Ka Nupepa Kuokoa, Volume LVII, Number 29, 18 July 1919 — KE HOOMAAMAA MAI NEI NO NA HEIHEI WAAPA. [ARTICLE]

KE HOOMAAMAA MAI NEI NO NA HEIHEI WAAPA.

Oiai he mah'ina okoa a oi i koe alaila •hoea mai i ka la no na lieihei waapa ma Honolulu nei, aole i kakali wal* l . na keiki o na hui heihei waa'pa ka Makala ame ka Healani, a kokoke aku ia manawa, aka e hoomaka koke aku ann ko lakou hoomaamaa ana i keia mau la, me-na manaopaa e alia'i i ka lanakila, mai na keiki mai o Hilo. He hookahi paha hoi kumu nui nana i kono aku i ko Ilonolulu nei iiiau keiki e hooikaika e kaili ae i ke eo ma na heihei waapa o Sepatemaba ae nei, inamuli o. ka ike maka ana i ka lanakila liiwahiwa a ko Hilo poe keiki i lawe ae ai me ka haah'eo mai ia lakou aku. Ma keia Sabati iho, e hoomaka ai ka hoomaamaa ana o na keiki o ka hui Makala, a ma ia. hoomaamaa ana e waeia ae ai na keiki o kela ame keia papa like ole, 110 ka hoomau ana aku i ka hoomaamaa aua ahiki wale i ka la e hoomaka ai ka hookuku ana o na liui waapa apau. Elike no me ka iini iloko o na keiki o ka hui MakaĀa e alia 'i i ka lanakila o na heihei ma ko lakou aoao, pela no me ka Healani, a ke hoomakaukau mai nei na keiki o kela hui, no ka liooniaka koke ana aku i ka lioomaamaa aua iloko o keia mau la. Oiai nae ko Honolulu nei mau hui heihei waapa e hoolalelale nei no lakou iho, aple i noho wale na keiki o Hilo, aka e hoomaamaa mau mai ana no lakou, no ka mea aia no ke kau mau mai la ko lakou mau manaolana, no ka aha'i hou i ke eo o na heihei apau ma ko lakou' aoao, elike no me ia a lakou i hookahaha mai ai i koonei poe, i hele a lehia ma kela ano hana o ka heiliei waapa. Mawaho ae o na heihei maamau, no ka poe o ka papa ekahi, ka papa elua, he mau heihei hou kekahi e. hoolalaia mai nei i keia manawa, no na hoa e ae oloko o na hui heihei waapa, ke ikeia nae, ua lawa like na hui apau me ka poe na lakou e lioe i kela inau heihei.