Ka Nupepa Kuokoa, Volume LVII, Number 14, 4 April 1919 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

 

Nupepa Kuokoa,  Honolulu. T.H. Poalima, Apreila 4, 1919

He Moolelo no

MAGURETA

A I ole

Iloko o na ke aloha. He Moolelo I Piha me na Haawina o ka Ehaeha

“Aole e hiki ia’u ke noho iho ma Nu loka nei iloko o ka pouliuli, me ka maopopo ole I ka pii mau ae o kou maikai I ela ame keia la. A I ole ua oi aku paha ka pilikia maluna ou. Ua hoike okoa mai nei oe e magureta, no kou hauoli, ina owau pu kekahi me oe, ina pela, e oi loa aku ana kou hauoli, ina o kaea pu ken oho I kahi hookahi, ma kea no he kane a he wahine, e lilo oe I hapa no kuu ola ana, pela hoi au I kappa nou.”

“Pe’a ko’u manaoio,” I pane ae ai o Magureta me ka leo malie. “Ua ike maoli iho no au I ko’u hauoli, ina o oe pu kekahi me a’u. Aole he hopohopo iloko o’u, ina o oe kekahi; olike me kekahi kaikamahine maku ole, I nana mau aku ai maluna o kona kaikunane I kana mau hoopakele ana.”

“Ina pela, e lilo owau ua kaikunane nei,” I mau aku ai no o Kauka Alika I ka uwalo ana. “ Ke hooia aku nei au imua ou, a imua o na lani, e hoike aku no au ma ka’u mau hana apau, no ko’u lilo ana he kaikunane nou, ina ma ia ano wale no oe e nana mai ai ia’u. aole me kekahi ano e ae. Aole au e hoopilikia wale aku I kou noonoo, me na olelo amen a hana, a na kane I ka lakou mau wahine, koe wale no nae keia, he mea pono eloaa ia’uke kuleana e hoike ae ai imua o kea o holookoa. He wahine mare oe na’u, a he kuleana hoi kou e lawe ae ai I kuu inoa.”

"Ke maopopo aku la ia ʻ u kena mau mea au e kamailio mai bei a pehea. e lilo ana no anei ia i mean nou e hauoli ai e Kauka Noka? I ka nana aku he nui loa kau mau mea e hana mai bei ma kou aoao no ko ʻ u pono, me ka uuku loa o kahi mea loaa aku ia oe. a o ia ka ʻ u e noonoo nei, he hana kupono oleloa ia."

"He liilii loa na mea e ae apau ia ʻ u, o ka mea nui wale ao, ua ia ka loaa ana o ka hauoli i kuu uhane, o kau wale no e hana mai ai. o ia kou ae ana mai i na mea a ʻ u i noi aku nei is oe."

"I he mea oiaio loa, ke ike maoli nei no au iloko o kuu ohane, e loaa ana ia ʻ uka hauoli, ma ka pili mau ana aku me oe. ma kekahi huaka ʻ i au moana. Ua like ko kaua mau makemake apau, ma kela ame keia mea, no like ko kaua hiamai. ma ka heluhelu ana i ua buke moolelo, i kakauia e no kanaka kaulana, ua like pu no hoi ko kaua hialaai ma na kii kaha ame na leo mle. a he hookahi wale no mea i koe--"

"Heaha is mea i koe, i like ole ai kaua? wahi a Kauka Noka Alika, i ka wa i hooki honu iho ai o maguret i kana kamailio ana mai.

"O ia no kou kapa ana mai ia ʻ u i ka ma-ua, "maila hoholo ae la he wahi hiona o ka minoaka ma na papalina o na kaikamahine nei. "He mea hauoli i ʻ o ka loaa ana o kekahi hoaloha kupono, e kauka ʻ i aku ai no kana mau pulama ana mai; me ka loaa mau o ka manoa palekana i na wa apau."  "Alaila e ae mai ana anei oe o kaua pu ke holo no Parisa?" Heaha hou aku auanei ka mea i koe, ke haawi aku nei au i ko ʻ u ae, aole o ia wale no, aka ke hoomaikai pu aku nei au no kou lawe ana aku i no ko ʻ iko ʻ i apau maluna o kou poohiwi."

"Ina no hoi paha e haawi koke ia mai nei e oe i kau pane. aole no hoi kaua e noke, wale i ke kamailio no keia kumuhana. aka ua pau aku la nae ia;mai haawi mai oe i kau mau hoomaikai ana ia ʻ u" wahi a Kauka Alika, meka lamalama ana ae o kona mau maka, no ka mea ke ike la ua kauka opio nei, e hoea mai ana i ka manawa e haawi pau aku ai kela wahine opio i kona uhane ame kona puuwi iaia.

