Ka Nupepa Kuokoa, Volume LVII, Number 31, 1 August 1919 — KA MAKEE NO KE KULANAKAUHALE [ARTICLE]

KA MAKEE NO KE KULANAKAUHALE

Aole paha he kumuhana ano nui a ko'iko'i iloko o keia mau la e nee nei, elike me ka ninau makeke kulanakauhale no kakou; o ka mea apiki nae, i kulike ai me na manao hoakaka o ke Kiaaina, o ia no ka pohihihi o ke alahele, e hoea koke aku ai i ka hookoia ana o ka makemake o ka papa o na lunakiai, e loaa he makeke o keia ano no ka lehulehu.

Ua ku a pilikia maoli i keia manawa i kau a mea o ka pipii launa ole o ka i'a, ua papalua a papakolu ae ke kumukuai a kaou e uku nei i keia manawa, mai ka kakou e uku ana mamua aku o ke ala ana inai o ke kaua o Europa, oiai no nae he o ia mau 110 ko kakou kulana kuloko.

O ka mea oiaio loa, e pono ai e loaa he makeke no ke aupuni, o ia no ka noho mana ana o na hu£ lawai'a i ka makeke e ku nei i keia manawa, a o ka poe na lakou e kuai nei i ka i'a, ma na pakaukau,' he poe lakou i hoopaaia a e hana ana, malalp o na aelike me keia hui lawai'a, nolaila, ua hiki ia lakou ke kau i na kumukuai kiekie, me ka nana wale no i na pomaikai o ko lakoil mau pakeke, aole hoi i ka pono, o ka poe e kuai ana i ka i'a. Ina he makee i'o ke Kiaaina ame ka papa o na lunakiai e loaa i makeke aupuni, kahi e loaa ai na meakuai me ka oluolu, aia iloko o ko lakou mau lima, a aia hoi iloko o ke apo o ko lakou mana, ka lawelawe ana mai i na hana apau, e hoopakeleia ae ai ka lehulehu, mai ka uku ana i na kumukui o ka i'a, i aneane ole e hiki i kekahi poe o kakou ke uku.

Iloko ka hoi o keia manawa nele i ka aila gesolina no ka holo lealea ana o na kanaka, he mea ole iho la ia i na manao uilani o kela poe ewalu no lakou ke kaa otomobile o ka hooku'i ana me ke kumulaau ohai ma Moanalua ae nei. Malia paha o ka hooliloia ana o ka okolehao i gesoline e hooholoia ai ke kaa, o ke kumu iho la ia o ka poino, ina pela he hana hooemi lilo ke ku malie ana o ke kaa i kahi hookahi, ina ua nele i ka aila, a pela hoi ka hoopau ana i na manao holo lealea iloko o keia wa pilikia, . " i ~