Ka Nupepa Kuokoa, Volume LVII, Number 30, 25 July 1919 — HE HOONANEA NO KA MANAWA [ARTICLE]

HE HOONANEA NO KA MANAWA

E ke Kuokoa, ka Iku Nuu: —O ko'u hoohiki ana iho la no ia no kauhale nei. Koekoe kahi leop, a hookuu no hoi ka nae. Ke hoomakaukau mai nei ko'u mau ohua anee halau i ka makou mau wahi kunono, paipu ame na wahi ipukai no ka pako'u aku. He hulu-puaa hookahi, he mau hulumoa, a he mau wahi lau-alani me na wahi lau-ko ka'u e ike nei, koe ka lau aao aole he ikea aku. Ono ino ka mea i koe aku la! He panoonoo loa kapa-a-kai i keia hi-o-na-la; a kau no hoi a pae ka la, a akahi no a louia ae e kahi aakimakau. He mau wahi iwi papalu ame hina-lea-luahine ke kamau. Mohalu no nae ka ipukai. Eia ko'u naau ia oe: Ina no kou hoola-au e hele pu me-a'u ma kahi wa hou aku; e hoomanao oe he momoua loa ke ala e koele ai ahiki i ka pu'eone kupono no ke paeaea ana. E lawelawe pu nae o na wahi o no ke ala, a i wahi nuku-pueo pu no hoi. Aole kaua e lawa i ka ihiloa, oiai, he wahi wela loa kela wahi. He kaha ai a wai ole. He nele ino loa keia wahi. O ka nele no ia mai ku a ka loa. Ke akaakaa nei i keia ka-palapala ana. A mama kaua e— G. K. KEAWEHAKU.