Ka Nupepa Kuokoa, Volume LVII, Number 28, 11 July 1919 — He Moolelo no MAGURETA a i ole Iloko o na Wiliau a ke Aloha. He Moolelo i Piha me na Haawina o ka Ehaeha. [ARTICLE]

He Moolelo no MAGURETA a i ole Iloko o na Wiliau a ke Aloha. He Moolelo i Piha me na Haawina o ka Ehaeha.

"lie mau dala no ka'u i keia manawa, a'u i manao ai, ua lawa ia no ka malama ana ia maua no ka mahina hookahi," wahi a Kanani, me kona hoike ole aku nae i kahi i loaa ai 0 kana mau dala, mamuli 110 ia o kona kuai hoolilo ana aku 1 kekalii mau lako gula hoonani a Kauwila i makana aku ai iaia, mahope mai o ko laua mareia ana. (.) ke koena dala i loaa ia Kanani, mawaho ae o ka elua kaukani dala, ua hoolilo aku o Kanani ia mau dala, no ka uku ana i kana mau kauwa lawelawe, ana i manāo ai 7 o ka mea pono wale no ia ana e hana ai, oiai aole ana mau dala e ae e uku ai i na kauwa. ' "Ua hoolala no anei oe no kou wahi e nolio aku ai?" i ninau hou aku ai o Mr. Wokina ia Kanani. 'Ae, e hoi aku ana au me kuu kaikamahine ma ke Alanui (iia e noho ai me Mrs. Rpla, he wahine kane make, a'u i kamaaina ai no kekahi manawa loihi. Ua pau ko'u mau ukana i ka halihaliia no kona home, a ua hoonoho aku nei no hoi au i kuu kaikamahine me ia, pela iho la au i hiki ai ke hele mai e ike ia oe i keia ahiahi. No ke ki o ko'u. home, ua haawiia aku i ka mea nana i kuai i ka hale, nolaila aole a'u mea e hopohopo ai i koe, o ka imi wale aku no i kekahi iiana e pono ai." . "Ke hauoli loa nei au, e hoi aku ana oe e noho pu me Mrs. Nola e noho ai, ua. kāmaaina 'no au i kela wahine," wahi a Mr. Wokina, me ka hoomamaia ana ae o kona manao liupohopo no Mrs. Kauwila. "Aia a maopopo kekahi hana kupono ia oe, alaila hoike aku no au ma ka leka, ua maopopo ae la hoi kou wahi e noho ai ia'u, aka nae, aole no paha he hewa ia'u ke ninau e aku ia oe, heaha la kau ano liaua i makemake ai ?" "He nui no paha na liana hiki ia'u, aka nae, ina paha he liana kakau, ua oi loa ae ia o ka maikai, aole e hiki ia'u ke hele e a'o i na kamalii, he hana ia e kōnoia mai ai au e haalele i ka'u bebe i ka hale, aole no hoi o'u makemake. i na hana e noho paa ai maloko o ke keena, ina he liana kakau, e hiki ana ia'u ke lawelawe ia hana ma ko'u rumi ponoi, me ka makaala mau aku no hoi i kuu kaikamahine." "Ua lohe aku la au i Hou manao e Mrs. kauwila, a e hoar» au e huli i kekahi hana i kulike me kau i makemāke ai: aka nae ina no ka loaa o kekahi hana, e konoia mai ai kou hele ana aku i kahi okoa, aole anei he mea hiki no hoi ia oe ke hooponopono me Mrs. Nola, i wahi e lele ole ai kou oili no kau kaikamahine ?" "Malia paha he hana hiki no ia, aole nae au i noonoo mua no ia mea," wahi a Kanani me ka hiki no ke ikeia aku, aole ona hoihoi i na haiia ma kahi kaawale, e konoia ai oia e haalele i kana kaikamahine i ka hale. "Ke hoomaikai aku nei au ia oe e Mr. Wokina 110 kau mau kokua. apau i liaawi mai nei no ko'u popo, a oiai, ua hoomama loa ia niai ko'u noonpo; mamuli o kou ae ana e lawe aku i keia mau dala r -k4j niauao nei au, ua- lawā keia kamailio ana o kaua. e hookuu mai oe ia'u," me ke ku ana ae o Kanani iluna. he hookahi no hoi ke ku like ana ae me Laulani, a kamailio aku la oia i ke kamaaina o kela liome: ~E hoihoi pololei aku ana au ia Mrs. Kauwila no kona wahi i noho ai. a no kekahi manawa okoa aku no hoi e hele hou mai ai au e ike ia oe," wahi a Laulani, a mahpoe o ka liaawi ana ae o na lululima ana, ua oili ak*i la o Laulani me Kanani iwaho o ka hale. I ka hoea ana nowaho o ke alanui, kakali iho .la laua o ka hoea mai o kekahi kaa uwila, a kau like aku la no kahi i nolio ai o Kanani, ia laua maluna o ke kaa uwila, he mau kaniailio okoa wale no kaMaua, ma na mea i pili ole mai ia laua