Ka Nupepa Kuokoa, Volume LVII, Number 24, 13 June 1919 — Page 8
| This text was transcribed by: | Maile Martinez |
| This work is dedicated to: | To my loving grandma Mary Jane Lake |
Ka Nupepa Kuokoa
KE KiLOHANA POOKELA NO KA LAHUI HAWAII.
NUPEPA KUOKOA, HONOLULU, T. H., POALIMA, IUNE 13, 1919.
______________________________________________________________________________
----HALEKUAI LOLE
THE MODEL
_____________
Alanui Pau, ma Waikiki o Pauahi.
“Hiki ke Laweia na Bona Aie
Maanei.”
____________________________________________________
TERITORE O HAWAII.
Keona o ka Puuku. Honolulu, Oahu.
Ma ka hana e hoopau ana i ka VIERRA JEWELRY COMPANY, LIMITED.
OLAI o ka VIERRA JEWELRY COMPANY LIMITED. he hui ia i kukuluia a e ku ana kuilalo a ma ka mana o na kanawai a ke Teritore o Hawaii. i kulike ai me ia kanawai i hooma aukaunia ma na hana o keia ana na waiho ia mai iloko o keia @ he pa a ala noi no ka hoopau ana o ka hui i oleloia i hoohui pu la me ia palapala i hoonaoia i hoohui pu la ia me ia eike me na i kolia ai ma ke kanawai.
NOLAILA ma keia ke haawiia aku nei ka hooaha i kekahi mea. a i na kanaka apau he mau kuleana mamua a e kuleana ma paha i keia manawa ma kekahi ano iloko o la hui i oleioia. e pono e waiho mai i na kue ana no ka au ia aku o ka palapala nei i oleloia maloko o keia keena. mamua au o ka hora 12 awakea o ka la 14 o Iulai, 1919. a o kela ame keia mea e makemake ana e hooloheia aku ma @ o ia uma he pono e hoea kino ae ma ke ke@ o ka mea nona ka inoa malalo iho maloko o i a Hale Mana Hooko. Honolulu. ma ka hora 12 awakea o ka la i oleloia. a e hoike wai i ke kumu. ina he kumu kekahi i wahi e ae oia ia aku ai ka palapala noi i oleioia
DELBERT E. METZGER.
Puuku Teritore o Hawaii
Honolulu Aperila 28, 1919.
6346 Mei 2, 9, 16,23,30: Iune 6,13,20,27: Iulai 4,11
________________________________
HOOLAHA KUAI O KA APANA
AINA AUPUNI.
________________
Ma ka hora 12 awakea o ka Poakahi, iune 16, 1919, ma ka puka komo mamua o ka Hale Hookalokolo, Lahaina, Maui, malaila e kuaiia aku ai ma ke kudala akea. na apana aina aupuni i hoakakaia mala o iho nei. he hapa-mahele o ka Aina o Kaunuohua, Lahaina, Maui.
1 Apana Helu 2, nona ka iliaina o 72@@ kapuai kuea, oi aku a emi mai paha kumukuai haahaa, $725.
2 Apana Helu 3, nona ka iliaina e 72@8 kapuai kuea. oi aku a emi mai paha kumukuai haahaa, $725.
3 Apana Helu 4, nona ka iliaina o 6326 kapuai kuea. oi, aku a emi mai paha kumukuai haahaa $693.
Kumu aelike ma ke dala kuike.
No na kii palapala aina ame na hoakaku aku i koe, e noi ae ma ke keena o ka Hope Akena, Mr. W.O. Aiken, Paia, Maui a i ole ma ke keena o ke Komisina a na Aina Aupuni, Hale Kapitala, Honolulu, T.H.
C.T. BAiLEY,
Komisina o na Aina Aupuni.
Hanaia ma Honolulu, Mei 9, 1919.
634---Mei 16: iune 13.
_____________________________________________________________________________________
Kela Laau Kaulana
__________________
B.B.C.
__________________
Helaau i hoohuiia o na launahele, laau e hana pu ana me ka hana a ke Akua, he hoomaemae a hooikaika ae i na mea paahana holookoa o ke kino, e kipaku na i ka ma’i kino ame na ma’i ili wale mai e haawi ana i ke kino i ka ikaika, ke ola ame ka mana i na aalolo.
E hoopaha ana ka B.B.C. i ke kino me ka ikaika hao o ke ola a me ka ikaika o na la opio. Ua loolau na poe nawaliwali ma na manawa lehulehu mahope o ka inu ana he mau pule wale no. Ua aponoa e na kauka kaulana he nui ame na kanaka hau kamahao loa ma ke ao.
KUAHA MA NA WAHI APAU.
Keena Kuai Laao B.B.C. 161 Alanui Moi, Honolulu, Hawaii.
LILIHA KA AI A KE ALOHA!
----------------------------------
“Ka e P----------. heaha keia kumu uli o kou maka?”
“I paluku ia no hoi au e Kaehakonu” wahi a ka P--------- pane.
