Ka Nupepa Kuokoa, Volume LVII, Number 35, 29 August 1919 — Page 5

This text was transcribed by:	Kamehameha Schools Gift To Dr. Chun
This work is dedicated to:	Dr. Michael J. Chun

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no Magureta

a i ole

Iloko o na Wiliau a ke Aloha. He Moolelo i Piha me na Haawina o ka Ehaeha.

I k@ laua noho ana aku nae maluna o ka noho, aole he wahi i @@ a akakuu mai ka uwe ana a kela wahine malihini, aka ke @@@ka makawalu la kona mau waimaka. ma na papalina. o ia @@@@ ana mai o ka wai ; aka nae i wahi e hooluoluia aku ai na @@@@ kaumaha o kona kokoolua, ua hele okoa aku la ua o Magureta e kii i wai, a i kona huli hoi ana mai, ua akakuu @@@ ka uwe ana a kela. wahine. me ka inu ana aku i ke kia @@@@.

Ua ike o Magureta he mea maikai ole nona ka hoala koke @@@ mau i na mea e pili ana i ka wahine i kulike loa ke ano @@@@mailio okoa loa. ahiki i ka hoi pono ana mai o ka noo@@@ maikai i loko o keia wahine, nolaila wehe ae la oia i ka@@@@ i hoopaaia i kekahi poki, i waiho ai kana mau meaai a @@@ la i ka wahine malihini:

@@@ nonoi aku ana au ia oe, e hui pu mai kaua ma ka ai ana @@@@ mau wahi meaai mama au o ka lawe ana mai nei. No @@@ manao e hoohala i kekahi mau hora o keia la, maloko @@@@ keia hale, pela iho la au i paa pu mai ai i kou aina awakea. aka ua lawa keia mau meaai no kaua a elua."

"Aole, e ai aku oe i kena mau meaai, o kou ai koke ana @@@ nei no ia. aole ou pololi i keia manawa," wahi a ka wahine malihini. me ka nana ana mai i na meaai maloko o ka po@ a Magureta.

"Mai hoole mai oe. ua nui maoli keia mau meaai, e lawa ai @@ kaua. A e ae mai oe i keia kono au. Ua ku a mehameha @@@@ au. a he nani hoi ia ua loaa iho la oe iau. nolaila ua @@@ kou hoa olelo e kamailio ai, oiai hoi kaua e ai ana i ko@@@ aina awakea. Ua kaawale loa au mai kou home mai, a @@@ i ka aina malihini e noho nei i keia manawa. He wahine Amerika au. aole he kamaaina no keia aina"

He Amerika io anei kou lahu?" wahi a ka wahine malihini me ke kahaha. "Aole anei he koko Palani kahi e holo @@@loko ou?"

"Aole ou manao he koko Palani kekahi i loko ou eia mai kekahi mau naaukake, a mai hopohopo oe i ka ai ana i keia @@@ mea apau; a in a paha o ko Magureta ka mea nana e kono aku ia oe e ai pu me ia, aole no oe e hoole mai ana." me ka i @@@@, wehe okoa ana ae o na o Magureta i na naaukake ame ka @@@@@@, a waiho aku la imua o ka wahine malihini.

"Ua like maoli no kau mau hana apau me na hana a Magureta, no ka mea, he mau manawa lehulehu a maua e hele @@@ mai ai i ka holoholo iloko nei o keia hale, me ke ie i piha i na meaai, a he hookahi ko maua ai like ana, a ke ike aku nei @@@ au. i ko kaua ai pu, me he mea la, aia no au i kela mau makahiki loihi i kaahope aku nei."

"Ina paha aole e lilo ana i mea hoopilikia aku i kou noonoo, ke noi aku nei au ia oe. e hoakaka mai i na mea e pili ana no Magureta; a ma ka inoa nae o kona makuakane, ua @@ iau ke ike aku, he wahine Palani oia," wahi a Magureta me ka lalau ana aku i kekahi alani.

Ae, he kaikamahine Palani oia. a o ke kaikamahine noo@@@ wale iho no a Mr. Delavina, ke kanaka kahakii kaulana @@@ kona home ma Bena e ku ai. Ua hoea nae paha oe no ke @@@kela e ku nei ma kela alanui ea?"

"O keia iho la no ka makamua loa o kou lohe ana no kena @@@@ au e kamailio mai ia."

