Ka Nupepa Kuokoa, Volume LVII, Number 20, 16 May 1919 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

ka hale puhiohe ame keena hoahu ukana iloko o ke kahua o ke Kapitala, ma Honolulu.

            Pauku 2. O ka haawina i oleloia e lilo no malalo o ke keena o na hana aupuni, a o ka uku ana no na mea apau no ia mea mai keia haawina ae ma keia Kanawei e hooliloia mamuli o na palapala kikoo dala i hoopukaia e ka lunahooia o ke Teritore i hookahua ia maluna o na bila aie i aponoia e ka lunanui o na hana aupuni.

            Pauku 3. E mana keia Kanawai i kona aponoia ana. Aponoia i keia la 11 o Aperila, A.D. 1919. C.J. McCarthy, Kiaaina o ke Teritore o Hawaii. Kanawai 70. {B.S. Helu 69.} He Kanawai e Hoololi Ana I ke Kanawai 20 o na Kanawai o ke Kau o 1917, e Pili Ana i ka Pea o ke Teritore. E Hooholoia e ka Ahaolelo o ke Teritore o Hawaii:

            Pauku 1. O ka Pauku 1 o ke Kanawai 20 o na Kanawai o ke Kau o 1917 ma keia ke hoololiia nei i heluhelu ai penei: "Pauku 1. Ma keia ke hookaawaleia nei mai na loaa ae o ka lehulehu ka heluna o iwakalua-kumamalima tausani dala no ka uku ana i na hoolilo o na hana hoikeike mikanika, na holoholona ola, na mea mahi, ame na mea ulu e malamaia ana maloko o ke Kulanakauhale ame Kalana o Honolulu, elike me ia e hoakakaia aku ana mahope nei, a o ua heluna dala la e hookaawale ia iloko o ka waihona puuku o ke Teritore i waihona kuikawa no ia mau hana, a o na dala apau e hukiia ana maliloko mai o ia wailona e hoihoi hou ia aku no, a i ole, uku hou ia aku iloko o ka waihona elike me ka nui e hiki ana, mailoko ae o na loaa e ohiia aku ana malalo o na hoakaka a keia Kanawai."

            Pauku 2. E mana keia Kanawai i kona aponoia ana. Aponoia i keia la 12 o Aperila, A.D. 1919. C.J. McCarthy, Kiaaina o ke Teritore o Hawaii. Kanawai 71. {B.S. Helu 139.} He Kanawai e Hoopau Ana i na Pauku 264 ame 265 o na Kanawai i Hooponoponoia o Hawaii, 1915, e Pili Ana i ke Keena Hoonaauao o ka Lehulehu. E Hooholoia e ka Ahaolelo o ke Teritore o Hawaii:

            Pauku 1. O na Pauku 264 ame 265 o na Kanawai i Hooponoponoia o Hawaii, 1915, e pili ana i ka hookohu ana ame na hana a ka luna nananui malalo o ke keena hoonaauao o ka lehulehu ma keia ke hoopauia nei. Pauku 2. E mana keia Kanawai mai a mahope aku o ka la o kona aponoia ana. Aponoia i keia la 12 o Aperila, A.D. 1919. C.J. McCarthy, Kiaaina o ke Teritore o Hawaii.

            He Hoalohaloha No Mrs. Lydia Kaahaaina. I @e kana ia aloha nui ia Mr. Sol. B. Kaahaaina ame na keiki pu, ka makuahine, na kaikuaana, na kaiku@ ame ka ohana apau, Luuluu w@. Ke hoi nei iluna e, A pau no ko'u auwana, Maauei luuluu, a luhi pu, Ma o no nae ka maha, Ma o, ma o, ma o, no nae ka maha, Ma o, ma o, ma o, no nae ka maha, Ma ka la 15, Feb. 1919, ua pahola a@ la ka lono me ka hikiwawe loa, @ke me ka mana hoohana o ka uwila, e hoolele ana i kona malamalama ma na paia o ka laui a hala loa aku i na welau o ka honua, pela ka hikiwawe o ka lono, me ka kaumaha, o Mrs. Lydia Kaahaaiana. ua hala i ke ala hoi ole mai.

