me keia hana?"

            "He kuleana nui i lohe mai oe. E kapa aku ana anei oe i ke kanaka nona na makahiki he kanaha-kumamalau he keikikane?"

            "Ea, e Miss Revena, makekahi manawa ua noonoo iho au e paani wale mai ana no oe ia'u, aka maee, ma ka mea oiaio, aole. No ke aha kou ninau mai ia'u no kona mau makahiki?"

            "No keia kumu, oia ka ka lua o na kumu a'u i kamailio mua aku nei ia oe i kuu manawa i olelo aku nei ia oe i kuu manawa i olelo aku nei ia oe i kou hookaumaha iho no ia oe iho me ke mumu ole. Aole anei ou ike iho ma keia leka aole i aloha ka kane i kela wahine, aole no hoi oia i aloha mai i ko kane?"

            "Malia i'o paha aole i aloha mai kela wahine i kuu kane, aka no kuu kane nae, ua oiaio loa kona aloha aku i kela wahine, o e heluhelu pono iho ana a hoomaopopo i ka manao."

           Nana aku la o Ruta iaia me ka maikai ole o kona noonoo me ka ala ae o kekahi mano iloko on a e hoakaka aku, i hoopauia ae ia ka manao koho wale a no naaupo iloko o Mrs. Delema.

            A hala kekahi manawa, alaila i aku la: "Aohe mea i hoakakaia maloko o ka leka ua aloho ko kane ia Miss Faure nona iho manao anei oe e noi aku ana oia i kekahi wahine e ae mai i ka makemake o kekahi kanaka okoa aku i mea no ia wahine ae mai ai?"

"Aole."

"Aole, pololei ia pane au, oia ka ko kane mea o ka hana ana ua noi aku oia ia Miss Faure e ae ai e lilo i wahine na ke kanaka okoa aole nana, oia ke kumu o ko'u olelo ana aku nei a oe ua hookaumaha hewa wale no oe ia oe iho me ke kumu kupono ole."

            "Heaha la kou mamao maoli, ke maopopo ole aku la ia'u la?"           

            "Eia ko'u manao. E nana iho oe ma ka hopena loa o ka eka, penei kana i kakau aiL  "He mahalo nui au no ke ano maikai a opiopio o kekahi kanaka, aka, ua maopopo nae ia'u he ae aku, oia ke kumu mua, no ka mea, o na kanaka i kau'ana ma ke ao i ka waiwai ame ka naauao oia ka'u poe makemake i kane na'u, no keia kumu, ua lilo kona opiopio loa i mea ku e aku i kona makemake e hiki ole ai ia'u 'e ae aku, oia ke kumu mua, no ka mea, o na kanaka i kau'ana ma ke ao i ka waiwai ame ka naauao oia ka'u poe makemake i kane na'u, aole o kamalii."

            "Ma keia, e ike mai oe, he hoaloha opio ko kau kane, a o ua kanaka opio la ua haulehia oia i ke aloha ia Miss Faure mamuli o ka u'i ame ka nani o ka aahu ke ku mai iluna o ka awai a pela paha me ka le'a o kona leo i ka himeni. Ma ka mea maopopo loa ke nana iho ua noi mai kela kanaka opio i ko kane e noi aku ia Miss Feidete Faure i wahine nana, a ua hooko aku ko kane, a i pane no ia noi oia keia leka a kaua i heluhelu iho la.

            "Ke ike mai la oe la? O keia iho la no ka wehewehe ana i ka mea holookoa e pili ana i ko kane ame kela wahine, " i pane aku ai o "Ruta me ka minoaka.

            "O eia i'o ae la anei na mea oiaio apau?" i hooho ae ai o Mrs. Delma, me ka maha loa o kona noonoo. "He okoa loa ka'u mea i noonoo ai, a eia nae, ia oe i wehewehe mai la akahi no au a ike aku la i ko'u kuhihewa nui. Kupaianaha no kau noonoo ame kau wehewehe ana maluna o keia ninau hoopihoihoi i ko'u noonoo. A no kuu kane, akahi o au a hoomaopopo iho la i ke kumu o kona hana ana me ke ano hoihoi ole i ka'u nana aku."

            "Ua kamailio aku nae paha oe iaia no kekahi mea e piliana i keia leka? Aohe hoi oe i hoike iki mai nei ia'u i ke kumu o ka loaa ana o nei leka ia oe?"

