Ka Nupepa Kuokoa, Volume LVII, Number 16, 18 April 1919 — E AO KANAKA MAI KAKOU E NA HAWAII [ARTICLE]

E AO KANAKA MAI KAKOU E NA HAWAII

Mamuli o ka make ana o kekahi poe kanaka Hawaii ekolu iloko o ka manawa pokole loa, me ka j.akele mahunehune ana mai o ke ola o ekolu hou ae poe kanaka mawaho o lakou, mai ka make mai, ma o ka inu ana i ke suaipa, i hoohuihuiia me ka alekohola, ua konoia mai keia pepa, e uwalo aku imua o na Hawaii, e paakiki mai nei ma ka inu' ana i ka waiona, e waiho aku i kela hana, a e hoao e paio ku-e aku i ka waiona me ka ikaika, ma na nn«* apau, e kaawale aku ai kela kupuino mai ia (•ukou aku. Ua hoohuihuijia ka alekohola me ke suaipa, mamuli o na manao kuhihewa, i hui pu ia me ka naaue kela poe kanaka, o ka hopena nae i ikeia ua make aku la ekolu o lakou, e lilo ai ko lakou make ana i mea e a'o mai ana i ka poe e paakiki nei.ma keia hina, o ka inu waiona, e waiho aku ia hana; no ka mea ke hanaia mai nei ka waiona o na ano līke ole. e ka poe hakihaki kanawai, e ake nui ana i ko lakou mau pomaikai iho, me na mea apau e ona ai, aia iloko kekahi o ia mau mea hoohuihui he mau iuea <e poino ai, a e make ai ke kino. O keia kekahi o na kumu kupono loa e konoia mai ai kdcahi poe Hawaii e ae, e hoomamao mai ia lakou iho, mai ka lilo ana i poe inu waiona, mawaho ae o; na hoopa-i a ke kanawai; a i paakiki ne eukou ma keia ano hana, ua hewa ole loa ke Kuo koa, ma kā haawi ana aku i na a'o ana, e palekans a: na Hawaii mailoko mai oka poino; a ma na mej hoī i ku i ka pono ame ka pololei.

Ma ka ulia pomaikai wale no i pakele ai ke ola o kekahi kanaka Hawaii, mai ka palahe ana i na huila o ke kaa otomobile, ma ka pule aku la i hala, mamuli mai no o ka inu i ke suaipa a ona, me ka moe ana ma ke alanui; a he nui a lehulehu wale ae, kekahi mau alahele i lilo ai ka waiona i mea hoopoino māi; nolaila e ao kanaka mai i keia inanawa, a e noonoo ma na mea apau e pono i'o ai, i. e pomaikai ai hoi ka noho ana.