Ka Nupepa Kuokoa, Volume LVII, Number 35, 29 August 1919 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

KAROLINA METTI

Ka Makaikiu Wahine Hoopahaohao

a i ole

O Dude Dana, He Ahikanana Mahope o ka

Meheu o ka Poe Hana Dala Apuka

"Alaila he kanaka akamai ka paha oia ma kekahi ano hana?" "Ae; ua lawa oia i ka makaukau no kekahi ike loaa ole i kekahi poe oloko o kela hui." "Heaha kana hana akamai loa." "Alia au e hoike aku ahiki i kou pane mua ana mai i ka ʻ u noi," wahi a ka wahine. "A he mea pono no hoi ia ʻ u e ike maopopo aku i kekahi mea e pili ana nou ame ko kaikunane mamua o ko ʻ u pane ana aku i haina no kau noi. Ma keia iho ua pai kaua a pai." "E hiki apa no nae ia ʻ u la ke manaolana aku?" "Pela ka paa o kuu manao." i pane aku ai ka makaikiu. "Oia hoi e hoopakele ana oe i kekahi pomaikai me a ʻ u in a e loaa i ʻ o mai ana?" "Ae ; e hooko aku ana au i keia mea a kaua i kamailio iho la. aka aole nae au e hoopaa e ana ia ʻ u iho malalo o kekahi olelo hoohiki me oe ahiki ika loaa ana mai o kekahi mau ike hou ia'u." "Ma na ano apau aole e hiki ana ia oe ke hoohana aku i ka ike i loaa aku nei ia oe mai a ʻ u aku i mea e poino ai kuu kaikunane, ina au i hoakaka hapa wale aku nei no ia oe, o ke kumu o ko ʻ u hoike ana aku nei ia mea ia oe no kuu manao e hoopakele ae ana oe i kuu kaikunane, a eia nae ke hookakanalua mai nei hoi oe." "O ko ʻ u manao maoli no ia i hoike mua aku nei aole hiki ia ʻ u ke hana mua i kekahi mau olelo hoopaa me oe." "Alaila heaha ka ʻ u mea e hana aku ai?" i hooho ae ai ka wahine me ka leo nui ke ano o ka mea i hoka maoli a e hooko ole ia aku ana hoi o kona makemake. "Hilinai mai maluna o ʻ u ; hilinai mai maluna o kuu inoa hanohano, oia wale no kau hana pono e hana ai." No kekahi minuke paha ko ka wahine kulou ana iho e noonoo, a i ka loaa ana a kaua olelo hooholo, aea. ai la ke pooiluna a i mai la: "Ae: ke ae aku nei au. e hilinai no au maluna ou. Aohe mea e ae a ʻ u e hiki ai ka hana aku." "Ae: oia kou pono: aole no au i manao he kumu kekahi ma kou aoao e hiki ole ai ke hilinai mai maluna o ʻ u, aohe no hoi au mea e kaumaha iho ai ke hilinai mai oe me ka manaoio nui maluna o ʻ u." "Ke haawi aku nei au i ko ʻ u hilinai, a no ke hoakaka ana aku ia oe no ka mea e pili ana i kou ohana, i mea e loaa aku ai ia oe kekahi ike e pili ana nou, e pono iau e hoike akku ia oe i keia. " Maloko o ka makuaina i Masakuseta kou makuakane kahi i noho ai i kona ma la e ola ana. He kanaka akamai loa oia i ke kahakai ame ke kakau ana i na huapalapala. Ua loaa pu keia ike i kuu kaikunane me he mea la he ike no ia i ili mai maluna ona mai ka makuakane mai o maua, eia nae, he hoowahawaha oia ia hana okoa, a oiai oia ma ia hana ua halawai oia me kekahi kaikamahine ui a i hoonaauao kiekie ia hoi ma na ike apau i kupono i na wahine. "Eia nae, e makaukau ana oia e mare aku ia kaikamahine ma ka manawa i pau mai ai oia mai ia hana mai. Ua lilo kona nele ana i ka hana ame kona hiki ole aka ka mare i ke kaikaahine ana i aloha ai a i manao ai hoi i wahine nana, i mea hookuapupule loa i kona noonoo, a iloko o ia manawa o kona nele ana i na mauaolana i halawai ai oia me