Ka Nupepa Kuokoa, Volume LVII, Number 32, 8 August 1919 — E PAU ANA PAHA KA PILIKIA MAKEKE! [ARTICLE]

E PAU ANA PAHA KA PILIKIA MAKEKE!

Ina no ka holopono o na mea i hoolalaia, e ka papa o na lunakiai, no ka hoolilo aku i kekahi hapa 0 ke alanui Kekaulike i makeke no ke kulanakauhale nei, 110 ka manawa, kahi a na kanaka mahiai, ame ka poe lawai'a. a hanai holoholona, e kuai ponoi aku ai i ka lakou mau \vai\va'f i ka lehulehu, 1 r,i li'Aa . alaila e hoea mai ana. i ka hookoia ana i? kekahi makemake nui o na makaainana,* no ka loaa ia kakou he makeke o keia ano. Aia he mau kumu lehulehu, no ka loaa he makeke no ke aupuni, mamuli o ka pii ino maoli o na mea apau a kakou e kuai nei i na makeke iloko mai nei o keia mau makahiki, oiai no nae, ua oluolu no ke kumukuai a na makeke e ukū nei i ka poe lawai'a, a i ka poe mahiai paha i ka lakou mau huaai, o na kumukuai nae e hoolilo mai nei i ka lehulehu, ua papalua a papakolu ae, me ka ohi nui 0 ka poe ma na makeke i na pomaikai, o ka auamo ana nae i ka pilikia. maluna ia o ka lehulehu, o ka 01 loa aku, maluna o ka poe uuku o ka lakou wahi loaa. Mamuli auanei o ke ku ana aku o keia makeke, ina no ka lawe kino maoli o na kanaka lawai'a, a poe mahiai a hanai lioloholona i ka lakou mau meakuai ma keia makeke, me ke kuai hoolilo ana aku i ka lehulehu, elike me ke kumukuai a na makeke e uku ana ia lakou, e konoia aku ana na makeke, e hoopipii nei i ka lakou kumukuai, e hoemi mai, ma ia ano auanei, e loaa ai ia kakou me ka oluolu, a o ka pono nui iho la ia o keia makeke i nianaoia ai, e hoopakeleia ae ka lehulehu mai ke kulana kupilikii mai e pahola nei ma keia kulanakauhale. I ke kukulu ana. aku nae i keia makeke no ka manawa, he mea pono pu e hanaia kekahi mau keena liilii, ame kekahi mau pakaukau liilii, i palekana ai na waiwai a ka poe kālepa. mai ka hoopoinoia aku, ina no ka waihoia ma na wahi kupqjio ole, o keia no kekahi mea nana e kono aku i na kanaka, e lawe mai i ka lakou mau meakuai, mamuli o ka ike ana, ua loaa na wahi palekana, e nui ole ai na hoolilo o ka hoihoi ame ka lawe mau ana mai i na waiwai i lilo ole i kela ame keia la. E wiki mai oukou e na hoa o ka papa lunakiai, ma' ka imi ana i na alahele e ku koke aku ai keia | makeke o ke aupuni, mamua ō ka hoomahuahuaia iana ae o na pilikia a ka lehulehu e auamo nei, ma ika uku ana i na kumukuai pipii o na meakuai apaū ma ka makeke.