            "Ua haule iaia iluna o ka pepahele i ka po nei a loaa ia'u Ua ninau aku au iaia no kena leka i keia kakahiaka, a no k@ ano e loa o kona noonoo i ka'u nana aku, o kana wale no @ ka olelo ana mai ia'u e hilinai aku au maluna ona, aohe nao he hiki iaia ke hoakaka mai i kekahi mea.

            "Ua noi mai ia'u e haawi hou aku i ka leka iaia aohe nae au i haawi aku, no kuu makemakee lawe mai iane a hoike aku ia oe. Iua he makemake kou e malama i kena leka, paa aku oe, no ka mea, ua pau ae la no ko'u pohihihi, a ua maha ae la no hoi ko'u manao no ka lilo ole aku o kuu kane i kela wahine."

            "Ae, manao au oia ka oi aku o ka pono, e wahio mai oe i keia leka me a'u, malia o lilo keia i mea alakai aku ahiki i ka loaa ana o kekahi mea pohihihi ma keia mua aku. O ka'u mea nui e makemake nei e ike owai la ka inoa o kela kanaka opio a ko kane e hoao nei e lilo mai o Miss Faure i wahino nana. Pehea, aohe anei ha lana mai iloko o kou noonoo ke kahi hoomanao no kekahi kanaka opio?"

            "Aohe la. Ina lie makemake oe e ike na'u e ninau aku iaia He hana hiki iaia i keia manawa mamuli iho la o ka'u maopopo ana i keia manawa o ka mea oiaio."

            "Aole. mai ninau aku oe iaia, na ke au no ia o ka manawa hoike mai," wahi a Ruta ka pane ana aku. "in a no kou hana aku ia hana, malia e lilo ana ia i mea e hoopahuaia ai ka kaua papahana a loaa ole ka mea a kaua iini aku nei e loaa o ia kanaka opio. O na maoli ike liilii apau e pili ana no keia hihia."

            "Ae, pela ka, ke maopopo aku la ia'u. O ke hauoli loa nei au no ko'u holo ana mai nei e ike ia oe, no ka mea, ua ka'i ka'i ae la oe i kekahi haawe kaumaha mailuna ae o ko'u hokua Ke haawi aku nei au i ko'u mahalo nui ia oe e Miss Ravena He makaikiu wahine kupaiana maoli no oe i ka'u hoomaopopo iho.

            "Ua pau ae la no ka'u mea i makemake ai e ike i ka wehe weheia mai la e oe, nolaila, e hookuu mai oe ia'u e hoi, a o k@ aloha no kou."

 

MOKUNA VII.

Ke Komo Ana ma ke Ano lie Kaikamahine Himeni.

            "Ke nana iho, ke hele loa aku nei keia hana i ka pohihihi loa i kela ame keia la," wahi a Ruta o ke kamailio wale ana no iaia iho ma kekahi la mai, oiai oia e noho ana maloko o ka rumi hookipa a e noonoo ana no hoi no keia hana i wai @oia mai ai iloko o kona mau lima.

            "He hana ka Mrs. Wiliama; oia paha kona inoa pololei a aole paha, e hoolala mai nei. Heaha la ka Feidee Faure makemake o ka hele ana ae i kela hale o Mrs. Wiliama? He hana ka kela mau wahine, heaha nae la ia hana a laua, aole hiki ia'u ke ike i nei manawa, maila no ka mea paha e pili ana ia Georgeti Levere, kela kaikamahine i nalowale honua ai." Alaila pupuku ae la kona lae no kekahi manawa, oiai oia e noonoo ana no kekahi manawa, no ka mea e pili ana ia Feidete Faure.

            "O Feidete Faure, heaha la ka'u mea i ike nona? Alia e noonoo iki ae hoi au. He wahine oia ma ka oleloia ua hoea mai ianei mai ka aina e mai, ua manao waleia mai Parisa mai oia o ka holo ana mai, a he pili ka'u aole kela o kona inoa pololei.

            "Eia hou, he helehelena kona o ka lahui e, a he hiohiona no hoi kona i like ole me ko na kanaka o keia aupuni, ma ke ano o kana kamailio ana aole oia wahine Amerika, a ma ka noonoo wale aku, me he mea la ua hihia ka noonoo o Mr. Kama iaia."

