Ka Nupepa Kuokoa, Volume LVII, Number 36, 5 September 1919 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no

MAGURETA

 a i ole

Iloko o na Wiliau a ke Aloha. He Moolelo i Piha me na Haawina o ka Ehaeha.

 

            "E hoopoina loa oe i kau mau mea i lohe aku nei, o ka oi loa aku no na mea e pili ana ia. Noela Kauwila." wahi a Reginola. me ka leo oluolu. aole hoi elike me kela mau olelo oole'a ana i pane mua mai ai i kana wahine a maule ai oia.

            "Alaila he mea oiaio anei, ua lilo oia i kanaka hana karaima. a ua holo mahuka aku i wahi nona e pakele ai i ke kanawai. me ka haalele ana i kana wahine me ka laua keiki?"

            "He mau mea oiaio loa kena apau au e ninau mai nei ia'u."

            No kela pane i hilinai mai ai o Magureta ihope o ke ko-ki. a mahope o ka noho hamau loa ana no kekahi mau sekona. ua hoomaka iho la oia e @@@, a no ka manawa mua loa, i ike maoli iho ai o Reginola. i ka ehaeha maoli o Magureta.

            No kela noke hoi o ua o Magureta i ka uwe, ua lilo ia i mea maikai ole loa i ka noonoo o Reginola. ahiki i kona papa okoa ana aku i kana wahine aole e uwe. me ka pane ana aku: "E hoopau loa kou uwe ana e Magureta, o liko auanei ia i mea nou e ma'i ai," aohe nae he wahi mea a hoopau o Magureta i kona use ana. aka ke hookahe la no oia i kona mau waimaka, ka mea a Reginola e koho kuhihewa aku la, mamuli no ia o ke aloha o Magureta ia Noela Kauwila, oiai no nae ua hoike mua aku o Magureta ma kela manawa a laua e hoopaapaa ana, aole he wahi aloha iki i koe iloko on a, no kela kanaka.

            Aole he kumu e ae o kela noke o Magureta i ka uwe. mamuli no ia o ka piha i ka olioli. no kona pakele ana, mai ka hopena i ili aku la maluna o Kanani Alika. in a nei no kona mare me Noela Kauwila. ke hoomaikai loa la kona uhane, no ka l@aa ana o kona hoopakele. ke @@naka kilakila hookahi ana e olelo ae ai, aole lua ma ka honua nei elike me Reginola.

            No kekahi manawa kela uwe ana o Magureta , ua akakuu mai la me ka holoi ana ae i kona mau waimaka. aia no hoi o Reginola ke noho la ma ka aoao o Magureta, no kona manao ana. he hana rula ole nana ka haalele hookahi ana iho i kana wahine. e noke i ka uwe. aka e lilo oia i mea hoomaalili mai i kona mau manao maikai ole apau.

            Iaia nae i ike ai, ua hoea  mai i ka pau ana o ka Magureta uwe ana. kii aku la oia i kekahi kiahawai, me ka hookomo ana iho he laau maloko a haawi mai ia ia Magureta e inu, me keia mau olelo:

            "E inu aku oe i keia wai, alaila lioi pololei loa aku noloko o kou rumi. e loaa he hooluolu maikai ana ia oe i keia pa, mamua o ka hoea ana mai o ke kakahiaka o ka la apopo," me kona hoopili ana mai i ke kiaha ma na lehelehe o Magureta.

            I ka inu ana aku o Magureta i ka laau, a waiho aku la hoi o Reginola i ke kiaha aniani maluna o ke pakaukau, ia wa i pane mai a o Magureta i ka i ana mai: "E oluolu anei oe e hoakaka piha mai i ka moolelo oiaio loa no ka mea e pili ana i kou kaikuahine?"

            "E hoomanawanui paha ia kumuhana no kekahi manawa okoa aku. aole i keia manawa. no ka mea ua nui na hana hoopihoihoi noonoo i loaa ia oe, e pono ole ai ke hoomahuahua hou ia aku kou pilikia," wahi @ Reginola me ka maikai ole kona noonoo.

            "Manao au, he oi loa aku ka pono e ike au i na mean oiaio apau i keia manawa me ke kakali hou ole aku," i kamailio hou mai ai ua o Magureta. a no kona paakiki loa hoi. unuhi okoa ae la o Reginola mailoko mai o kona pakeke i @a leka a Kanani, a haawi aku la i kana wahine, me ke kamailio pu ana aku:

            "Eia ka leka a kuu kaikuahine i kakau mai nei. a e heluhelu ponoi aku oe nou iho. i maopopo pono ai na mea apau." wahi ana me ka hakilo pono loa ana aku ma na maka o Magureta, ina paha e hoikeike mai ana oia i kekahi mau manao hoowahawaha no Kanani.

