Ka Nupepa Kuokoa, Volume LVII, Number 22, 30 May 1919 — HE HANA NUI NA KA MANA KOHO E NOONOO AI [ARTICLE]

HE HANA NUI NA KA MANA KOHO E NOONOO AI

A«<e he ninau ko'iko'i e ae, na ka mana koho oaioka e noonoo ai iloko o keia mau la, mamua o ka h-ea ana mai i ke koho haloka o lune 3 ae nei, < like la me ka ninau no na kanaka kupono, i mau mna oihana no ke Kulanakauhale a Kalana o Honolulu nei. JS®_JI

Hc eha makahiki okoa mc ka hapa, e ku aku ai ke aupuni kulanakauhale malalo o ka hookele ana ana luna oihana hou. O ka nmau, e lilo ana anei ia mau makahiki, he mau makahiki no ka holomua', a i ole he mau niakahiki no ke ku malie ana o ke aupuni i kahi hookahi, a emi hope paha. No keia mea ano nui, e konoia ka mea i loaa iaia l?e kuleana koho haloka, e ku a noonoo me ke akahele, ina ua makee oia e ike aku i na kanaka kupono, na kanaka makaukau, a hoopono, iloko o kō iakou mau lima, e waihoia aku ai ka hookele ana i ko kakou aupuni kulanakauhale, a i ole, e 'nana wale ana 110 paha oia, i na moho o kona aoao kalaiaina iho, me ke kaupaona ole ia lakou, ma ke ana o ke kupono. E noonoo ka mea koho haloka, aia iloko o ka Meia, he mana, e konoia ai kela ame keia keena oihana, e makaala i kana mau hana iho. Aia maluna o keia luna oihana ke ko'ikq'i nui, o ka waiho ana mai i kekahi papahana no ka makaala pono ia o na hana o na keena oihana, ma ke aiahele e holomua ai. I 0 ka meia ke poo o ke aupuni kulanakauhale, j oia ka lunahoomalu o ka papa o na lunakiai, he mana kona e waiho mai ai i kana papahana, a e hookikina mai ai i ka papa e hooko aku, malalo o n kumu kupono loa, no ka hookoia aku o ia papahana, o keia kekahi o na alahele, e ukaliia ai ke eiupuni e ka holomua, a e makaala pono ia ai na hana o ka lehuliehu. He anuu keia no ka hapai ana ae i ka hookele aupuni kulanakauhale, mai kona kulana e ku nei i keia manawa. 1 wahi e loaa i'o ai keia hopena, e noonoo ka mana koho baloka, i kanaka kupono ma keia kulana. i kanaka akea o kona noonoo, i kanaka me ka makaukau mau i kela ame keia manawa, e hookomo mai i na manao ano hou, e kikoo ana iloko o na hookele aupuni holomua ana apau, elike me ia e lawelaweia mai nei, ma kekahi mau kulanakauhale ma Amerika. E hoomanao e ka mea koho baloka, he eha makahiki okoa me ka hapa a kakou e kakali aku ai, inamua o ka hoea hou ana mai he kau koho baloka o keia ano, nolaila, aole keia he mea liilii, aka he mea ano nui loa, i pili loa aku i ka pono o kela ame keia makaainana, a i ka pono hoi o ka poe hookaa auhau o keia kulanakauhale.

Haule mai hoi i ka papa o na lunakiai, o keia kahi o na hoponopono kanawai apau, no ka pono o ke aupuni kulanakauhale, maanei nei na noonoo pili dala apau ; nolaila o na hoa o keia papa, he poe lakou i loaa ka naauao me ka makaukau, no na hana nui a kela papa, oiai he komite wale no kela ame keia hoa, e makaala poho ana i na mahele hana likei ele i pili aku i ka holomua o ke kulanakauhale. E hoomanao e ka mea mana koho baloka, o ka meia ame ka papa lunakiai, o ka puku'i iho la ia o ka huila e niniu ai ke aupuni kulanakauhale, a o ka loio kalana, ke kakauolelo kalana, ka lunahooia, ka puuku ame ka makai nui, o na kukuna iho la ia o ka huila, aia wale no a loaa ka hooku'i pono ana ona kukuna i ka puku'i, e kakaa auanei ka huila o ka hookele aupuni me ka holopono; nolaila he ninau nui keia nau e ka mana koho, e noonoo ai me ke akahele loa, ma ka wae ana ae, ame ke koho ana aku, i ka poe i kupono no keia mau kulana oihana lehulehu o ko kakou aupuni kulanakauhale. E hoomanao, aia ma kahi o ka umi-kumamakolu miliona dala a oi, e kaa aku ana malalo o ka hoo- [ hana ana. a ka poe a kakou e hoonoho aku ana ma | na oihana o ke kulanakauhale, aole keia he huina ; uuku. a kakou e manao iho ai, he pono aku no i | ke koho, i ka poe e puka aku ana, me ke kaupaona mua ole i ko lakou mau ano kupono apau; aole loa ia he pololei, aka e koho me na manao kui'o, aia iioko o ka poe e noho aku ana ma ke poo o ke aupuni, a iloko hoi o ka papa o na lunakiai, na kanaka i hilinaiia, ua lawa ko lakou makaukau, ko lakou ike ame ko lakou manao makee no ka holomua o ke aupuni, a no ka«pomaikai o kona mau īnakaainana. Elike me ko kakou makee i kanaka kupono ma ke poo o ke aupuni kulanakauhale, a iloko o ka papa o na lunakiai, pela no ia makee hookahi, e loaa na kanaka kupono a makaukau ma na keena eihana e ae. O oe e ka mea mana koho baloka ame ka mea uku auhau ke kuleana nui e kaana ai i keia ninau nue ke akahele iloko o keia mau la; e hoala mai i keia noonoo ame keia hooholo ana, iloko o na kanaka a oukou i hilinai aku ai, i makee i ko oukou pono, na kanaka e hoohana pono ana i na dala o ka lehulehu, me ke kuhikuhi maopopo mai, i kahi 1 hooliloia aku ai, ame ke ano o ka hooliloia ana, oka oukou poe ia e koho aku ai. Aole keia he wa no ka hoopilimeaai ,aole he wa, no ke koho ana ma ke ano ieaiea wale no ; e hoomanao, he eha makahiki me ka hapa ka loihi o ka manawa au e hoonoho aku ai i na kanaka, na lakou e hoohana mai i ke aupuni, a hoea mai.i ka la 3 ae nei o lune, e lilo kela ame keia mea mana kolio balpka, i mea kokua mai, ma ka hoolilo ana aku i ke aupuni Kur lanakauhale a Kalana o Honolulu nei, i aupuni holomua, i aupuni e loaa ai na manao mahalo a uā makaainana, o ke alahele wale no e hoea mai ai keia.hopena, o ia ke koho ana i ka poe kupono.