"Ina oe e hele ana e makaikai maloko o kela kakela. e ike ana oe i kekahi mau kii nani loa. Ma kona mau paia. I hanaia e ka ike amerika noeau o kela kanaka kahakii kaulana loa."

"He hiki no nae paha i na mea apau ke hele e makaikai I kela kakela ea?"

"Aole he aeia o ka lehulehu e hele malaila, o ka poe wale @@@ i loaa na palapala ae, mai ka loio mai, nana e malama nei @a waiwai o Mr. Delavina, ahiki i ka loaa ana o ka hooilina poolei nona kela waiwai. Ina nae e loaa ana ia oe ha ma@@@ kaawale ma kekahi auwina la. ua hiki no iau ke lawe @@@ e hoomaikai ia oe no ka mea owau no ka mea nana @@ malama nei i kela kakela me kuu kane."

"Me ka mahalo a nui ia oe, a ke hooia aku nei au i kekahi auwina la, e hele aku no au e makaikai i kela kakela Maila o kela anei ka home o Magureta?"

"Ae o kona home i@ me kona mau makua ahiki i kona haa Me ana iho i ua home nei. he iwakalua a oi makahiki i @@@ aku nei."

"Ma ke ano hea o Magureta i haalele iho ai i kona home? @@@@ ane oe e hoakaka mai iau i kona moolelo?"

Ke ike aku nei au i kou makemake nui loa i na mea e pili ana ia Magureta nolaila he pono iau ke hoi ihope loa, a ka @@@ aku ia oe mai kona waiwai me kona kalena

Mai kona makuakane mai.

"Iloko o kona mau la opio, ua mare aku la oia i kekahi kaikamahine ui o kekahi ohana waiwai o Parisa nei a mailoko mai o kela mareia ana. Ua loaa mai la he hookahi a laua keiki. he kaikamahine, nona ka inoa o Magureta, ke kiionohi @oi a kona mau makua, ke aniani kilohi o ko laua home, a o ka punahele hoi a na kauwa apau o ke kakela.

Ua haawi aku kona mau makua i na hoonaauao kiekie ana i ka laua kaikamahine, o ka mea kupaianaha nea, aole i loaa iaia ke kalena a kona makuakane. aka he mau kalena lehulehu no ka i loaa iaia. I know wa i pii ae ai i ke kulana wahine. ua kamailio nui kona mau makua. no ka hoomare ma aku i ka laua kaikamahine. me ke keiki a kekahi o na kanaka koikoi o Parisa nei, aka aole i kulike ko Magureta manao me kona mau makua, me kona hoole i ka mare ana aku me kela kanaka opio, mamuli o ke kumu. aole i kulike ko laua @@@ ma ka naauao, a aole no hoi he akahele o kela kanaka ma ke ano o kana mau hana."

"I na manawa a kela kanaka opio e kipa mai ai i ke kaklea @@@ o Magureta mihimihi aku iaia, me ka hoike okoa ana aku kona mau maku, ua oi loa aku knoa mare ana me kekahi @@@maka Amerika, o ka noho pu ana me ia maloko o kekahi @@la. Oiai oia e aoia ana i ka ike olelo Beritania, a ua lilo kela makiki maluna o ke kanaka Amerika. Me ka hoole ana i ke @ane a kona mau makua i makemake ai nana, i mea hoopilikia loa aku i ko laua manao.

"No kela paakiki loa o na makua e mare aku ka laua kaikamahine me ke kanaka opio Palani, ua hooi loa ia ae ko Magureta makemake e mare aku me ke kanaka Amerika, a i ka wa i hoea mai ai, i ka hooko ana aku a na makua i ko laua makemake. ua nalowale honua iho la o Magureta, mai kona home aku. a he mau la mahope mai ana, ua mare aku oia i ke kopaka Amerika, ka mea ana i aloha aku ai kona puuwai apau.

"Maloko o kana leka e hoakaka mai ana oia o ke kanaka ana o ka lawe ana mai i kane nana, oia aku an akekahi o na kanaka kaulana ma Amerika, a e noi pu mai ana i hana ai, a e hoopoina laua i na mea o ka wa i hala, a e hookipa aku iaia ame kana kane maloko o ko lakou home.

"No kela kue ana aku nae o ke keiki i ka makemake o kona makuakane, ua hoole loa mai o Mr. Delavina, i ka hookipa ana aku i kana kaikamhine, a no kekahi mau manawa lehulehu ke kakau ana aku o Magureta iaia, aole nae he mea a maliuia aku.