“Heaha hoi la kau hewa nui o ka hana ana i palukuia ai me ka kualapaa a @ ka maka kohu uala pulehu?” wahi hou a ka mea ninau.. “O na lehua no ia la iluna.”
“Aohe a u hewa i hana ai, no ka ana wale mai no ame ka lili o W. Aohe i eha ko’u ili i ke kane i ka ili, i ke kane manu ae nei hoi keia kau ana nei aiiana i ko’u maka.”
“Malia paha ua ona pu no me ae?”
“Oia no hoi. O kona lili makehewa wale ana iho no paha la, aohe au i kaunu me i ala.”
“Nawai oe i pepehi!”
“Na Kolopo Nihiaumoe.”
“ina e hoi mai ana ko kane a ike i kona eha ou, heaha ana kau kumupale nou iho?”
“E olelo aku ana au iaia i palaha ia au i ka alaala a pa kuu papalina i ke panipuka.”
“Ihea oe i nalowale ai i keia mau la aku nei?”
“Iloko wale no au o ka hale kahi i poo ai no kuu hilahila i keia uli o kuu maka me ka pehu o kuu waha.”
“Heaha kou mea hele ole i ke kauka a hoike aku i kena eha iaia i kauia mai i ka laau!”
“Ka, he hilahila hoi au!”
Uhu! Liliha ka ai a ke aloha la!
_____________________________________________________________________________________
E MAKAALA I NA KAMALII.
---------
Iloko o na mahina o ke kau wela, he mea pono i na makuahine ke makaala loa i ka ohemo mai o ka opu o ke keiki. i ka manawa e haawi koke ia aku ai na lapaau ana i ka wa pono loa, e hiki ke h okauia aku na hilinai ana maiuna o ka Laau Nahu o ka Opu ame Hoopua Hi a Chamberlain. Eia ke, kuaiia nei e ka poe kuai laau apau. o Benson Smith & Co., na akena no Hawaii----Hoolaha.
MAIKAI KA HANA HOIKE KULA SABATI MA KE KAI HOLUHOLU O KAHULUI
-------------
Mr. Lunahooponopono. me oe ka ano ai pumehana:---E ae hou mai kou ahonui e uwila ae, ina anoai ma kahi kaawale o kou kino lahilahi no na hana hoike Kula Sabati i malamai ma ke kai holuholu o Kahului, Maui.
Ma ke Sabati mua loa o keia mahina, ma Kahului, Maui, ua malamaia maloko o kekahi hall nui ma Kahului, kekahi mau hoike Kula Sabati i noho lunahoomaluia e ia keiki hapapua o Kina, oia o W. K. Hoopii, Esq.
He keiki na keia i loaa na hoonaauao maikai ia ana ma ke Kula Nui o Lahainaluna, oiai o J.H. Townsend e noho kumupoo ana ma ua kula kaulana nei, “Ka ipukukui Pio Ole i ke Kauaula.”
O na hoike Kula Sabati a kou mea kakau i ike aku i ka houke ia ana, oiai ua kaahope loa kou mea kakau mahope, eia no ia, o ke Kula Sabati o Keokea, Kula, Maui. i noho alakai ia e ia’keiki Hawaii, oia i David Kapohaimohewa. He u’i ame ke kani maikai o ka leo o ke alakai hemeni ame ka paanaau o na haawina ke keia Kula Sabati. O keia ka hoike Kula Sabati a ke keiki o Nawaieha i hoohalike ai i ke Kula Sabati o Keo’oea, Kula, Maui, me kona alakai himeni. ua like loa me ka piano hone o Kaumakapili.
O ke alakai o ko ke kai holuholu o Kahului, Maui, mau hana hoike Kula Sabati, oia no o W. K. Hoopii, Esq. He maikai no na himeni i kahuia e keia opio Hawaii. He elua mau mahele o keia hoike Kula Sabati, o ko na maua oia o W. K. Hoopii, o ko ma opio alakai, aole i loaa ka inoa i kou mea kakau nei.
O ke Kula Sabati o Peahi, Maui, o Miss Rachael Kiakona, ke alakai o ia papa, he maikai no kana alakai ana i kana mau hana hoike Kula Sabati iloko o elima minuke wale no. Ma ka olelo Beritania na himeni me na haawina pu.
Ko Paia K.S. o Mr. E. M. Kopoo ke alakai himeni, o ke kumupoo o Mrs. Daisy Kalaaupa; o ke alakai o na opio oia o Mrs. Lizzie Mashado.
He mau olelo hoolana mai ia Rev. Moses Kahiapo, Rev. J.K. Kahoopii ame ko Makawao Akau Kahu Kula Sabati Nui mai no hoi, he mau olelo hoolana.
O na dala i luluia he $48.80. Ua hoi aku la ke anaina noloko o kekahi lanai nui i hoomakaukauia no ka hoopiha ana i ka lua o ka ipaina. Nui ka mahalo o kou mea kaku no ka piha eleu o na kuene. Ua au a ua lawa i na mea i hoomakaukauia no ka la i hoikeia ae la.