            "Me ka mahalo a nui ia oe e Reginola," wahi a ua o Magureta. iaia i lalau mai ai i ka leka. a paa aku la iloko o kona lima. me kona wehe ole ae nae e heluhelu. aka kau mai la no kana nana ana ma na maka o kana kane. a i mai la:

            "Ke kaumaha loa nei au no kau mau mea apau i hana aku ai ia oe e Reginola, a e nonoi aku ana au i kau mau huikala ana mai iau."

            "Aohe au mea e huikala aku ai ia oe e Magureta." wahi a Reginola me ka hoihoi ole. "E kokua aku anei au ia oe. me ka hoihoi ana aku noloko o kou rumi?"

            "Ua hiki no au maanei nei, e hooluolu liilii ai no kekahi manawa pokole, a na Nora e kokua mai iau. i kou wa e hoi aku ai noloko o kou rumi," wahi a Magureta me kona ike i ka loli loa o ko Reginola ano, mai na mea i maa iaia iho, mai ke alo aku o ka wahine ana i manao ai, aole he wahi aloha iki nona.

            "Aole au mau mea i makemake ai," alaila o ka huli aku la no ia o Reginola hele no kahi o kona keena oihana e waiho mai ana. me ke pani ana mai i ka puka a paa. a o ke ku ae la no hoi ia o Magureta. a huli hoi pololei loa aku la no kona rumi moe, ma na manao kaumaha. no ka loaa ole he nohona oluolu ana iaia me kana kane.

            MOKUNA XXXIII

            Ma kela hoea ana aku o Magureta noloko o kona rumi, wehewehe ae la oia i kona mau lole. a komo mai la i kona lole noho hale, me ka wehe ana ae i ka leka a Kanani. a hoomaka iho la e heluhelu i na manao i kakauia maloko.

            Maloko o kela leka, e hoike piha mai ana ke kaikuahine i kona mau pilikia apau imua o kona kaikunane. no ka mea aole loa on a ohana eae ma ka honua nei. o kona kaikunane hookahi wale no. E hoakaka piha mai ana o Kanani. i na mea a Noela Kauwila i hana aku ai i kona mau haku hana, me ka holo mahuka ana a haalele iaia ame kana kaikamahine uuku pela pu no hoi kona hoike piha ana mai i ka nui o na pilikia kau aku maluna on a.

            I ka manawa a Magureta i heluhelu ai i keia manao o ka leka a Kanani. ua hu koke mai la kona aloha no ka wahine opio. o kela mau manao lili a inaina iloko on a. no ke kaikuahine o kana kane. ua auhee loa aku ia mai iaia aku. o ke aloha, ka makee ame ka iini e haawi aku i kana mau kokua ana no ka pono o kona kaikoeke. o ka mea hookahi wale no ia iloko on a, iloko o kela mau minuke. a hiolo makawalu mai la na waimaka mai kona mau lihilihi mai, e hoopulu elo ana i kona mau papalina nohea.

            O ka manao o ua o Magureta no Noela Kauwila, ua hoopihaia mai ia me ka hoowahawaha, me kona mihi okoa ana iho i ke kuhihewa loa o kona aloha wale ana aku no i kekahi kanaka lapuwale elike me kana i hana aku ai, a o i kana i kamailio ae ai me ka leo nui:

            "Ina paha aole i puni wale mai o Kanani i na pelo ana a keia kanaka, ina, owau ka luahi o na hana pauaka o ke aloha ole a Kauwila e hana mai ai. a ua pakele maoli au, mai ka hookomoia ana aku iloko o kekahi hana hoohilahila, e auamo ai i na haawe kaumaha iloko o kou mau la apau o ke ola ana. Oiai mae ua pakele mai au mailoko mai o kekahi poino nui, he mea no nae nou e kaumaha loa nei. ka ike ana, ua ili aku ka poino maluna o kekahi mea okoa aku.

            "Ua manao paha kuu kane, o ke kumu o ko'u uwe ana. mamuli o ke aloha ia Noela, aole loa he wahi lihi a hunahuna o kou aloha i koe nona. aka he mau waimaka kou i hookaheia aku no ka hauoli, no kou pakele ana mai ka lumaiia ana aku iloko o ka poino ame ka hilahila.