            Ua moku ke kaula dala,

            Ua naha ke kiahu gula,

            Ua naha ka pakeke ma ka punawai,

            Ua naha ke kaa ma ka luawai.

            A no ka mea, hele ke kanaka i kona wahi mau, a o ka uhane, e hoi no ia i ke Akua, i ka mea nana i hooloaa @i.

            O Mrs. Lydia Kaahaaina, ua hanaula ola ma Kahului, Kona, Akau, Hawaii. he hoahanau no ka Ekalesia o Kailua. Hawaii, hoonaauaoia ma ke @la kaikamahine o Kawaiahao. Noho i ka ola o Waianae i ka makahiki 1901.Ma@e i ke keiki nona ka makani kaulana he Kaiaulu, ka makani wehe lau@l@ o Pokai, i ka malama o Aug., 1903, o ka piha ana no hoi ia o na makahiki @ @ o kona noho mare ana me kana @, ahiki iho la i ka hookoia ana o ka olelo a ka Palapala Hemolele, he @ahu ko kakou ole ana, a nalo iho la.

            O Mrs. Lydia Kaahaaiana, he kulana maikai iloko o ka aina, he makuahine @pono, he wahine na ke kane hoo@ he puuwai hamama maopopo; hoo@la mai ka Ekalesia mai o Kailua, Hawaii, a lilo i hoahanau no ka Ekalesia o Waianae, he elua makahiki in a @ kulana Peresedena no ke C. E. o Waianae, he lala Kula Sabati no hoi, he lima akau no na hana a ke Akua ma ke kihapai o Waianae. He mea @i laia kaua kane ame na keiki, ka @e@ poina ole o na la opiopio, a me na ho@paahana iloko o na hana a ke Akua.

            Ua piha no iaia na makahiki he 37 @ kona hanu aua i na ea oluolu o keia ola ana, a hele aku la i ke ala o na mea apau, a waiho iho la i ka ukana luuluu, na ke kane ame na keiki e haawi i keia ukana me ka mokumokuahua o ka naau, a me na hoapaahana pu. WALOHIA WALEI

            Nolaila, ua ili iho la maluna ou e ke kane i hooneleia i ka wahine, na keiki i ka makuahine, na kaikuaana i ke kaikaina ole, ame ka ohana apau, na haawina luuluu, ame ke kaumaha.

            Nolaila, e hooholoia, o makou o na Luna o ka Ekalesia ame na hoahanau na Lunanui o ke Kula Sabati, ame kona mau lala, na Lunanui o ke C.E. ame kona mau lala, o ko makou mau komite la, ke komo pu aku nei makou me oe e auamo pu i na ohaeha, na luuluu, ame na kaumaha i kau iho maluna ou.

            Nolaila, e hooholo hou ia, ke pule nei makou, e hoomama mai kou mau kaumaha, no kou hoapili i hele aku ma ke ala o na mea apau.

            Nolaila, e hooholo hou is, e hoounaia ia hookahi kope o keia hoalohaloha i ka nupepa Kuokoa, i hookahi kope i ka nupepa Ke Alakai o Hawaii.

            Na Iehova no i haawai mai, a Nana no i lawe aku. E hoomaikaiia ka inoa o Iehova.

                        O makou iho no na komite;

                        REV. S. W. KEKUEWA,

                        SAMUEL MAPU,

                        M.K. LELEO,

                        MRS. S. W. KEKUEWA,

                        MRS. A. KEAWEKANE,

HOOLAHA KUAI O KA APANA AINA AUPUNI

            Ma ka hora 12 awakea o ka Poakahi, Iune 16, 1919, ma kapuka komo mamua o ka Hole Hookolokolo, Lahaina, Maui, malaila e kuaiia aku ai ma ke kudala akea, na apana aina aupuni i hoakakaia malalo iho nei, he hapa-mahele o ka Aina o Kaunuohua, Lahaina, Maui.

            (1) Apana Helu 2, nona ka iliaina o 7248 kapuai kuea, oi aku a emi mai paha; kumukaui haahaa, $725.

