Ka Nupepa Kuokoa, Volume LVII, Number 23, 6 June 1919 — Page 3
This text was transcribed by: | Genesis Kauhi |
This work is dedicated to: | My beloved Grandma Mileka Kauhi, miss you grandma |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, HONOLULU, T. H., POALIMA, IUNE 6, 1919.
Ka Hopena o Ke Koho Paloka Laula i Malamaia Iune 3, 1919, Kulanakauhale a Kalanakauhale a Kalana o Honolulu
| Shafter | Castner | Schofield | 1 | 2 | 3 | 4 | 5 | 6 | 7 | 8 | 9 | 10 | 11 | 12 | Total |
Votes Registered | …. | …. | …. | …. | …. | …. | …. | …. | …. | …. | …. | …. | …. | …. | …. | …. |
Votes Cast | …. | …. | …. | …. | …. | …. | …. | …. | …. | …. | …. | …. | …. | …. | …. | …. |
Name of Office and Candidate | Fourth District, by Precincts | |||||||||||||||
|
|
|
| 1 | 2 | 3 | 4 | 5 | 6 | 7 | 8 | 9 | 10 | 11 | 12 | Total |
MAYOR. |
|
|
|
|
|
|
|
|
|
|
|
|
|
|
|
|
Crabbe, Clarence L. (R) | 6 | 6 | 6 | 290 | 267 | 283 | 322 | 249
| 127 | 91 | 242 | 234 | 82 | 17 | 127 | 2349 |
Fern, Joseph J. (D) | 11 | 1 | 2 | 222 | 229 | 131 | 135 | 104 | 326 | 128 | 193 | 224 | 79 | 17 | 237 | 2039 |
|
|
|
| 1 | 2 | 3 | 4 | 5 | 6 | 7 | 8 | 9 | 10 | 11 | 12 | Total |
SUPERVISORS. |
|
|
|
|
|
|
|
|
|
|
|
|
|
|
|
|
Arnold, Charles N. (R) | 11 | 5 | 6 | 336 | 324 | 198 | 338 | 257 | 139 | 110 | 209 | 277 | 89 | 17 | 121 | 2434 |
Benevedes, Frank C. (D) | 8 | 2 | 2 | 145 | 129 | 92 | 93 | 94 | 268 | 81 | 218 | 144 | 70 | 9 | 242 | 1577 |
Fogarty, Edward (R) | 5 | 4 | 4 | 263 | 252 | 271 | 294 | 239 | 120 | 85 | 195 | 273 | 73 | 17 | 92 | 2187 |
Hollinger, Ben (R) | 10 | 4 | 6 | 311 | 281 | 271 | 294 | 225 | 161 | 117 | 248 | 280 | 80 | 27 | 153 | 2468 |
Holt, James L. (R) | 7 | 4 | 6 | 227 | 265 | 171 | 186 | 155 | 150 | 105 | 152 | 208 | 48 | 8 | 100 | 1792 |
Kumalae, Johah (D) | 10 | 1 | 4 | 202 | 211 | 126 | 111 | 70 | 324 | 125 | 185 | 199 | 78 | 21 | 248 | 1912 |
Logan, Daniel (R) | 7 | 4 | 4 | 304 | 241 | 267 | 303 | 244 | 94 | 82 | 198 | 211 | 69 | 13 | 79 | 2130 |
Long, Carlos A. (R) | 7 | 5 | 4 | 264 | 266 | 237 | 244 | 188 | 127 | 80 | 154 | 223 | 71 | 9 | 116 | 1995 |
Low, Eben P. (R) | 6 | 4 | 4 | 304 | 295 | 261 | 311 | 228 | 151 | 103 | 198 | 224 | 67 | 19 | 94 | 2269 |
McClellan, William H. (D) | 8 | 3 | 5 | 259 | 236 | 241 | 251 | 197 | 241 | 103 | 230 | 202 | 82 | 17 | 216 | 2291 |
Pacheco, M. C. (D) | 9 | 3 | 2 | 227 | 243 | 156 | 169 | 136 | 305 | 106 | 293 | 206 | 91 | 11 | 284 | 2241 |
Petrie, Lester (D) | 9 | 5 | 3 | 267 | 266 | 259 | 279 | 208 | 243 | 100 | 265 | 225 | 96 | 27 | 221 | 2573 |
Sheldon, Wm. Jarrett (D) | 6 | 1 | 3 | 145 | 160 | 94 | 100 | 71 | 262 | 100 | 147 | 157 | 60 | 8 | 185 | 1499 |
Uluihi, Jesse (D) | 8 | 2 | 2 | 132 | 152 | 88 | 72 | 41 | 298 | 97 | 141 | 142 | 56 | 12 | 188 | 1431 |
