Ka Nupepa Kuokoa, Volume LVII, Number 33, 15 August 1919 — HAAWIIA KE KOKUA I KA MAKUAHINE NAWALIWALI. [ARTICLE]

HAAWIIA KE KOKUA I KA MAKUAHINE NAWALIWALI.

Ma ka manawa i make ai o John, Kahawaiolaa mamuli o ka haule ana mailuna iho o kahi ana e hana ana mai kaupoku iho o ka Hale hou a ka Hui Uwila Hawaii kokoke i ka uwapo mamuli o ka naha ana o ke poo ame ka hakihaki ana o kona mau lala ma ka la 5 o Iulai i hala ua haalele iho oia he makuahine palupalu o 75 makahiki e kaukai ana i ka pono o kona ola ana na ke keiki e malama aku. Ua mamakuahine palupalu o 75 makahiki e kanaka ia laua ka aelike no ka hana ana ia hale e uku aku i ka makua-. hine o Kahawaiolaa, eia nae ua loaa e ae ka ike ia laua aole o Kaokele, ka makuahine o Kahawaiolaa, i kaukai i ka pono o kona ola ana i keia keiki aka me ke kaikamahine i mare kane, o Carrie Kilia ka inoa, ma kekahi hale ma ke alanui Liliha kokoke i ke ala-. nui Holokohana. Eia nae, ma ka noho ana a ka papa o na koi ulia ua loaa ka ike ia papa e hoomakaukau ana o Kahawaiolaa e kuai i kekahi hale ma ke alanui Liliha i wahi no ka makuahine e noho ai. Ua hookaaia eia $570.00 o ke $1200 ke kumukuai o ka hale, a maloko o ia hale o Carrie Kilia ame ka ohana kahi i noho ai no ke kumu ua nui loa ia hale no Kahawaiolaa ame ka Makuahine e noho kokoolua ai. Aohe o Carrie Kilia i uku i ka hoolimalima o ka noho ana malaila.