Ka Nupepa Kuokoa, Volume LVII, Number 16, 18 April 1919 — HE HAAWINA A'O KUPONO LOA [ARTICLE]

HE HAAWINA A'O KUPONO LOA

Ma kekahi la o ka pule aku nei i hala, i halawai ae ai ia kiakaa otomobile me ka make ma Kipapa, mamuli o ka haule ana o kona kaa otomobile mai ke alanui aku, a ilalo o ke awawa; he haawina a'o kupono loa keia i na kiakaa apau loa, e akahele ka hooholo ana i ko lakou mau kaa, a e makaala hoi ma na wahi apau i hoomaopopo mau ia ka poino. O ka mea maopopo loa, i kulike ai me ka hoakaka a ka Hope Makai Nui Plemmer o Waialua, ua puahia loa ka holo ana o ke kaa otomobile, ma kahi uakee o ke alanui; ina o ka mea oiaio maoli ia, pela iho la no i haule ai kela kaa i ka pali, oiai ua hiki ole ke hoopololeiia ka.holo ana o ke kaa, i ka wa pono, e halawai ole ai me kela ulia poino. i O ke ola o na ohua apau e kau ana maluna o na kaa otomobile, aia no ia iloko o ka lima o na kiakāava no ka hoopakele ana ae i ko lakou mau ola,; pela no hoi ke ola o ke kiakaa, ame ka palekana o kona kaa, he mea nui ka malania ana i ke akahele ame ka makaala. Ua kaa ma ka aoao o na kiakaa apau ke ko'iko'i o ka hoopakele ana mai ka poino mai, ma ka holo ana ma na wahi uakee o na alanui; ina aole pela, aole no e lilo ana ka palulu ana i na aoao o ke aianui a kiekie, i kumu e hoopakeleia ae ai mai ka loaa ana i kekahi mau poino, koe wale no, ka lilo - ana paha o ia mau palulu, i.mea hoopakele ae i ke ola; oiai nae aole.no he poino e loaa ana, ke malania maū ia na alahele kupono a palekana i na wa ' apau. Ua hoea mai nei kekahi o na luna oihana kiekie 0 Wakinekona, eia oia i Honolulu nei me kona mau hoa, no ka nana ana i ka Paka o Kilauea ma Hilo, Hawaii. Me ke kanalua ole ke olelo ae, e lilo ana ka lioea ana mai nei o keia luna oihana, 1 kuleana i na paka lahui apau, i mea nana e kokua hui aku i ka hooholoia mai o kekahi haawina dala mahuahua, no ka hoolilo ana aku i kela paka, o ia kekahi o na paka nani ma keia mua aku, e kono mau ia ai na malihini makaikai honua, pela hoi me na kamaaina, e hele malaila e makaikai ai. Ua hoea hou mai i ka wa i koiia mai ai kakou l e haawi aku i ka kakou mau kokua i ke aupuni o i Amerika, ma ke kuai ana i na bona aie, e hoomaka ■ ana ma ka la apopo, a oiai ua hooko mau aku o Ha- > waii nei, a oi aku mamua o kona mahele i kela • ame keia manawa, ma ke kuai ana i n& bona aie, i na ia kumu hoohalike auanei, e haawi mai ia kakou i i na manaolana, ua makaukau mau o Hawai? uuku e hooko aku i na hana apau i ku i ke kokua i'o.