Ka Nupepa Kuokoa, Volume LVII, Number 34, 22 August 1919 — Page 8
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
KA HALEKUAI LOLE
THE MODEL
Alanui Papu, ma Waikiki o Pauahi.
"Hiki ke Laweia na Bona Aie
Maanei."
MA KE KAUOHA
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka HAWAIIAN AUTO COMPANY, LIMITED.
OIAI, o ka HAWAIIAN AUTO COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waiho ia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka ae ia aku o ka palapala noi i oleloia maloko o keia keena, mamua ae o ka hora 12 awakea o ka la 22 o Sepatemaba, 1919, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea noua ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
DELBERT E. METZGER,
Puuku, Teritore o Hawaii.
Honolulu, Iulai 11, 1919.
6357--Iulai 18, 25; Aug. 1, 8, 15, 22, 29;
Sept. 5, 12, 19.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka THE HAUOLI COMPANY, LIMITED.
OIAI, o ka THE HAUOLI COMPANY, LIMITED, he hui ia i kukuluia a e ku ana malalo a ma ka mana o ua kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waiho ia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hooiaha i kekahi mea, a i na kanaka apau he mau kuleana mamu@ a e kuleana nei paha i keia manawa @a kekahi ano iloko o ka hui i oleloia, e pono e waiho mai i na ku-e ana no ka ae ia aku o ka palapala noi i oleloia maloko o keia keena, mamua ae o ka hora 12 awakea o ka la 22 o Sepatemaba, 1919, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi oleloia.
DELBERT E. METZGER,
Puuku, Teritore o Hawaii.
Honolulu, Iulai 11, 1919.
6357--Iulai 18, 25; Aug. 1, 8 ,15, 22, 29;
Sept. 5, 12, 19.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana ika HOY YICK COMPANY, LIMITED.
OIAI, o ka HOY YICK COMPANY, LIMITED, he hui ia i kukuluia a e ku ana malalo a ma ka mana o na kinawai o ke Teritore of Hawaii, i kuli@e ai me ke kanawai i hoomakaukauia ma @@ hana o keia ano, ua waiho ia mai @ako o keia keena he palapala noi no ka hoopau aua i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a ia na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka ae ia aku o ka palapala noi i oleloia maloko o keia keena, mamua ae o ka hora 12 awakea o ka la 15 o Sepatemaba, 1919, a o kela ame keia mea e makemake ana e hooloheia aku maluna o ia mea, he pono e hoea kino ae ma ke kokena o ka mea nona ka iuoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ola ia aku ai ka palapala noi i oleloia.
DELBERT E. METZGER,
Puuku o ke Teritore o Hawaii,
Honolulu, Iune 27, 1919.
6356--Iulai 11, 18, 25; Aug. 1, 8, 15, 22, 29; Sept. 5, 12.
HOOLAHA.
Ke haawi aku nei ka mea nona ka inoa malalo iho nei i ka hoolahu, eia oia ke noho hana pu nei me kekahi hui lol@ maloko o Wakinekona, D. C., a e hiki no ke lawelawe i kekahi hana pili i ka oihana kanawai e waihoia aku ana malalo o kona malu. E haawiia no na kiai makaala ana no ka pono o ka poe e makemake ana i mau home hookuonoono maluna o na aina aupuni o Hawaii. Hoouna mai i na leka no keia manawa, malalo o ka malu o ka Elele Hawaii i ka Ahaolelo Lahui, Wakinekona, D. C.
W. A. KINNEY
6342--14 t.
HOOLAHA KUAI O NA HOOLIMALIMA AUPUNI.
Ma ka hora 12 awakea, o ka Poaono, Augate 30, 1919, ma ka puka komo mamua o ka Hale Hookolokolo o Kapaa, Kauai, malaila e kuaiia aku ai ma ke ku@ala akea, malalo o ka Pauku 380 o na Kanawai Hooponopono ilou ia o ka 1915, na hoolimalima laula i na Apana Aina Aupuni i hoakakaia mahope ae nei:
(1) Apana, 6, Kuea E, na Apana Taona o Kapaa, nona ka iliaina o 8280 kapuai kuea, oi aku a emi mai paha; manawa o ka hoolimalima, 10 makahiki mai Sepatemaba 1, 1919 aku; uku hoolimalima haahaa, $60 o ka makahiki, e uku hapa makahiki mua ia.
(2) Apana 2, Kuea G, na Apana Taona o Kapaa, non ka iliaina o 11290 kapuai kuea, oi aku a emi mai paha; mamanawa o ka hoolimalima, 10 makahiki mai Sepatemaba 1, 1919 aku; uku hoolimalima haahaa, $45 o ka makahiki, e uku hapa makahiki mua ia.
(3) Apana 3, Kuea G, na Apana Taona o Kapaa, nona ka iliaina o 8490 kapuai kuea, oi aku a emi mai paha; manawa o ka hoolimalima 10 makahiki mai Sepatemaba 1, 1919 aku; uku hoolimalima haahaa, $75 o ka makahiki, e uku hapa makahiki mua ia.