            (2) Apana Helu 3, nona ka iliaina o 7248 kapuai kuea, oi aku a emi mai paha, kumukuai haahaa, $725.

            (3) Apana Helu 4, nona ka iliaina o 6929 kapuai kuea, oi aku a emi mai paha, kumukuai haahaa, $693.

Kumu aelike, ma ke dala kuike..

No na kii palapala aina ame na hoakaka aku i koe, e noi ae ma ke keena o ka Hope Akena, Mr. W. O. Aiken, Paia, Maui, a i ole, ma ke keena o ke Komisina o na Aina Aupuni, Hale Kapitala, Honolulu, T.H.

            C.T. BAILEY,

            Komisina o na Aina Aupuni.

            Hanaia ma Honolulu, Mei 9, 1919.

6348--Mei 16; Iune 13.

            I ka Nupepa Kuokoa ame ka Luna hooponopono o kou mau kolaniu, Aloha oe:--E oluolu hoi e hookomo iho i keia poomanao e kau ae la maluna no ka makou mea aloha i hala, Mrs. Sarah McAngus, i haalele mai i keia ola ana i ka la 22 o Maraki, 1919.

            Ia oe e ke kane, Mr. Alexander McAngus, ka mea i hooneleia i kau mea aloha he wahine, ka hoapili, ka hoa noho, ka hoahele o kela wahi keia wahi, ame ke keiki i hooneleia i ka makuahine, Alexander Mahaulu McAngus, ame ka makua kane, Mr. Kaina, i hoomeleia i kau lei aloha he kaikamahine na kaikuaana, ke kaikuane ame ka ohana no apau.

            O makau o na lala o ka Ahahui Manawale'a o na Wahine Imipono Kristiano o ka Ekalesia o Waialua, ma o ko makou mau komite la, ke konio pu aku nei makou me oukou iloko o ko oukou mau kauinaha, oiai o ka oukou mea aloha i hala aku la, Mrs. Sarah McAngus, oia kekahi o ko makou lala ikaika i loko o ko makou ahahui ma na hana tabalo, no ka imi ana i na pono ame na pomaikai o ko makou ahahui, a ke o nei ua inoa la o ka pono i imi ia. Kaonohionakai Hall, ka luhi a kakou i hooikaika like ai, a eia oia ke ku nei ha makia hoomanao no kaou apau na lala o ka ahahui.

            Aole e hehi hou ana kona mau kapuai wawae ma kou mau papahele, aole hoi oia e kilohi hou i kou mau paia. E ka wai kaulana o Anahulu a Haleiwa e ku kilakila nei, aole oia i kilohi hou i ko olua nani. E lokoea ame Uko'a e, aole oia e maalo hou ae ma ko olua mau makaha. E ke one wali o Maeaea, me ka ehukai o Puaena, aole e hoopulu hou ana ko olua mau hunakai ma kona mau papalina. E ke kula loa o Lauhulu, me na liko lehua o Waoala i ko olua mau nani. E ka wai kaulana o ka Waipuolo, aole oia e inu hou i kou wai hu'ihu'i E Halemano i ka ulu lehua, me na palai  hunehune o ia uka, aole oia e ohuohu hou ana ia oe.

            E Kaala kau mai iluna, me na kiowai a ke kehau, e hoopulu ana i ke kula o Maunauna, ke nana iho i ke kula o Kunia, ka home a ke kino i noho ai, a waiho iho la i ke kino puanuanu na ke kane, ke keiki ame ka ohana no apau e hoomanao aku ma keia ola honua ana. N@laila, ke noi ae nei makou i ka Makualani nana e hoomama ae i ko oukou mau kaumaha me kakou like no apau ma ia haawina. Nolaila, e hooholo ia, i hookahi kope i ke Kuokoa, a i hookahi kope  i ke kane mare, Alexander McAgnus.

            O makou iho no ua komite,

                        Mrs. Lizzie K. Awai,

                        Mrs. Maryann Plemer,

                        Mrs. Julia Achiu.

He Hoomanao Aloha No Mrs. James Kula.