            "Nani kuu hauoli, e waiho aku iau iho iloko o na lima o kuu kane, a e hoike aku i ka mea oiaio loa, no ka piha o kuu puuwai i ka hauoli mamuli o ka lilo ana i wahine mare nana, aole hoi na Noela Kauwila. He keu mai la kou aloha no Kanani, pehea la ua maopopo no paha iaia. ke kumu o ka mare ana mai o kona kaikunane iau. no ka hoopakele ana ae no ia iau. mailoko mai o kekahi poino. i oi aku ke koikoi ame ke ino mamua o kona?" alaila kilohi hou iho la oia maloko o ka leka. me ka hoohuli ana ae ma kekahi aoao. a hoomaka aku la e heluhelu, a penei na manao i kakauia. ana o ka ike mua ole ana.

            "Ke hopohopo loa nei au. malia paha. ua lilo loa kau mau hoakaka ana no kou mau pilikia wale iho no, oiai no nae he nui no kou mau pilikia au e auamo hookahi mai nei. Aole ou hoakaka nui mai e pili ana no Magureta maloko o kau leka. Ke pii mau ae nei anei kona mau ano maikai? Ke pule nei au i ke akua, e ae mai oia e auhee aku na mea maikai ole apau mai iaia aku, no kou pono e Reginola ame kou hauoli, ame kona pu. no ka mea ua maopopo iau ka nui o kou aloha nona, a e holo pu aku hoi ia hauoli o Magureta. no ka mea ua pomaikai oia i ka loaa ana o kekahi kane elike me kou ano e Reginola.

            "Ua hoopa ia mai kuu uhane, ma kau mau mea i kakau mai ai, no ka hoolilo ana o Magureta i ko olua home i home no ka hauoli, a ina no kou kamaaina pono aku iaia, ke paa loa nei kuu manao. owau pu kekahi e aloha aku ana iaia, me ke kaikaina ponoi loa la nou. Ke kahea mai nei nae o Alika iau. nolaila ke hooki nei au i kau leka maanei, me ka lana o ka manao e loaa mai ana no kau pane i ka wa pono," a malalo loa i kakau iho ai o Kanani i kona inoa.

            Ua hiki ola ia Magureta ke kaohi aku i kona mau waimaka. iaia e heluhelu la i ka hapa hope o ka leka a Kanani, he mau waimaka nae o ke aloha i awili pu ia me ka hauoli. a iaia i hoi aku ai e hiamoe ma kela po, ua hiamoe oia me ka oluolu maoli. ahiki i kona puoho ana ae ma ke kakahiaka.

            I ka manawa o ka wahine ame ke kane i halawai ae ai ma ka aoao o ke pakaukau. ma ko laua painu kakahiaka. ua hiki loa ia Magureta ke ike aku ma ka helehelena o kana kane, aole oia i hiamoe ma ka po mamua aku, aka mae ua haawi olu apau, me he mea la. aole he mau ano maikai ole i ikeia mawaena o laua.

            Unuhi ae ia nae oia mailoko ae o kona pakeke, a haawi aku la i ka leka a Kanani, o ke kakau an@ mai ia Reginola me ka pane pu ana mai:

            "O he keu aku maoli a ka mea kaumaha, aole anei oe i manao e Reginola. he mea maikai loa nou ka holo ana aku e ike kou kaikuahine?"

            Ua hoomakaha loa ia aku ko Reginola manao no kela mau olelo a Magureta. nolaila, ua akakuu mai la ka uahoa ma kona helehelena. iaia i nana mai ai i kana wahine, me kona pane ana mai no hoi ma ke ano oluolu:

            "He hana hiki ole loa nau ka haalele ana iho i kau mau hana o ka halemai. mamuli o ke kumu. ua hana au i kekahi aelike paa loa, no ka makahiki hookahi, o ka mai wale no ke kumu e hiki ai au ke kaawale mai ka halemai mai," @e ka hooki honua ana iho o kana kamailio ana aku. me he mea la e noonoo ana oia i kekahi alahele e loaa aku ai na kokua ana i kona kaikuahine. a o ia nae ka Magureta o ka pane ana mai:

            "Ina hoi ha, aole e hiki ia oe ke holo kino aku no ka hui pu ana me kou kaikuahine, alaila e kakau aku oe iaia. e hoi mai me kaua e noho ai iloko o ka manawa o kona pilikia."