kekahi o na lala o ka hui a ka poe hana karaima. "Ua hoowalewaleia oia ahiki i kona hoike ana ae i kona akamai ma ke ano he kanaka opio akamai ma ke kahakii ame ke kakau i na huapalapala maluna o na apana keleawe ame na ano metala eae. Aole ona manao ia manawa e hana aku no kela poe, aka nae, ua noke mau mai la lakou i ke koi iaia e hana aku oia ma ke ano he mau mea hoikeike no ka hoao ana i kona akamai ma ia hana. "I ko lakou ike ana i kona akamai, ia manawa i koi ikaika mai ai lakou iaia e hui pu aku me lakou, me ka hoohiki pu mai imua on a e loaa ana iaia kekahi pomaikai nui ma ke dala a ma na ano e ae ana e makemake ai. Ua punihei oia a ua hoomaka iho la e kahakaha i keahi mau huapalapala maluna o kekahi papahao kila, a ma kana olelo mai iau ua piha ua poe la i ka hauoli i ka ike ana ia mau mea ana i haia ai, a ma kuu manao aohe paha he lia maluna o ka ili honua e ola nei i keia la i hiki ke hoohalike aki me ia ma ke akamai ma ia hana. "Eia oe ihea e noho nei?" i ninau aku ai ka manawa wale no nae." wahi a ka pane a ka wahine opio. "No ke ao ana e loaa ai iau ka ike kakau me ka mikini kakau ke kumu o kou noho ilaila. He manaolana kou e hiki ana no iau ke ola maluna o kau mau wahi loaa ke loaa iau ka ike kakaupokole ame ke kakau ana me ka mikini kakau, aka nae. he kokua nui loa iau kekahi mau haneri dala, in a hoi e loaa mai ana kou mahele o na dala makana e loaa mai ana ia oe, mai ana ia oe, mai ia oe mai." "Alaila o kou makemake no ka paha ia o ka loaa mai o kela mau dala makana, a i ole. o kou makemake nui paha oia ke hoopakeleia ae o ke ola o ko kaikunane. O ke aha o keia mau mea elua ka mea nui loa i kou manao?" " O ke ola o kuu kaikunane ka mea nui iau, Aohe ou nana no na dala makana, no kou pono hoookahi wale iho no ia. aka nae, in a hoi no ka loaa mai oia mau dala iau me ia mau dala au e hoouna ai iaia i kahi e. He manaoio kou e loaa ana ka haawina ao iaia e mau loa ai ahiki i ka hopena o kona mau la maluna o ka ili honua. i ka manawa e paa ai o kela poe i ka hopuia a hoopaiia. A me kela dala hoi e loaa mai ana, ina hoi no ka loaa mai, e loaa ana i kumuhana nana e hoomaka aku ai i kona ola hou ana a e hoonamaka aku ai i kona ola hou ana a e hoomaka aku ai i kekahi hana e hapai hou ia ae ai oia iluna maloko o kekahi kulanakauhale okoa aku." "Ua lilo keia mau olelo a ka wahine opio i mea noonoo nui na ka makaikiu no kekahi manawa. ma keia mau mea apau ana o ka lohe ana aku la aohe kanalua iloko ona he moolelo hakuepa wale iho no ia na ka wahine opio, aole no hoi ia he moolelo hoopunipuni e alakai hewa mai ana i kona noonoo. Aole mamuli o ka ui o ka helehelena o ka wahine opio ame ka maikai o kaua mau olelo i alakai hewaia aku ai kona noonoo. a i loaa ai hoi iaia keia manao, aka he hiohiona maoli no o ka oiaio o jeia mau mea i kana noonoo iho aole no oia i haawipio wale aku, aka, hooholo iho la oia e huli pono aku i ka oiaio ma na aoao apau. Aole oia i hoomakaukau e apono aku i kekahi hoike a ka wahine, me ka nana ole i ka moakaka a kupono maoli, me ka loaa ole o kekahi hooiaio maopopo e hoopauia ae ai kona kanalua. "Pehea ke ano o ka hana e hoomaka aku ai i kou