Ka Nupepa Kuokoa, Volume LVII, Number 31, 1 August 1919 — NA HOPENA POINO O KA LEALEA [ARTICLE]

NA HOPENA POINO O KA LEALEA

Ahea no la hoi kakou a aokanaka mai, me ka makee i na ano kupono o ke ola ana e hooloihiia ai ko kakou mau Ia; i ka hoomaopopo niaoli ana i ke kulana oiaio o kekahi mahele nui o kakou, o ka lealea iho la ka mea nui iloko o ko lakou noonoo, o ka hopena nae o ia hana he lealea, o ia no ka make ana o kekahi wahine opio ma Moanalua ae nei ma ka wanaao o ka Poakahi nei, a ma na.ulia laki wale no i pakele mai ai ke ola o kona mau hoa.

Aole kela o ka poino mua loa i ikeia nia kela hana o ka holo lealea, ua lehulehu wale na manawa i poino ai kekahi poe, ipa na ulia kaa otomobile, malalo no o keia kumu hookahi, aohe nae he ■ wahi mea a maka'uia aku ia mau ulia poino, o ka lealea iho la ka mea nui, ohi aku la nae ia wahine opio i ka hua o ka lealea, a keia pepa e a'o aku nēi ia kakou ,e lilo kela poino i mea a'o mai ia kakou, e kapae ae i ka lealea, a e makee i ke ola. I kulike ai me na mea i hoomaopopoia no kela huaka'i holo lealea mawaena o kekahi poe Pukiki eha ame na waliine Hawaii eha, ua hapaiia ae ia hana, mamuli o ka nohoalii ana mai o ka Moi Alekohola, o ka hopena nae i kau mai maluna o kela poe i makemake ia niea he lealea, he poino, he kaumaha a he kanikau ana. 9 Nui wale a lehulehu ko kakou poe opiopio i hoohala iko lakou manawa o ka-po ame ke ao, ma ka holo lealea ana maluna o na kaa otomobile, ma ke ano uhauha, me he mea la, he mea maalahi wale r.o ka loaa ana o ke ola i ke kanaka, o ka poe e hoomau ana ia ano lealea, ua hookokoke mau aku lakou, ia lakou iho ma ka'e o ka make i na manawa ap.au, no ka mea, e hapai ana na manao uilani o ka poe puni lealea. a kapaeia ae la na alahele palekana apau ,e hooloihiia aku ai na la o ke olā ana. Malia paha e olelo mai ana kekahi poe, he nui no na manawa a' lakou i hele ai i ka holokaa ma. ke. ano lealea me ka halawai ole me na ulia poino; he hookahi alahele no ko lakou palekana, o ia n'p'ka' lilo ōle aha o ka Waiona, i mea kokua aku i na manao lealea; aka, ina o ka waiona pu kekahi,- ka mea haule ole i ka poe holo lealea apau, e alakai ni.au ana ka Moi Alekohola i kahi o ka poino, ina aole ia, ma kahi e lilo ai ke ola, aka ma kekahi mau ano e ae, e kau mai ai no na haawina kaumaha. , Eia kakou na Hawāii, ke emi mau aku nei ko kakou huina lahui i kela ame keia makahiki, aohe nae wahi mēa a akakuu mai ko kakou mau manao hookiekie a haakei, aka e pii mau ana.ia iluna, ma na alahele wale no e kokua aku ai i ka emi hikiwawe ana o keia lahui kanaka; ina no ka nalohia o na Hawaii koko piha mai ko kakou aina aloha aku, i kekahi la e hoea mai ana ,aole ia malalo o kekahi kumu okoa ae, aka no ko kakou .makee ole maoli no, e malama i na hana apau e hoolaupa'i ai i ka aina. Ina eia kekahi poe o kakōu ke ola mai nei me ka lilo o ka leālea o ke ano i halawai ai ke>a poe ewalii me na poino, i mea haule olē ia lakou ,o ke a'o a ke Kiiokoa, e haalele aku ia ano lealea, a e pili ae me ka pohai, i makee, aole wale i ko lakou mau ola iho, aka i na ola makamae o ko lakou mau hoa kanaka. •