            "O kou manao oiaio maoli kena au e kamailio mai nei iau e Magureta? E hiki ana anei ia oe ke hookipa mai iaia me ka manao aloha, me kou ike aku no. aole i auhee aku na manao lili iloko ou. no kou kaikuahine?"

            "Aole kela manao lili iloko ou i keia manawa. ua loli loa ae ia, a o ke aloha ame ka makee ka mea i kanuia aku ma ia makalua," wahi a Kanani me ka leo malie, me ke kulou ana nae o kona poo ilalo.

            "Ua maopopo loa anei ia oe, ua pau kela manao lili kahiko ou no kuu kaikuahine?" wahi a Reginola me ka piha olioli. in a no ka pau o ka huhu o Magureta no Kanani. alaila e hoea mai ana i ka manawa e loaa aku ai he nohona hauoli ana mawaena  o lakou apau.

            "Aole loa he wahi kanalua iki i koe iloko ou. no ka make ana o kela moo nahesa kahiko. a ua piha kuu puuwai me ka iini. e hoi mai kou kaikuahine ame kana kaikamahine. me kaua e noho ai. E ae mai ana anei oe, owau maoli ka mea nana e kakau aku i ka leka. e koi aku ana iaia e hoi mai me kaua e noho ai@."

            No ka piha loa o Reginola me ka kahaha. no keia mau mea a Magureta e kamailio aku nei iaia. aole e hiki iaia ke pane mai. ahiki i ka ninau hou ana aku o Magureta?

            "Ua kulike ole anei kou manao. me kou no ka hoi mai o kou kaikuahine me kaua e noho ai?"

            "Aole he mea hauoli e ae iloko o kuu uhane. o ka ike wale aku no i kuu kaikuahine ame kana kaikamahine iloko o ka hauoli, a ke noonoo nui nei au, ina paha he mea pono ia. o ko laua hoi mai me akua e noho ai. aole paha?"

            "Malia paha ua kaualua loa oe i ka hoi mai o kou kaikuahine me oe e noho ai. ma ou nei. Ma ia wahi nae, e hoopau loa kou mau manao hoohuoi. he wahi manao inaina kekahii k@e iloko ou nona. Ua maopopo loa iau. ka hauoli iloko ou. o ia no ke kaa mai o kou kaikuahine. malalo o kau hoopakele ana. a ua ike no hoi oe e Reginola, ua makaukau au i na manawa apau. e hana wale aku no, i kau mau mea apau e kauoha mai ai iau.

            "Ae. ua makaukau io oe e Magureta e hana mai i kau mau mea apau e kauoha aku ai ia oe e hooko mai, a he hookahi wale no nae mea i koe i hiki ole ia oe ke hana," wahi a Reginola. me ka hookuoo ana iho i kona ano.

            Ke maopopo la ia Magureta kela mea hookahi a kana kane e aku ai i ka mea oiaio. aka mamua nae o ka puka ana aku h@ koi mai la. o ia no kona hoike ana aku. ua aloha oia ia Reginola. a ike iho la oia. o kela ka manawa kupono aha e hoike hookahi huaolelo mai kona waha aku, ua kaa e mai la ke kamailio ana ma ka aoao o Reginola i ka pane ana mai:

            "E huikala mai oe e Magureta iau, aole ou kou kuleana iki. e hoala hou mai ai i ke kumuhana a kaua i hoopaa ai, e hoopoina loa ia ke kamailio ana." alaila hoololi ae la oia i kaua mea e kamailio aku ai, ma ka i ana aku:

            "No ka hoi mai o Kauani e noho pu me kaua. o kela kekahi o na hana kupono loa. a ke mahalo aku nei no hoi au i ka nui o kou makee e Magureta no ka pono o kou kaikuahine. Mamuli o ke kaa ana ma kou aoao, ka hoakakaana mai i kekahi hana pono e lawelaweia aku ai no kuu kaikuahine. ua hooia loa ia mai ka mea au i manao ai, ua auhee aku na ano.

            "No kela manao ou e kakau aku i kuu kaikuahine. ke ae aku nei au e kakau aku oe iaia, a nau no hoi e pane pololeiaku i kana leka. a i hookahi no wahi o na leka a kaua e hoouna aku ai iaia."

            "Ke mahalo aku nei au i kena mau manao apau ou e Reginola, a ina aole ou pupuahulu loa i ka hele i keia kakahiaka ea. alaila. he hookahi mea ano nui au i makemake ai e kamilio aku ia oe."