"O ka pane hope loa a kona makuakane o ka hoouna ana aku i kana kaikamahine, o ia no ka haawi ana aku iaia, he iwakalua-kumalima kaukani dala, o kona mahele ia iloko o kona mau waiwai, me ka hoohiki pu ana aku, aole loa on a makemake e ike hou i kana kaimahine, a i ole e huli hoi aku paha no kona home.

"Oiai nae ua kaupale aku ka makuakane i ka hookipa hou ana mai i kana kaikamahine, ua hoolimalima oia i kekahi makaikiu no ka hakilo pono ana ia Magureta, a mai kela kanaka e loaa mai ai ka ike iaia, aia kana kaikamahine ke noho pu la me kana kane, maloko o kekahi home nani, aole i mamao loa mai Parisa aku. He manawa loihi kela noho pu ana o Magureta me kana kane iloko o ka hauoli, alaila loaa mai a ka lohe ia Mr. Delavina, ua huli hoi aku ke kane a Magureta no Amerika, amamuli o ka make ana o kona makuakane, a e huli hoi koke mai ana no oia, no ka hoopau pono ana i kona Imi naauao ana. Mamua o ka huli hoi loa ana aku e nohopaa ma Amerika. He mau mahina nae mahope iho o ka noho hookahi ana o Magureta ma ko laua home, ua hoea mai la he leka e kauoha mai ana, e holo kino aku oia no Amerika, a iaia i haalele iho ai i ka lepo o Palani nei, o kona ike hope ia ana ia, ahiki i keia halawai pu ana iho la o kaua.

He mau makahiki mahope mai o k ahala an aku o Magureta no Amerika, ua make iho la kona makuahine, o ke kumu no ke kaumaha mau i kana kaikamahine, pehea hoi e nele ole ai ke kaumaha mau i kana kaikamahine, pehea hoi e nele ole ai ke kaumaha, o ka mea nui hookahi wale iho la no ia iloko o kona noonoo.

"Mahope mai o keel make ana aku o Mrs. Delavina, ua pouliuli pu oloko o ke kakela a ua aneane maoli e naha kuu puuwai. i ke aloha ia Magureta, no ka mea mai kona wahi wa bebe mai, owau kona kauhanai, ahiki wale i know kaawale ana aku, ua like pu oia me he keiki la mailoko aku o kou puhaka.

"He elua makahiki mahope mai o ka make ana aku o ka wahine, ua ukali pu aku la o Mr. Delavina mahope o kona alahele, aka nae mamua o kona make ana, ua hoopau oia i kona manao huhu no kana kaikamahine, a hana iho la i kana palapala kauoha hooilina, e hooili ana i kona mau waiwai apau loa maluna o Magureta. in a e loaa ana oia iloko o na makahiki he umi. Ua waihoia ka hooko ana aku i kela kauoha iloko o ka lima o ka loio, a no na makahiki ehuku, ka huli hoo mau ana o kela loio, i kekahi mau mea e pili an ia Magureta aole nae he loaa iki, he ekolu wale no makahiki i koe, o ka pau no ia o kamana o kela kauoha.

"Eia no ke kakela ke malamaia nei, me he mea la, aia no na haku, ke noho la aloko, o kuu kane ka mea nana e nana i ka pa, a owau no me hookahi kauwa mawaho ae ka mea nana e hoomaemae mau nei ialoko; a in a e hoe mai ana i ka la au e ike ai i kuu Magureta maloko o na paia o kela kakela, he keu aku a ka mea hauoli o ka naau."

Ke hoolohe pono loa la o Magureta i ka moolelo a ka wahine malihini e hoakaka mai nei iaia, me kona piha pu no hoi i ke kaumaha, a no kekahi mau minuke loihi, mahope o ka hooiki ana iho o e kamailio ana mai a ka wahine aoo i kela moolelo, aole e hiki ia Magureta ke pane koke mai, ke noonoonui loa la oia, i ka moolelo mai kinohi mai ahiki i ka hopena, a iaia nae i aea ae ai iluna, a nana mai la maluna o kona kokoolua, ua ninau koke mai la ua wahine nei ka i ana mai:

"Ua olelo mai nei oe e kuu hoaloha, he wahine Amerika oe, ma Amerika no anei kou wahi i hanauia ai?"

"Ae, he wahine Amerika au, aka nae no kou wahi i hanauia ai, aole he maopopo iau; no ka mea, he moolelo no kou i piha me na haawina ehaeha, au e hoike aku ia ia oe, in a he makemake kou e lohe ia moolelo."