            Mr. Lunahooponopono, Aloha oe:--E oluolu hoi oe e hookonio aku i neia wahi puolo kaumaha a luuluu no ko makou hoa pili aloha a hoaloha hana hooikaika Kristiano o ka papa a P. C. Jones, aole o ia papa wale, aka o kana mau hana Kristiano no ma ua wahi apau.

            O Mrs. James Kula, he wahine maikai, oluolu, heahea, naau haahaa, hoomanawanui i ke kokua i ka poe pilikia, hoomanawanui ma na hana Kristiano, na la a maua e hele komo hale ana ma Kakako, hiki i Kalihi, e hana pu ana i na hana haipule iwaena o na Hawaii, me kau moopuna, V. Heart; mea ole ka la, ka ua, ka makani, i ka aloaloia e makou i nei mea he komo hale, me ka hana a ke Akua pu.

            He mea ia na'u e poina ole ai iaia; aloha no!

            E Kaupakapili e, ua pau kou lohe hou ana i kona leo mele; e Kawaihao hoi, ua pau no kou lohe hou ana i kona leo mele, a ike hoi i kona helehelena oluolu, aole hoi i kona holoholo, etc,; aloha no!

            E Kakaako âme Kalihi hoi, aole oukou e ike, a lohe hou i kona mau kapuai wawae e nakeke ana; ua pau, ua nalowale. Aloha ino!

            E ka Home Maluhia, ua pau ko oukou ike hou ana iaia e maaloalo ana imua o oukou; e huli wale oukou iaia ma na paia o kona hale aole ia, ua huna na maka i ke aouli. Ua pau kona a'o himeni ana ia oukou, e kana poe hoi aku oia me kona Makua ma ka lani e hoopau ai i kana misiona.

            Ia oe i kana kane aloha, Mr. James Kula, ano ua noho ia e oe me kau wahine iloko o ka apo o ke aloha pau ole; ua pau kou ike hou ana i kau mea aloha he wahine, ua wehe mai la oia i ke kaula gula o ka maemae o ka nohona mare ana; ua mae kona nani maemae i puia e ka onaona, aole ke ala kupaea au i honi mau ai. Hana mao ole oloko i ke aloha me ka minamina; ke hii la oe a hoopili ma kou poli mehameha, me ka manaolana mau, e pine mau i kou umauma, huli iho oe aole ko pua ko lei nani, aohe ma kou poli, i moani aala mau ai. Imi ae oe ma kou wahi moe, me ka puuwai luuluu, ua hoi me ka wahine kihene pua ouka. Pau ole kou hiaai i ke aloha me ka minimina, i kau pua i mohala a mae koke iho no; aloha me ka minamina pau ole no!

            Nolaila, ke noi nei au ka Makualani e lawe aku i na luuluu, a kaumaha mai kana kane aku, ohana a hoaloha, a naua e hoomaha mai ia kakou apau.

            Ia oe ke aloha pau o'e i na keiki pa'i nupepa o ka Lahui Hawaii.

                        Owau iho no me ke aloha,

                                    Mrs. Annie M. Kennedy.

Hoole O Hatai I Kona Hewa.

            Ma ke kakahiaka Poaono aku la i hala i laweia ae ai o G. Hatai mamua o ka Lunakanawai C. S. Franklin no ka hoolohe ana i kana pane no ka pili a pili ole paha o ka hewa pepehikanaka iaia ma ke degere ekahi. Ua hoole oia i ka pili o ka hewa iaia, a ua koho mai ka aha ia Jas. M. Monsarrat i kokua nona no ke kupale ana i koua hihia.

            O Hatai, ma ka oleloia, oia ka mea nana i ki aku i kekahi Korea a make a holo aku e pee no kekahi mau la lehualehua, aohe nae i lilo kona holopee ana i mea e nalo ai, ua huliia aku oia e na makai a loaa a laweia ae i ka halepaahao e hoopaa ai. O kona hihia ke kahi i hoopaaia ma ka papa kuhikuhi o na hihia o ka aha kaapuni no keia kau.

            Ua loaa ka hoomaopopoia e hoopukaia aku ana ua aelike i makaukau na halehana mokuea in a nei no ke ala mai o kekahi hana nui ma kekalii manawa ma nei mua aku.