(4) Apana 5, Kuea G, na Apana Taona o Kapaa, non ka iliaina o 9670 kapuai kuea, oi aku a emi mai paha; manawa o ka hoolimalima, 10 makahiki, mai Sepatemaba 1, 1919 aku; uku hoolimalima haahaa, $80 o ka makahiki e uku hapa makahiki mua ia.
(5) Apana 1, Kuea H, na Apana Taona o Kapaa, non ka iliaina o 6300 kapuai kuea, oi aku a emi mai paha; manawa o ka hoolimalima, 10 makahiki mai Sepatemaba 1, 1919 aku; uku hoolimalima haahaa, $25 o ka makahiki e uku hapa makahiki mua ia.
(6) Apana 2, Kuea H, Na Apana Taona o Kapaa, nona ka iliaina o 8600 kapuai kuea, oi aku a emi mai paha; manawa o ka hoolimalima, 10 makahiki, mai Sepatemaba 1, 1919 aku; uku holimalima haahaa, $30 o ka makahiki, e uku hapa makahiki mua ia.
(7) Na Apana 5,6, âme 7, Kuea I, na Apana Taona o Kapaa, nona ka iliaina o 23505 kapuai kuea, oi aaku a emi mai paha; manawa o ka hoolimalima 10 makahiki mai Sepatemaba 1, 1919 aku; uku hoolimalima haahaa, $50 o ka makahiki, e uku hapa makahiki mua ia.
(8) Na Apana 8,9, âme 10, Kuea I, na Apana Taona o Kapaa, nona ka iliaina o 22500 kapuai kuea, oi aku a emi mai paha; manawa o ka hoolimalima, 10 makahiki mai Sepatemaba 1, 1919 aku; uku hoolimalima haahaa, $50 o ka makahiki, e uku hapa makahiki mua ia.
(9) Na Apana 11,12, ame 13, Kuea I, na Apana Taona o Kapaa, non ka iliaina o 22500, kapuai kuea oi aku a emi mai paha; manawa o ka hoolimalima, 10 makahiki, mai Sepatemaba 1, 1919 aku; uku hoolimalima haahaa, $30 o ka makahiki, e uku hapa makahiki mua ia.
(10) Na Apana 14,15, âme 17, Kuea I, na Apana Taona o Kapaa, nona ka iiaina o 2250 kapuai kuea, oi aku a emi mai paha; manawa o ka hoolimalima, 10 makahiki mai Sepatemaba 24, 1919 aku; uku hoolimalima haahaa, $30 o ka makahiki, e uku hapa makahiki mua ia.
(11) Na Apana 17,18 âme 19, Kuea I, na Apana Taona o Kapaa, nona ka iliaina o 25240 kapuai kuea, oi aku a emi mai paha; manawa o ka hoolimalima, 10 makahiki, mai Sepatemaba 24, 1919 aku; uku hoolimalima haahaa, $30 o ka makahiki, e uku hapa makahiki mua ia.
(12) Na Apana I âme 2, Kuea I, na Apana Taona o Kapaa, nona ka iliaina o 22800 kapuai kuea, oi aku a emi mai paha, manawa o ka hoolimalima, 10 makahiki mai Novemaba 1, 1919 aku; uku hoolimalima haahaa, $25 o ka makahiki, e uku hapa makahiki mua ia.
(13) Na Apana 18,19 âme 20, Kuea J, na Apana Taona o Kapaa, nona ka iliaina o 22500 kapuai kuea, oi aku a emi mai paha; manawa o ka hoolimalima, 10 makahiki mai Novemaba 1, 1919 aku; uku hoolimalima haahaa, $30, o ka makahiki, e uku hapa makahiki mua ia.
(14) Na Apana 21,22 âme 23, Kuea J, na Apana Taona o Kapaa, nona ka iliaina o 22500 kapuai kuea, oi aku a emi mai paha; manawa o ka hoolimalima, 20 makahiki mai Sepatemaba 1, 1919, aku; uku hoolimalima haahaa, $30 o ka makahiki, e uku hapa makahiki mua ia.
(15) Apana 17, Kuea J, na Apana Taona o Kapaa, nona ka iliaina o 7500 kapuai kuea, oi aku a emi mai paha; manawa o ka hoolimalima, 10 makahiki mai Sepatemaba 1, 1919, aku; uku hoolimalima haahaa, $80 o ka makahiki, e uku hapa makahiki mua ia.
(16) Apana 4, na Aina Palahalaha o Kapaa, nona ka iliaina o 1.75 eka oi aku a emi mai paha; manawa o ka hoolimalima, 10 makahiki mai Sepatemaba 1, 1919, aku; uku hoolimalima haahaa, $35 o ka makahiki, e uku hapa makahiki mua ia.
(17) Apana 5, na Aina Palahalaha o Kapaa, nona ka iliaina o 2.25 eka oi aku a emi mai paha; manawa o ka hoolimalima, 10 makahiki mai Sepatemaba 1, 1919, aku; uku hoolimalima haahaa, $40 o ka makahiki, e uku hapa makahiki mua ia.