"Ae, e oluolu oe e hoakaka mai i na mea apau e pili ana ia oe iho."

"Ae e oluolu oe e hoakaka mai i na mea apau e pili ana ia oe iho."

"Aole au i ike i kou mau makua, aka iloko o kou wahi wa bbe loa, ua lweia aku au a waiho ma na anuu o ke alapii o ka home o kekahi kanaka maikai, na lawe aku kela kanaka ame kana wahine iau a malama me he mea la he keiki ponor me na makua i makee i ka laua keiki ponoi."

Me na waimaka e kahe ana ma kona mau papalina, me na lima haalulu hoi, ame ka leo i hiki pono ole ke kamailio mai i aku la ka wahine malihini:

"Ke hoomaikai ae nei au i na lani, akahi a loaa iau ka ike ua paneia mai kau mau leo pule, a ke manaoio nei au, aole oe he mea e aku, aka o oe no ka hua a kuu Magureta aloha. O kou mau ano apau loa, ua like ia me ko Magureta, ke ano no o kou leo, aohe wahi loli i kona. O, akahi au a ike, ua hoea mai i ka la e olino hou ai ka malamalama maloko o ke kakela

"Auhea oe e kuu hoaloha, o na mea au e kamailio mai nei. he hana hiki ole loa ia ke hookoia.

"Heaha ka mea e hiki ole ai ke hooiaioia?" wahi a ka wahine malihini me kona pia loa i ke pihoihoi, a hopu okoa mai la i kekahi lima o Magureta, me ka i pu ana mai:

"e hele koke kaua no ke kakela i keia manawa me ka hoohakalia hou ole aku, a e ike no auanei oe i ke kii o kou makuahine e kau la ma ka paia o ke kakela, he kii kela i penaia e kona makuakane, i kona wa i piha ai na makahiki i ka iwakalua. Ua kulike loa kela kii me oe ma na ano apau, o kahi wale no i ano e ae, o ia kona lole ame ke ano o ka hanaia ana o ka lauoho. E hele pu mai ana anei oe me au?"

Aole e hiki ia Magureta ke pane koke mai, no ka mea ke naka la kona kino me ka haalulu, mamuli o kona hoomaopopo ana aku, nia kekahi mau mea oiaio i pili i ka moolelo a keia wahine e kamailio aku nei iaia.

Elike me kekahi malamalama ano e, i anapu ae iloko o ka pouli o ka po, pela iho la keia nuhou kamahao loa o ka oili ana ae, a nalu wale iho. la no ua o Magureta iloko on a: @ Ua hiki mai anei i ka ulaaia ana ae o kekahi meahuna i pili loa aku i kona hanauia ana? Ua paa maoli no kona manao, aole loa he manawa ana e ike ai i ka moolelo o kona mau makua, mamuli o ka nele i ka moali e hiki ai ke hookolo aku. Koe wale no kela palapala me na huaolelo uuku i kakauia e kona makuahine, e noi aku ana ia Mr. ame Mrs. Anola, e lawe aku iaia i keiki hookama na laua, mawaho ae o kela mau hua olelo pokole ao loa he wahi hooiaio e maopopo ai kona mau makua.

"Pehea ka loihi a kaua e hele aku ai a hoea i ke kakela?" i ninau aku ai o Magureta me kona manao kanalua no ka ae ana aku i ke kono a kona kokoolua.

"He ekolu mile ka mamao mai keia wahi aku, a in a maluna o ke kaa uwila kaua e hele aku ai. e hoea ana no kaua ilailia, mamua o ka piha ana o ka hora hookahi.

"Ina pela; e hele io aku au me oe no ka nana ana i kela kii, me kuu kanalua loa no nae he wahi lihi kuleana kekahi ou i na mea au o ka hoike ana mai nei no kou pili ka Magureta nona kela kii. O ke kumu nui wale noo kou ae ana aku e hele pu me oe i loaa ai iau ka ike nou iho, in a ua kulike kela kii me kou helehelena.

"Maluna kaua o kekahi kaapio e hele ai, a na kela kaa no au e hoihoi hou mai, oiai aole au i makemake e hoi malihini mai maluna o ke kaa uwil. e noke mai ai na kanaka i ka nana iau. no ka mea, he malihini au i na kanaka o keia wahi."

Ua piha loa ka wahine malihini me ka olioli. no kela ae ana aku o Magureta i kana kono, o ko laua ku ae la no ia, a puka.