|
|
|
| 1 | 2 | 3 | 4 | 5 | 6 | 7 | 8 | 9 | 10 | 11 | 12 | Total |
CITY AND COUNTY CLERK . |
|
|
|
|
|
|
|
|
|
|
|
|
|
|
|
|
Kalauokalani, David (R) | 4 | 3 | 2 | 274 | 267 | 199 | 206 | 161 | 190 | 126 | 194 | 243 | 67 | 24 | 122 | 2082 |
Roberts, Claus L. (D) | 13 | 4 | 7 | 215 | 223 | 206 | 234 | 182 | 242 | 83 | 22 | 207 | 86 | 7 | 222 | 2153 |
|
|
|
| 1 | 2 | 3 | 4 | 5 | 6 | 7 | 8 | 9 | 10 | 11 | 12 | Total |
CITY AND COUNTY ATTORNEY . |
|
|
|
|
|
|
|
|
|
|
|
|
|
|
|
|
Brown, Arthur M. (R) | 5 | 1 | 3 | 260 | 285 | 175 | 208 | 173 | 213 | 114 | 269 | 236 | 75 | 25 | 152 | 2194 |
Heen, William H. (D) | 11 | 6 | 6 | 248 | 204 | 241 | 248 | 178 | 224 | 101 | 168 | 220 | 84 | 8 | 215 | 2162 |
PANIKU IA NA BANAKO KI-PA.
No ka hopohopoia, o ka hoomau ana @ na hana ki-pa maloko nei o keia kulanakauhale, ahiki i ka la koho balota ke mea ia e hoonawaliwali aku ai i ke kulana holo moho o Arthur M. Brown no kona lanakila maluna o kona loa paio, e alualu nei i ke kulana loio ka ana na haawiia aku ke kauoha i na banako ki-pa, e hoomana iloko o keia mau la, ahiki i ka la koho baloka, a mahope aku o ia manawa, e wehe hou ia ai ke koho hou ia ka Loio Kalana Brown.
He mea hookahaha keia i ka manao o kekahi poe o keia kulanakauhale, no ka hiki ana i na hana piliwaiwai ke hoomaha iloko o keia nanawa, me ka hoala ia ana mai o kekahi mau manao, ina i hana mua ia keia mau mea, iloko o na manawa apau, aole loa he mau kumu hoohalahala no ke ku-e ana aku i ka Loio Brown.
O keia ke keehina a Wm. H. Heen e hooko aku ana, a i uwalo aku ai imua o na mana koho, e haawi mai ina kakoo anaiaia, ma keia kau koho baloka, a no ka hopohopo o ka poe e kakoo nei mahope o Arthur M. Brown, o lanakila i’o kona hoa paio, pela iho la i laweia mai ai keia keehina, e hoomaha aku i na hana ki-pa.
Eia na banako ki-pa ma na apana o Kapalama a ma ke Alanui Kukui, o na Pake, ka poe na lakou kela mau banako, a o na kanaka Hawaii, ka poe lawe hua. A kiko hua, a o lakou no ia e lilo nei i poe pulapuia mai e na banako ki-pa i kela ame keia manawa, me ka loaa ole he wahi pomaikai ma kekahi ano.
EKOLU KOA AMERIKA I MAKE A EWALU I EHA LOA.
ORLEANS PALANI, May 23.---He ekolu mau koa Amerika i make a he ewalu i eha kukonukonu loa ia ma ka manawa o kekahi kaa kalaka moto i piha me na koa Amerika i hookuiia mai ai e ke kaaahi ma kekahi kiekie o ke alanui e a’e aku ana ma kahi kokoke i La Ferte st. Aubin, he umikumamakolu mile ma ka hema-hikina aku o Orleans nei keia la.
E Nanaia Kou Mau Maka
He papa kiekie, he eleu me ke kupono, a oluolu ke kumukuai me ka nanaia o na Maka Aniani e ka Poe Akamai loa, o keia ka loina alakai a Thompson.
.
Ke Kono aku Nei Makou Ia Oe e Hele Mai e Hoao.
