Ka Nupepa Kuokoa, Volume LVII, Number 22, 30 May 1919 — HE HOOMAIKAI [ARTICLE]

HE HOOMAIKAI

! Mr. Solomon Hanohano, ka lunahoo- | ponopono o ka Hiwahiwa a ka Lahui, Welina pu kaua: —E oluolu mai hoi kou ahonui, no'u ke kauwalii kaawalo o ka Hiwahiwa a kaua, i ike mai ai o'u mau hoa makaainana huiia apuni kc kalana o Hawaii nei; no ka'u mau hoomaikai huiia ia oukou apau loa, ame a'u pu nei ia haawina hookahi. No ka hauoli ame ke ola hou i loaa ia kakou apau, no kii kakou moho aloha, Samuel Kauhane, ka moho lunakiai holopuni o 'ke Kalana o Hawaii nei ka mea a kakou apau i manaolana ole ai. Oiai ka ua ame ka makahi e hakoko ana iloko o na aouli o ka lewa i ka la, 17 o keia mahina i kaahope ae la, aka aole pela kana i manao ai. No ka mea he okoa ka mahele o ko ke kanaka ola ana, a he okoa hoi kana mau hooponopono nna. E hooniaikaiia kona inoa i ka lani iluna amo k» keia honua, ka mea nana i kaana mai i ke aloha iwaena o na mana koho, apuni ke kalana o Hawaii nei, no ka hapai hou ana aku i ka inoa maemae o Sam Kauhane, i moho lunakiai holopuni no na kalana huiia o Hawaii, ko kulana hoi ana i paa ai me ka maemae iloko o keia mau makahiki i kaahope ae nei. Aole i ka haole, no ka mea he punana ko na manu o ka lewa, a he lua hoi ko na alopeka. A pehea kaua e Hawaiil aole ona wahi e ku aLkona mau wa.wae, ke kapee mau ia nei kaua k mnhope, a kaa holookoa aku ka paa ana o na oihana apau o ka lohulehu malalo o ka haole, aole pela. E nialama , a e hapai mau i kou koko iluna. He krfnaka o Sam Kauhane i piha me ka maemae, ka hoopono anie kona mau ano maikai no apau. Nolaila me keia mau wahi manao hoomaikai uuku, na o e uku mai i kn nui maluna o na mana koho apau apuni ke Kalana o Hawaii nei, no ke aloha o Sam Kauhane. Me ka mahalo piha i kou ahonui, me oe mau ko'u welina pauole. Ame na keiki hoonoho hua kepau o kou papapa'i ko'u adiu. ' MAKAIKIU WAHINE RIVENA, Haleiwa, Beautiful Home S. Kohala, Mei 22, 1919.