manao?" i ninau aku ai oia. "Penei. I mea e loaa mai ai ka uku makana ia oe ea, aole oe e hopu wale no i na kanaka a paa, aka, e pau loa lakou i ka hoopa iia e pono ai," wahi o ka pane a ka wahine. "He mea oiaio ia au i olelo mai la," i pane aku ai ka makaikiu me kona mahalo pu iho la ika piha noonoo ame ke akamai o ka wahine opio. "He malama mai kela poe i na halawai a o kuu kaikunane pu kekahi e akoakoa pu mau aku me lakou. "Ihea?" "Hoko o kahi hale uuku au ame kuu kaikunane e noho nei." "Aia mahea ka hale kahi i ku ai" ninau aku ai ka makaikiu. "Aia no hoi maloko o ke kulanakauahale o Burukeline." "A he hele aku kela poe i kou hale?" "Ae." "Ua maopopo no nae paha ia lakou o oe kekahi i komo pu aku me lakou a ua maopopo ia oe ka lakou mau hana?" "Aohe." "O na papa metala e kakauia ai na huapalapala  no na dala a@uka aia anei maloko o kela hale a olua e noho nei?" "Aohe, he wahi okoa no kahi e waiho nei." Aia mahea kahi i waiho ai ia mau papa hao?" "Aohe i maopopo iau. O kau wale no o ka hoike aku ia oe i keia mau mea ae la, a nau ia e huli aku a e hookolo aku mahope o kela poe." "Ua ike no nae paha, ko kaikunane i kahi i waihoia ai o kela mau papa hao?" "Ua ike ana no anei ia oe ke hana aku ma kekahi ano i mea e hiki ai e loaa mai ia oe kekahi ike no kahi o ia mau papa hao i waihoia ai?" "Aohe hiki iau.. Ua hoao no hoi au e hana pela mamua eia nae wahi ana i olelo mai ai iau. aole hiki iaia ke hoike mai, no ka mea. ua hoohikiia ka oia aole e hoike wale ae i na meahuna a kela hui ame kahi a kela hui e hana ai i na dala apuka. "He hana no nae paha oia maloko o ko olua hale?" "Aohe. Ina hoi ha he hana oia i ka hale, in a ua ike au. E hele mau ana oia i kela ame keia po i kekahi wahi au i ko lakou hale e hana mai nei?" "penei e hiki ai: E hakilo aku oe ma kahi a kuu kaikunane e hele aku ai a komo, E hookolo pu aku oe mahope o na kanaka e hoea ae ana i ka hale o maua." "ina pela e hoea aku au i ko olua hale e pono ai, i mea e hiki ai iau ke hookolo aku mahope o lakou. Oia paha ka hana pono, ca?" "Ae, e hele io ae oe." "I ka wa hea?" "Aia no hoi paha i kau manawa e koho ai. Kau manawa e ike ai oia ke kupono." "A in a e hoea io aku ana au. Pehea iho la au e nalo ai i mea e ike ole mai ai kela poe?" "Nau oe e huna. E hiki ana no ia oe ke ike aku i kela poe e hele ae ana e kamailio pu me kuu kaikunane. E hiki poe e hele ae ana e kamailio pu me kuu kaikunane. E hiki ana ia oe ke lohe i ka lakou mau mea apau e kamilio ana. E hiki pu na ia oe ke ike i na helehelena o kela ame keia kanaka e hele ae ana i ka hale, a ia lakou e hoi aku ai ea. ia manawa oe e hookolo aku ai mahope o lakou. Ma kou manao e hele pololei aku ana no lakou mai ko maua hale aku a i ka halehana o lakou." "Ina pela, me au oe e hooponopono ai no kou hele aku i kou hale i ka manawa au e holoholo ai." "I ka wa hea ia?" "O. aole no e mamao loa ana mai keia manawa aku." "Ae, ma nei mua koke iho." "Maloko o na hora he kanahakumuwalu?" "Ae, maloko o ia manawa." :Ua loaa aku la ia oe na mea apau a pehea e hoololi ae iaia i hoike ma ka aoao o ke aupuni." "O aole i pono kela i kou manao, no ka mea, ke hoao nei hoi au e