Dr. Lewis Edwin Capps
MEA NANA MAKA
Thompson Optical
Institute, Ltd.
156-158 Alanui Hokele.
Mauka mai o ka Hokele Young.
LIIA NO KA PEPEHI ANA I KA MAKAI NUI ME KANA KEIKI.
LAMAR, Misouri, Mei 29.---He hoopa’i make hikiwawe loa ka i kauia aku maluna o Lynch, ke kanaka pepehikanaka i hoike okoa ae i kona hewa, i kekahi puulu kanaka piha inaina i paa ka manao e hooko aku i ka hoopa’i make maluna o ka mea pepehikanaka a i lawa ole hoi ko lakou manao inaina me ka hoopa’i paahao apau ke ola a ka aha hookolokolo i kau mai ai maluna o ke kanaka i ae maoli ae i kona hewa elua mau ola i make iaia.
O Jay Lynch ka luahi a ka puulu kanaka piha inaina o ke komo ana mai iloko o ka halepaahao a kaili aku la ia Lynch ame ka limaikaika mahope o kona ae ana ae i kona hewa a kauia mai ka hoopa’i hoopaahao apau ke ola e ka lunkanawai. Aohe mau mea eha a na kanaka, eia nae ua lawelaweia e lakou ka hana o ka lawe ana ia Lynch ma ke ano me he mea la he poe mana maluna o ka aha hookolokolo amen a luna aupuni.
Mahope o ko lakou hopu ana aku ia Lynch, ka’i aku la lakou iaia iwaho noloko o ka pa o ka hale hookolokolo a malaila lakou i koi aku ai iaia e pule me ka palua mai i kana hoike ana ua hewa oia, alaila li aku la iaia maluna o ke kumulaau e ke ana, a malaila ka puulu kanaka piha inaina i ku malie ai kakali ahiki iko lakou ike ana ua make ke kanaka pepehikanaka.
Ua hoike ae o Lynch i kona pepehi ana a make ka Makai Nui Hallon o Barton ame kana keikikane imua o kaaha, ma ka la 2 o Maraki i hanaia ai keia karaima. Mahope iho o ka hopuia ana o Lynch ua kakali na kanaka e noho kokoke mai ana i kona wahi e noho ana me ka hamau loa ahiki mahope iho o kona hookolokoloia ana, me ko lakou hoike ole ae i kekahi hana hoo haunaele a hoopoino mai i ke kanaka i hopuia ahiki i kona ahewaia ana, a kauia mai ka hoopa’i paahao apau ke ola, oiai nae ka lehulehu e koi aku ana i ka aha hookolokolo e kauia mai ka hoopa’i make maluna o Lynch, a no ka hooko ole ia mai o ka lakou koi ua lawe ae la lakou i ka mana o ke kanawai iloko o ko lakou mau lima ponoi a li aku la iaia.
HOOLALA KA POE HOOKUONOONO E KUKULU I HALEWILIKO
He hana ke hoolalaia mai la e ka poe home hookuonoono no ke kukulu ana ae i halewiliko ma Hakalau aohe nae he mea maopopo i hoikeia ae o na kahuwaiwai o ka poe home hookuonoono, elike me ka hoakaka a ka Nupepa Tribune o Hilo. Ma ka Poalua ame ka Potakolu i hala aku ka na kahuwaiwai no ke kukakuka ana no na mea e pili ana ia hana, aohe nae he mea maopopo i hooholoia.
Loaa ke Kahua aia ma Wailea.
Ua loaa ke kahua o ia halewiliko hou e ku ai aia ma Wailea, elike me ka hoakaka a ka Hilo Tribune, oke ano nae o ka halewili e kukuluia aku ana he ninau pohihihi ia. Ma ka hoakaka ka a kekahi oka poe noho hookuonoono oka hoea ana aku i Hilo o ke Security Trust Company ka mea kakoo mahope o ka poe hookuonoono, a he halewili uuku no o 6 cylinder ke kuku luia aku ana.
O kahi e kukuluia ana o ka halewili he wahi maikai a maalahi loa ia no ka halihali ana aku i ke kopaa i ke awa no ka laweia ma ka mokuahi a i ole ma ke kaaahi no Hilo, a ua manaoia e pau ana ia hana i ka hoolalaia maloko o kekahi mau la kakaikahi.