            "Aole au mau hana ano nui loa o keia kakahiaka, a o kekahi no hoi, ua eleu loa ko kaua paina i keia kakahiaka, nolaila ua hiki iau ke noho e hooloh aku i kau mau mea i manao ai e kamailio mai, me ka unuhi ana ae o Reginola i kana uwaki, no ka nana ana i ka manawa.

            O ka mea ano nui a Magureta o ke kamailio ana aku i kana kane, ma kela kakahiaka, e pili ana no ia i ka loaa ana o kekahi wahine Palani aoo iaia maloko o ka hale e hoikeikeia ai o na kii, kona kuhihewa ana mai iaia nei o kekahi o na mea ana i kamaaina loa ai, ko laua hele ana e nana i ke kii o ka wahine i kulike loa ka helehelena me kona, ame kona ike ana i kekahi mea hoomanao. i kulike loa me ke kuni, ma ke kihi o ka apana pepa a kona makuahine i kakau ai i na huaolelo pokole, no ka @ookama ana mai o Mr. Anola i kana kaikamahine.

            Ke hoolohe loa la o Reginola me ka p@@a l@@laai, a i ka hooki ana @@o o ka Magureta kamailio ana mai, ia wa oia i pane aku ai:

            "O kena kekahi o na moolelo kupaianaha au e lohe aku nei. a me he mea la. ma ka nana aku. mamuli o kau mau mea o ka hoakaka ana maia la, ua kulike kou manao me ko Jeneta, he pili oe i ka ohana Delavina. aka nae" me ke kahamaha koke ana mai hoi o Magureta. mamua o ka hoakaka ana aku o Reginola i kona manao.

            "Ua hiki loa iau ke koho aku i kau mea e noonoo nei e Reginola. o ka mea hookahi no hoi ia nana i hookui he mai i kou manao. o ia no ka mare pono ole ia ana o kou makuakane ame kou makuahine. a in a o ka mea oiaio ia, alaila he hana makehewa wale no ka hoao ana ku e koi i kou kuleana i kela waiwai."

            "Ma ka nana aku, he mau kumu ano nui loa kena a ka loio @ana e hooponopono mai nei i kela waiwai, e ninau mai ai, no kou kuleana i ka waiwai."

            "Ma kou manao, aole he kanaka e ae i maopopo loa i na mea e pili ana i kou mau makua. ina piha no ko laua mareia a mare ole ia paha, elike la me ka loio nana e malama nei i kela waiwai. oia paha ka i maopopo i ka inoa o ke kane i mare aku me Magureta Delavina."

            "He mea oiaio kena au e kamailio mai la. a o ka hana pono wale no. o ia ko kaua hele ana e ike i kela loio i kekahi la. aka nae he hookahi hooia maopopo loa au e ike nei. no kou lilo io ana he keiki ponoi na Magureta Delavina, o ia no kona lima kakau.

             "Ina eia no ke waiho nei kekahi mau leka kahiko i kakauia e kou makuahine, e hiki ana ke hoohalikelike ia ka limakakau maluna o kela leka. me ka lima kakau maluna o ka apana pepa au e malama nei, ua lawa iho la ia no ka hooiaio ana mai. o oe kana kaikamahine ponoi."

            "Ae. e pau io ana paha ko kaua pohihihi ma ia mea, aka nae aole ia he kumu e hooiaio ia mai ai. ua mare pono ia kou makuahine me kuu makuakane.

            "Pela no, aka nae, malia paha aia me kela loio kahi i waiho ai o ka inoa o ke kane a kou makuahine, he hana hiki ia ke huli ia aku maloko o na buke e malamaia ai o ka poe mare. e ka pau ae la no ia o ko kaua pohihihi.

            "Pehea la. e hiki ana anei ia oe ke hele pu me au no ka ike ana i kela loio ma kekahi manawa o keia auwina la; aole a kaua hoololohi wale ana iho i keia mea, aka e imi pono aku ina he kuleana io kela waiwai ame ka ole."

            "O kou iini nui ia e hoea aku kaua i ka hopena o keia hana. ina nae e hiki ana ia oe ke kaawale mai kau mau hana mai me ka hoopilikia ole ia ma kekahi ano, alaila e kii mai oe iau. ma ka hora clua o keia auwina la, alaila hele aku kaua no kahi o ka loio. "

            "Ua pono kela, a oiaio hoi e noho ana i ka hale nei. e kakau aku oe i kau leka ia Kanani. aia au a kii mai ia oe i keia auwina la, alaila hookomo aku i ka leka a kaua maloko o ka haleleka. "

            "Alaila e hoi mai ana anei oe i ka hale nei i keia la. e ai ai? wahi a Magureta me ka piha hoihoi."