iho. aka e hoolalau mau ana ka Laulani kamailio ana ma na kumuhana, e hoopoina ai o Kanani i kona mau manao kaumaha apaU. I ka holo ana aku nae o ke kaa uwila ahiki i kahi e kau hou aku ai laua nei maluna o kekahi kaa okoa aku, lele aku la laua nei ilalo, me ka i ana mai o Kanani ia Laulani: "Aole no he loihi loa o kahi i koe alaila hoea aku no ko'u wahi hou e noho nei, a inā aole e lilo ana ko kaua hele ana aku, i mea hoopilikia mai ia oe, alaila aōhe a kaua kakali hou ana aku i ka hoea mai o ke kaa uwila, aka e hele wawae aku no kaua i hiki ai ia'u ke hoike piha aku ia ne i ke ano o ka pilikia i loaa ia'u." "Aole au e koi wale aku ana ia oe e hoike mai i na mea i pili ia oe ame kau kane, o kou kuleana no ia, aka nae ke huoniaikai aku nei au ia oe, 110 kou hilinai ana mai maluna, <» u, e lilo i mea nana e hoihoi aku ia oe no kou wahi i noho ai." Mamuli o ka oluolu o.ka Laulani kamailio ana aku, a hui l>u iho no hoi me ka lioi hou ana mai o ka Kanani mau hoomanao ana no ko laua mau la e pili ana ma ke ano he mau hoaloha oiaio, ua hiki ole i uā o Kanani, ke kaohi aku i k'>ua mau waimaka, *a ia laua e hoi malie la ma ke alanui, ua haha'i mai la o Kanani i ka moolelo piha o ke ano o ka hana a Kauwila, i lawelawe ai, elike me ka kaua e ka makamaka heluhelu i ike ae nei i na mokuna i liala.. a ma ka Laulani ike aku, aole na mānao hiipoi iloko o Kanani.no kana kane, aka, ua komohia aku ka manao hoowahawaha iloko ona no Kauwila, owai hoi.ia wahine nele ole ke.komohia o na manao hoowahawaha, no ke ku māoli no o na hana a kana kaiīe i ka lokoino 'ame ke aloha- ole i oliana. " Ua minamina maoli o LaUlani no Kanani, 110 ke komohia ana iloko o kekahi pilikia loa, mamuli o kamaaina i ko Kanani mau āno oiaio, ua maopopo iaiā, he hana paakiki ka hoihoi hou ana mai i kona māu ano kahiko, mahope iho o ka epā ana o Kauwila i kana wahine. lna no ka oili hou mai o Kauwila, a huli hoi mai imua o kana wahine, ua maopopo ia Laulani, aole loa o Kanani e nnna hou aku ana iaia, elike me kela manawa i hoolelepau aku ai kona noonoo maluna ona i kinohi, o kona lawe ana niai ia Kauwila i kane nana. Aole o Kanani i hoakaka mai i kekahi mea o kela ano, ua hiki loa no nae ia Laulani ke ike aku. he meahuna ia iloko o Kanani; o ka mea hookahi a ua o Laulani i hāuoli loa ai, o ia no ka hookau ana aku o Kanani i na hilinai ana maluna ona,iloko o keia manawa o ka pilikia i halawai aku me kona hoa holoholo o na 1a kamalii. K.like no me kela mau la kahiko, a laua e noke ai i ke kamailio no laua iho, pela no o Kanani e kamailio mai la i kana mau mea apau i noonoo ai e hana*nona iho, ma ia hope mai; hoike pu mai la oia, no ka loaa mau mai o ka leka a kona kaikunane iaia, me ke koi pu mai, e hoi aku a nnho pu me ia i kahi hookahi. "He hana hiki ole loa na'u ka hoi ana aku e noho pu me Reginola, kuu kaikunane," wahi ana. "Elike me ka mau o ke ola kino maikai iloko o'u, pela no ka hiki ole ia'u ke ae aku, e hoopilikia i kuu kaikunane, oiai he mau pilikia leliulehu no kona, nona iho. No ko'u halawai mau aku i

kela ;me keia la, me ka poe a'u i kamaaina mua ai, aole loa ia he mea no'u « hilahila ai, a o ko lakou nanakee ana mai ii'u iloko o ko'u manawa o ka pilikia, ua hoike mai lakou i ke kupono ole ia'u e nana hou aku maluna o lakou, he hoiloha no'u." Ua <omo loa aku kela mau olelo a Kanani iloko o ka puuwai o ke kanaka opio, me kona aneane loa e hopu mai īa Kanaii, a puili aku iloko o kona poli, aka nae mamuli o ka uumi īoomanawanui ana, i hiki ai iaia ke hookuoo iaia iho, me koia hooholo ana nae i kona manao, o ka mea hiki wale no iai; ke hana aku no keia hoaloha ona, o ia no na kokua, e hoopakele ae ana iaia mailoko mai o ka poino ame ka