"mai manao oe e Magureta, aia kekahi mea nui i hauhoaia aku ai oe a paa. aole loa pela, aka he o ia mau no kou ano, i na wa apau, koe wale iho no, ho ʻ u lilo ana i mea nana e makaala. a e nana aku no kou pono. He nani nae ia, ua hoea mai la kaua i ka holopono ana o keia ninau, o ka ʻ u e hoike hou aku nei ia oe, aole au e haawi aku ana i manawa nou e hoololi ai i kou manao. E haalele iho ana ka mokuahi Sikia i ke awa o Nu Ioka nei, ma ka Poakolu o keia pule ae, a i keia auwina la no, e hele aku ana au maloko o ke keena o ka hui mokuahi, no ke kuai ana ʻ i mau likiki no kaua e holo aku ai no Parisa."

He keu aku no ka hoi ka hikiwawe loa. He mau hana pupuahulu wale no keia au e Kauka Noka."

"Pehea iho la ka pono o kau poe ma ʻ i mahope nei, in a oe e haalele iho ana ia lakou?"

"Ua hoolala kahiko au i ka ʻ u papahana, a ua pau i ka hooponoponoia. no ka mea ua hui pu au me kekahi o ko ʻ u mau hoa kauka. a ua ae mai oia e lawe aku i na lpaau ana i ka ʻ u poe ma ʻ i apau, in a no ko ʻ u holo no parisa e a ʻ o hou ai i ka oihana lapaau, no laila e ike mai oe e Magureta, he uuku loa ka ʻ u mau mea e hooponopono aku ai i koe, o ka pau ae la no ia me ka pilikia ole."

"Akahi au a ike i kou piha akamai a naauao maoli e Kauka Noka. Aole wale ma kau mau hana a ʻ u i ike ai me kuu mau maka. i hoike mai ai oe i kou kulana kanaka maku, aka no hoike pu mai oe i kou oi kelakela ana maluna o no kanaka apau."

I pane ma ka aoao o ke kauka opio, haawi aku la oia i kana minoaka ana, i ka manawa a Amagureta e ike maoli aku ai , i ka oiaio o kana mau huaolelo apau, e mahalo aku ana i ua o Alika

O kana mea nui loa e noonoo ana i kela manawa, in a e hiki ana iaia ke hoauhee aku i kahi kiki eleelenana i hoopilikia mai i ke ola ana o kela wahine opio, a e a ʻ o mai hoi i kona puuwai, ahiki i ke ola hou ana o kela aloha i make kahiko, he keu aku a ka nui palena ole o kona hauoli, e lilo ai oia i kanaka haaheo ma ia mua aku.

"E kapa mau mai anei oe ia ʻ u o Kauka Noka? Aole anei hoi mai keia manawa aku, e hoololi ae ai oe i ke kahea ana mai ia ʻ u. ma ka inoa REginola, elike no hoi me ia a ʻ u i hoololi ae ai  i ke kapa ana aku nei ia oe o Magureta, aole hoi o Miss Anola?"

"Manao au, o ka hana pono wale no ia ma ko ʻ u aoao, oiai hou ua kaokoa ae la ko kaua ano. mai na ano aku nei o na la i hala."

"Me ka mahalo a nui lo oe e Magureta. Ua lawa anei keia mau la eono, nou e hoomakaukau ai no ka haalele ana iho i ke kulanakauhale o Nu Ioka nei?

"Aole no he hana nui ka hoomakaukau ana, ua hiki au ke makaukau iloko o na la pokole loa, o ka mea nui wale no a"ue noonoo nei, o ia kuu home."

"Manao au, he hana hiki wale no kela ke hooponoponoia me ka holopono loa. ke lokahi mai nae oe me ka ʻ u mea i hooiala ai, o ia keia: He hoaloha ko ʻ u, o kona mare koke ana aku nei no ia i kana wahine i ka mahina o Okatoba, a ke noho pei laua maloko o ka hokele, me ka hele nae a pilihua ka noonoo i hela ano o ka noho ana.

"I kela pule koke aku nei no oia i hoopa mai ai ia ʻ u, in a ua ike au i kekahi hale kaawale i hoolakoia me na mea apau e pono ai ka noho ana, a in a no ka loaa o kekahi home kupono, alaila ua makemake oia e hoolimalima no hookahi makahiki."

"Ina pela, ua kupono loa kela hoaloha ou me kana wahine, e hoi mai a noho makuu home," wahi a Magureta me ka piha hoihoi. "Pehea, he makemake no nae paha laua i mau kauwa @? He mea maikai ole no ko ʻ u noonoo, ka ike aku i ka ʻ u mau  auwa e hoaa hele ana e huli i mau hana na lakou, oiai he poe kauwa hoolohe a hoopono kela."

"Manao au, e makemahe ana no laua e holimalima i kekahi poe kauwa a pehea, e hele aku anei au e hoike ia Mr. Nikola, kuu hoaloha. e lawe mai oia i kana wahine i keia auwina la, @ka nana ana i ka hale nei?"