hoopakele ai iaia mai ke kauia ana mai o ka inoa hilahila maluna on a, a in a hoi e paa ana oia i ka hopuia aole no oia i kaawale mai ka hapanui ai o lakou, e ike mau ia mai ana no oia he kanaka hana karaima a e mau ana no kela alina maluna on a ahiki i kona hopena." "E hoike aku nei ai i keia mea ia oe no kuu manao o ka mea wale no ia e hoopakeleia ae ai oia mai ka hilahila mai. Ae, no keia kumu wale no i huai ae nei  au i kela mea imua o ke akea i kumu e paa ai kela poe i kahopuia." "Aohe i pololei kena manao ou, no ka mea, ia oe e makemake mai la e pau loa kela poe i ka paa i ka hopuia o ko kaikunane pu ana no kekahi e paa. e hiki aua no nae paha i oe ke hui mai me au i keia po?" "hiki no in a he makemake oe," wahi a ka wahine opio. "Ina pela ua pono ; he mea pono e loaa iau kekahi manawa e noonoo ai maluna o keia kumuhana mamua o kou hooomaka ana aku, Ua maopopo ia oe he hui kela na ka poe kiekie wale no. nolaila he mea pono e hanaia me ke aka hele loa ame ka makaukau piha ma kou aoao i na manawa apau." "O kou makaukau no ia ma kou aoao aka, eia kau ia oe e pono e hanaia me ka hikiwawe loa me ka hoohakalia ole aku a kekahi manawa loihi." "O, aole au e hoohakalia ana. e hana koke aku ana au, aka, e pono e loaa ole ia oe kekahi ulia. Mai hoohala oe i keia noi au no ka mea aole oe i ike aku i ka hana o ka la apopo." "O, mai kanalua oe no kou hoea ole aku, e hiki aku ana au, aole nae au e hoike mua aku ana i ka hora e hiki aku ai au." "O aole ia he mea pilikia, o kou hiki wale ae no kou makemake." "Ihea au e hui aku ai me oe i ka po o ka la apopo? "Ma keia wahi no. E ai like ana kaua maanei mamua o ko kaua hele ana aku i kou hale" Mahope o ko laua hooholo ana i kahi  o ke kihi o ke alanui e hui ai haalele mai la ka wahine me ka hoike ole mai i kona inoa mahope iho, a kaha aku la no hoi ka makaikiu hele ma kona alahele me ka nale nui iloko ona. Oiai ka makaikiu ma ke alanui. ala ae la ka manao iloko on a e hele e huli ia Miss Lama. a e ninau aki iaia i ka inoa o ka le@e opio i ai pu ai me ia maloko o ka hale aina. i knoa halawai ana aku me Miss Lama loaa mai la ia Dana ka ika he haumana ao hou i ke kakau me ka mikini kakau ka lede opio i hui ai me ia maloko o kekahi kula ana o ka noho kumu ana no ka manawa. a nana io no i kamailio mai i kela lede opio i na mea e pili ana. nona. mamuli o ka hoike ana aku o ua lede opio la no kona makemake loa e loaa kekahi makaikiu akamai loa i ka huli ana i na mea pohihihi apau, aohe nae ua lede opio la i hoike aku iaia i ke ano o ka hana ana i makemake mai ai i makakiu. I ka makakiu i hoi aku ai mai kela halawai ana me Miss lama ia loaa iaia ka manaoio he lede opio kela i hui ai me ia, he oiaio ma ke olelo a ma ka manao; ua makemake maoli io no oia e hakilo no ka poe haihai kanawai i mea no lakou apau loa e paa ai i ka hopuia a in a no kona hooko io aku ia hana ahiki i ka holopono ana e lilo io ana oia i makaikiu kaulana loa ma ia hope aku maloko a Amerika a puni. He hora mahope iho o keia manawa halawai aku la oia me kona kokua a kamakaikiu wahine Karolaina : ma ka mana aku a Dana i kona mau maka me he mea la he mau mea kana oke kaumaha ana