Ka Nupepa Kuokoa, Volume LVII, Number 12, 21 March 1919 — HE HALAWAI KA KA POE HOOKUONOONO. [ARTICLE]

HE HALAWAI KA KA POE HOOKUONOONO.

Ma ka hapalua o ka hora ekahi o ka auwina la o keia Sabati iho, e malama ae ana ka poe i koho i na aina hookuonoono o Waiakea, Hilo, Hawaii, he kalawai kukakuka, no na mea e pono ai lakou, maloko o ke keena poo o ka Aoao Repubalika, ma ke alanui Betela, a ua makemake nui ia ka poe apau i holo aku nei i Hilo e koho ai i mau apana no lakou, a i hoi mai nei hoi no ke kulanakauhale nei, e hoea ae ma ia halawai. Ma na mea i hoikeia mai i keie keena, ua ae na akena o ka mahiko e hakela poe hookuonoono, i lawa ole me awi aku i na kokua ana, no ka pono o ke dala, no ke kukulu ana i ko lakou mau home, pela pu hoi ka haawi ana aku i kekahi uku mahina kupono, no ka noho hana ana maluna o ka aina mai ka mahiko aku, no ke kane ame ka wahine. He heluna nui o ko Honolulu nei poe i holo aku no Hilo, e koho ai i mau apana aina no lakou, a oiai he nui ka poe hemahema me ke dala, e hiki pono ai ke hooko aku i na kumu aelike me ke aupuni, ua hooikaika kekahi poe o lakou, ma ka huli ana i na alahele e pono ai, a pela iho la i kaheaia ae ai keia halawai, nolaila mai poina i ka hele ana ae, ma ua halawai nei, ma ka auwina la o keia Sabati, Mraki 23, 1919.

OAKLAND, Mar. 18,—Ua pepehiia a ua make o Mrs. Geo. Greenwood, ka.wahine a kekahi kanaka malama hale banako koikoi o Kapalakiko maloko o ke kihapai o kona home maanei i keia la mamuli o ke pa-huia ana e kekahi poka pa-hu. Ahiki mai i ka po nei aole hiki i na makai ke hooholo ua kiolaia aku paha ka poka pa-hu iloko o ke kihapai, a i ole ua loaa paha ka poka pa-hu iaia maloko o ke kihapai a ua lalau iho oia ia mea a ia wa i pa-huia ae ai. Eia nae ua hoikeia ae e ka oihana makai he palapala e kauoha ana e uku ia aku i $5000 a e hoomaka'uka'u pu ana hoi e hoohiolo i ka hale ina e uku ole ia aku ana ke dala, ka i loaa mai ia Greenwood iloko o ka mahina o lanuari.