"Ke oluolu oe e hookauwa ia oe iho, ma keia mea. alaila ke haawi aku nei au i ka ʻ u mau mahalo ana he nui ia oe e Reginola."

"No ka manawa mua loa i hoopiha mai ai oe e Magureta i kuu uhane me ka hauoli, ma kou kahea ana mai la ia ʻ u, ma ko ʻ u inoa mua loa, a no kou kamailio ana mai la, no ko ʻ u hookauwa ia ʻ u iho na mea e pili ana i kou home nei, e hoopoina @ ia ʻ u iho na mea e pili ana i kou home nei, e hoopoina @ oe ia mea, oiai ua makaukau au i na wa apau e hana wale aku no i na mea e holopono ai ka kaua huaka ʻ i hele no Parisa.

"E haalele iho ana ka mokuahi Sikia i ka uwapo, ma a hora @-kumamalua ponoi o keia Poakolu ae, nolaila ma ka hora umi o ke kakahiaka o kela la, e hoea mai ana au me ke Kahunapule Denina. no ka hoolilo ana ia kaua i hookahi, ke@ ko kaua manao, no keia kahuna pule, ai ole, he mea @ ae no paha kau i makemake ai, nana e hooko mai i ka mare maluna o kaua.

"E hoouna aku ana au he kono ia Nele Rinafoda ame kana kane hoopalau o laua pu kekahi e hoea mai no ka ike ana i ko kaua anaini mare, ke ole nae oe e ku-emai i keia manao o ʻ u. Pehea ua maikai anei keia mau mea a ʻ u i hoolala ai?Aole anei au mau ku-e ana mai ma kekahi ano?

"Aole loa a ʻu mea e ku-e aku ai i kau mau hoolala ana apau koe wale no ka haawi aku i koʻu mahalo. O, e reginola, he oiaio anei, aole e hoea mai ana he manawa ma keia hope aku au e mihi ai me ka wlalania loa o kou naau, no kou lawe ana aku iaʻu i whaine nau?"

"Mai hoopilikia wale oe i kou noonoo e Magureta ma kena kumuhana, no ka mea, maluna iho o kou poo na koʻikoʻi apau o keia hana, a ke paa nei no nae kuu manao, aole loa aʻu mea e mihi ai ma koʻu lawe ana mai ia oe i wahine naʻu, aka e hauoli ana au i ka hauoli ana o na anela.

"E ae mai oe i koʻu manao, o ia kou hoopilikia ole ma kekahi ano i kou noonoo ana, no na mea e pono ai keia huakaʻi a kaua, aka e waiho aku oe na kau kauwa e hoomakaukau i kou mau ukana, na ukana kupono wale no, au i makemahe loa ai  ma keia huakai au moana a kaua, aia a hoea aku no Parisa, ilaila e kuai aku ai i ko kaua mau hemaliema i koe.

"Aole nae malaila wale iho la no pau kaʻu mea e makemake nei ia oe e hana, aka e kaukau pu oe i kekalu mau mea i hemahema ai oe i keia manawa maluna o ka apana pepe, aia hoi au a hoea hou mai, alaila naʻue hoolako aku ia mau mea, me ka hakalia ole. E hoohiki mai oe imua oʻu, aole oe e hoopilikia hou i kou noonoo ma kekahi ano, aka e hooikaika like kaua a elua, ma ka imi ana i na alahele e loaa hou mai ai ke ola maikai ana ia oe."

"He hana ano nui no keia a'u e hooko aku ai, aka e hooko nae au elike me ka ikaika apau i loaa i kuu noonoo," me ka hiki ole ia reginola ke hoohewahewa aku i ka hoopukaia ana mai o kela mau olelo me ka manao kuʻuo loa.

Mahope o ko laua hele holoholo ana ma loko o ka paka, me ka hoea ana mai hoi i ke kuikahi like ana o ko laua mau manao, e lilo aku i kane a i wahine, hoihoi aku la o Reginola ia Magureta no kona home, a mahope o ka haawi ana ae i ke aloha, huli hoi mai la ke kauka opio, me ka hooho ana ae nae i keia mau olelo:

"Ke paa loa nei kuu manao, e hoea mai ana i kuu lanakila ana maluna o ka pilikia nui i loaa aku ia Magureata. Aole loa he wahi kanalua iki iloko oʻu, no kona haulehia i @ @ poʻu. he hookahi wale no aʻu mea e hopohopo nei. o ia koʻu hoike ole ana aku iaia. he kaikunane au no Kanani, ka wahine hookahi ana i lili loa ai; e lilo ana paha ia i kumu e hoalaia aku ai ka hoowahawaha iloko on a noʻu aka nae, ua ike no @ he hana kupono ole loa naʻu, ka hoike ana aku i koʻu pili ia Kanani i keia manawa, malia ma keia hope aku paha, ke hoi pono mai kona noonoo maikai, e hoike aku no au i ka meahuna aʻu i hunakele ai mai iaia mai.