Pehea la ka namu haole ana o keia hopunaolelo Hawaii: “Pupuhi, pupuhi ke kai o Ukoa ?”
Penei no hoi la: “Polo, polo, li si o Uloko, a i ole, Blow, blow, the sea o Urock.”—Kamaiopili.
NA OLELO HOOMAKEAKA.
“Ae, he makemake au e a’oia ka’u kaikamahine i ka hookani piano,” wahi a kekahi makuahine o Heremona o ka pane ana aku i kekahi lede, “no ka mea aole hiki iaia ke kuke palaoa palai me ka piha ole o ka hale i ka uwahi.”
“Pehea ko kane i keia auwina la, e Mrs. Lokoino ?”
“Pehea auanei, i mai nei ke kauka he laki ka hala o keia po iaia; laki loa ke ola ahiki i ke kakahiaka apopo, loaa kekahi manaolana nona no ka lanakila ae, aka, i ole a—“
“Heaha no kau nana ana aku i ka mea make, huli hou aku i wahi huluhulu moe kehau nou, oia mau no kou noho u’i, aia no na lehua ke kau la iluna, hakalia paha ia oe i ka hoani ole aku i ka pua lehua, oka lele mai no ia o ka oo hulu melemele a pili i ka kaua kepau mania ole i ka ua nui, aohe mania i ka Ua Kanihelua.”
He kanaka i hoopa’iia no ka pepehikanaka a e liia ana, a hele aku la ka wahine e ike iaia i kekahi la, a olelo aku la:
“Ea, e kuu aloha, he makemake anei oe e hele mai au keiki e ike i kou liia ana?”
“Aole,” wahi a ka pane makona a ke kane.
“O kou ano mau iho la no hoi kena,” i pane aku ai ka wahine. “Aole no hoi au manawa iki i makemake ai i na keiki e ike i kekahi mau mea lealea.”
I ka lua o nap o mahope iho o ka make ana aku o ke kane, e noho ana ka wahine kanemake ma ka puka aniani hamama o ka rumi moe, e kakali ana a e kiai ana.
Hele mai la kekahi o kona mau hoaloha i aloha iaia a ninau mai la: “Ea, heaha keia mea au e kakali nei maanei me kou nana mau aku iwaho o ka puka aniani?”
“No elima hora ko’u noho ana iho nei maanei e kakali ai o ka ike aku i ka hakaka mai o na popoki elima iloko o ka pa,” wahi a kana pane. A i hou mai la: “He mea malihini loa keia ia’u o ka hoi aku e hiamoe koke me ka hakaka ole, a no ia kumu la ea, i hiki ole ai ia’u ke hiamoe. E hookuu mai oe ia’u e noho hookahi ae maanei, malia o lulumi iho ko’u mau maka e hiamoe ke ike aku au i ko lakou hakaka mai.”
“He popoki elua wawae paha kau e kakali nei?” Aohe pane i loaa mai.
HE WAA!
Kamalii kakiwi lehua,
Kapio lehua o Kaunuloa;
I ka nahele i ka liko o ka palai,
O ka nahele i ka liko o ka palai,
O ka uahuna awa a ka manu;
I aha’i hookano kipulu i ulu iwaena o ia laau,
I ka liko o Pele ka wahine.
Hoonani pua hala o ke ku-pa i ke kila,
Laalamanu i kookoolau nanawale;
O ka loa noho nanawale aku no i kea ka i ke kino o ke aloha;
Aia ke maalo wale ae la no,
O ke kahoaka o keano o kona kino ia.
Oia paha, oia no e!
Kau i ka lani ka holowaa ua o Hilo,
i hoowaa eli’a moku kahawai;
Komo Hilo i ka Hoolua (holua) e ka Malua,
Luli ka ama’u ke poo o ka lehua.
Luli no i ka hohia e ka wai nui,
Hohu ka mapuna ka opala a ka wai;
He wai ka moe e lana wale ana no,
E ukuhi nei i kuu manawa a ua pi-ha!
HE MELE.
O Panaewa nui Mokulehua,
Ohia kupukupu haoeoe i ka ua
Lehua ula i kawi ia e ka manu aua po,
Po Hilo, Po Hilo i ka ua o kuu aina,
Ola ia kini ke a mai la ke ahi.
Kamailio Pili ik
ka Emi!
E alawa iki iho i nei mau kumukuai. Aohe manawa mamua ma
Honolulu i emi loa ai.