            Hoopinana ae la o Ruta i kona mau lehelehe ia manawa ke ano hana a ka mea i hoowahawaha loa i kekahi mea. "Ua make kela kanaka, nolaila aohe kamailio ana nona, e waiho maile iaia pela. aka no Faure, Feidete Faure. aia maluna ona ka'u mea e noonoo nui nei. Hoomaha iho la oia me ka noonoo ana no kekahi manawa. a i ka loaa ana o kekahi manao iaia. kahea aku la i kana kauwa wahine:

            "E Rose!"

            Emoole ku ana o Rose mamua on a.

            "E kii aku oe i kuu paalole eleele ame keokeo. Alaila. e noonoo ae au. Manao au oia ka paalole maikai a kupono no ka hele ana aku. Aia a loaa mai ea, noho iho oe e humu wili i ka lihilihi, a oiai oe e hana ana ia, ia manawa au e nana aku ai i ka'u mea e ae e hana aku ai."

            Kunou mai la o Rose me ka pane leo ole mai a hele aku la. Aohe on a ha'oha'o no kekahi kauoha a kona haku wahine iaia a huli mai e ninau, no ka mea, ua ike no oia he kumu @aikai no ka kona haku wahine no kela mea keia mea ana @ olelo a e hana aku ai.

            Nolaila, leha wale ae la no kona ma maka iluna e nana a Ruta, mahope o kona hoi ana mai mahope iho, me ka paa'ole o Ruta ana i kauoha ia aku ai e kii a lawe mai e paa'ole o Ruta ana i kauoha ia aku ai e kii a lawe mai e paa ana iloko o kona lima.

            He apana eleele o kekahi mea hoopipili ka i hoopiliia ae ma on a auwae malalo iho o kona mau lehelehe, a ua ula ia wahi mamuli o ka mea hoopipili ana o ka hoopili ana ae a wehe @ouia ae.

            He mau hana hoano e wale no keia ana i kona helehelena i ike ole ia mai oia e ka poe i kamaaina iaia, a he hana hoi ana i hana iho la e hoololi ae ai i kona helehelena a like me ko kekahi wahine ana o ka ike ana.

            I kona ike ana ua kupono iho la kona helehelena elike me kana i makemake ai, alaila. komo iho la i ka paalole a Rose o ka lawe ana mai me ka malie, a ia paa ana hele aku la a ma kahi o ke aniani kilohi, a ke kilohi wale la no iaia iho me ka nana ana iaia mailuna a hala ilalo.

            "Ea, e Miss Revena, ua loli loa kou ana i nei manawa mai kou ano mau ae!" wahi a Rose o ka hooho ana ae me ka piha ke kahaha oa no ka hana a kona haku wahine, i ka manawa a Ruta i kau ae ai i ka papale ma ka aoao o kona poo.

            "Pela?" i ninau aku ai o Ruta, me ke emi iki ana mai ihope, a huli aku la e nana i kona helehelena iloko o ke aniani no ka manawa hope.

            "Ha, ha, o Miss Ruta i'o no au, eia nae,m ma ka nana mai a kekahi poe, ke ike mai ia'u e hele ana o Fole Felanta i ko lakou manao. E hho ana au i kai i ka hale hana keaka Geite e nana aku ai heaha ana la ka mea e loaa ana ia'u malaila, nolaila i noho oe a i hele mai kekahi poe e ninau ia'u mai ha'i aku oe ua hala au ilaila.

            "O, e kuu Miss Ruta," wahi a Rose o ka pane ana mai, me ke kakaa ana ae o kona mau maka keokeo iloko o ka eleele o ka helehelena. "Aole kela he wahi kupono nau e hele aku ai. Aole kela he wahi kupono no na kaikamahine kulana maiki e pipili aku ai, me ka nana ole pehea la ka nui o kona ike himeni."

            Hele aku la oia no kahi o ka puka me ka nee ana ae i ka akaaka a hoi hou mai la a noho iluna o ka punee a nana pono mai la ia Ruta me ka manao paha e kaohi mai ia Ruta, aole e hele ia hale keaka, aka nae ua paa ko Ruta manao no ka hele.

            "Mai nana oe no ia mea, na na Lani e hoopakele mai i na kaikamahine hana ame na kaikamahine himeni maloko o kela hale hana keaka. E hoi mai ana no au mahope, mai kaumaha oe no'u," i pane aku ai o Ruta.