nele. "Ke hoomaikai aku nei au ia oe e Kanani, no kou hoakaka sna mai nei i na mea apau i pili loa aku i kou noho ana, a ma ke ano he mau hoaloha kahiko kaua a elua, aole anei e ae mai ana oe e Kanani, e lilo au i mea kokua aku ia oe ma l<ou mau pilikia apau. He nani ia, ua hoole mai nei oe i ka hoi ana aku e noho pu me kou kaikunane, e ae ana anei oe, e lawe aku i ka'u mau kokua ana īa oe, me he mea la, he ..kaikunane au nou. Ika manawa o kou pilikia, e lilo au i nlea naha e hoopau aku ia pilikia* a i kou wa e komohia ai iioko o na hookaumaha ana, e Hlo au i mea nana e hoopau aj(U ia pilikia, a i kou wa e kōmoīiia ai iloko o na hoomama aku i kou niau manao kaumāha apau."' •, , "Kd ike au e Laulani, h'e oia mau n'o kela ano kahiko ou, a'u i 'iiana mau āku ai .i "kou-mau aiio wahi a Kanani, me ka maha o. kona noonoo. "Ua lilo kou hoea ana mai iloko o ka manawa i noonoo mua ole ia, i hoopakele nui no"u; ina paha aole oe, ina ua lilo kela mau kaukani dala'elua i ka mea powa, aole nae pela, ua hoomama iki 'ia 'ae kekahi haawe kaumaha, ma o ka ukuia ana- aku o kēkahi iiapa o na'dāla a kuu kane i lawe. ai mai ka banako mai. , "0, e Laulani, ma ko'u manao, lle oi 'aku .ka aie aka mea hoopilikia maoli i ka noonoo ! . Peheā iio la hoi ka poe opiopio i komo ai iloko o ,na hana uhauha, i wahi e hookoia ai ko lakou mau manao haaheo, oiai no nae ua maopopo loa. no ia lakou, o ka aie ka mea nana e hoolilo ia lakou i poe kauwa. e hooikaika ana ma na aiio apau e uku aku i ko lakou mau aie, a i kekahi manawa e. lilo ana ka aie, i mea no lakou e loli ae ai i poe hana karaima,, a.i kekahi manawa e holo ana lakou a pee ma na wahi -mamao loa e halawai ole ai me ko lakou mau hoaloha. Ua lawa ka aie i kumu e hoopoino maoli ia aku ai ke ola ana o kekahi mea." "O kena mau mea apau au e hoakaka mai nei e Kanani, he.mau mea oiaio wale-no, aka.nae, no na aie a kau kane i hana aku ai, aole e ili aku nialuna ou ke ko'iko'i o na hoahewaia; maluna wale iho no o kau kane ka auamo ana i ke ko'iko'i o ka mea ana i hana ai, e loaa aku ka noonoo ia oe e Kana-ni pela, 110 keia kumuhana a kaua ē kamailio 'nei." "Hc oiaio, malālo paha o na kanawai o ka honua nei, ua kaawale i'o au mai na ahewa mai apau, aka ma na kanawai nae o ke Akua, ke manaoio nei au. he kuleana pu ko'u e kaumaha ai, mamuli o keia aie. I ko'u ae ana aku e lilo i wahine māre na Kauwila, ua hoopaa aku au ia'u iho ma na arto apau e komo pu iloko o kona mau hauoli, ame .kona mau kaumaha, ma ia ano la aole loa e loaa ka maha i kuu uhane, ahiki i ka ukuia ana o na keneka apau a Kauwila, 0 ka lawe ana ma ke ano kolohe mai ka hanako mai. "ile mea pono e loaa aku ka ike i na kanaka, aole loa au i lihi launa aku iloko o na kumu o ka noho aie. ana okuu kane i ka hanako, ke ku nei au maluna o kai niea a'u i ike ai lie pono, no ka hoopakele ana ae i kuu 'i'iioa maikai, ame ka inoa o kuu kaikamahine; e loaa-aku ka ike ia mamuli o ko'u uhauha, ka'u mau hana hoomiaunauna; ame ke kuai ' anā i na lole nani, pela iho la i kdmohia ai kuu kane iloko o ka aie, elike me ka na nupepa i\hoike ae ai i ke akea, aka mamuli wale no ia o na hana uhatwM a lealea iloko o Kauwila." Mihi iho la o Kauwila no kana mau olelo o ke kāmailio ana aku ia Ka,nani. aka nae hoao aku la no oia e kamailio Ika pane ana aku: "Aole au i ike i kekahi kanaka lokoino o ke aloha ole elike me keia, o ka holo mahuka ana, a haalele iho la i kana wahine ame kana keiki. e auamo i na ko iko i apau o kana karaima i hana ai, ke karaima iioi i ku e ai kana wahine opio a hioke aku imua o ke ao holookoa, ua pa-umi ae kou oiaio, ke kilakila ame ka makee i kou kulana. mamua o ka nui o na kane ame na wahine e ola mai nei i keia la.