            "Ae, oiai aole he nui loa o kau mau hana o keia la, a no ka hoi ana mai no hoi e hoomaopopo aku ia oe, no keia huakai a kaua o ka auwina la."

            Oiai ke kokoke ae la i ka manawa no ka hana. haawi ae la ke aloha kakahiaka mawaena o ke kane ame ka wahine. o ka hele aku la no ia @ Reginola i kana hana. ma ka halemai. a noho iho la no hoi o Magureta. e kakau i kana leka. a e lawelawe i kana mau hana ma ka hale.

            Ua hoomama loa ia mai ko Magureta noonoo ma keia kakahiaka. aole hoielike me ke ahiahi aku mamua, o ke kumu. ua ike maoli aku no oia. i ka maikai ame ka oluolu o ka laua kamakamailio pu ana ma kela kakahiaka. a ke kau aku la nae kona manaolana, ma na hana @oii e pili ana i kona ohana. e loaa ai ia laua na manao kuikahi, e hoea aku ai i ko laua hoike okoa ana ae i ko laua mau manao aloha kekahi no kekahi.

            I ka hoi ana mai hoi o Reginola ma ka paina awakea. ua paa ka leka a ua o Magureta o ke kakau ana na kona kaikoeke. haawi aku la i kana kane me ka i ana aku:

            "Eia kau leka o ke kakau ana iho nei. a ke noi aku nei au e heluhelu mua iho oe i na manao oloko. malia paha he mau mea kekahi i kulike ole maloko olaila me kau i makemake ai."

            "Heaha auanei kau mea e heluhelu aku ai. ina no oe ua ike. ua pono na mea apau. oia iho la no." me kona lalau ana aku i ka leka. a hookomo iho la maloko o ka pakeke o kona kuka. me ka heluhelu ole.

            Ua manao hoi ua o Magureta e heluhelu ana la o Reginola i kana leka, i ike pono i kona mau manao, a i kela hoole ana mai o kana kane. aole e heluhelu. ua lilo ia i mea hoehaeha aku i kona noonoo. aka nae ua uumi malie wale iho la no oia i kona noonoo. aka nae ua uumi malie wale iho la no oia i kona mau manao maikai ole.

            I ka pau ana o ko laua paina awakea. ua kau la laua maluna o ke kaa. a holo aku la no ka hui pu ana me ka loio. i waihoia aku ai ka hooponopono ana i na waiwai o Delavina.

            I ko laua nei hoea ana aku no ke keena o ka loio. e noho ana no oia maloko. a hookipaia aku la laua nei me ka maikai. me ka hoikeike ana mai hoi o kela loio i kona mau ano paa rula apau, mamuli o kona ike ana mai. he mau malihini koikoi loa kela.

            Mahope o na olelo hoolauna o ka hookamaaina pono ana. i ke ano o ka la ua nei misiona o ka hoea ana aku ma kela auwina la, ua hoomaka koke aku la no o Magureta i ka hoakaka ana aku ma kela auwina la. ua hoemaka koke aku la no o Magureta i ka hoakaka ana i kona moolelo mai kinohi mai ahiki wale i ka halawai ana me ka wahine malihini ma ka la aku mamua. aia hoi ka loio ke hoolohe pono loa mai la. me ka noke pu ana mai i ka ninaninau. ma na ano lehulehu. me ka nana pu ana i ka leka a ka makuahine o Magureta i kakau ai ma kona manawa i waiho ai i kana bebe, ma na anuu o ke alapii o ka home o ke kahunapule. ka mea nana i hanai a i malama ia Magureta ahiki i kona kanaka makua ana.

            Oiai o keia no ka manawa mua loa o ka ike ana o ka loio i ka lima kakau o ka makuahine o Magureta. aole e hiki iaia ke hooia mai i kekahi mea. aka olelo mai la nae oia. @a hiki iaia ke kii i kekahi mau leka lehulehu maloko o kekahi ume o kona pakaukau. a nana i ke kulike o ka lima kakau. ke uluhua ole laua nei i ke kakali. a oiai o ka laua hana ia o ka hoea ana ku, e ulaaia ae na meahuna pohihihi i pili aku i na makua o Magureta. ua haawi aku la laua nei i ka ae, e kakali ahiki i ka hoopauia ana ae o ko laua pohihihi.