(18) Apana 6, na Aina Palahalaha o Kapaa, nona ka iliaina o 1.60 eka oi aku a emi mai paha; manawa o ka hoolimalima, 10 makahiki mai Sepatemaba 1, 1919, aku; uku hoolimalima haahaa, $26 o ka makahiki, e uku hapa makahiki mua ia.
(19) Apana 43A, na Aina Hookuonoono o Kapaa, (Aina Wai) nona ka iliaina o 67/100 eka oi aku a emi mai paha; manawa o ka hoolimalima, 10 makahiki mai Sepatemaba 24, 1919, aku; uku hoolimalima haahaa, $15 o ka makahiki, e uku hapa makahiki mua ia.
(20) Apana 44A, na Aina Hookuonoono o Kapaa, (Aina Wai) nona ka iliaina o 6/10 eka oi aku a emi mai paha; manawa o ka hoolimalima, 10 makahiki mai Sepatemaba 24, 1919, aku; uku hoolimalima haahaa, $15 o ka makahiki, e uku hapa makahiki mua ia.
(21) Apana 45A, na Aina Hookuonoono o Kapaa, (Aina Wai) nona ka iliaina o 6/10 eka oi aku a emi mai paha; manawa o ka hoolimalima, 10 makahiki mai Sepatemaba 24, 1919, aku; uku hoolimalima haahaa, $15 o ka makahiki, e uku hapa makahiki mua ia.
(22) Apana 46A, na Aina Hookuonoono o Kapaa, (Aina Wai) nona ka iliaina o 85/100 eka oi aku a emi mai paha; manawa o ka hoolimalima, 10 makahiki mai Sepatemaba 24, 1919, aku; uku hoolimalima haahaa, $15 o ka makahiki, e uku hapa makahiki mua ia.
(23) Apana 34, na Aina Hookuonoono o Kapaa (Aina Wai) nona ka iliaina o 5-7/10 eka, oi aku a emi mai paha; manawa o ka hoolimalima, 10 makahiki, mai Sepatemaba 24, 1919 aku; uku hoolimalima haahaa, $30 o ka makahiki, e uku hapa makahiki mua ia.
O na hale apau ame na hanahou ma luna o kekahi o na apana i hoakakaia ae nei maluna, he mau waiwai ia no ke Teritore o Hawaii, a e pili pu me na hoolimalima.
Na ka põe kuai mai, e uku i na lilo o ka hoolaha ana.
No na kii palapala aina ame na hoakaka aku i koe, e ninau ae ma ke keena o ka Hope Akena Mr. G.W. Sahr, Lihue, Kauai, a i ole ma ke keena o ke Komisina o na Aina Aupuni, Hale Kapitala, Honolulu, T.H.
C.T. BAILEY,
Komisina o na Aina Aupuni, Hanaia ma Honolulu, Iulai 24, 1919, 6360--Aug. 8, 22.
OLELO HOOLAHA.
HUI KUAI AINA O HAENA.
E noho mai ana ka halawai makahiki o ka Hui Kuai Aina o Haena, Kauai, ma ka Hall o Haena, ke hiki aku i Sepatemaba 5, 1919, hora 10 a.m.
Ke kauohaia aku nei ka poe apau i kuleana i'o iloko o ua hui nei, e hele ae i ka la ame ka manawa i hoikeia maluna ae, e ike a e lohe i na hoike a na lunanui ame ke koho hou ana i na lunanui no keia makahiki e hele aku nei.
JAMES K. APOLO,
Peresidena H.K. Aina o Havena, Kauai, Kapaa, Kauai, Iulai 29, 1919.
6359--Aug. 1,8,15,22.
HOAKAKA O KA HOA-HUI O KA
THE HONOLULU MARKET.
Ma keia ke haawiia aku nei ka hoolaha, ma ka la 29 o Iulai, 1919, ua komo ae na mea no laua na inoa malalo iho nei, Young Sak Cho ame Charles F. Chillingworth, o ke Kulanakauhale a Kalana o Honolulu, Teritore of Hawaii, ma kekahi hoa-hui laula; o ke ano o ka hana a ka hoa-hui i oleloia, o ia no ka malama ame ka lawelawe ana aku i ka oihana makeke, ka hoolimalima ana aku i na wahi a pela waie aku; o ka inoa hui o ka hoa-hui i oleloia, o ia ka "THE HONOLULU MARKET" a o kona wahi lawelawe oihana aia ma ke kihi o na Alanui Moi me Kekaulike, maloko o ka Apana o Honolulu, Kulanakauhale a Kalana o Honolulu i olelo mua ia ae nei.
YOUNG SAKE CHO,
CHARLES F. CHILLINGWORTH,
WATSON & CLEMONS,
416-418 Hale Hawaiian Trust,
Na loio no ka "The Honolulu Market", Hanaia ma Honolulu, T.H., Iulai 29, 1919.
6360--Aug. 8,15,22.