''Auhea oe e Kanani, o ka'u wale no e hoolaiia aku nei i kou manao mai lilo keia mau pilikia i kau mai maluna ou, i kumu e hoopoinoia mai ai kou mau noonoo maikai, aka e hoopoina oe i na mea inaikai ole apau, a e kau aku i na manaolaua, no na nuhou maikai loa e hoea mai ana. Tna nae, ua lilo kela aie au o ka lawe ana mai, nau e hookaa aku i ka hui hanako, e ae mai oe, na'u e uku ae i kela mau aie apau. He nui ka'u dala i keia minawa, a owau hookahi wale ilio no ia e ola nei, me ke kauka'i ole mai o kekahi mea maluna o ka'u malama ana aku iaia. "O ke kumu i loaa nui mai ai ke dala ia'u, mamuli no ia o ka make ana aku o ke kaikunane hookahi wale.no o ko'u makuahine, oia kekahi o na kanaka nui o ka waiwai, a mamuli o kotia nele i ka hooilina ma ke kanawai, ua holo mai la kona mau waiwai apau maluna o ? u. E.ae mai oe e Kanani, e hana aku au i keia mea, ma ke ano o ka hana a ke kaikunane i kona kaikuahine, ma ia ano aunei, e kiolaia ae ana he haawe a ko'iko'i mailuna ae o kou hokua, a mailoko ae hoi d kou noonoo." MOKUNA XXIV. Ke ike aku nei au, he o ia mau no kela ano kilakila iloko ou e Laulani; aka nae, aole e hiki ia'u ke lawe mai i hookahi keneka o kau mau dala, no ka mea a kuu kane i hanā aku ai, a i hookomo aku ai hoi iaia iho, a i kona ohana iloko o ka poino." oe i ae ole niai ai i keia kokua ma ko'u aoao e Kanani. Malia paha, o ke kuniu o kou ae ole ana e lawe no kou hopohopo, o paa ole malalo o ka aie ia u, ina pela ea, heaha ka like ole o kou noho aie ana mai malalo o nie kela aie au e uku aku ai i ka hui hanako? O ka nni wale no iloko o'u, ma ka haawi ana aku i ka'u mau J<okua ana, o ia no ka hoopakele ana ae ia oe, mai na ano maikai ole mai apau, a ko ke ao ii£i e nanakee mai ai, me he mea la, o oe kekahi o na wahine hoowahawaha loa ia. Ina 110 au e ae aku ana, e uku aku oe i kela aie i hanaia e kuu kane, aole no ia he mea e holoiia ae ai na mea oiaio loa, no ka mau no o kela aie, me he mea la aole i hookaaia, o ka loli wale no, o ia ke kaa ana mai o ka aie malalo ou; o kekahi no hoi. aole e lilo ana ka uku ia ana aku o keia aie, i kumu e holoiia ae ai, ke karaima a Kauwila i hana ai, aka e ku mau aku ana ia ahiki i ka hopena o ka honua nei; 0 ka mea wale no nana e hoomama ae i kuu noonoo, o ia ko u hooikaika ana me keia kino wahine, ame na dala e loaa mai ana. ma ia hooikaika ana, e uku aku ai au i kela aie." Ua lilo na uwalo ana aku a Laulani, no ke kaa ma kona aoao,ka hoopau ana ae i kela aie i na haku o ka hanako i mea waiwai ole, ua paakiki no o Kanani, ma kana mea mua 1 hooliolo ai. O ko laua nei hele aku la ia, ahiki i ka hoea ana no ka hale i noho ai o Kanani, aole o Laulani i komo aku iloko, oiai ua aumoe kela manawa o ka po, aka mawaho no laua kahi i kamailio ai, ahiki i ka haawi ana aku o Laulani i kona iima, imua o Kanani no ke aloha ana, me kona nonoi ana nku nae la Kanani, ina paha e hiki ana iaia ke hele mai e īke iaia i kekahi manawa, he nonoi hoi i haawi koke rriai