Me ka Lunahooponopono ko’u welina nui ame ou mau keiki oniu hua uwila ko’u aloha nui loa.
Kou oiaio,
O.KNOX PONIAULANI
Kuau, Paia, Maui.
------------------------------
HAINA NANE.
-------------
Mr. Sol. Hanohano, Lunahooponopono o ka Nupepa Kuokoa, Aloha nui kana: ina o ka nane a ke keiki o na pali Koolau no ka lua o ka manawa ina he rumi kaawale kokahi, o ia iho keia malalo nei peniei:
He kama ka’u i hanauia Kahiki-ku i Kahiki-moe i ke apapanuu i ke apapa lani ka i koko haumakaiole, he laau ma ka elemu, he pohaku ma ka opu, ku iho la ka ninau:
Owai ka inoa pololei o kuu kama? Haina. Ulu. Aia i ka lewa ua kama nei a naua kahi i kau ai me ka laau e loaa ia, ke hoi iho no ilalo e loaa ana no ua kama nei, nona paha keia wahi hooheno ana:
O ka iki ulu i ka Nekina,
Nana e koke na pine,
Pa ae pa iho pa aku,
Haalulu ke kahua maika.
Eia iho ka’u wehewehe ana, o ka laau ma ka elemu o ia no ke au e paa ana mai ka lala iho a loaa ua kama nei o ka pohaku, o ia no ka pikoi ma ka hoohalike, he pohaku i hanaia i mea kaua na ka poe o ke au kahiko, o ia hoi he pikoi.
Me ka lana o ka manao loaa pono aku la paha ua wahi kolohe nei o na pali Koolau ke ole e pa mua, ua kama nei a maua i ka makani, i ka hooki ana i keia makapeni ke haawi aku nei au i ko’u mahalo nui i ka Lunahooponopono ame na keiki o kou papapa’i ko’u welina.
Owau no me ka haahaa,
M. KAEHUOKAWAI.
-------------------------------
HE HALAWAI KUKAKUKA.
I na Hoahanau o ka Ekalesia o Kealaulaokamalamalama o ka Hoomana Naauao o Hawaii:---Ke aloha o ke Akua me ka Malu o ka Uhane Hemolele maluna o kakou apau, Amene.
E a’u mau keiki iloko o ka hana a ke Akua:---Mamuli o kekahi mau mea i ulu ne iwaena o ko kakou kihapai nei, he mau mea hoi e hoouluaoa, a e wawahi ai hoi me ka hookuemi hope i ka holomua o na hana pono me ka manaoio iloko o ko kakou ekalesia, nolaila, ua noonoo nui au a ua hooholo e kauoha ia oukou e launa pu mai me a’u ma ka noonoo ana i na kumuhaua kupono e lawlaweia i loaa ai ke kuikahi mau iwaena o kakou ,a e hoomakaukau no hoi i na mea apau e hoopio ai i na uluaoa iwaena o kakou ma keia mua aku.
No keia mau manao nui o’u, a mamuli o ka mana i loaa ia’u ma ke ano he kahu no ko kakou ekalesia nei, a makua hoi no oukou, ke kauoha nei au ia oukou e na hoahanau oiaio apau o ka Ekalesia nei o Kealaulaokamalamalama, e noho a e malama i halawai o ka Aba Ekalesia ma ko kakou laukini nei, ma ka auwina la Sabati, o iune 5, M.H. 1919, i ka hora 1 me ka hapa, no ka noonoo ana i na kumuhana e waihoia aku ia imua o oukou, i kulike me na hoakaka mamua ae nei.
E hiki no ia halawai e hoomakaia mahope koke iho o ke anaina haipule o ia Sabati, ke hoolahaia aku ia oukou mai ka awai aku, mamuli o ka’u kauoha ana.
Hanaia i keia la 8 o iune, 1919, ma Koula, Honolulu, T.U.
REV. JOHN KEKIPI MAIA,
Kahu o ka Ekalesia o Kealaulaokamalamalama.
--------------------------------
O ka wahine u-i ua nani kona nanaina, o ka wahine pupuka ua hoowahawaha ia oia.---Mahaulu.
NOI KA MEIA O TOLEDO E HOOMALU I KA HAUNAELE.
-----------------
TOLEDO, Iune 4.---Ma ke aumoe o ka po nei i kelepona aku ai ka Meia Schreiber i ka Kiaaina Cox ma Columabus e hoouna koke mai i na pualikoa mokuaina ianei oiai aole hiki i na luna aupuni kuloko, wahi ana, ke hoomalu i na olahani i ala ae ma ka la i nehinei maloko o ka halehana ma Willys-Overland.
Ua hoomaka ka haunaelo ma ka manawa o na limahana olahani o ka halehina i lele aku ai malina o ka halehana i ka manawa a lakou i haalele iho ai i ka halehana ma ka po nei. O na kiai i ka hale hana mai ka manawa mai o ka hoomakaia o ka hana elua pule i hala aku nei ua ke mai i ka lakou mau pu maluna o ka poe olahani a ua lilo ia i kumu e hoehaia ai o kekahi poe he 11, elua o lakou i manaoia e make aku ana.