OLELO HOOLAHA.
E ike mai na mea apau owau o ka wahine mare a Kai (Pake) Mrs. Hannah Akai ua haalele kumu ole mai kuu kane ia'u kana wahine mare, ke hoike ia aku nei ka lohe i ke akea, no kona hoi ana mai e malama ia'u a i hoi ole mai iloko o na la he Kanaiwa (90) mai keia la aku o ka hoopukaia ana o keia hoolaha alaila, e imi hou aku ana au i makua no'u.
Me ka Oiaio.
MRS. HANNAH AKAI,
Hoopuloa, Iulai 20, 1919.
6360--Aug. 8,15,22.
OLELO HOOLAHA.
Mamuli o ka haalele kumu ole ana mai o kuu wahine mare Mrs. Nancy Samuel M. Maialoha ia'u kana kane, ma keia ke papa a ke hookapu loa aku nei au i na mea apau, aoie e hoaie wale i kuu wahine mare i oleloia, ma ko'u inoa, me ka loaa ole he kauoha mai ia'u aku. O ka mea e hooko ole ana i keia kauoha e ili aku no na poho maluna on a.
SAMUEL MAKA MAIALOHA,
Wailuku, Maui, Iulai, 31, 1919.
6360--Aug. 8,15,22.
Kela Laau Kaulana
B.B.C.
He laa@ i hoohuiia o na launahele, laau e hana pu ana me ka hana a ke Akua, he hoomaemae a hooikaika ae i na mea paahana holookoa o ke kino, e kipaku ana i ka ma'i kino ame na ma'i ili wale mai, e heawi ana i ke kino i ka ikaika, ke ola ame ka mana i na a@lolo.
E hoopiha ana ka B.B.C. i ke kino me ka ikaika hao o ke ola ame ka ikaika o na la opio. Ua @o@@aia na poe nawaliwali ma na manawa lehulehu mahope o ka inu ana he mau pule wale no. Ua aponoia e na kauka kaulana he nui ame na kanaka iloko o ke ola lahui ana. O ka B.B.C. ka laau kamahao loa ma ke ao.
KUAIIA MA NA WAHI APAU.
Keena Kuai Laau B.B.C., 161 Alanui Moi
Honolulu, Hawaii.
Ma ka hoomaopopo iho hookahi kumu nui e ola mai la o na (olahani) koi ukuhana kiekie ma Amerika a ma na wahi e ae no o ke ao, oia no ka pii maoli o na kumukuai o na meaai, a pela me na mea e ae apau e pono ai ke ola ana, elike me ia e ikeia nei ma Hawaii nei i keia mau la. O keia kekahi kumuhana ko'iko'i e pono ai i ka papa lunakiai e haawi i kana noonoo hohonu ana, no ka mea, mamuli o ka pii o ke kumukuai o na meaai ame na mea e ae e pono ai ke ola ana i noi mau ae ai kekahi mau luna aupuni ame na limahana pu e hoopiia ae ko lakou mau ukuhana, i hiki e loaa ka lako kupono o ke ola ana, he hana hoopilikia nae ia ika waihona o ka lehulehu, a he hana hoomahuahua pu ae hoi i na auhau maluna o ka poe hookaa auhau.
Aole ma na meaai wale no e ikeia nei ka hoopilikiaia mai i ke ola ana o na kanaka, o na uku hoolimalima hale kekahi. Ua pii maoli ka hoolimalima o na hale i keia mau la, eia nae, aohe hiki i ka poe on a hale ke hoemi iho, no ka mea, ua ko'iko'i maoli na auhau i kau ia mai e ke aupuni e hiki ole ai ke alo ae. Heaha ka hana e emi mai ai@
HE LALAU KE ALOHA AINA.
Mr. Solomon Hanohano, Aloha oe:--
Aia maloko o ka nupepa Ke Aloha Aina o ka la 8 aku la o Augate nei, i ike iho ai au i kekahi mau manao hoakaka e pili ana i ka mana koho balota o na Iapana, ame na hoonee kalaiaina ana o keia mua aku, e hooili ana i na hookauhihi ana o kona manao pane iluna o na ilipuakea kamaaina o kakou i ka maka'u ka i ka nui o na mana koho balota o na Iapana, me ka hooili pu aku i ka manao nui hoino maamau no ka pili no i ka ninau hoopae limahana.
Kohu ole no hoi keia mau manao hoinoino aoao kalaiaina, me na manao waiwai ole e hoopunipuni mau ai i na kanaka Hawaii, e pai ai i ka Hawaii ma ka haiolelo ana a puka, alaila o ka poe Hawaii no ka lakou e kipaku ai mai ka hana ae; hilahila ole maoli!
Heaha la ka mea kamailio ole ae no kahi Pukiki kipaku kanaka Hawaii a lakou a i ka Iapana e kamailio ai, ka poe aole i koho i kahi Pukiki hoopiha Pukiki, ma kahi o na kanaka Hawaii ana i kipaku ai.