ai o Kanani i kona ae, oiai o Laulani hookahi wale no kana mea i manao ai, o kona h6aloha ia iloko o keia mau la o kona pilikia. Mahope o ka haawi ana ae o ko laua aloha hope, ua hoi pololei aku la o Kanani noloko o kona rumi«moe, a ma kela po ; aole he hiki iaia ke hiamoe, ua lilo kela halawai pu ana j me kona. hoaloha kahiko, i kumu e hoalaia mai ai na hoomanao ana no ka wa i hala, a ua hoohalaia kekahi manawa nui ma kela po e Kanani ma ka hookahe ana i kofia mau waimaka o ka ehaeha, ahiki wale no i na hora o ka wanaao. No Laulani hoi, ua hoi pololei loa aku la no oia no ka home o kona hoaloha, kela wahi no ana o ka oili ana mai, a ike ai i ke aumeume o ke kanaka powa me Kanani, a mai kela hoaloha mai, i lohe ai oia i kekahi mau mea mawaho ae o na mea ana o ka lohe ana mai ia Kanani mai e pili ana ia Kauwila. Ma kekahi kākahiaka ae, hele loa aku la ua o Laulani e hui pu me Mr. Wokina, a hoohalaia kekahi manawa loihi e laua ma ke kamailio ana no ka Kauwila hana maloko o ka banako. Ua mahal.o loa ~o Wokina i ko Kauwila makaukau ma na hana apau i waihoia aku malalo ona, a i kekahi manawa lilo o Kauwila, i mea kokua mua aku i na ona o ka hanako ma ka hiki ana ke hoakaka ae i kekahi mau ninau pohihihi, a paakiki i na ona o ka hanako, ma ia ano iho la i hookauia mai ai na hilinai ana a kona mau haku maluna ona, me ka hapaiia ana ae a kau ma kekahi kulana ano nui iloko o ka hanakoi "Ina i akahele o Mr. Kauwila ma ke ano 'o kona ola ana, elike me ka uku e loaa ana iaia, aole loa e halawai iki me ka pilikia. aka e pii ae ana oia mai kekahi anuu a i kekahi; aole nae pela,. me ia ike 110, aole i lawa ke dala iaia, e hookomo ana oia iaia iho iloko o ka pilikia, ma ka hoohalikelike ana iaia iho me kekahi poe e aku, a o ka mea i oi loa aku ai o kona poino, i kona wa i pili mau aku ai me ka poe kiekie a hanohano, ua hoomaka aku la oia e inu nui i ka waiona, ma ia ano iho la, ua like pu ke dala iaia me ke kahe ana a ka wai. "Ua hoohuoi 110 au iaia iloko o kekahi manawa mamua aku o kona holo mahuka ana, aole he kupono iki o'kona noho ana, mamuli o kona kikoo e ana i kona uku mahina, jmamua ae o ka pau ana o ka mahina, o ka mea wale no nae nana i kaohi liiai ia'u, mai ka huli ana al&i i kana mau buke, o ia no kona hele mau mai i ka hana, a e hooko ana no lioi oia i kana mau hana me ka pololei. ! '*I ka maiiawa nae i loaa mai ai oka lohe ia'u, ua haalele | iho oia ia Kapalakiko nei, akahi no a ala mai ka hopohopo .ia'u, no kona lawe ana i kekahi huina dala mahuahua mailoko aku o ka banako, aole nae au i nana koke maloko 0 kana mau buke, aka ma ka ninaninau ana ma o a maanei, i loaa mai ai ka ike, ua komo kuhohonu aku oia iloko o ka aie; a i wahi e.pakele ai oia mai ka poe ana i noho aie aku ai, pela paha oia i hoolala ai e holo mahuka, me ka hoopiha ana i kona mau pakeke, ipe na dala o ka banako nei." | "Aole loa e kala kahiko i loa§i ai ia'u kekahi noonoo, e hoea mai ana i ka la a keia kanaka e hooko aku.ai i kekahi hana, e wawah.iia ai ka'puuwai 0 kana wahine aloha. He' kanaka oia i kupono ole loa elike me ke ano oiaio o kanal wahine, o ka mea oi loa aku nana i hooiaio mai i kona mau! ano lapuwale maoli, o ia no kona haalele ana i kela wahine me ka laua keiki, e ku aku imua o ke ao nei, me ka hoomanawanui i na hana hoomaewaewa a keia kanaka,.i hookau aku ai maluna o laua." "No kela wahine au e kamailio mai nei e Laulani, aole e hiki ia'u ke kaohi mai i ana aku i na mahalo kiekie nona, o ka anela kona hoa e kohu ai."