Luuluu Wale I Ke One O Luhi

            Mr. Solomou Hauohano, Lunahooponopono o ka Hiwahiwa a ka Lahui, Aloha kauai:---E oluolu mai kou ahonui i kekahi wahi kaawale o ka kaua "Kilohana" no ka'u wahi ukana makamae o ke aloha pau ole , i ike mai ai hoi ka ohana, na makamaka, na hoaloha ame na kini o maua me kuu leia-i poina ole, Master Inui Kukalaiahiku, Jr., mai ka lae o Kumukahi a ka welona a ka la i Lehua.

            Ua hala uku no ka wa mau loa no kela ao, kuulei a-i poina ole, he keiki mamuli o kekahi ulia ma'uwale o ka manawa ma @ona poholo ana i loko o ke kai oiai oia @ auau ana me kona mau hoa ma ka Uwapo Helu 7 o ke Aupuni Amerika, makai pono ae o ka halehauahao o ka Honolulu Iron Works.

            Ua haalele mai kuu lei a-i ia'u ma ka Poakahi elua o ka mahina o Aperila, la 14.

            Ua hanauia oia ma Naalehu, Kau, Hawaii,  mai ko'u puhaka aku, ma ka la 4 o Novemaka, 1902, nolaila, ua piha iaia na makahiki he 16 me 4 malama.

            He oluolu me ka lokomaikai kona ano maamau, he mea nui maua na makua iaia, a pela no h@i me ka ohana apau, ua haalele iho oia ia maua kona mau makua, ua kupuna, kona mau pokii ame kona kaikuahine hookahi ana i aloha nui ai.

            Ua hoomoeia aku kona kino lepo ma ka ilina Katolika ma Koula malalo o na lawelawe ma@nu ana a M. E. Silva, a pela i hooko ia ai ka ka Buke Nui, wahi a Ioba o ka mea i hanauia e ka wahine he nui kona mau popilikia, a he pokole hoi kona mau la, nana no i haawi mai a Nana no i lawe aku, e hooinaikai nui ia Kona inoa.

            Ke haawi aku nei au ame ka ohana apau i ko makou hoomaikai nui me ka poina ole i na makamaka ame na hoaloha o makou o Kakaako ame Kewalo, i ke kuilima pu ana mai hoi me makou, i ko makou manawa o ke kaumaha ame na kokua pua no hoi he nui mai ia oukou mai, a ke noi aenei ka leo o ka makou pule i ko makou Makua lani, Nana no e ninini mai i na pomaikai a lawa a hu no oukou.

                        O makou iho no me ka luuluu,

                                    Mr. & Mrs. E. Kaulia,

                                    Mr. & Mrs. S. Kaulia, Jr.,

                                    Mr. & Mrs. S. Kaulia, Sr.,

                                    Robt. H. Kaonoiuokalani.

                        Kewalo, Honolulu.

Waeia Na Inoa No Ke Aponoia Mai E Ke Senate

            Ua hoounaia ae i ka aha senate ma ka auwina la o ka Poakolu iho nei na inoa o na konisina elima i hooholoia ai e ka ahaollo @a lakou ka hooponopono ana i na hana @o ka hoomanao ana i ka la i piha ai ka haneri makahiki mai ka la hanau mua mai o Kamehameha e ke Kiaaina McCarthy.

            O na inoa i waihoia ai: Ka Elele Kalanianaole, Major James D. Dougherty, Mrs. Alice K. Macfarlane, Mrs. Lahilahi Webb ame Rev. W. B. Westervelt.

            He kanawai e hookaawale ana i $10,000 no na hoolilo o na hana hoomanao no ka piha ana o ka haneri makahiki ka ka ahaolelo o ka hooholo mua ana.

Na Hanau

            Na D. F. Stone ame Eva P. Cartwright, he keikikaue, Mei 1.

            Na Chas. B. Lemon ame Emma Lindsay, he kaikamahine, Mei 3.

            Parker A. Cummings, ma ka Halema'i Moiwahine, Mei 3.