---------------------------
MAKAUKAU NA AUPUNI HUI E HANAI IA PETROGRAD.
-------------------------------
PARISA, Mei 31.—Ua makaukau na luna aupuni ma ua awakumoku like ole i ka Bolatika e halihali aku me ka awiwi i na lako ai apau i Petrograd i ka manawa e liko mai ai ke kulanakauhale i na koa ku e i na Bolshevike, ua hoolahaia ae ia e ke komisina o na lako meaai Amerika ma ka la i nehinei.
“ina e lilo mai ana ke kulanakau hale o Petrograd i na koa Rukini e kaua ku-e aku la i na Bolsheviki ma ke komohana hema o ke kulanakauhale, aole kakou i mamao loa mahope o na moku hapuku maina Pelekane e holo la ma ke alahele n oke kaikuono Finland. E hana pu aku ana kakou ia Riga i ka manawa e lilo mai ai o ia kulanakauhale.
---------------------------------
KANONO KA HOOPA’I NO KA MALAMA OPIUMA.
--------------------------
Maolko o ka aha federala ma nehinei i kauia mai ai ka hoopa’i kanono maluna o kekahi mau Pake elua, no ka pili o ka hewa malama oipuma ia laua, ,e ka uku ia ana kau nae o ka hoopa’i iloko o ka manawa ae cei i hala, me ka loaa ana i ke kiure kiekie o na hoopii hoahewa e ku-e ana ia laua ma ka pule aku nei i hala, i ae okoa aku ai ua mea i hoopiiia imua o ka aha.
Ma nehinei nae, ua kuekaa hou ke kahu o ka aha i ka moolelo i pili aku i ka hihia o kela mau Pake, a kau mai la i ka hoopa’i, o elua haneri dala pakahi, a ua uku koke ia aku kela hoopa’i, ma ke dala maoli.
Ma Waialua kekahi o kela mau Pake i hopuia ai no ka loaa ana aku o ka opiuma malalo o kona malu, a no ke kokoolua iho, ma Honolulu nei kona wahi o ka hopuia ana.
------------------------------------
UA OLELOIA KE AKE NEI O WILSON E ULUPA IA KELEMANIA
----------------------------
BERLIN, Mei 22.---iloko o na kumu ku-e maluna o kuka ana me ka mea kakau o ka Tageblatt o nehinei ma Versailles, o Dr. Hans Delbrueck, he kokua no na Elele Kelemania i ka aha kuka maluhia, e olelo ana i ko Wilson makemake e hoonawaliwali ia Kelemania me ka hiki ole iaia ke liko aku i mea paahana pu me iapana ma na mea pili i na ku-ee ana mawaena o Amerika ame na aupuni emepaea o ka hikina.
E pili ana i ka ka polopeka, eia mahope o ke poo o Peresidena Wilson he manao ana i ko mua aku nei hakoko pu ana o Amerika me iapana, a e manao ana e waiho ia Kelemania ma kahi e hiki ole loa ai ke lilo aku i mea kokua pu ia iapana.
------------------------------
NA HOLOHOLONA I HOEA MAI NO KA FEA.
-------------------------
He ehiku mau lio heihei i laweia mai e ke Kelaudina mai Maui mai ma ke kakahiaka Sabati nei, eha o lakou i onaia e Angus McPhee, elua na Kauka J.H. Raymond a hookahi na kekahi Kepani. He iwakalua poo pipi ame ehiku mau puaa mai ka aina hanai holoholona mai o Sentoa H. W. Rice.
He elua mau lio na James Spalding i hoea mai Kauai mai maluna o ke Kinau no ke komo pu ana i ka heihei.
Aohe mau holoholona e hoounia mai ana e William H. Rice Mai Lihue mai i keia makahiki.
-------------------------------
E HOEA MAI ANA I HAWAII NEI KE AUMOKULUU O AMERIKA.
---------------------------
VALLEJO, Iune 4.---He umi mau mokuluu o ke ano R e ku nei maanei no ka hoomaemae hou ana i loaa mai ke kauoha no ka holo ana aku i Honolulu ma ka la 14 o iune, ua hoolahaia ae ie mea hou ma ka la aku la i nehinei. O na mokuluu e holo aku ana no Honolulu oia ka R-11 a hiki komo pu me ka R-20. E ukaliia aku ana lakou e ka moku makuahine Beaver.
----------------------------
Wahi a ke Kenerala Grant, ua lohe oia i ka pule a kekahi koa Paele elike me keia:
“E ka Haku, ke hoomaikai aku nei au ia Oe no kou hoouna ana mai i ke Kenerala Butler ia makou. Oia kekahi o na kenerala i like me makou. e ka Haku. He keokeo kona ili, eia nae he eleele kona puuwai.”
-----------------------
HE 15,000 POE I MAKE I KA LUAIPELE MA JAVA.