"No ka pono nae ame ka pono ole o keia manao, e hele mua aku ana au e ike i ka Rev. Denina, a ninau aku i kona manao. no kaʻu mea pono e hana aku ai maluna o keia kumuhana ano nui loa."

He mea oiaio, i ka hoea ana aku o ke kauka opio no kona mau rumi, a mahope o ka hoomaha ana no kekahi manawa liilii, hele pololei aku loa oia no ka home o ke kahunapule, a hoakaka piha aku la i ka manao o kana huakaʻi o ka hoea ana aku ma kela. Aole oia i huna iho i ka hoakaka piha ana @ i ka moolelo e pili ana ia Magureta, ame ke ano i hoea ma ai ka maʻu maluna o kela kaikamahine, o hoakaka pu ana hoi i kona manao ponoi, no ke alahele e auhee aku ai kela pilikia, @ o ka hope loa no hoi, o kona pili i kona kaikuahine, oiai e maikai ole ana ko Magureta noonoo, aka, no kekahi manawa kupono, e hahaʻi mai ana no ʻoia i na mea oiaio apau, imua o ka mea ana e lawe mai ana he wahine mare nana.

I ka lohe ana o ke kahunapule i kela mau olelo a ke kauka opio. ua hoike okoa mai la kona helehelena i ke kaumaha, a ua noho hamau loa oia no kekahi mau minuke, aka i ka aea ana mai nae o kona poo iluna, kamailio mai, ma ka pane ana mai:

"Auhea oe e kuu hoaloha opio, ua konoia mai au e kamailio aku i na mea maopopo loa imua ou, me he keiki la oe na'u. O ka mua, ke manao nei au, ua kuhihewa loa oe e ke kanaka opio, i kou manao ana, e lawe mai i kekahi kaikamahine au no i hooiaio mai nei i ka maikai ole o kona noonoo, i wahine mare nau. koe wale no na mea e hoea mai ana i ka hoolaia ana o kela kaikamahine, elike me kau i manaoio ai."

"Ua paa loa kuu manao, aole loa e koe iho ana he wahi weʻaweʻa iki o ke opulepule iloko o ka noonoo o keia kaikamahine," i pane koke aku ai o reginola, me kona makemahe ole i ka lohe ana i ka manao o ke kahunapule.

"Aole oʻu wahi kanalua iki, in a e loli ana kahi e noho ai o -eia kaikamahine, a e loaa pu hoi he lapaau naauao ana iaia malalo o kekahi kauka noeau loa, ma na pilikia o ka noonoo@ @ hui pu iho me ka loaa o ka mea nana e hoolana mau aku i kona manao i kela ame keia manawa, e auhee aku auanei na pilikia o na anolike ole mai iaia aku ,elike me ke ano o kona ola ana no ka makahiki a oi i kaahope aku nei.

"O koʻu ae ana aku e hookuukuu wale i kela kaikamahine, me ka hana ole aku i na mea e pono ai oia, he mea maopopo loa, e hoea mai ana i ka la, e hiki ole ai i na mana o ke ao nei ke hoopakele ai iaia, mai ka lilo ana i luahi no ka maʻi pupule."

"Alaila o kou manaoiʻo anei e kuu hoaloha opio, o ia no kou lilo ana i mea hoopakele ae iaia, me kou nana ole i na hopena e hoea mai ana? wahi a ke kahunapule, me ka nana @ mai maluna o ke kanaka opio, me ka manao aloha.

"Ke hooia aku nei au imua ou, ua paa loa kuu manao, e lilo au i mea nana e hoopakele ae i kela kaikamahine mai ka poino mai; a he mea au i pili i kekahi karaima koʻikoʻi loa, ke hookuu wale aku au e lanakila mai ka pupule maluna on a. E hoike  okoa aku ana au ia oe e kuu kahunapule maikai, ua haulehia au i ke aloha no keia kaikamahine, a no ia kumu, e haawi ana au i kaʻu mau hooikaika ana apau, i wahi e auhee ʻoa aku ai na noo uluahewa mai iaia aku a e  noho alii mai ai ka hauoli i ke koena aku i koe o kona mau la e ola ai.

"He hookahi wale no ninau nana i hoopilikia loa mai i kuu noonoo o ia keia: He hana kupono ole anei kaʻu ka huna ana i koʻu inoa hope, me ke kamailio ole aku iaia, o Alika ka inoa o koʻu makuakane, ka inoa hookahi no hoi a keia kaikamahine i hoomaopopo ai no Kanani, mamua o kona mare ana aku ia Noela Kauwila?