Lilo loa ka mea @ona kela mau manao i ke kamailio no ka hoopaelimahana ka mea nana i hoowaiwai nui ae i ka waihona o ke aupuni, aohe nae he hoikeike ae i ka nui o na kaukani kanaka Hawaii i uku ole ae i ko lakou auhau e pomaikai ai ke aupuni, a pela pu no hoi me ka poe Pukiki, hoopae limahana ka mea o lakou i hiki mai ai a oia no hoi ka oukou i koho iho la a ke kipaku mai la i na kanaka Hawaii mai ka hana ae; ola i'o no na kanaka Hawaii i ke Pukiki a oukou!
Ke maglio nei ka mea nana keia makapeni me ka moakaka le'a elike me ka malamalama o ka la i ke awakea, aole kumu pilikia e ae o keia lahui kanaka Hawaii, aia no he mau kumu.
1. O ko lakou hookauliilii ia lakou iho. 2. He lahui hoohalikelike kohu haole. 3. He lahui lawe i na olelo hoopunipuni, a hooiaio he pololei ia, a kapae i na lono oiaoi. 4. He lahui kuekue no lakou ia lakou iho, a he nui wale aku na kumu a'u i maopopo ai, aka, e pono no nae kakou e ike pono iho no no kakou Hawaii oiaio, o kakou no ka nui o na mana koho aole o hoopae limahana ma, iea no nae, puka ana ke Pukiki hoopaelimahana ia mai o na makua, nolaila makehewa ke kauoha ana mai i na kanaka e hoomaopopo hou aku i ka oukou koi mai, ua hooko aku kekahi mau Repubalika Hawaii, i ua wahi Pukiki nei @@kou ame Kumalae, o ka hua nae i hoea mai o kahi eke poi ame kahi i'a hauna o ka makeke ua kailiia aku ia a haawi ia na ke Pukiki ola kakou ia oukou.
Nolaila, he makehewa ka hoala hou ana mai i na a'o palaualelo ana i mea e hoopomaikai ai i ka poe i piha ka naau me ka noonoo kolohe e lilo ka inoa kanaka Hawaii i maunu hoopunipuni a puka i haole ame ke Pukiki ke hapaiia iluna, a o ke kanaka Hawaii ke jiloi iho ilalo, no ka hoowahawaha ia; nolaila mai kuhi i ka pilikia i ka haole a aohe he wa o lakou e mihi ai oiai ua lako lakou la, a ua ike lakou i ka lakou mea e hana ai no na Iapaua, nolaila aole o lakou wa e namunamu iho ai o ke kukulu ia ana mai nei o keia mau manao hoopunipuni i manao ia aku he oiaio; he lalau!
Aia no ma ka aoao mua o ua nupepa la e olelo ana i ka lu wale ia o ke kanaono kaukani dala o ka lehulehu e ka papa lunakiai mua aku nei, he papa hoi i noho mana ia e na Repubalika, a o keia no hoi ka maunu balota a J.J. Gern i keia kau iho nei e hoihoi ana i ke ino o na mea apau iluna o na Repubalika, aole nae o ua hoikeike mai i ka hana moo nahesa ana i hana aku ai ia elua Repubalika, o ia hoi o Mokamika ame Kale Belina o kona hgele ana e hana maalea a puni keia mau haole mahope oua, a manao ae ai kona pono ia kau in a no ke kupaa o keia mau Repubalika ma ko laua aoao i koho ia ai, aole, a mahea e puka ai kana mau hookohu oihana ia kau, i keia la nae ke hoolaha mai nei ke Aloha Aina i ka noho mana a na Repubalika maluna o ka papa luna kiai oiai nae o ka oiaio o na haole elua. Repubalika ka i ae aku i ke koi a na Demokarata a hoi a hui me na haole Demokarata a olelo iho la noho mana na Repubalika, kuhikuhi ka hewa i na Repubalika me ka noho uhauha i ke kanaono kaukani dala, aole olelo ae na lakou Demokarata no i hana uhauha ia kau, ua ku aku ekolu Repubalika ahiki i ka pau ana o ia kau a ke hooili ia aku nei ka hewa ia ekolu kanaka Repubalika wale no, oiai he elua Repubalika haole i hui aku me na haole Demokarata, a aha lakou a hui me ka meia kolohe alima lakou, uhauha nae apau a kuhikuhi, he mea mai koe o lakou na na Repubalika i kauoha ia J.J> Fern e kii mau i na pahu cigar ma ka waihona o ka lehulehu, oiai aole e loaa na pahu cigar i kona uku ponoi iho.
Nolaila o ka uhauha e kamailio ia la iloko o ke Aloha Aina, e pono e hoopaa ia iho na ka meia i uhauha na dala o ka lehulehu o na pila haawina apau ua kakuinoaia no e ka meia uhauha.
Me ka mahalo i ka Lunahooponopono ame na keiki o ka papapa'i.
Owau iho no he mea i maopopo i keia mau mea e hoohihia wale ia ae nei.
C.K. KEALOHA.