nolaila aole oia i ninau koke aku a hala kekahi manawa ma ia hope iho. a ia manawa ninau mai la ua makaikiu wahine la iaia i ka i ana mai: "Ea, owai kela lede opio e kamaiho pu ana me oe i keia ia?" Nee ae la o Dana i ka akaaka o ke ano hauoli no koua @e ana al@ ua pii ke kai o Alapunika alaila ninau aku la : "Ua ike ae nae oe iaia e kamailio pu ana me a ʻ u?" "Ae la." "Ua ike pono ae no oe i kona helehelena ui. he helehele na e hoike aku ana aole kekahi manao hewa iloko on a? "Kona helehelena ui? hu, he nahesa kela e hoowalewale mai ana ia oe ahiki i kou komo ana aku i kana pahele i kau ai nou mamuli o kona aoia ana mai." "Ae hoi. he helehelena kona e hoike mai ana aohe manao hewa iloko on a." Haka pono mai la ka Karolina nana ana maluna o na maka o ka Makaikiu Dana, me ka loli ana ae o kona helehelena a haikea, oia no oe o ka lole keokeo la i hoopiliia aku ma kona mau papalina, haalulu ae la no hoi kona leo me he mea la ua loaa i ke anu a i mai la: "Ua koho hewa oe, e Mr. Dana, ua hoopunipuniia mai oe!" "Aole au i hoopunipuniia mai, a i ole, o ka pololei paha e olelo ae ai ua alakai hewaia mai au. Ma kou manao he wahine opio oiaio kela, he hiki ke ikeia aku ia mau ano maikai on a ma kana olelo a ma kona helehelena. Minoaka mai la ka wahine opioa a i mai la: "Ina aole oe i punihei i na olelo a kela wahine. alaila owau ka i koho hewa." "Heaha kou manao e Metti? Ke maopopo ole aku la iau la?" "Eia no kou manao i lohe mai oe ; ua puni oe i na olelo mali a kela wahine. He wahine akamai kela la i ka pelo: he kiu oia na kela poe a kaua e hooikaika nei e pau loa i ka paa. Ma keia la ua hoike mai oe i kou lilo ana i mea paani wale ia e kela wahine opio, ua hoolilo ia oe i mea naaupo. Ua hooaio aku paha oe la i kana mau olelo apau he oiaio. a e hooko aku ama oe i kana mau mea apau i kamailio mai nei ia oe? "E anuhea oe, o keia ka leo o ke ola ; mai hooko iki aku oe i ka makemake o kela wahine, o komo oe iloko o ka pilikia." "Aohe maopopo iki mai iau o kau mau olelo la. Ma kou noonoo iho me he mea la he mau olelo paani wale no kena au i kamailio mai la." "O kou manao maoli no keia, elike me ia au o ka hoike ana aku la ia oe." "Ua maopopo anei kou ike i kela kaikamahine?" "Ae, ua maopopo loa." "Ua lohe ae no oe i kana moolelo kamahao?" "Aole au i lohe aku, aka e hakilo loa aku ana kae au i kona helehelena i kona manawa e kamailio ae ana ia oe." "Aole au i ike mai iau." "Alaila o kela lede huapala e kamailio mai ana iau kau wale no o ka ike ana ae?" "Ae." "La oe e nana pono ae ana i kona helehelena heaha kou manao nona?" "Oia kekahi o na wahine akamai loa i ka pelo i hoounaia mai e hoopunihei ia oe, a ua ike oe i kona akamai me ka maalea lua ole mamuli o kou puni ana a ae aku la i kana koi mai ia oe pela kuu manao."Nee hou ae la o Dana i ka akaaka no keia mau olelo a ka makaikiu wahine a i aku la: "E, Metti, in a no kou lohe ae i ka moolelo a kela wahine e hoike mai ana, aole oe e manao iho ana he hupo au elike me kau e manao iho ai." "E hoike mai ana oe iau la i kana moolelo," i noi mai ai o Metti me ka leo o kekahi mea e makemake loa ana e lohe koke aku i kekahi mea.

MOKUNA VIIII.