            No na minuke he umi-kumamalima kela noke ana mai a ka loio i ka nana iwaena o na pepa lehulehu i hoakoak@aia o kekahi wahi pahu uuku. aia hoi, ua loaa aku la iaia @e pu a leka i nikiiia me ka lipine bolu. aia hoi o Magureta ke nana aku la i ka hana a ka loio, me ka lelele o kona oilifi, no ka hoea mai i ka manawa e maopopo ae ai iaia kona ohana ame na mea e pili ana i kona mau ohana.

            "Ke manao nei au, e loaa ana ia oe iwaena o keia mau leka lehulehu i kakauia, kekahi limakakau. i kulike loa @me kena leka," wahi a ka loio me ka waiho ana mai i ka pua leka ia Magureta.

            Me na lima haalulu. i lalau aku ai o Magureta a wehe ae la i kekahi leka. he leka keia i kakauia aku ia Ala@aki Delevina. a iaia i wehe ae ai e nana. ike iho la. ua kakauia ma ka olelo Palani, a ua hoounaia mai hoi mailoko mai @ ke kula vilikina. he ekolu makahiki mamua aku o ka hanauia ana mai o ua o Magureta.

            Ma na ano apau, ua kulike loa ka limakakauo kela leka. me ka limakakau maloko o kela apana pepa a Magureta i malama mau ai. koe wale no ua kakauia kekahi ma ka olelo Beritania, a ma ka olelo Palani hoi kekahi.

            Aia no hoi maluna o ke kihi hema o kela leka. e kuu ana ke kuni hoailona. elike no me ia ma kela apana pepa ana e malama ana. a ua lilo na mea a kona mau maka i ike iho ai, i mea hoopihoihoi loa mai i kona nonoo. e hiki ole @@ iaia ke pane ae i hookahi huaolelo, a haawi mai la nae ku leka ia Reginola e nana iho. a elike no me kana @@@ mea i ike ai. a i koho iho ai. he hookahi no mea nana kela mau leka a elua i kakau, o ka haawina hookahi no ia @ @@@ aku i kana kane.

            Heluhelu iho la o Reginola i kekahi mau lalani pokole i kakauia. a hookomo hou iho la i ka leka iloko o ka wa@@ me ka haawi ana mai ia Magureta. a mai iaia hoi i @@@@@ hou ia aku ai ia ka loio.

            "Aole ou kanalua e ka madame, he kaikamahine @@@@ oe na ke kaikamahine hookahi wale iho no a Alabaki Delavina." i huli mai ai ka loio a kamailio mai la ia Magureta me ka minoaka ma kona mau papalina.

            "Ina o kou manao ia ea. alaila oia nei. ka hooilina  @@@ waiwai o Alabaki Delavina. kona kupunakane," i pane aku ai o Reginola. ma ka aoao o kana wahine.

            "Ma ia wahi, aole e hiki iau ke hooiaio aku. o ka @@@ hookolokolo wale no ke kuleana e hooholo ai ma na ninau pohihihi o keia ano. @oe wale no ahiki ke hooiaoia ka mareia ana o ko ia nei mau makua: aka nae in a oe i makemake e waiho aku i kau koi no ke kuleana o kau wahine imua o ka aha. he mea pono. e huliia na mea e pili ana i ka mareia ana o kona mau makua. a ke loaa na ike apau no kona lilo ana he hooilina no ka waiwai o Alabaki Delavina. oia kekahi o na wahine waiwai loa maloko nei o Palani."

            "Ma ko maua aoao. ke waiho aku nei maua iloko o k@ lima. i na hana apau. e hoea aku ai i ka hoopauia ana ae o ka pohihihi i pili i ka mareia ana o na makua o kau wahine," i pane hou aku ai o Reginola. "Ma kau nana aku mamuli o ke kulike ole o ke kakaulima,  maluna o keia mau palapala a clua, a hui pu iho hoi me ke kulike loa o ka helehelena o kau wahine, me ke kii e kau la maloko o ka home o Alabaki Delavina. ua hookomoia mai na manao lana iloko o maua, no ke kuekaaia ae okekahi ninau pohihihi."

            "Ua kulike loa kou manao me kou e ka malihini. he hookahi wale no mea nui i koe. o ia ka loaa ana o ka palapala mare. a in a no hoi no ka maopopo o ke kane a ke kaikamahine a Alabaki Delavina i mare aku ai. ua hiki ke hookomoia ma hoolaha maloko o na nupepa no kela kanaka. Maloko o ka palapala iki i kekahi mea e pili ana i ke kane a kana kaikamahine o ka mare ana. a ua hoohalaia no hoi kekahi mau makahiki lehulehu e makou. ma ka huli ana i mea poho wale."