HE HOALOHALOHA NO REBECCA RINGER
Mr. Lunahooponopono, Aloha oe:--E oluolu mai i kekahi wahi keena kaawale no ka makou wahi ukana luuluu me ka waimaka, aloha wale kuu hoapili o ka au ana i na kaiaulu o Hawaii; ua pili wale ia no e maua me ka lei aloha he keiki.
He kaikamahine oluolu oia, heahea, hookipa i ka poe apau e kipa mai ana ma ka hale nei; maikai kana kuka'i kamailio ana me na hoaloha, aole oia hookiekie mai ia maua kona mau kahu hanai, a hala wale aku la no me ka manaonao, maluna o kona kino aloha, a maua e hiipoi nei me ka luuluu me ke kaumaha.
Ua pili wale ia e makou me ka Uakukalahale o keia aina malihiui, ani mai ka makani me he la o kuu lei aloha wale no ka mea i luhiia, a'u e puana ae ai i keia wahi mele:
Nani wale ka luna i Lanihuli
Huli ae au aole oe@
Ka waiho mai o na pono kino,
Na ka waimaka no e hauini.
E hoopulu ana i ka lihilihi,
Hiolo ka wain@oa o ke kehau,
Niau palanehe aku la kuu kaikamahine aloha,
Ma ke ao mau loa o na mea apau.
Me ka maholo, ke haawi nei maua i ko maua aloha a nui i na keiki oniuhua kepau o ke Kuokoa.
O makou no me ka oiaio.
K. MAKAHIEHIE,
L.K. LANIAWE,
MRS. LANIAWE.
HE NANE.
@ ka Lunahooponopono o ke Kuokoa, Anoai wale:--Ke loaa ke aloha ia e oluolu hoi e hooili iho i nei wahi puolo haule wale i ka La'i o Lele, ma kekahi rumi kaawale o ka oneki o ka Uwila Auapu ma ke aololaui honua, i ike mai na olohe huli mea pohihihi i keia wahi nane hooniua noonoo nona keia walu hooheno:
E ha'i ae oe i kou nani,
Ka malamalama oi kelakela,
Nau i noii nowelo aku,
Ahuwale na pali huna i ka ikeia.
Penei ka hooheno ana:
Ke malama maikai ia au, he @@@@ wai wai nui au no na lahui kanaka apau mai ka liko a ka laela, aka, in a holoiia au a hoolei wale ia, hehihehi wale ia iho no a kapae wale ia, e ikaboka ana au, ehia ka hoi mea aloha o ka pau o kuu nani ame kuu hie, hiolo ka nani i pulamaia.
He keiki kameha'i loa au a ka makua i hanau mai. E loaa no au maloko o ka hale o na alii a maloko o na pupupuhale o ka poe lopa loa. He keiki punahele loa au na ko'u mau makua, he nene ilikapu loa, me ke akahele wale no au e hiiia ai, he punahele hoi na na le@e makaonaona. Owai au@ Kuailoia mai!
O ka mea e loaa ai o ka haina pololei o keia naue he ekolu mahina lawe wale i ka Nupepa Kuokoa.
Ke mantovana nei e lele lii'lii mai ana ka lehu o kapuahi (haina) i na olohe huli mea pohihihi.
Unia, umia ko hanu i ualo! Hele iuka, hele i kai, hele i kahi e pee ai a nalo!
Me ka mahalo,
NIPOIKEANU.
Aekai o Kalia, Aug. 18, 1919.
HE NUHOU MAIKAI.
I ka Nupepa Kuokoa, Aloha oe:--E oluolu oe e hookomo iho maloko o kau nupepa i ke poomanao e kau ae la maluna, i ike mai ai ua kini makamaka, i ka nuhou maikai, e lilo ai i mea hoohauoli aku ia lakou.
No na makahiki ekolu i kaahoope ae nei, ua kaa aku au malalo o ka lapaau ana a kekahi mau kauka kaulana oloko nei o keia kulanakauhale mamuli o ka eha o ko'u ihu, me ka loaa ole o ka maha ia'u, a ua lilo hoi ka lakou mau hooikaika ana i mea waiwai ole.
I ko'u lohe ana uae no Kauka F.J. Pinkerton, he kauka no ka oihana kaua o Amerika, me kona mau keena oilhana ma ka Hokele Young, ua hele aku la au e ike iaia, a iloko o na pule ekolu wale no, ua pau loa ko'u pilikia.
He kauka akamai loa keia ma ka nana ana i na pilikia o ka pepeiao, ka maka, ka ihu ame ka puu, a in a he pilikia kekahi o ko'u mau hoa ma kekahi o kona mau pepeiao, maka, a ihu paha, o keia ke kauka akamai hookahi a'u i ike ai.
Owau iho no me ka mahalo,
THOS. PEDRO.
Honolulu, Augate 19, 1919.
E haawiia ka mahalo a nui i ka Lunakiai Eben Low e hooikaika mai nei e loaa i makeke kuai i'a no ka lehulehu, kahi e loaa ai ka i'a a mau meaai e ae me ka emi. Owai hou ae ia lunakiai e hooikaika mai ana e hoemiia mai na kumukuai o na mea e ae!