            James A. Kanamu, ma ka Halema'i Moiwahine, Mei 4.

            Peter K. Makiki, ma ka Halema'i Moiwahine, Mei 4.

Na Make

            David K. Keliikuli, ma ke Alanui Kamehameha IV, Mei 2.

            @e bebe na Charles B. Lemon, ma ka Halema'i Moiwahine, Mei 2.

            Mrs. Emma Lindsey Lemon, ma ka Halema'i Moiwahine, Mei 3.

            Lucy K. Mahoe, ma ke Alanui Pua, Mei 3.

Na Mare

            Llewellyn N. Tay ia Elizabeth P. Wilcott, Apr. 28.

            Hans F. Kiedel ia Elizabeth L. Akana, Apr. 30.

            Daniel Kikalea ia Mary Uhalu, Apr. 28.

            Manuel Lopex ia Becky Kahananui, Mei 1.

            Ahuna Anaho ia Hattie Lincoln, Mei 3.

            Robert Hobron ia Kuehu Kauhane, Mei 5.

            John F. Kua ia Emily Keala, Mei 5.

            WAKINEKONA, May. 5.---O na hana hoopilikia a na kanaka Mekiko ma ka hapa Akau o Mekiko ke hele loa aku la i ka ha@ana, elike me ka lono i loaa mai i ke keena aupuni. He ekolu kaukani mau kanaka hana a ka Hui Eli lanahu Amerika i hookaawaleia mai Chihuahua mai mamuli o na hana hooweliweli a Villa e hoopoino mai i na kanaka, ua loaa mai ka lono i ke keena aupuni @o ia mea.

Hoolaha Holo Moho

I na halu Makaainana, Kuleana Koho Baloka o Maui, Molokai ame Lanai.

            Ma keia, ke kukala aku nei au i ko'u kulana holo moho Lunakiai no ke Kalaua o Maui, ma ka aoao kalaiaina Demokarata: aole au he malihini ma keia hana, oiai ua hoohanohanoia au ma keia kulana mai ka Apana Koho mai o Wailuku i ka makahiki 1910.

            Ke nouoi haahaa aku nei au i na kakoo hou ana no'u, ma ke koho wae moho iloko o Mei 17, 1919, e hiki mai ana, a no ka mea, ke hoomaopopo mai nei ke Kanawai: "O ka moho e loaa ana ka huina hapanui o na haloka i kohoia i keia koho wae moho ana, ua lilo iho la oia he moho i lanakila:" aole koho hou ana aku i ka mahina o Iune.

            Nolaila, k nonoi haahaa nei au i ka poe kuleana koho baloka apau, e koho ia'u i moho me ka lokahi, i ka mahina o Mei e hiki mai a@a.

                        Ka oukou kauwa haahaa,

                                    T. Ben Lyons.

            Wailuku, Maui, T.H., Apr. 28, 1919. 6346--Mei 2, 9, 16.

Ka Baloka No Ke Koho Baloka Wae Moho, Poaono, Mei 17, 1919, Na Apana Koho Lunamakaainana Eha Me Elima.

            To vote for a person make a X with a black lead pencil in the space opposite his name to the right of the blank black line.

            No ke kohoau a i kekahi mea, e kaha i X (kaha pea) me ka penikala eleele ma ke kowa ma'o aku o kona mea ma ka aoao akau o laina eleele.

City And County Officers

City And County Of Honolulu

National Republican                                                   National Democratic

Mayor

For The Term Of Four And One Half Years Beginning July 1, 1919.

Vote For One Only--Koho No Hookahi

            Ahia, William

            Cohen, Joel C.

                        (Koene)

            Crabbe, Clarence L.

                        (Papai)

            Duncan, Rudolph M.

                        (Lulopa M. Tasana)

            Lane, John C.

                        (Keoni (I) Leina)

            Fern, Joseph J.

                        (Keo Pana)

Supervisors

For The Term Of Four And One Half Years Beginning July 1, 1919.

Vote For Seven Only--Koho No Ehiku

            Achi, William C.

            Arnold, Charles N.

                        (Kale Anala)

            Clark, Albion F.