"O kena mau olelo au e kamailio mai nei no Mrs. Kauwila, he mau olelo oiaio loa ia. Ua kamaaina loa au i na ano oiaio a hoopono o Kanani Alika mai ko'u wā kamalii loa mai ahiki wale i.ke kanaka makua ana, aole nae au i moeuhane mua, ua loaa pu aku iaia kekahi kalena kilakila ioa o ka wahine oiaio, ma ka hiki ana iaia ke oili ae mailoko mai o na-pilikia he nui e hoopuni ana iaia, a nana aku i ko ke ao nei, me ke koa ame ka wiwoole. "Ua ike mua no au ia Noela Kauwila maloko o ke kula, mai kela manawa mai.no, i loaa ai ia'u ka ike, aole oia he kanaka kupono 'na kekahi wahine. la'u nae i lohe ai, e mare aku ana oia Lkuu hoaloha, ua komo koke ka hopohopo iloko o'u, e hoopilikiaia ana kela hoaloha e keia kanaka, ua hoea mai i ka hookoia ana o ia mea. Aia kekahi mau ano maluna o kona helehelena e hoike okoa mai ana, he kanaka oia i nana w.ale no i kona pono iho, aole i ka pono o ha'i," alaila hoakaka hou aku la o Laulani, no kana mea i ike ai ma ka po mamua aku o ka mareia ana o Kauwila me Kanani, o ia kona Jialawai pu ana me kekahi wahine malihini. "Alaila o kela wahine malihini au e kamailio mai nei, he wahine anei oia i hana hewa ia aku e keia kanaka no?" i ninau mai ai o Mr. Wokina, me ka hoike, okoa ana mai o kona helehelena, i ka piha me ka hoonaukiuki. "O ka'u koho wale aku 110 ia, oiai ua hele maoli kela waliine a piha me na manao ehaeha loa; aka ma kona mau ano ke nana aku, he lede oia ma na ano apau, o kana kamailio ana, he kamailio ana na kekahi wahine i loaa na hoonaauao kiekieia, a'u no i hoomaopopo aku, he wahine opiopio loa oia, a he wahine huapala no hoi. aole nae he ikeia aku o kona helehelena, i kau a mea o ka poeleele o ko'u wahi i halawai pu ai me ia." "He mea ano nui hoi keia au e kamailio mai nei e Lauiani, a pehea ua maopopo anei ia oe kekahi mau mea e pili ana 110 kela wahine mahope mai, e laa kona inoa ame kona wahi i hoea mai ai?" "Aole au i halawai hou me kela wahine mahope mai, aka nae e noonoo mau ana no au nona. malia paha ua pili aku oia me Kauwila ma kekahi ano. No ka pono nae o Mrs; Kailwila, ka wahine i haaleleia iho e kana kane lokoino, ke. makemake nei au e kukakuka pu me oe, no kou ae ana mai e lilo. owau ka mea nana e hoopau aku i ke koena aie i hanāia e Kauwila ia oe ame kou hoa o ka hanako. No kā pono wale no o kela wahine opio, ka'u e nana nei,aole no ka hoopakele ana ae i kana kane kolohe mai ke ko'iko'i ae o ke karaima ana i hana ai." "Ke ninau aku nei au ia oe e Laulani, heaha ke kumu nui 0 kou lawe ana ae i ke ko'iko'i o keia hana ma kou aoao?" 1 ninau.mai ai o Mr. Wokina. "Eia kekahi kumu, owau ka mea nana i. hoaia aku imua ou, ma ka manawa a Mr. Kauwila i hoea mai ai no ka hale hanako e pane 'i ka hoolaha i hookomoia maloko o ka nupepa, no kona kupono, ua hilinai mai oe i hooia ana nona, a i ka wa i kolohe ai kela kanaka. a ili aku la ka poino maluna ou, ua kau mai maluna o'u ke ko'iko'i o na ahewaia e pono ai, no ia kumu la, manao au, he hana kupono loa na'u, ke pani ana aku i ke koena dala i koe, i hoihoi ole ia mai i ka banako." "O, aole kena<he kumu kupono nou e pani mai ai i na dala i koloheia e y Mr. Kauwila, no ka mea o ke ano iho la no ia o na oihana hoopukapuka apau, he wa e poho ai, a he wa no hoi e puka ai. Aole no i lilo ka huina dala a kela kanaka o ka lawe ana ma ke ano kolohe, i mea ano nui loa ia'u, aka o ka pau o kona hilinaiia, o ka mea oi loa aku ia." "Ua pololei rio kena mau mea au e kamailio mai nei e Mr. Wokina, aka nae, no ka pono o kuu hoaloha kahiko, oia o Kanani Alika, e ae-mai oe, owau ka mea nana e hookaa aku i keia aie." "Heaha auanei ka like ole o kela aie i ka noonoo o Mrs. Kauwila, ina paha o makou ka poe e paa ana i kela aie, a i ole, o oe paha? Ma ka'u mau i ike a i hoomaopopo