"O ka mea oiaio maoli ma koʻu manao, he hana kupono ole na kekahi mea ka huna ana i ka mea pololei; aka hoi he nani ia, ua hooiaio maoli mai nei oe imua oʻu, i ka nui o kou aloha no kela kaikamahine, a no kona pono wale no kau e hooikaika aku ana, aole ia he hana maalahi, aka ua mauna aku oe ia oe iho, i wahi e hoopakele ae ai i ka hoa kanaka iloko o ka pilikia, ma ia ano, aole oe i pili i ka hewa maoli.

"E kakauia ana ka palapala mare me na inoa piha o ke kane ame ka wahine, a oiai owau kou kahunapule, a ua lohe @ au i kou manao, aole au e heluhelu piha ana i ko olua mau inoa aka i na inoa mua wale no, nolaila e noho pouliuli ana kela kaikamahine i kou inoa hope a hiki i ka wa kupono a olua @ hoikeike ai i ka olua mau meahuna."

Ua ulu ae no kiʻu manao, e hoike aku iaia i keia meahuna i pili i koʻu inoa oiaio. oke kumu wale no nana i kaohi mai i koʻu hana ana aku pela, o lilo no auanei ia i kumu e hooi @ ia mai ai ka uluahewa o kona noonoo, a iloko auanei o na mahina ekolu ma keia mua aku, oloko o ka halepupule kona wahi e hoopaaia ai."

"Heaha la hoi, ke hooia aku nei au imua ou e haawi no au i kaʻu mau kokua ana i wahi e holopono ai kau mau mea apau hoolala ai e kuu hoaloha opio," a i ka holopono ana o ka aua mea i kamailio ai no ka hooko ana aku i ka mare mawana o ke kauka opio ame Magureta, huli hoi aku la o Reginola @ ka naau mama, a lawelawe aku la hoi i kana mau hana. elike me ke kanaka i loaa mai kekahi pomaikai nui loa, i kau a mea o ka piha hauoli maoli.

MOKUNA XVII.

On a la eono mamua aku o ka haalele ana iho o ka moku Sikia i ke awa o Nu Ioka, me he mea la, he mau la polole loa kela iloko o ka noonoo o Magureta.

Oiai nae, aia mau ka hopohopo iloko o ke kaikamahine opio na ka pono o kona haawi ana aku i ka ae, e mare me kekahi kanaka ana ialoha ole ai, elike me ke aloha o ka wahine i kana kane; ua hana hewa loa aku hoi oia ma ia ae ana, aia nae ka hoihoi mau maluna o kona helelelena, no ke kaukaʻi aku e hoea hou mai i na la e nohoalii mau ana ka hauoli maluna on a.

Iloko o kela mau la, ma na manawa apau a ke kauka opio e hoea mai ai no ka home o Magureta, e hoikeike mau aku ana no kaikamahine nei i kona mau ano oluolu, a piha hoihoi no hoi no ke kanaka ana e mare aku ana. Uaike maoli iho no ua o Magureta i kona noho aie, no na mea a Kauka Noka Alika e hana mai ai no kona pono, a oiai aole he aloha iloko on a no keia kanaka, ua paa no nae kona manao e hoikeike ma ma kekahi mau ano lehlehu, i na mea e hoohauoliia aku ai ua kanaka opio nei.

O ke aloha nae o kekahi kaikamahine, n oke kanaka mua loa a kona puuwai i koho  ai, ke ike la ua o Magureta, aole ana e hiki iaia ke hana aku pela ia Reginola; ma kona ike maoli iho no, ua nele loa kona uhane me kela haawina maikai, mahope iho o ka loaa ana iaia oka ike, ua kumakaia mai ke kanaka mua loa ana i aloha ai iaia, o ka mea hookahi wake no i koe iloko on a, o ia ke aloha ma ke ano he hoaloha, a he hoa pili hoi nona la o ke ola ana makeia honua.

Me kela ike maopopo loa no nae o Magureta i ka nele o kona aloha ana aku i ke kauka opio, eia nae, ma na hoolaha ana apau areginola. ua komo pua aku oia ma ke kokua ana, @ make apono ana, me ka mohala maikai o kona noonoo.

I loko no hoi o kela mau la. e kakali ana a hiki i ke kau ana aku maluna o ka mokuahi, e hoea mau mai ana o Nele rinafoda. kona hoa kula o ko laua mau la kamalii, a ma ka nana @ ia Magureta aole kela ano hoihoi ole maluna on a, o kekahi kumu paha hoi, e kamailo mau mai ana o Nele, no ka hoea mai i ka manawa, eloaa hou ai ke ola kino maikai i kona hoaloha, a e hoi hou mai ana hoi kela mau ano kahiko @  i maa iaia.

e kokua mai ana no hoi o Nele ia Magureta, ma ka hoponopono  ana i ka hale, a he hookahi no ko laua hoomakaukau ana,  i na ukana kupono a Magureta e lawe ai ma kana huakaʻi ; a e hoomakaukau pu ana no hoi laua i na mea apau no ke anaina mare e hoea mai ana, ma ka la e haalele iho ai ka mokuahi ia Nu Ioka.