Ka Hana Koa Loa a na Makaikiu

Alail hoakaka aku la o Dana i na mea apau i kamailioia mawaena on a ame ka wahine opio. "Ike oe, e Metti, i kou hikiwawe loa ma kou hooholo ana i kou manao me ke kuhihewa. Ma keia moolelo au i hoike aku la ia oe ua hana mai kela wahine i kekahi hana kiekie loa no kaua e pono ai ka kaua hana. E pili aku ana au i kou ola mamuli o kona oiaio ma na ano apau." "Pela?" "Oia kau i olelo aku la." "Auhea oe. laki oe eia au maanei e haoopakele ae ai ia oe mai kou hihia ana aku iloko o ka upena a ka nananana. E Dana, hilahila maoli au ia oe no ka hiki ana i kela wahine opio e hoopunihei mai ia oe; ua apuhiia mai la oe e kena wahine a ua puni aku la no hoi oe." "O, he olelo hupo loa kena au, e Metti." i pane aku ai o Dana. "O ke ike aku nei au me ka maopopo loa ua puni oe ua puni i ka maikai o na kiina olelo maalea a kela wahine." "Pela kou manao? Ina pela. e kuahine, alaila aole au e kue aku ana i kekahi mea au e kamailio mai ai, aka nae. no kou kuhihewa ke kala aku nei no au ia oe." "Ua kuhihewa io anei au? Ua maopopo loa ia mea ia oe la?" "Pela ka paa o kuu manao. Ua maopopo loa iau keia mea." "E Mr. Dana, he mea kau e hoike aku ana ia oe. Mahope au o kea meheu o kela wahine kahi i hookolo aku ai i kona manawa i halawai aku ai me oe. Eia au ke hanu nei mahope o ka lakou mau hana apau i hoolala ai, no ka mea o kau hana ia i ka manawa ae nei i hala mai ko kaua kaawale hope ana." Puiwa ae la o Dana no keia mai olelo a kona kokua. a i aku la: Ua hooholo au e hui aku au me ia i keia po? Pehea la ia i kou manao?" "Pela?. E hele io aku ana oe e hui me ia la i keia po? Ina no kou hele io aku ua ike no anei oe i kana mea e hana mai ana maluna ou? Auhea oe, o kela no ka wahine ui nana i alakai aki ia Olesona i ka lua pouli kahi ona e pepehiia mai ai me ka hoomainoino loa, a o oe hoi keia e hookomo okoa aku nei ia oe iho iloko o ka lua i maopopo loa ka mae nou. Mai hele oe! O kau uwalo mua aku keia ia oe no ka hoopakele ana ae i kou ola!" Nana pono aku la o Dana i na maka o kona kokua a i ka ike ana aku i ka hulili o kona mau maka hooholo iho la oia e ninau aku: "Fa. he lili anei kou nona?" "He lili nona! Aohe ou lili iaia, aka he lili au no kou oa. Aohe ou makemake e apuhiia mai oe e kela wahine i mea e hoopoinoia ai kou ola. No kou ola au e makee nei, a e hoike  mua aku no au ia oe i keia, in a no kou hooko aku i ka makemake o kela wahine e halawai ana oe me ka poino." "Ea, Metti. ke kamailio mai nei oe me he mea la ka hoi ua maopopo mua ia oe ka mea a kela wahine e hana mai ana maluna ou." "No kou maopopo hoi au i kamailio aku la ia oe i keia mea, aohe au e kamailio wale aku ana in a aole i maopopo mua iau." i pane mai ai ka makaikiu wahine. "Ua loaa nae ia oe oe kekahi ike e pili ana no kana mea e hana mau ana maluna ou?" i ninau aku ai o Dana. "Ae la. No ia ike hoi au i olelo aku la ia oe mai hele oe. o koo oe iloko o ka upena a ka nananana." "O, in a pela, e oluolu oe e huikala mai iau." "Aole; aohe waiwai o kou noi ana mai e huikalaia aku. aka e ae mai oe e hoakaka aku au i kekahi mea i maopopo ia oe: o keia hana a kela poe e hoao mai nei e hoopunihei ia oe o kekahi ia o ka lakou mau hana maalea loa i hoolala ai i