E HOOMAKA ANA I KEIA LA
No Ekolu La Wale No.
KUAI NUI
No Ka Manawa Wale No
Mokupuni Mai
Na Iwiaoao……..Kumukuai Mau, 40c lb. Kuikawa, 25c lb.
Wawae Hipa……Kumukuai Mau, 40c lb. Kuikawa, 30c lb.
Na I’o Hoehoe….Kumukuai Mau, 25c lb. Kuikawa, 15c lb.
I’o Hipa Ku……..Kumukuai Mau, 20c lb. Kuikawa, 15c lb.
I’o U-ha…………Kumukuai Mau, 25c lb. Kuikawa, 15c lb.
No ka hoomama ana aku i ka luhi o ka makou poe kuai maloko o
Na apana mawaho, e hoopihaia aku no na kauoha ma
Ke kelepona no ka i’o hipa ma ke Kumukuai
Kuikawa.
Metropolitan Meat Market
Ka Makeke o ke Ano Hou a Maemae.
Kelepona 3445. Alanui Moi
PAU I KA HOOPONOPONOIA KA NINAU PILI IA FIUME.
PARISA, Mei 29.---Ua hooponopono-ia e ka hakuka a na aupuni hui no ka Manawa hope loan a ninau e pili ana i ke awakumoku fiume a Italia i imi loa ai e lilo iaa amen a palena ana ma ka hapa hikina Lema o Auseturia, elike me ka lono maikai loa i loaa mai ianei. Ma ka oleloia ua loaa pu ka aelke maluna o na ninau laula o ke Kai Adriatic koe na hooponopono ana i pili i na hana kalai aupuni.
HELE MELE OLIOLI
Mo’a Unounoo Puna i ke akua wahine,
Mo’a ma-kaali ka ohia o Moeawakea;
Ke nana aku ia Halaaniani,
Lohe mai ka papa ale ka pahoehoe;
Opiopi i ka la o Kukalaula,
Ke hele la i ka nahele o Maukele a!
Pakele ke aloha mai loaa i ka moe,
Aaohe wa, a ua hiki mai oe;
O ka hala ana aku la no ia o ke aloha,
Hala ke aloha naue pu no me ka anoai e!
Ilaila, ilaila wale iho la no a wali ke kino,
Wali wale iho no i ka manao s loko a!
E, he-a hoi mai hoi e!
HOOKUI ME KA HAU PAA I KA MOANA.
MONTREAL, May 26,---Ua hookui ka mokuahi Cassandria me ka hau paa ma ka 160 mile mawaho ae o ka Lae Race ma ka la i nehinei, elike me ka hoakaka a ka lono kelekalapa uweaolelo uweaole o ka loaa ana mai i kona mau ona maanei. Aohe i nui loa ka poino o ka mokuahi a ke hoomau mai la no kona holo ana no St. John Nupaulana, malalo o kona mahu ponoi.
Ma kekahi la ua noi mai la ke kauka nana e lapaau ana i kekahi loio nawaliwali loa e huikala aku iaia no kona lolohi loa, a wahi ana, i lohi oia no kona noho ana aku e uana i kekahi kauaka i haule iloko o ka luawai.
“Ua peku nae paha oia i ka pakeke, eke kauka?” wahi a ka mea ma’i o ka uinau ana mai me kahi leo nawali loa.
NA LEKA KII OLE IA MAI AHIKI
I MEI 17, 1919.
Kamauoha, G P Kahakumaka, Mrs
Aona, Eliza Rosa
Ikeole, Pakui Kahele, Willie
Hao, Mrs Kaniala Kuhikina
Hoopai, Mrs Annie Kupahu, John
K Kinelou, Mrs Julia
Kaai, Isaac Kupukupu, Mrs Lili
Kaeo, Sam Lahaina,
Kailiiwa, John Lono, John
Kaohi, J. K. Noa, David
Kauhi, Mrs Hale Nakea, Mrs Kealoha
Loa Nawahi, Alexander
Kauhane, Noah N Nakua, David
Kahalehili, Mrs An- Pilipa, Mrs Luika
Nie Poloka, Mrs
Kahunanui, Mrs Pa, J
Mahel
NA LEKA KII OLE IA MAI AHIKI I
MEI 25, 1919
Mamai, Mrs Jacob Kane, Miss Kaia-
Amoehiana, Mrs hua
Henriette Kane, Rosalia
Ane, Mrs Kea, J L (2)
Aki, Charles Kuaana, Mrs Mary
Hookauo, Miss Ki- J
Nau Lui, Hana
Kaina, Bill Mahuka, Wm M
Kaiuwailani Moluna, Patrick
Kalihiiwa, John Moepono, Mrs A
Kaai, Isaac Makuakane, D K
Kaohi, Jr., J K Makia, Keoni
Kaulia, Mrs Chas Napapa, J H
Kauhane, Noah H Naope, Miss Saida
Kahikina, John Nawaa, Moses
Young (2) Napapa, Mr
Kalauokalani, Sr Nuuhiwa, Mrs Mag-
Mrs gal
Kalahikiola, Mrs E Nawahi, Alexander
Kalaepaa, Keahi K (2)
Kamana, Miss J K Pa, J
(2)
HE HULA NO WILLIAM HEEN.