I ka hele ana aku hoi o ke kauka opio  e ike i kona hoaloha ame kana wahine, a hoakaka aku la no kekahi hale, i kupono @ ka hoolimalima, ua haawi koke mai la kela mau loaloha i ko laua ae, a mahope o ka nana ana i ke ano o ka hale, ua komo ka makemake ia laua e noho malaila, a hana koke ia no ka palapala hoolimalima, no ko laua hoi ae aloko o ka home o Magreta, ma ke ala mahope mai o ka holo ana aku o ke kaikamahine opio ame kana kane no Parisa.

I ka hoea ana mai i ka Poakolu ka la e haalele iho ai ka mokuahi, no Palani a ma ka hora eiwa o kela kakahiaka i hoea aku ai o reginola me ke kahuna pule ma ka home o Magureta, a maloko o ke keena hookipa i malamaia ai koanaina mare, me na hoaloha kakaikahi o ka paa mare opio.

Oiai, ua nele maoli o Magureta ia mea he hauoli, no keia haawi ana aku on a iaia iho, malalo o ka malu o ke kanaka ana i nana aku ai he hoaloha nona, a oiai hoi aia no ke haiamu @ @ kau maha maluna o kona mau maka no ka hiki ole iaia ke aloha aku i keia kauka opio, aka nae, aia no he wahi uwiuwilki o ka hoihoi ma kona mau makam e hoike mai ana i ka noho o kona uhane, aia mau kekahi mea nana e makaala mano kona pono ame kona palekana.

U hao mai o Magureta iaia iho a paihi me kekahi lole, kupono no ka huakaʻi kaahele aumoana , a i ka nana aku i ua kaikamahine nei, aole loa he wahi hiohiona iki, o ke ano e o kona noonoo, ke mea hoi nana i hookahaha loa mai i ka noonooo oke kahunapule, i kona wa i ike aku ai ia Magureta. mihi iho la oia no kekahi mau olelo maikai ole, ana i kama ilio aku ai ia reginola.

I ka hookoia ana o kamare mawaena o Magureta me reginaola, ia wa i loaaai he manawa uuku i ke kahunapule e kaam ilio pu ai me Magureta, me kona i okoa ana iho iloko ona "Aole wale o ka uʻi ame ka huapala o ka helehelena o keia kaikamahine kaʻu e hoomaopopo nei, aka o ka nui o kona naauao, ame ke kiekie o na kalena i loaa iaia, a nawai no la e nele ka haulehia o Kauka Alika, i ke aloha no keia kaikamahine. O kaʻu e pule ae nei e hoea mai i ka lanakila ana, o na hooikaika pauaho ole ana a ke kanaka opio, maluna o na pilikia i loaa i aka wahine ana lawe mai nei i hoapili nona, @ a lilo hoi ko laua hooliloia ana i hookahi i keia la, i hua i luluia, no kaoili mai he nohona hauoli ana maluna o laua,"

Oiai e hookokoke ae ana i ka manawa e holo ai ka mokuahi, haalele iho  la o Kauka Alika me kana wahine. Pela hoi o Nele rinafoda me kana kane hoopalau i ka hale. a holo nui aku la maluna o ke kaa no ka uwapo. O ke kaikamahine kauwa no kekahi a Magureta i lawe pu ia ma kela huakai mamuli no o ka makemake o Reginola. no kona makemahe no e hoohanohano i kana whaine, a oiai, lakou maluna o @ mokuahi, ua hoolako mua ke kauka opio i kekahi mau mea e oluolu ai ko Magureta noho ana maloko o kona rumi, a i ka wa i ike aku ai o Nele Rinafoda, i n mea a Kauka Alika i hana ai nokana wahine, kamailio mai la oia i kona hoaloha;

"Me keia mau mea apau a kau kane i hoolako ai nou, ke manao nei au, o oe kekahi whine hauole loa." wahi a Miss Rinafoda, me ka paʻipaʻi ana mai ma kekahi poohiwi o Magureta.

"Aole aʻu mau hooohalahala ana no ka Reginola mau mea apau i hana mai ai noʻu, a ma koʻu manao, oia kekahi o na kanaka pookela loa ma ka honua nei, mawaho ae o kuu mokuakane."

"Alaila me kena mau mea no au e hooiaio mai nei no Reginola, aole anei he wahi aloha ou nona, " wahi a nele make ano hoomaoe.

"Ua nele au i ke ano o ke aloha. a kekahi kaikamahine no ka mea ana i lawe mai ai i kane nana. Ua nele au i ke aloha, e like me ia i loaa ia oe e Nele no Buruka. Na kou mau maka ponoi i hooia mai imua oʻu, ua haawi aku oe i kou puuwai holookoa iaia; in a no hoi pela ke ano o koʻu aloha ia Kauka Noka, he keu aku a ka mea hauoli o ka naau.