mea nou e poino ai no ka mea. na kau ko lakou weli ia oe. "Ina no paha owau kela i kamailioia mai la aole no paha e nele ana kou puni ke maopopo mua ole iau ka manao o kela wahine, elike no me ia ana o ke apuhi ana mai ia ia oe; ua hoopunipuniia oe no kekahi kumu ana i ike ai au hoi iike ole aku ai, a me he mea la aole no e hoike iki ia mai ana ka moolelo ia oe ; o kela wahine la ea o ka lima akau oia o kela poe hana karima, oia no ka mea I @@@ unaia e apuhi i na makaikiu mamua apau i ka make, @@@ no ia i hoounaia mai la e hele mai e hoowalewale ia oe aia ka pono o kou hoea aku i kahi ou e paa ai ia lakou la kani ka lakou la aka. "No kona akamai loa i kamailio, ka maikai o kana mau olelo e punihei ai no na kanaka apau, ka ui pu no hoi o kona helehelena, pela oia i kohoia ai oia ka mea @@@@ hele mai e hoowalewale i na makaikiu elike me oe, i mea e paa ai, O ka manao o na kanaka o kela hui oia no ka @@@ kaawale ana i na mea keakea apau mamua o ko lakou alahele, i malaelae ke alanui no ka holopono o ka lakou mau hana, a oiai ua loaa la lakou ka ike maopopo i keia mana wa he makaikiu oe e hoohalua ana mahope, o lakou pela lakou i hoolala ai i na hana i mea nou e poino ai, "Ua maopopo ia lakou i keia manawa he kanaka kauia oe o ka weli, he kanaka koa, ikaika a makau ole oe eianaeme ia nui no o na anno maikai apau i loaa ia oe ua hoolala lakou i kekahi hana e hiki ole ai i kou manao koa a mailea ke heluia e ko lakou akamai." "Ua maopopo loa anei ia oe keia mau au e kamailio mai nei?" "Aohe paha au e kamailio wale aku ana in a hoi aole au i maopopo, no kou maopopo hoi au i kamailio aku la ia oe." "Heaha la kou manaoio maoli, ke ike ole aku nei au la?" "Eia no kou manaoio he lili au no kou palekana; mahope a kou ike ana ua maopopo kou mau ana apau i kela poe a e huli mai ana lakou ia oe i kekahi la i mea nou e poino, ai ia manawa i hoohole iho ai au ike maopopo ai o Girera. He kanaka kupanaha kela au i ike ma kona mau aoao apau. Ua hookolo ake au mahope o kona meheu ua ike maka aku au i kona hoouna ana mai i kekahi wahe keiki ma ke ano he elele nana, a i kuu ika ana i ka hele ana aku o ua wahi keiki la hoomaka aku la au i ka hahaiana mahope on a." "Pehea kou ano o ka hoanoe ana ia oe iho ia manawa?" i ninau aku ai o Dana. Nee ae la ka makaikiu wahine i ka akaaka alaila i mai a: "Ae malaila@@@ manawa." "Alaila o oe no ka paha ua keiki eleele la?" Nee hou ae la ka makaikiu wahine i ka akaaka a i mai la: "Ae, owau no ua keiki eleele la, a pela au la i naopopo ai i na mea apau." "E metti, olelo mai nei oe o Girera ke kanaka kupanaha o kau nae e olelo aku nei ia oe o oe ka oi aku o ke kapanaha o keia au. Mamuli o kou hoanoe ana ia oe iho a like loa me kekahi keiki elele i kuhihewa mai ai o Girera he keikikane elele io oe eia ka he wahine opio a he makaikiu nona ka moolelo kamahao loa a ka lehulehu e ike ole mai nei, koe wale no au ame ke Kapena Makai Waisa. @@@ mau aku i kau kamailio ana." "Ae; ua lawe aku au i kana leka, a o kela wahine opio ui au i kamailio mai nei nona ke kaikunana i paheleia ao a komo i ka hui a kela poe, iaia au i haawai aku au i ka leka i ka hui ana ae o kela peo, a malalo hoi o kekahi hoooi anoe hikiwawe loa au o ka hana