no kela wahine, aole loa oia i makemake e lawe aku i kekahi dala, no ka hoopau ana ae i kona niau piiikia, ina ia i haawiia aku iaia ma ke ano makana, o ka oi loa aku, ma ka lilo ana o ia mau dala, i mea'e ukuia aku ai, na aie i loaa mai ma ke ano hewa." "Ua kulike ko kaua manao ma na mea i pili loa aku i ke ano o Kanani, a he hana pohihihi i'o na kela wahine. ka lawe ana aku i kekahi dala i haawiia aku iaia ma ke ano inakana; ke manao nei nae au. he hookahi wale 110 alahele e pono ai keia kumuhana ano nui." "Ua maopopo aku la ia'u kau mea e noonoo nei. ke ole r.ae au e kuhihewa, o ka mea nana e hookaawale ae i keia lede opio mai ua kaumaha mai apau. o ia 110 ka imi aua aku i kona pono ma ke kanawai, e hookaawale loa iaia iho ma ka hookomo ana i kekahi hoopii oki mare. mai kela kanaka lapuwale mai." ~ Ku ino ae la o Laulani iluna, me ka hele hoi o kona helehelena a haikea, a 110 ka ike ana mai o Mr. Wokina i kela ano maluna o ke kanaka opio, hoomau hou mai la oia i ke kamailio ana: "E huikala mai oe ia'u e Laulani, no ko'u hoala ana aku la i keia manao, he mea oiaio, aole loa keia he kumuhana kupono na kaua e kamailio ai, ina ua lilo aku ia i mea hoehaejia i kou noonoo." (< Ke huikala aku nei au ia oe e kuu hoaloha." wahi a I.aulani, me ka leo malie, me ka mau no nae o ka haikea o kona helehelena, a kamailio hoū mai la: "He mea hiki hou ole iho huna i ka meahuna iloko o kuu puuwai, nolaila he mea pono e loaa aku ka ike ia oe no ia mea. "Ua haulehia kahiko loa au i ke aloha ,no Kanaui Alika. mai ko maua mau la kamalii mai, a ia maua i pii ae ai 110 na la kanaka makua, aia mau iloko o'u ka manaolana, no kona lilo mai i wahine mare na'u i kekahi la, me ko'u hoike ole aku nae iaia no ia mea, a i ole ia, hoohele aku paha i na kamailio ana, ma ke alahele e loaa aku ai iaia ka ike 110 ka meahuna iloko o'u; no ko'u kuhihewa no hoi, ua kulik<no kona manao me ko'u, e kakali wale ana no oia o ka hoea mai o ka manawa kupono a'u e noi okoa aku ai iaia e lil- > mai i wahine na'u. "O kekahi kumu 110 hoi o ko'u hoike mua ole ana aku iaia i ko'u makemake e lawe mai iaia i wahine na'u. he mea maikai ole ka hoopaa ana iaia, oiai oia maloko o ke kula, iho la nae au, aia a ko'u wa e komo aku ai iloko o ke kula nui, ia manawa au e hoike ae ai i ka im'ahuna iloko o'u, o ka mea apiki nae, mamua o ko'u haalele «ina aku i ko'u home, ma ka huakai imi naauao, ua loohia ilio la oia i ka ma'i, nolaila aole e hiki ia'u ke hui pii me ia. ma kekahi wahi ku]>ono o maua wale no, a kamailio no keia kumuhana, nolaila ua haalele aku la au iaia, me kona ike ole mai i ka nui o ko'u aloha nona. "O ka pono no ka ia, o ko'u hoike e aku i ka meahuna \loko o kuu puuwai iaia, mamua* o kuu hoi ana i ke kula, i ko'u hoohakalia wale ana nae. ua hoea mai i ke poho wale ana o ko'u mau manaolana apau. Ma kela manawa a'u e noho ana iloko o ke kula, ua halawai iho la o 'Noela Kauwila me Kanani, a lilo mai la iaia ka puuwai a'u i ake aku ai no'u, a i ko'u huli hoi ana aku, no ko'u home. ike iho la au, aole he manaolana i koe, oiai ua paa ko laua Ia hoopalau, e kakali wale ana 110 o ka hoea mai i ka manawa ti<» laua e hooliloia aku ai i hookahi. "Ua ku a ma'i maoli au, mamuli o kela hooko ole ia ann 0 ka iini a kuu puuwai, a uo kekahi manawa, ua manao maoli n° au. e hoea mai ana i ko'u hopena, no ka mea. ke emi liilii mai la ka ikaika o ko'u kino, ua hele au a wiwi maoli. "No ko'u manaoio nae, ua loaa ia Kanani ka nohona hauoli ana, me ke kanaka ana i haawi aku ai i kona puuwai. ua hoao ae Ia au e hoopoina i ko'u noonoo ana nona. a hoolilo aku la i kekahi mahele nui o ko'U ola ana, ma ka hele makaikai ana mai kekahi wahi a-i kekahi; aua hiki loa n<» ia oe e Mr. Wokina ke koho mai i ko'u ano i keia manawa. 