"Ua haaheo loa au i ka haawi ana aku iaʻu iho i wahine na Kauka Noka, e hiki ole loa ai i kekahi wahine maikai, ke @ aku i kona aloha iaia me kona puuwai apau, aka noʻu nei la. me he mea la aole ia mea he aloha iloko o kuu puuwai, aka  ua make ia no ka wa mau loa. Me ia nele @ @ o kuu puuwai i ke aloha, on a mea i koe iloko oʻu, o kaʻu ia o haawi aku ai i kaʻu kane.

"Ua nana aku au ia Reginola me na manao haaheo no @ @ @ @ @ @ @ haaheo loa au nona no ka ike ana, he kauka kana iohana, a ua haaheo hoi no kona ike ame akamai; o ka mea oi loa aku, ua haaheo au no ka nui o kona aloha ame kana mau hana maikai iaʻu, oiai au malalo o kona malu."

"Ina e hiki ana ia oe ke haawi aku i kena mau mea apau au i hoakaka mai nei i kau kane i keia wa, alaila aole i loihi ka manawa a kakou e kakali aku ai, e ala hou mai no auanei keia aloha i make iloko ou, a ia wa oe e ike iho ai, aole i makehewa kou haawi ana aku ia oe iho i wahine na kekahi kanaka, e haaheo loa ai ka wahine e mare ana ʻiaia. O kelamanao ou, aole loa he ola i koe iloko o ke aloha o kou puuwai, he manao lalau loa kela, aia no ke aloha ke waiho malie ʻa, e oili mai ana no ia me kona malamalama piha, i hakalia wale no i ke kuni ole ia aku i ke ahi, o ka lalapa ae no ia, a lilo i mea kokua mai i ko olua ola ana aku iloko o ka hauoli palena ole."

"No ka pono wale no o Reginola, ke pule nei au e hoea mai i ka wa e hookoia ai kena wanana au e Nele," wahi a Magureta me ka nui ana iho o kona hanu, he hoailona hoi e hoike aku ana i kona hoaloha, aole he wahi manaoio iki i loko on a, e ike ana oia i ke aloha, elike me kana i aloha aku ai la Noela Kauwila.

Ua kahamahaia nae na kamailio ana mawaena o na lede opio i ka hoea ana mai o Kauka Alika, me Mr. Buruka, a ninau mai la, in a ua pau no hooponopono ana aku maluna o ka moku, oiai ua kokoke e haawiia mai ka hoailona, no ka hoi ana o ka poe ouka o ka aina, nolalo o ka uwapo.

Pii like ae lo lake apau noluna o ka oneki, mahope o ka haawi ana o ke aloha hope, i huli hoi aku ai o Nele Rinafoda me Mr. Buruka nolluna o ka uwapo a hemo mai la no hoi na kaula i hoopaaia ai o ka mokuahi nui i ka uwapo, a hoomaka aku la e holo no ka halihali ana i ka paa mare opio no ka hukaʻi e imi ana i ko laua ola ame ka noho hauoli ana.

He maikai ka moana ma kela huakai a ka mokuahi, a o ka loaa ana mail paha hoi o na ea ano hou, a hui iho me ka pili mau aku o ke kauka opio, ame ka nalohia ana aku o kekahi mau hiona i maa i ka ike ana a kona mau maka, us loli maoli o Magureta, e haiamu mau ana ka hoihoi ame ka lamalama maluna o kona mau maka.

He maikai ka moana ma kela huakai a ka mokuahi, a o ka loaa ana mai paha hoi o na ea ano hou, a hui iho me ka pili mau aku o ke kauka opio, ame ka nalohia ana aku o kekahi mau hiona i maa i ka ike ana a kona mau maka, ua loli maoli o Magureta, e haiamu mau ana ka hoihoi ame ka lamalama maluna o kona mau maka.

Hoko o ka lola o ka moku, aole ia he mea no Magureta e luaʻi ai, elike me ke ano o ka poe akahi a holo i ka moku, aka e holoholo mau ana oia i ka hapanui o kona manawa, me kona kuka kuloka hoopumehana, me kona mau lima hoi i paa i na mikilima pumehana.

No Reginola nae he keu aku a kona pilikia maluna o ka moku, no na la ekolu aole e hiki iaia ke haalele aku i kona rumi, he moe malie wale no ka hana, me ka uuku loa o na meaai e komo aku iloko on a. Iloko o na manawa apau a Magureta e hoea aku ai imua on a, a ninau aku no kona ano, he hookahi no ana apne, he maikai no oia, a e pau koke ae ana no kona pilikia, eia nae, e noho mau aku ana no o Magureta ma ka aoao o ke kane ana i mare ai, a hana aku hoi i na mea apau e hoemiia mai ai ke kulana kupilikii maluna o Reginola.