Kaulana mai nei o William Heen,
O ka loio hoi o ke Kalana,
Na ka nupepe i hai ae,
Loio Kaulana imi mea hou,
Nau no i nowelo aku,
Ahuwale Honolulu he aina nani,
He kulanakauhale ua ike ia,
Ki-pe dala o ke aupuni,
Uluhua i ke kani mai a ka Ao,
Ka moho loio waiwai ole,
E hui Hawaii me Kaleponi,
Haku ae i ko lei a lawa pono,
Moani ke ala o ka Miulana,
I’ili paa o ka hana me oe ia.
O ka pine kaimana i ko umauma,
E hulali nei a mau loa aku,
Imua kaua a lanakila,
O ke Akua mana loa kou kokua,
Hea aku no au o mai oe,
O William Heen kou inoa.
Hakuia e MRE MARY ROBINS,
Honolulu Harbor Lighthouse.
HULA NO KA MEIA FERN.
Kaulana mai nei o Joe Fern,
O ka Meia hoi o Hawaii nei.
A nau no i nawelo aku,
Ikeia Hawaii he aina nani.
Pane mai e ka leo mailuna mai,
E lanakila ka inoa o Joe Fern.
Hiiia i ka poli hoi la o Pele,
O ka lau la-i kou kapa ia.
He mamo oe main a kupuna mai,
He inoa kiekie kau i ka hano,
Hanohano e ke kama kau mai iluna,
O puu daimana i ko umauma,
E ku Hawaii me Kaleponi,
Haku oe i ko lei alawa pono.
Hae ana na manu o ke kupulau,
Na moho Meia waiwai ole,
O ka Lei Daimana kau umauma,
A i hoa kuka me Keleponi.
Hooheno ke aloha me Pelekane,
A welo e ka hae o Hawaii nei.
Imua kaua a lanakila,
O ke Akua mana loa kou kokua,
Hea aku no au o mai oe,
O Joe Fern kou inoa.
Hakuia e MRS. MARY ROBINS,
Kaikamahine o ka hale kukui.
HE MELE HOOAEAE.
Ula Kalaeloa i ka lepo a ka makani,
Hoonuanua i Apua Kalamaula;
Ikea kuu manao ia Ukulelua,
Hea mai Kaiolohia ia’u e u hoi maua.
Ume aku o’u hoa i Kaane,
I ka aneane aloha ia’u ke’ kula o Nini-
wai;
O’n hoa i Kalaiakamanu e,
Manu-a wale i ka hoalaukona.
I ke keelau au’aia e ka moe e,
E kuhi ana paha ia’u he kanaka e;
Owau okoa no ia mailuna a lalo a!
Ua ike a!
Ike ia Kaukini he lawai’a manu,
He upena kau i ka noe o Pokahi;
He hoopuni la i ka ohu kakikepa,
Ke na’i la i ka luna o Kaauwena.
O ka uwahi ke kapeku a e---
E hei ai ka i’a manu o Puawalii;
O ke alii wale no ka’u makemake,
O ka luhi o maua me ianei;
O ka makou le’ale’a no ia a!
Ua ike-a
PARISA, Mei 31.---Ua haiolelo ka Peresidena Wilson ma ka Pa Ilina o na koa Amerika ma Suresnes ma ka la i nehinei ma ka Manawa e malamia ana na hana hoomanao no na koa i make malaila. Ma o na keiki Scouts la, ua hookau aku oia i kekahi mau lei maluna o na he o na koa. He ku i ke eehia kana haiolelo.