E HELE KAAHELE ANA ANEI OE?
He mea pono e hookomo pu ia ka Laau Nahu o ka Opu ame Hoopaa Hi a Chamberlain, maloko o kou paiki paalima, i ka manawa e hele ai ma kekahi huaka'i kaahele. O ka loli o ke ano o ka wai, ka ai ame ke ano o ke ea, he mau mea ia e ala mai ai ka ma'i o ka opu, e hiki ole ai ke loaa keia laau maluna o ke kaaahi, a mokuahi paha. He mea keia e hoopauia ae ai na manao kupilikee ame ka hoaa, in a ua makukau e oe mamua. Eia ke kuaiia nei e ka poe kuai laau apau, o Benson Smith & Co., na akena no Hawaii.--Hoolaha.
HOOMAKAUKAU NO MUA AKU NEI
E hoao e @oomakaulii Ano--E Malama i ke Dala e wehe i Buke Banako H@ahu me ke
CHINESE-AMERICAN BANK
A NANA AKU I KA ULU O KAU DALA
NA PAHU DALA ao ka Hoolimalima
$1.00 n@ ka Wehe Ana i ka Ho@hu
Kihi o ke Alanui Moi me Nuuanu
NUPEPA KUOKOA
No ka makahiki (one year) ……$2.00
No eon mahina (six months) ….1.00
O na Dala âme na Hoolaha Apau e hoouna pololei mai i ka ADVERTISER PUBLISHING COMPANY, LTD., wale uo, P.O. Box 208, Honolulu, T.H.
Entered at the Post Office at Honolulu, T.H., as Second Class Matter.
CHARLES S. CRANE ….LUNA NUI
J. BROWN, JR.
LOIO
He keiki Hawaii i makaukau ma kana mau oihana a he oluolu na kuka ana.
Na hana Palapala, Huli ana i na Aina Pohihihi, Aken Kuai Aina, na Koi Aie ame Hoaie Dala.
Keena Hana: Rumi 3, Waity Bldg. Iluna, Alanui Moi Mauka o Wall Nichols.
Kelepona Helu 5938.
6348
OLELO HOOLAHA
HUI KUAI AINA OF WAINIHA.
E noho mai ana ka halawai makahiki o ka Hui Kuai Aina o Wainiha, Kauai, ma ko lakou keena oihana ma Wainiha, ke hiki aku i Sepatemaba 4, 1919, hora 10 a.m.
Ke kauohaia aku nei ka poe apau i kuleana i'o iloko o ua hui nei, e hele ae i ka la ame ka manawa i ha'iia maluna ae, e ike a e lohe i na hoike makahiki a na lunanui, ame ke koho hou ana i na lunanui no ka makahiki e hele aku nei.
JAMES K. APOLO,
Peresidena H.K.A. o Wainiha, Kauai.
Kapaa, Kauai, Iulai 29, 1919.
6359--Aug. 1,8,15,22.
LUAU Na PA, NOHO, PAKAUKAU ame na Halelole no ka Hoolimalima.
PEOPLE'S HARDWARE STORE.
453 Alanui Moi Akau, Kokoke i Palama Settlement.
KELEPONA 2670.
6348--8 wks.
MAKEMAKEIA.
Ua makemakeia kekahi ike e ku-e ana i ka poe piliwaiwai loea, na on a o na wahi piliwaiwai ame ka poe malama banako ki-pa. O ia ike e loaa mai ana aole e. hoike wale ia ae, a ina hiki ke hilinaiia e ukuia aku no.
Ma ka Pauku 4182, o na Kanawai i Hooponopono Hou is, o ka 1915, ua hoakakaia o ka poe e komo pu ana ma na hana piliwaiwai, aole e hopuia in a e lilo ana i mau hoike.
WM. H. HEEN,
Loio Kulanakauhale e Kalana.
6360--Aug. 8,15,22,29.
KUU LEI ALOHA MISS ANTONIA KEKAHIWA A. KEAWE UA HALA.
Mr. Solomon Hanohano, Aloha kaua:--E oluolu oe e hookomo iho i ka'u wahi puolo e kau ae la maluna, i ike mai ai na makamaka, na hoaloha ame ka ohana o kuu lei heleloa.
Ua make kuu kaikamahine aloha i ka la 12 o Iune, 1919, ma Monalua, oiai mai Nuuanu mai ka hoihoiia ana mai o kuu lei. Auwe ka luuluu o kuu naau i ka ike ole ana i ka hanu hope loa o kuu leialoha, Antonia Kekahiwa.
Na kona papa no oia i kii a hoihoi mai. Ma @a hoihoiia ana mai i pau aho ma ai oia i ke @ ola ana. O kona papa hookahi ka i ike i ka hanu hope o ka maua lei. Auwe ke ehaeha o kuu naau e; ke hoomanao ae no kuu leialoha hele loa.