E hele ana no o  Magureta iluna o ka oneki e holoholo ai, aka o ka hapanui no nae o kona manawa, maloko o ka rumi o kana kane, me kona ae ole aku na ke kuene e hooko mai i na mea e pono ai o reginola, aka na kona mau lima ponoi no, e hana aku, a e hanai aku i kana kane, no ka mea, wahi ana ua kau aku ke koʻikoʻi maluna on a, ma ke ano he wahine mare, e hana mai ai i na mea e pono ai kana kane.

Oiai nae, he kulana nawaliwali ka i kau aku maluna o ke kauka opio, no ka nui o kona luaʻi, ea nae iloko o kona uhane. ua piha loa oia me ka hauoli, no ka ike mai i ka lamalama o na maka o Magureta, ua hele hoi kona mau papalina a lamalama me ke ola hou, e hoi mai la i kona kino.

Ma ka eha nae o na loʻo ka moku ma ka moana, akahi no a hiki ia Reginola ke ala ae iluna, a komo i kona lole. me ke kokua ana aku o na kuene iaia ahiki iluna o ka oneke, ai ka loaa ana mai o na ea huʻihuʻi. hui pu iho no hoi me ka pumehana mai o ka la, ua loaa mai la ka maikai ame kaikaika i kona ino.

Maluna o kekahi noho loihi oia e hiamoe ai, me ka uhiia a @ i kekahi kihei manoanoa a ke nana la oia i kana wahine, me na manao hialaai oiai o Magureta e holoholo ana imua a hope o ka moku, me ka hoohookokoke ana mai iaia i kekahi manawa.

"Akahi no au a ike i ka uʻi maoli o Magureta," i nalu wale ho ai no o Reginola iloko on a, me ka haaheo o kona noonoo no ka loaa ana o kela momi makamae loa iaia.

I ka wa a Magureta e kaalo ae ai ma kahi a Reginola e moe aku ana. e alawa mau mai ana kana nana ana. in a e ike mai @oia i ka nana aku o Reginola, a ke hoi mai a noho ma kona aoao e ninau iho ana, in a he mea kekahi ana i makemake ai na ua o Magureta e hana aku.

He hookahi no pane mau ma ko Reginola aoaoa aole on a pilikia. he oluolu maikai kona noho ana; aka nae i kekalii naalo ana mai a ua o Magureta, akahi no oia a hoomaopopo ke kaawale loa o ke kihei mai ka a-i. Ua wehe ae ua o Magureta i kona mau mikinilima. i kela manawa o ke pine ana aku i ke kihei. a iloko o ka nanea. a no ka hele o ka puuwai o ke kauka opio a piha me na manao makk, no ka mea a Magureta e hana aku nona, honi mai la oia i kekahi lima o Magureta, ua lilo nae ia hana ma kona aoao, i kumu e hoauheeia aku ai ka hoihoi mai ka helehelena aku o Magureta, a kuemi hope mai la ua lede opio nei ihope, me ka hele o kona helehelena a kaumaha.

Ku malie mai la o Magureta me ka hookokoke ole aku ma ka aoao o Reginola, a oiai oia e kome hou ana i kona mau mikinilima, kamailio aku la me ke ano hoihoi ole:

"Ina e ui-ha oe i ka noho ana maluna nei o ka oneki e Reginola, alaila kauoha aku au i kekahi o na kuene e kokua aku ia oe, no ka hoihoi ana iloko o kou rumi." wahi ana me ka huli ana aku hele, me ka kakali ole aku o ka lohe i ka pane ma ka aoaoa o kana kane.

O kela eleu o ka Magureta hele ana, o ka hoihoi hou maluna o kona mau maka, ua auhee aku ia mai iaia ae a nohoalii mai la ka haka-nu ame ke kaumaha, ka mea hoi nana i hookahaha loa mai i ka manao o Reginola, me kona mihi ana iho no ka mea ana i hana aku ai, pehea nae e hiki ai iaia ke alo ae no ka mea na ke aloha iloko o kona puuwai no ka wahine ana i mare aku ai i kono ami iaia e hooko aku ia hana eia ka e lilo ana ia i mea maikai ole ia Magureta.

"Pehea la i lilo ai ka mea aʻu i hana aku ai, ma ka honi ana i ka lima o Magureta i kumu nona e piena ai, ma ka honi ana i ka lima o Magureta i kumu nona e piena ai. no ka mea ua lilo kona mau ano oluolu, kana mau hana kokua no hoi iaʻu iloko o keia wa aʻu e waiho ana i ka maʻi. i mea e hooiia ae ai koʻu aloha iaia? O, akahino maopopo mai la iaʻu ke kumu, o ia no ka hoala hou i a ana mai o na hoomanao ana i loko on a no ka mea a ke kanaka nana oia i kumakaia i hana aku ai maluna ona, in a nae o keia iho la ke kumu oiaio loa, alaila aole au e hoopilikia hou aku ana i kona noonoo."

(Aole i pau.)