ana ae me ko lakou ike ole mai ua lohe aku la au i kekahi hapa o ka lakou mau mea i hoolala ai no ka hoopoino ana ia oe. "Ua ike aku au i kela wahine opio ui au i kamailio mai nei i ka hele ana ma a hui me oe e ku aku ana no au e hakilo ma kekahi wahi au i ike ole mai ai aohe nar au mea i lohe aku ma kela hui ana a olua e kamilio ua ike iho no nae au e loaa ana no iau ka ike no ka olua mau mea o ke kamailio ana mai a oe mai ke halawai kaua, a ua loaa iho le i nei manawa." "heaha ka lakou hana i hoolala ai?" i ninau aku ai ka makaikiu. "O ka hana a kela wahine opio oia no ka hele ana mai e hui me oe a e noi aku ia oe, elike me na mea au i hoakaka mai nei, a e hooikaika oia ma na ano apau i mea e hilinai aku ai oe maluna on a he mau mea oiaio wale no kana i kamailio mai ai ia oe, a ua ike au i ka holopono o ka hana a kela wahine opio mamuli o kou puni ana iaia. "He kanaka okoa ka kela wahine o ke koho ana oia kona kaikunane a ma kekahi mau anohana ana i ike ai nona iho a i kokuaia mai e na kanaka o ka hui a lakou e hana mai ana lakou ma na mea e hoopoino mai ai i ko kakou mau kanaka, alaila i ka manawa hope loa e hookaawaleia ana kakou a kaawale loa kekahi mai kekahi mai, a ia manawa e pepehiia ai  make. "E hana mai ana lakou me ke ano e loaa, ole ai kekahi kokua ma ko kakou aoao, e hana mai ana lakou ma ke ano hoopuiwa loa ia kakou iloko o ko kakou manawa e noho nanea loa ana, pela ko lakou manao, eia nae, he hana hiki ole loa ia lakou e hana mai ai pela, no ka mea, e like me ia au noonooi nei manawa o lakou a pau loa ke paa aku ana ia kakou i ka hopu a maloko o ka upena ponoi a lakou i kau ai e pau loa ai lakou i ka hei aole hookahi e puka aku." "O, e kuu Metti maikai nui maoli no kuu aie ia oe! Ua maopopo ae la ia kaua ka lakou mau mea e hana mai ana, alaila peha ana kaua e hana aku ai?" "Eia; e hele aku oe e hui me kela wahine, e ole au e koho hewa e hakilo mai ana kekahi o ko lakou poe ia oe E hana kakou i kekahi hana maalea a akamai loa e hoopuniheiia aku ai kela poe a e ikeia aku ai hoi ka lakou m@@ e hana mai ana." "Pehea oe e hana aku ai i mea e ikeia aku ai ka lakou hana?" "Ma keia po owau ke hele aku e hui me kela wahine." "Aole, owau ke hele aku e hui me ia," i keakea aku ai, Dana. "Ae, e hele no oe e halawai me ia, aka nae, e hoolohe mai, owau. ke hele mua ak ue hui me kela wahine a mahope ae oe e hele ae ai. E ike ae ana oe i ke mea a mau mea paha e hookolo ae ana mahope ou, a e manaoio iho oe e hahai mai ana kela poe mahope ou. E hoolala kaua no kekahi wahi a kaua e koho ai, ma ia wahi e nalowale ai au a o oe ke hoea mai, a i kou manawa e hele aku ai e hui me hela wahine opio ia manawa oe e ike maopopo iho ai i ke ano o ka hana a kela poe e hana mai ana. la manawa oe e ike iho ai i kau mea e hana mai ana. la manawa oe e ike iho ai i kau mea e hana aku ai maluna o kela poe." "Maikai loa kena manao oou, e Metti, i pane aku ai ka makaikiu. "Pela kou manao, in a e paani ana kaua me ka pololei e ike iho ana oe nou iho e hana mai ana kela wahine ma ke ano aole oe e hoopilikia aku ana iaia: ua hiki ia oe ke haawi aku iaia i na ike apau ana i makemake ma ai a" A hoomaha iho la ka makaikiu wahine i kana kamailio ana. (Aole i pa)