            Ma kela iho ana aku a ka makaikiu wahine ua lilo oia i mea nana ia mai e na kanaka me ka haka pono o ko lakou mau maka maluna on a, me ko lakou ike ole mai o ka makaikiu wahine no ia, o Ruta, a lakou i kamaaina ai i na la mamua aku, ua lilo oia i kii na ka poe e hele ae ana ma na alanui e hana pono mai ai. aohe nae on a nana aku ia lakou, a i ole hooano e ia ae hoi kona noonoo ma kekahi ano, no ka mea, e mea nui kana i makemake ai e ike aia iloko o kona noonoo.

            Ua ike iho la oia i kona palekana mai ka ike wale ia ana mai e na kanaka iloko o kela ano hoololi ano on a. Iaia i halawai aku ai me kekahi makai opio e ku ana ma ke kihi o ke alanui aole i manao iki kela makai o ka makaikiu wahine no ia e hele aku ana a kunou aku la iaia no kekahi mau manawa lehulehu mamua aku me he lede la o ke kulana hanohano a kiekie.

            No ka hoomahuahua ana ae i ka hoololi ana i kona ano mau, komo aku la oia iloko o kekahi halekuai laau a kuai mai la i kekahi ope gum i mea nana e nau ai, elike me ka hana a kekahi poe kaikamahine himeni e hana ai mamua o ko lakou hele ana aku noloko o ka hale hana keaka ; a i ka loaa ana @ai, ninau aku la i ke kupakako no kekahi bake kuhikuhi no kahi o na hale oihana like ole, a iniki aku la i ka papalina o ke kupakako, me ka akaaka pu ana aku no ia mea ana o ka ana ana aku la.

            Iaia i olili aku ai iwaho o ka halekuai, wehe ae la oia i kekahi gum a nau iho la, a hookomo iho la i ke koena iloko o kana eke paalima ma ke ano me ia e hoolauna aku ai oia i ka poe oloko o ka hale hana keaka a loaa kona aeia mai e komo aku iloko a huipu me na kaikamahine a hoomau aku la ia i kana hele ana no kahi ana i makemake ai. me ka lewa ke gum, a e minoaka aku ana hoi i kela ame keia kanaka ana e halawai aku ana ma ke alanui.

            He mamao loa ka hale keaka Geite mai ia wahi aku, aia a hale i kahi kokoke aku i kahakai, a nolaila i hoea koke aku i oia ilaila. kau aku la oia maluna o ke kaa uwila e holo ana i kai.

            I ka hoea ana aku o ke kaa ma kahi kokoke ilaila, lele iho la oia ma ke kuea Libate a helewawae aku la ma ke alanui @8 kahi o ka hale keaha Geite e ku ana.

            Ua aneane ae la ia manawa i ka hora 3 o ka auwina la, a hoomaamaa himeni ame hulahula ana na kaikamahine o na hale keaka la ia manawa. Nanahu iho la o Ruta i kona mau lehelehe no ka @umi ana i ole oia e akaaka, iaia i hoea aku ai i ka awai, kahi e hoikeikeia mai ai na hana keaka, kahi ku ana iwaenakonu o ka papahele, a mamua pono aku hoi o @na, ke peku ana ame kekiihelei ana o na wawae i o a ianei, @ iluna a ilalo, a lohe aku la oia i ka olelo ana aku a ua wahi kumua'o oia a na kaikamahine, a elike no hoi me ka oni ana @ ua kanaka la, pla no hoi na kaikamahine e hoohalike mai na.

            He kanaka opio ke noho mai ana maluna o ka awai a e hookani ana i ka piano.

            "A oia, pela ka oni ana." wahi a ke kumu o ka olelo ana aku na kaikamahine. "Elike me ke kani o kela piano pela oukou e hoohalike aku ai i ka oukou anapau ane. A, pela, koe keia. @ hana aku oukou ma ke ano e hoohauoli aku ai i ke anaina. i waiwai ka lakou mau dala o ka lilo ana mai.

            "E hoihoi ko oukou mau helehelena, me he mea la e haawi aku ana oukou i ke anaina i ka hauoli piha, e oni oukou me he mea la ua piha i ka uwila aole hoi ma ke ano he anaina hoolewa ke noho mai ana e nana i ka oukou mau hana. no ka mea. aole keia he hale kupapau, aole no hoi he anaina hoolewa e hoololo iho ai oukou aka, e haawi aku i na mea apau e hauoli ai ke anaina."

(Aole i pau.)