----------------------------
AMSRERDAM, May 27.—Ua kohoia aia ma kahi o ka 15,000 poe i make i ka manawa o ka luapele Kalut maluna o ka Mokupuni Java i pa hu ae ia ma kekahi manawa kokoke i hala aku nei, elike me ka lono kelekalapa i loaa mai ianei. i kulike me ia lono he iwakalua ka nui o na kulanakauhale liilii i hooneoneoia e ka pele wela, ka pohaku ame ka lehu. O keia kahe ana o ka pele o ka mua loa iho la keia o ka luku weliweli loa ana a ka pele mai ka 1901 mai oiai nae he lehulehu no na manawa e ae i kahe ai mai ia manawa mai aole nae he koikoi loa o na poino i ikeia elike iho la me keia.
--------------------------
HOOLE O DENEMAKA AME SUEDE NA I KA HUI PU ANA.
---------------
PARISA, Iune 3.—Mahope o ko suitalana tme Norewai hoole ana i ke komo pu mai ma ke paniku ku-e ana ia Kelemania ina no ke kakau ole o na Elele Kelemania i ke kuikahi maluhia, ua hoike mai la ma ka la i nehinei na aupuni o Denemoka ame Suedena i ko lana hoole i ka ahakuka maluhia aole laua e komo pu mai ana ma ke paniku ana ia Kelemania.
Ua hookahua na aupuni lehulehu like ole i ka lakou hoole maluna o ke kahua, pela ka oleloia mamuli o ko lakou makau o ka lawe ana ia hana he mau aupuni i komo ole i ke kaua.
----------------------------
HAULEPIO O PETROGRAD ILOKO O NA LIMA O NA KOA FINN.
--------------------
COPENHAGEN, Iune 4.---Ua lilo i na koa Esthonian ame Finn ke Kulanakauhale o Petrograd, e like me ka hoakaka a ka lono i hiki ole ke hooiaioia o ka loaa ana mai ianei mai Vardee mai.
No kekahi mau pule ke kai ana aku o na pualikoa Finns ame Esthonians me ke kaua mau ana no ka hoea aku i Petrogard, a ua manaoia ikela ame keia la e haulepio mai ana ia kulana kauhale ia lakou.
-----------------------
HOOHANOHANOIA O PERSHING E KE KULA NUI O SEKOTIA.
ST. ANDREWS, iune 2.---Ua hookau ia aku maluna o ke Kenerala J.J. Pershing ma ka la i nehinei e ke kula Nui o St. Andrews ka iho hoohanohano ame ke degere Kauka o ke Kanawai. O ke St. Andrews ke kula kahiko loa iloko o Sekotia. O ke Konela Lloyd Griscom ka elele ma ka aoao o ke Kenerela J.J. Pershing.
-------------------
HE 80 MAU KOA I MAKE I KA WA I PA HU AI KA HALEKOA.
LADANA Mei 30.---He kanawalu mai koa Palani e mau nei ko lakou nalowale a ua manaoia ua make kekahi o lakou i ka manawa i aia ae ai na halekoa o ka pualikoa Palani e noho ana ma kahi kokoke aku i Bavaria ma ka la i nehinei. Mamuli o ke pa-huia ana o ka hle koahu poka i holapuia ae ai na halekoa e ke ahi.
---------------------
KOHO HOU IA O OABRINHA I HOA NO KA PAPA.
HILO, Iune 3.---Oia mau ka paaia o ke Kalana o Hawaii e na republika mamuli o ke koho hou ia ana o A.M. Cabrinha mamua o ko Vicars.
O ka paio hahana mawaena o Cabrinha ame Vicars na paio hahana wale no i keia o na hoa e ae apau i ka papa ua koho mua ia no lakou apau i ka puka ma ke koho baloka wae moho.
--------------------
I ka wa hea e “hina” ai ka “makani,” a e “hele” ai hoi ma ke “kula,” a pela hoi ka “ua” e “hina” ai a e hele ai no hoi ma “kanahele!”
Pane: i ka wa e nui ai ke aloha i ka pua i ka Hinahina, elike penei:
Kuu aloha la e kuu aloha,
Kuu aloha i ka pua o ka Hinahina,
“Hina” no ka “makani” hele ma ke “kula,”
“Hina” no hoi ka “ua” hele ma kanahele.
(Oia la i lohe ko pepeiao.)
Na Ku.
-------------
Nawai ka ukana halihali e ka “ua paliloa?”
Na ke “aloha” iniki i ka piko; penei iho:
E hele ana oe ihea e ka “ua paliloa?”
E halihali ae ana i ka ukana a ke “aloha.”—Na Ku.
-------------------------
Mahea e “ku” ai ka “lu-kau” (look out) a “Nana!”
Ma ka “puka makani,” penei iho: “Ku” ka “lu-kau” “nana” ma ka “puka makani,”
Ikea aku la ka mea kupaianaha o ka aina,
Ka uka o Nuuanu ke lohia mai la e ka ua,
Ahonui wale ka pua kamakahala e hana ia mai la.—Na Ku.