            Ua noke hou aku la lakou i ke kamailio no kekahi manawa. alaila haalele iho la o Reginola me Magureta i ke keena o ka loio. me ka hoea ole aku nae i kahi e haawiia mai ai na manaolaua hauoli ia laua. aka aia no kela iloko o ke kulana pohihihi.

            Oiai nae. he nui okoa no ka manawa i koe o ka auwina la. o ko laua holo aku a no ia no a hale kakela. no ke ake o Reginola e ike i kela home a e nana pu aku hoi i ke kii i kulike loa me kana wahine.

            Ma kela holo ana aku a laua, a hui oa iho hoi paha me ka honi ana aku i na ea hui hui. me ka hiona o na kuaaina. ua hoi hou mai ko Reginola ano oluolu a mahamaha i kana wahine, aole hoi elike me kela ano o laua i na la kakaikahi mamua aku. a ua lilo kela i mea hoohauoli aku i ko Magureta manao. me ka maikai maoli o ka laua kamailio ana. me ka hoihoi no hoi o ka wahine opi@ ma kona mau ano apau.

            la laua i hoea aku ai i ke kakela. e noho mai ana @@ o Jeneta. a i ka ike ana mai ia Magureta, ua holo mai ka oia imua. a puliki mai la i ka wahine opio. me ka piha hoihoi loa. me ka hookipa ana aku ia laua nei maloko o ke kakela. me he mau mea ia i kamaaina no kekahi manawa loihi loa.

            I ko laua nei hoea ana aku mamua o ke kii o ke makuahine o Magureta. a i ka manawa no hoi i @@a aku ai  ka ike ia Reginola no ua kii nei. ia wa oia i hooho ae ai me ka piha kahaha:

            "Ua kulike maoli keia kii me kou helehelena e Magureta, aohe wahi lilo ma na ano apau, me he mea la ka hoi @@@ okoa no keia e ku mai nei." me ka huli ana ae a nana aku la ma na maka o kana wahine.

            "He like mai hoi kau a koe aku! I kou wa i ike ai i ke kii i nehinei, ua lelele maoli kou oili." i panai aku ai @@ hoi o Magureta i na hoakaka a kana kane.

            MOKUNA XXXIV

            Ua hookahahaia aku ka manao o Reginola, no kela @ @@@ ana aku o Magureta ma ka kona lima. me kona huli ino ana mai a nana ma na maka o Magureta. o kana mea i ike o ka hauoli ame ka lamalama o kona mau papalina. me he mea la. e hoike okoa aku ana iaia, ua hele ua o Magureta a piha me na haawina laahia loa o ke aloha. ka mea nae a Reginola i noho pouliuli ai. no ka mea aole he hookahi manawa a Magureta i hoike okoa aku ai ma na huaolelo maopopo no kona aloha, koe wale no ka hoikeike ana ma kana mau hana.

            "Ua makemake io au e loaa keia kii iau. no ka mea in a no o oe maoli ke noho aku imua o kekahi kanaka ao ke pena ana mai i kou kii, ke kanalua loa nei au, no ka hiki iaia ke hana mai a kulike loa me keia."

            Ua lawe hoomakaikana aku la laua e Jeneta maloko o na rumi apau o kela kakela. a ua komo pu mai la no hoi ke kane a kela wahine, ma ka lawe ana aku ia laua nei e makaikai maloko o ka halelio. a ma na wahi e ae mawaho o ka pa. e makaikai ana ma na kihapai pua ame na ululaau:

            Oiai o Reginola e kilohi ana i ka aina nui e hoopuni ana i ke kakela. me kona maopopo loa. o kana wahine aku ana ka on a nona kela waiwai. mihi loa iho la oia. no ka lilo o Magureta he wahine waiwai. o kana manaoio ai. o ka hilinai aku o Magureta maluna ona. no na mea e pono ai ko laua noho ana. o ke alahele wale no ia e aloha aku i keia wahine iaia. aole ma kekahi ano e ae. aka o ka mea wale no nana i hoohauoli mai i kona manao, ina o keia iho la ke alahele e hiki ai e hoauheeia aku na mea pohihihi e hoopuni ana i kana wahine, ua makaukau loa oia e hooikaika aku ma na ano apau e hoohauoliia ai o Magureta. (Aole i pau.)