                        (Kalaka)

            Colburn III, John F.

                        (Kolopana Opio)

            Enos, J. B.

                        (Keoni Enoka)

            Fernandez, Nagaran

                        (Niakala)

            Fogarty, Edward P.

                        (Menehune)

            Henry, William

                        (Hanale)

            Hocking, A.

                        (Hokini)

            Hollinger, Ben

                        (Beni Holokini)

            Holt, James L.

                        (Kimo Holo Opio)

            Horner, Robert

                        (Ropaka Hona)

            Kahanamoku, Duke P.

            Ka-Ne, Louis K.

            Kruger, Frank J.

                        (Hanawaki)

            Lake, Chas.

                        (Kale Laika)

            Logan, Daniel

                        (Lokana)

            Long, Carlos A.

            Low, Eben P.

                        (Epena Low)

            Luiz, Joseph

                        (Keo Lui)

            Macy, George W.

                        (Keoki Meke)

            Magoon, Alfred K.

                        (Ale Makuna)

            Makekau, Manase K.

            Manu, Sam

            McGregor, Daniel Pa

                        (Kaniela)

            Paikuli, William E.

            Richards, Manuel K.

                        (Likeke)

            Schwarzberg, E. L.

            Seto, Anthony Y.

            Soares, O. P.

            Whitcomb, Harry

                        (Hale Kaukau)

            Woolley, Frank

                        (Palani Wule)

            Wright, Benjamin J.

                        (Beni Laika)

            Ahuna, Robert

            Benevedes, Frank C.

                        (Palakiko)

            Gay, E. G. (Sonny)

                        (Kanake)

            Kalana, Joseph

            Keawehaku G. K.

                        (Gabriel)

            Kumalae, Jonah

            Macfarlane, Clarence W.

                        (Kalalena Makapolena)

            Makia, John

            McClellan, William H.

                        (Makalelana)

            Pacheco, M. C.

                        (Kahunanui)

            Petrie, Lester

                        (Pikale Lanakila)

            Robertson, Archie

                        (Ake Lopikana)

            Sheldon, WM. Jarrett

                        (Kelekona)

            Uluihi, Jesse

            Wolter, Edward H. F.

                        (Walaka)

Sheriff

For The Term Of Four And One-Half Years Beginning July 1, 1919.

Vote For One Only--Koho No Hookahi

            Cox, Oscar P.

                        (Pihanui)

            Olsen, Manuel

                        (Manuwela Olekini)

            Rose, Charles H.

                        (Kale Loke)

City And County Clerk

For The Term Of Four And One-Half Years Beginning July 1, 1919.

Vote For One Only--Koho No Hookahi

            Cunha, Albert R. "Sonny"

                        (Pu'i-Pu'i)

            Kalauokalani, David

            Van Gieson, Henry

                        (Hanale)

            Woodward, Edward

                        (Eddie)

            Holt, Christopher K.

                        (Kaliko Holo)

            Roberts, Claus L.

                        (Lupua)

Auditor

For The Term Of Four And One-Half Years Beginning July 1, 1919.

Vote For One Only--Koho No Hookahi

            Bicknell, James

                        (Kimo Pikanele)

            Blom, A.

                        (A. Blama)

Treasurer

For The Term Of Four And One-Half Years Beginning July 1, 1919.

Vote For One Only--Koho No Hookahi

            Conkling, David Lloyd

                        (Haole Poupou)

            Milton, Jack

                        (Milimili)

            Pahu, Daniel S.K.

City And County Attorney

For The Term Of Four And One-Half Years Beginning July 1, 1919.

Vote For One Only--Koho No Hookahi

            Brown, Arthur M.

                        (Balaunu)

            Ashford, Clarence W.

                        (Akepoka)

            Heen, William H.

O ke kope o ka baloka maluna ae ke waihoia aku nei no ka hoonaauao e ana i na mana koho no ke koho ana i na moho ma ke Koho Baloka Wae Moho, ma keia Poaono, Mei 17, 1919, me ke aloha o D. L. Conkling, ka moho Repubalika no ke kulana oihana Puukku Kulanakauhale.