------------------------------
I ka manawa hea e pii ai ke kanaka lopa a noho moi oia!
Haina: Aia i ka manawa o ua kanaka lopa la e iho mua ai i Waialua o ae nei, a mailaila oia e pii mai ai, elike penei:
Ke iho nei au i Waialua,
Ke pii nei au ahiki iluna,
O ko’u noho moi no ia.
Laki no kahi kaaka.
LOAA KA HOPE
LOIO KUHINA
TERITORE ELUA
------------
Mamuli o ka nui loa o na hana oloko o ke keena o ka Loio Kuhina, i hookohu ae ai ka Loio Kuhina irwin ia H.E. Stafford, ma ka Poakahi nei i Kokua Loio Kuhina elua, e maheleheleia ae ai na hana o kela keena, ma ke ano e maalahi ai.
Ma ka manawa a ka Loio Kuhina irwin i lawe ae ai i kona kulana hou, ua manao oia, ua lawa no iaia hookahi, me kona kokua me ka Loio Lightfoot, ke lawelawe i na hana o kela keena, me kona lawe ole mai i kokua hou nona, aka nae, mahope iho o ka noho ana, a ike i ka hiki ole i na kanaka elua, ke lawelawe i na hana apau o kela keena, pela iho la oia i hoololi ae ai i kona manao mua, a hookohu ae la i keia loio i kokua nona.
He hunona o H. E. Stafford na Kauka Ayer, o ka halema’i o na ulia poino, a o ka huli hoi koke ana mai nei no ia no Honolulu nei, mahope iho o ka hookuuia ana mai o na koa, mai ko lakou mau kahua hoomoana mai.
Ma ka manawa i liaa mai ai na kauoha i Honolulu nei, no ke a’o ana i kekahi mau makaainana, e lilo i mau aliikoa, i Mr. Stafford kekahi i hoi aku no Leilehua, a oiai he aliikoa mua no oia, ua liaa koke mai no kona hookohu kapena, iloko o na pule elua wale no, o ka noho ana aku o kela poe ma Leilehua.
Mai Honolulu nei aku i holo ai o Mr. Stafford no ke Camp Lewis, ma Amerika, malaila kona wahi i noho ai, ahiki i ka hookuuia ana o na mea apau, mamuli o ka pau e ana i ke kaua, a huli hoi pololei mai la no Honolulu nei.
Mamua o ke komo ana aku o Mr. Stafford iloko o ka oihana koa, he oihana loio kana e lawelawe ana ma Honolulu nei, a o kana oihana no ia i manao ai e hoomau aku, i kona wa i hoea mai ai ma keia kulanakauhale, eia nae ua kikoo e aku la ke keena o ka loio kuhina iaia, e hoi ae ue ka noho hana ana malalo ona.
Wahi a ka Loio Kuhina irwin, he nui ma hui i waiho ole ae i ka lakou mai hoike makahiki imua o ka puuku, e konoia ai ke keena o ka Loio Kuhina, e hookomo ae i na hoopii ku-e i kela mau hui, a aia no hoi he mau hihia oki mare, o na ma’i lepera ma Molokai, no iaila o ka hookohu ana i kanaka hou, no ke kokua ana mai iaia.
O ka Hope Loio Kuhina Lightfoot ka mea iaia ka lawelawe ana i kela mau hihia, a oiai e hala ana he manawa nui iaia ma Hawaii, no na hihia hoohalahala imua o ka aha kaapuni, ua hiki ole ke kakali aku, ahiki i kona huli hoi ana mai no Honolulu nei, pela iho la i lawe ae ai ka Loio Kuhina i keia keehina, elike me kana i hana aku ai.
------------------------
HOAO E HOOPAA i KA PAHiOLO
OLOPAPA MOKU NAE KA LiMA.
Ma ka auwina ia Poalima aku la o ka pule i hala he keikikane nona na makahiki he umi-kumamaha a nona hoi ka inoa o Henry Vasconcellos ka i ha lawai me ka poina mauwale oiai oia e hooholo ana i ka pahiolo olopapa maloko o ka halehana ukulele ma ke alanui Luso no ka hana ana i kookoo nona.
I ka pau ana o kana hana ua hooni niu hou ia ae la ka pahiolo olopapa niho wawaka e kekaho keiki okoa, a oiai oia e hoao ana e hoopaa i ka pahiolo ua kapeke iho la kona wawae a haule aku la ma kahi o ka pahiolo e niniu ana a moku ka wawae akau a loaa ka iwi. Aole keia o kona pilikia wale, ma ia manawa like ua moku mai la kona lima me ke kukonukonu loa i ka pahiolo.
Ua lawe koke ia ae oia no ka halema’i o na poina ulia a malaila i kamanaia mai ai kona mau wahi i moku.
----------------------------------
HOOLELEIA AKU KA LUA O NA PUALIKOA ITALIA MA ASIA.
