Ka Nupepa Kuokoa, Volume LVII, Number 12, 21 March 1919 — HE PAINA HOOKIPA MALIHINI MA WAIALUA. [ARTICLE]

HE PAINA HOOKIPA MALIHINI MA WAIALUA.

Mr. Lunahoopouopono o ke Kuokoa, Aloha oe: —E oluolu mai kou alionui no'u kekahi wahi rumi kaawale o ka hiwahiwa a ka lahui, nana hoi ia e uwila ae ma na welelau o ka honua i 'keia poomanao e -kau ae la maluna, i ike mai ai ka poe puni meahou e noho ana j ma na mokupuni apau. Ma ka Poalua'iho nei, hora 12 a oij awakea, ua hoomakaukauia kekahi mau mea paina hookipa'malihini e Mr. ame Mrs. Esther Laumauna, me Mr. me Mra. Emily Maliu, ma ka home o ko maua mau kaikuaana, Mrs. E. Laumauna, ma ka hora 1 p. m., ua hoea mai la na malihini mai llalawa mai, oiai na mea apau e hoola 'i ana, ua haawiia mai la ka hoailona, ma o ke kani ana a ke oeoe o ka otomobile, ua liuliu ae j la na kamaaina no ka hookipa ana mai i na malihini. Ua lawe aku Ia o Mrs Emily Maliu he eliina mau malihini me ia ma kona hoine, no ka hooluolu ana no ka manawa, a o Mrs. Esther Laumauna he elua, ua hoonanea ia na malihini me kekahi mau kamaaina, a ua hele aku la hoi ua mea na lakou ka paina e hoomakaukau. hora mahope iho o ka hoonanea ana, ua makaukau mai la na mea i hoolakoia na na nialihiui. Nolaila, ua kono mai la na kamaaina i na malihini e nauwe ma kahi o ke pakaukau i hoomakaukauia o na meaai, a ia manawa hookahi no, ua hoea ae la' o Kalua o Lahaina, a ua hookipaia mai! la oia me ke ohohia e na kamaaina, ia | manawa hookahi no, ua hoonohonohoia

ae la na malihini nialuna o ko lakou mau noho, a i hui pu ia me kekahi mau kamaaiua, ia manawa, ua piha pono ae la na noho; aia hoi kou meakakau ke noho hoola 'i la jne ka hauoli o ka naau, no na inea maikai i hana maiauia e na linia palupalu o keia mau leile opu hoomanawanui, a ia wa hookahi no, ua haawi ae la o Mrs, E. Laumauna i ka pule ia Kalua; i ka pau ana, ua hoopiha kela ame keia nona iho, e hakaka ana hoi o Hanale me Keoni Bulu, a owai ka mea i oi aku? Kahaha, o Keoni Bulu no 1 I ka wa i ike aku ai o Hanaie i ka poi kaohi pUu o Waialua, a pela me na i'o puaa, na i'o moa momona i hui ia nie kekahi mau meaai o ae, ke kukui inamona, amaama lawalu, amaaina maka, uala kalua, palada me kope ame ti, i hui ia me ka Waiu,'k'e nana aku, ua piha maoli ke pakkuleaii i na mea i hoolakoia e ka lokomaikai o keia mau ma'kua ma kela wiahi, aole e hiki ke kaohi j iho o Hanale i liona huhu. I ka pau ana o ka paina ana o ko kau aku la no ia ma ka oto, haawi ke aloha goodbye me ka mahalo, o ka lilo mai la no ia no Kaluaaha ka pahu hopu. O keia poe malihini o kekahi no ia o na lala i hiki mai ma Kaluaaha, mai Kihei mai kekahi, o kekahi ua maopopo ole i kou meakakau, aka ua like wale no. O keia no ka la e hoi ai lakou no ko lakou mau wahi iho. Me keia mau wahi meahou i loaa i kou mea kakau, ke haawi nei keia makapeni i ka mahalo ia Mr. ame Mrs. Esther Laumauna ame Mr. ame Mrs. Emily Maliu, fto ka hookipa ana i ua malihini, a pela me na kamaaina me ka maikai. | Me ka Lunahooponopono ko'u maI halo nui no kona ahonui ana roai, ame na keiki hoonoho hua metala ko'u adieu. Owau no a mau, MRS. E. C. A. KAAHANTTī. Kninnlu, Molokai, Mar. 13, 1919.