Ua hauauia kuu lei ma Nuuanu i ka la 20 o Maraki, 1914, a ua piha iaia na makahiki he 5 me na mahina 2 ame na la 23 o kona ola aua a hala wale aku la no. Awe kuu minamina i kuu lei poina ole!
Luuluu wale au i kuu ike ole i kuu leialoha; ua pau ka ike ana i kona mau maka ame kone helehelena. Auwe kuu luuluu i kuu lohe ole aku i ke kahea mai o kuu lei, mama mahea oe?
Ua hala kuu lei me kana mau hana hoalohaaloha; ua pau ka holoholo ana mai o kuu lei; ua haalele mai kuu lei ia'u ame kona hoapili he kuku; ua nohoia e kuu lei ka aekai o Mokuolo; ua pau ka hehi hou ana o kuu lei i ka aeone; ua pau no hoi ka hoopulu ana o ka ehukai i ka papalina pumehana o kuu leialoha. E Mokulama e, ua pau ka hehi ana o kuu kaikamahine i kou lepo. Peia no hoi me Nuuanu, pau ka hoo pulu ana o ka ua kilihune i ka papalina aloha o kuu kaikamahine hele loa.
Ua lawe hanaiia oia e ko'u kupunakane mai kona wa bebe ahiki i kona nui ana; ua pau ka luhi iaia; ua hiki iaia ke hana i kekahi me ke lawe aku oe iaia. Oiai kou kupunakane ua elemakule oia, no kahi elmakule ia aole e hiki ke malama i kekahi bebe liilii iluna ke alo elike me ko'u kupunakane, ua hele a palupalu oia i keia manawa.
Auwe kuu lei heleloa e, hoi mai kaua. Aole au poina ia oe, eia no au ke hoomanao nei nou e kuu leialoha.
Ua ko ka olelo a ka Buke Nui, o ke.
AINA KUAI EMI LOA
$550--Apana Aina 50 x 107 1/2 ma ke alanui Iana, kokoke i ka pa kinipopo o ka Moiliili, a kokoke pu no hoi i ke alanui kaa uwila. $25 ka ukumua, $15 i na mahina apau.
$350--Apana Aina 40 x 85 ma Lanakila mauka o ka Hale Pupule. He maikai a nani ka noho ana o kela wahi. He $25 ukumua a $10 i na mahina apau.
$160--Apana Aina, 50 x 100, Alanui 10, ma Palolo. $10 ukumua. $5 i na mahina apau.
PAULO KALAUKA
(P.E.R. STRAUCH).
Akena Kuai Aina Emi Loa.
Waity Bldg., Helu 71 Alanui Moi.
KUU WAHINE UA HALA.
Mr. Solomon Hanohano, Aloha oe:--E oluolu mai oe ma kahi kaawale o ka kaua nupepa Kuokoa, e hookomo iho i ka la haalele mai ai o Mrs. Lahela Kaawa i keia ola ana, iloko o Iulai 30, hora 6 o ke kakahiaka.
Ua haalele mai oia ia'u ame ka oha na apau; he 67 maui makahiki ona a haalele mai la. Ka nui o ko maua mau makahiki o ka mare ana he 19 me ka hapa.
He wahine oluolu a heahea oia i na kamaaina ame na malahini. Auwe kuu wahine, kuu minamina pau ole e noho nei!
He wahine haipule oia, a he hookipa i na malihini kipa mai ma ko maua home, a he makua no hoi no ka lehulehu.
Ke haawi nei au i ko'u hoomaikai i ka poe i hele mai e ike i kuu mama ame na po ke pua like ole. Auwe kuu wahine e! Na ke Akua no e kokua mai i ka oukou hana maikai. Ke hooki nei au me ka manao kaumaha a luuluu.
Owau iho no,
DAVID KAAWA.
DES MOINES, Iowa, Aug. 13.--Lehulehu na hana hoopomaikai i ka lehulehu i hookunanaia a no na oihana kalepa joi ua hoomaloloia maloko o keia kulanakauhale mamuli o ka olaha@i a na kanaka hana o na kaa uwila. Ma keia kakahiaka i haalele mai ai na kanaka i ka hana.
WASHIGTON, Aug. 13.--He 45,000 pu raifela me na miliona poka lehulehu i hoounaia aku e Amerika no na koa a ka Adimarala Kolchak ma Siberia. Ma ke alahele aku o Kapalakiko i hoounaia aku ai ia mau lako kaua.
Kanaka i hanauia he mahu wale no a nalo iho, nolaila ke haawi nei au i ka'u hoomaikai a nui i ka poe apau i hele mai e ike i ke kino puanuanu o kuu lei hele loa, ame ka lakou mau makana paa i hoohiwahiwa iho maluna o ka makou mea aloha.
Ke haawi pu aku nei no hoi au i ka'u hoomaikai a nui ia Mr. Maka Puahi ame Mrs. M Puahi, a ia oe e ka Lunahooponopono o ka Nupepa Kuokoa ame kou mau keiki hoonohohua kop'u welina.
Owau iho no me ka luuluu,
MRS. J. ANDRADE.