PARISA, May 27.—Ua hooleleia aku e na italia ka lua o na pualikoa pakui ma Asia Uuku ma ka la aku la i nehinei i loaa mai ai ka lono no ia mea. Ua lilo keia hana a na italia i kumu kuhalahala na na Tureke a ua hoounaia ae kekahi hoohalahala e na luna aupuni Tureke i ka ahakuka maluhia ma Palani.
------------------------
Owai ka aina he uwahi kokolo kolaila?
Haina: O Kula i Maui, penei:
Moe kokolo ka uwahi o Kula,
Alualu hewa i ke kula la hoi mai.
-----Kapohakimohewa.
--------------------
Ihea la e nau ai na ku’i a ekolu manawa?
Haina: i Halemano, penei:
Nau na ku’i, nau na ku’i, nau na ku’i la e,
I ke anu a ka waikoloa i Halemano,
Ua hoonainaina paha ia Malamanui,
Ua pupuku ino na ku’emaka o Lihue.
Eha hewa ka ili aole au i hewa,
Na’u no ka’u mea nui i nuu ai,
A makoni-a-a leie wale ka makehiamoe.
---Na Ua.
---------------
I ka wa hea e “hi” ai kela i’a he pa?
Haina: i ka wa e lawai’a aku ai, penei iho:
“Hi” n oka “Pa”, “hi” no ka malau. Na Honolii.
HOOMAKAUKAU NO MUA AKU NEI
E Hoao e Hoomakaulii Ano—E Malama i ke Dala e wehe i Buke Banako Heahu me ke
CHINESE-AMERICAN BANK
A NANA AKU I KA ULU O KAU DALA
NA PAHI DALA $1.00 no ka Wehe Kihi o ke Alanui
ao ka Hoolimalima Ana i ka Hoahu Moi me Nuuanu
------------------------------------------------------------------------------------------------------------------------------------------
NUPEPA KUOKOA
--------
No ka makahiki (one year)....................$2.00
No eono mahina (six months)................1.00
O na Dala ame na Hoolaha Apau e hoouna pololei mai i ka ADVERTISER PUBLISHING COMPANY, LTD., wale no, P.O. Box 208. Honolulu, T. H.
Entered at the Post Office at Honolulu, T.H., as Second Class Matter.
CHARLES S. CRANE....LUNA NUI
----------------------------------------------------------------------------------------------------------------------------------
J. BROWN, JR.
LOIO.
He keiki Hawaii i makaukau ma kana mau oihana a he oluolu na kuka ana.
Na hana Palapala, Huli ana i na Aina Pohihihi, Akena Kuai Aina, na Koi Aie ame Hoaie Dala.
Keena Hana: Rumi 3, Waity Bldg. Iluna, Alanui Moi, Mauka o Wall Nichols.
Kelepona Helu 5938.
6348
------------------------------------------------------------------------------------------------------------------------------------------
Park Soon
---------
Mea Hana Uwaki, Mikini Humuhumu ame Ponogarapa. He Maiau ma ka Hana Ana.
Alanui Papu, Kokoke i Kukui.
KELEPONE HELU 3028.
------------------------------------------------------------------------------------------------------------------------------------------
BELINA, IUNE 4.—Ua ala hou ai na haunaele maloko o na kulanakauhale lehulehu ma ka hapa komohana i Hunegaria, pela ka hoakaka a ka lono i loaa mai ianei i nehinei. He mau haneri o ka poe e holo la no ko lakou ola no na mokuaina o Auseturia.
------------------------------------------------------------------------------------------------------------------------------------------
LUAU Na PA, NOHO, PAKAUKAU ame na IIALELOLE
no ka Hoolimalima.
PEOPLE’S HARDWARE STORE.
453 Alanui Moi Akau, Kokoe i Palama Settlement.
KELEPONA 2670.
6348---8 wks.
------------------------------------------------------------------------------------------------------------------------------------------
HOOPAUIA KA OLAHANI A NA KELEMANIA E NA AMERIKA.
-----------
COBLENCE, iune 4.—O ke olahani a na Kelemania o ka hoala ana ae maloko o kahi a na Amerika e noho ana ma ke ano he hana ku-e i ka kukuluia ana ae o ka republika Rhenish i hoikeia ae ai he manawa pokole wale no kona e ku ai ma ke ano he hua no kekahi ao i hoopukaia ae e na luna aupuni Amerika he a’o i hoikeia ae aia maloko o ia e kauia aku ana maluna o ka poe olahani na ahewa no ka hopena o ke olahani. Ua hoikeia aku i na Kelemania e kipakuia aku ana lakou iloko o na apana i noho ole ia maloko o Kelemania ina e hoomauia aku ke olahani ana.
Eha hora mahope iho o ka koaa ana aku o na ao a na Amerika ua hoopauia ke olahani ana a na Kelemania.
---------------------------
KULA’IIA HE LUINA MAILUNA
AKU O KA ONEKI.