1 ka wa i loaa mai ai ka ike ia'u, 110 ka haaleleia ana .1 keia wahine e kana kane; ua Hke pu kela manao au o ka hoakaka ana mai nei i na minuke i hala aku la, me he poka pa hu i kiolaia mai a pa-hu ae mamua ponoi o kuu alo nei. "He hoaloha oia no'u mai ko maua niau la kamalii loa mai, pehea auanei e hiki ai ia'u ke nanamaka aku iaia. iloko o kona mau pilikia apau? O ka'u hana pono wale 110. 0 ia ka pulama ana mai iaia. ame ka hoopakele ana ae iaia mai na poino mai apau e hoopuni ana iaia. O kela mana.» au i kamailio mai nei, 110 ka liookaawale ana ae ia Kanam mai kana kane ae, manao au, he hana liiki ole loa ia. <» ka make wale no ka mea nana e haawi aku i ka maha i k«*la wahine, aole ma kekahi ano e ae. nolaila he hann maikm ole ma ko'u aoao, ka hoike ana aku imua o Kanani i kei.i mea. "Ma ke ano he hoaloha, a he kaikunane paha nona 1111 kekahi olelo ana ae, ua ili mai maluna iho o'u ke ko'iko'i <> ka nana ana aku 110 kona pono, pela au e makemake nei e lawe mai i keia aie maluna iho o'u, malia aole hoi e oi aku ka hoopilikiaia o kona noonoo, mamua o ko oukou paa 1 kela aie. e lilo ai i mea nana e noonoo mau ai i kela ame keia manawa. "E hoopoina kaua i ke kamailio ana no keia kumuhann. a e nana like mai 110 kaua i na mea e pono ai kela wahino ame kana keiki. Ua nui kona kaumaha e noho nei. in» aole e loaa ana kekahi liana kupono iaia, e lilo nui ai kona noonoo ma ka hana, manao au, e emi mau mai ana ka ikaika o kona kino ahiki i ka loli ana ae o kona mau anu aj»ati. e lioea koke mai ai kona hopena." "Ua ike au, o kena mau mea au e hoakaka mai nei. ke alahele wale no e hoopakeleia ae ai kela wahine mai nn poino mai: a e hooikaika aku ana au ma ka imi ana e lonn iaia kekahi hana kupono. O kana hana i makeniake ai. o ia no na hana pili kakau." "Ke manaoio nei au, o kela ka hann i kupono iaia. oiai he maikai ko Kanani lima kakau; aka nae, manao au, ua ike au i kahi e loaa ai o kekahi hana nana," wahi a Laulani, me ka lamalama ana ae o kona mau maka. "Ina hoi ha e loaa koke ana kekahi hana na keia wahine pilikia, alaila ua lawe aku oe i kekahi haawe ko'iko'i mailuna aku o kliU poohiwi," wahi a Mr. Wokina. "Ua halawai au me kekahi keonimana maluna o ka inokuahi hookahi a maua o ka holo ana mai nei no keia kulanakauhale, o Kadina kona inoa, e noho iho ana oia ma Kapalakiko nei. ma kana oihana i makemake ai. o ia ka hoopuka ana aku i kekahi mau huke pili i na hana akeakamai. Mai Nu īoka like ko maua wahi o ke kau ana mai maluna o ka mokuahi, a i kekahi la, oiai niaua e kamailio ana maluna o ka mokuahi, hoakaka mai la oia 110 kona makemake loa e loaa iaia kekahi mea akamai a makaukau i ke kakau ana. 110 ke kokua ana aku ma ka hana nui ana i hoolala ai. a oiai hoi kaua e kamāilio nei i kekahi hana kupono na Ka-nani.-me he mea la, o kela ka hana pokole loa e loaa ana iaia, ke ae mai keja kanaka e hoolimalima ia Kanani." "Aohe a kaua hoohakalia wale ana aku, me ke kauka'i ana i kekahi hana kupono loa na Mrs. Kauwila, aka e hele koke aku oe e Laulani e ike i keia keooimana. a hoakaka aku imua ona, i ke kulana oiaio i loaa ia Kanani, aole o'u kanalua 110 ka ae mai o kela keonimana, e lawe aku i keia wahine opio i mea kakau no kana buke i makemake ai e pa'iia. Eia ihea kahi o kela kanaka e noho nei ?" "Ke noho nei oia me kekahi mau hoaloha ona, ma ke Alanui Hai. ua kakau no au i kona wahi i noho ai, maloko o ka'u buke hoomanao. E hele koke aku ana au e ike iaia ma ke kakahiaka o ka la apopo. a hooikaika aku i wahi e loaa ai he hana ia Kanani. Ua lawa paha keia mau kamakamailio ana a kaua, e hoi au no ka hokele, i hiki ai ia'u ke kakau i kekahi mau leka, a hoouna aku ma ka mokuahi mua loa e haalele iho ana ia Kapalakiko nei." (Aole i pau.) , • ; ■ i +