---------
NEW YORK, iune 4.—Ua hoikeia ae imua o ka aha hookolokolo maanei ma ka la i nehinei ke ano o ko ka luina Able Hansen hanaia ana a halawai ai oia me kona make maluna o ka moana e ka luina J. Campbell iloko o ka manawa e hookolokoloia ana o A. Pederson ame kana keikikane Adolph Jr, ke kapena ame ka malamamoku o ka moku Puako, no ka hewa pepehikanaka.
i kulike ai me ka oleloike a Campbell, iloko o ka manawa o ka malama moku i piha ai i ka huhu ua alualu aku oia ia Hansen ahiki i ka loaa ana ma ka paehumu o ka moku, a kuwala aku la iaia mawaho o ka aoao o ka moku. Ua paa kekahi kaula ia Hansen, a oiai ua papaia na kanaka e ae aole e hookokoke aku ma kahi a Hansen e lewalewa ana e ka kapena, i ka nanawa a lakou i holo aku ai e hoopakele iaia, a i ka pau ana o ko Hansen aho ua haule aku la oia iloko o ke kai a nalowale mai ka ekeia ana aku, wahi a Campbell.
Eia o Pederson ke hookolokoloia nei mamua o ka aha federala maanei.
--------------------------
UA KAUOHAIA AKU KA MOKU E
MAKAUKAU.
-------
BREST iune 4.—Ua haawiia aku ke kauoha i ka moku o ka Peresidena George Washington e ku makaukau no ka holo aku maloko o na hora he 12 he manawa wale no e holo ai mahope iho o ke aumoe o iune 5. Ua manaoia e holo aku ana ka Peresidena i Amerika.
-------------------------
HAPA BILIONA BUSELA PALAOA I MAKEMAKEIA E EUROPA.
------
PARiSA, iune 4.—Ua hiki ia Amerika ke hoopuka aku iwaho 470,000,000 busela palaoa no ka hanai ana aku i na lahui kaua i pololi maloko o Europa mawaho ae o Rusia, e like me kekahi hoike o ka hopuia ana ae maanei ma ka la aku la i nehinei e Herbert H. Hoover, ka luna hoolako ai nui ma Europa.
---------------------
E nana i na anoano a e hookanaka kanaka iho. iloahu ai lakou no ka hooilo.
---------------------------------------------------------------------------------------------------------------------------------------
HE MELE HOOAEAE.
-----------
Noho no i Puna ka nani me ka maikai,
He hale kipa ia na ke ala me ke onaona;
Onaona no ka maile me ka hala o Keaau,
Ola ai no ke kupa o Kaniahiku,
Ku mai ka ua nahunahu kiekie iluna,
Hookakano no i ka la’i o Wahinekapu,
Huahuai mai na leo awahia a ka makani;
O na kauna olelo a ka Puulena i ka uka.
Kaka-o ka waha o ka ua nahua i ka nahele.
i ka i mai no ua lilo Olaolaia ia Panaewa.
Heaha la hou ka hewa si na kau hakina.
He poomaunu ia na ka lawai’a i ai a kau i ka laau.
Pau mai la nae i ka makapehua o ka uka,
O ia kini pololi noho nahele o Olaa.
Manao kou ola i ka hakina pua a ka makani,
i koena a ka naulu i ai a haale’e;
Ke pane mai la hoaa ke kona waianuhea,
Pelaka u mai ka hauanu a ka waiapo,
O ka’u hana akamai ia o ke konane,
He helu ekahi au ia mea he pulapu i lono oe.
O ka ole no oe he maukauka he ee pakeke;
He kela oe no mua he huki kaula kau hana;
He hana no kou he pulumi oneke no ka papahele,
Owau mai no ka haku ka ona o ia waiwai;
He wahi aloha no ka ua liilii la o Manoa.
Na KU o Manoa i haku.
--------------------------------------------
HE MAU MILIONA DALA I HAAWIIA AKU E WILSON I NA CZECHS.
------------------
WAKINEKONA, Mei 30.—Ua haawiia aku e ka Peresidena Wilson he $5,000,000 mailoko ae o ka waihona dala no ke kaua o $100,000,000 i na lahui Czeches-Slovaks no ka hoolako ana aku ia lakou me ke dala no ka lakou kaua ana aku i na Bolsheviki, a mahope mai ua haawi hou aku la i kekahi huina dala no ia hana hookahi, elike me ka ka hoakaka a ke Kenerala Peyton C. March, ke poo o ka puali Kenerala, ka mea nana i hoike ae ma ka manawa o ka hooloheia ana o ka bila o ka oihana kaua aina e ke senate ma ka la aku la i nehinei.
-----------------------------------
ina e loaa ke kanaka i ka ma’i “nae” o Waiku, o ka ninau, Mahea ka “nae” i hiki iho ai?
Haina: Ma ke kowa o na mokupuni.
Penei iho:
Huli mai ko alo ua anu au,
Ua hiki kuu ma’i a he naenae;
Mahea ka “nae” i hiki iho ai?
A e luhe nei oe kunewanewa,
Ma ke kowa la o na mokupuni.
Keikikauai.