Ka Nupepa Kuokoa, Volume LVII, Number 37, 12 September 1919 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no

MAGURETA

a i ole

Iloko o na Wiliau a kea Aloha. He Moolelo i Piha me na Haawina o ka Ehaeha.

 

He @hookahi hora me ka hapa a laua i hoohala ai ma kela kakela, alaila huli hoi pololei aku la no @ko laua home. a hoea no hoi i ka hale. ma ka @papeo ana o ka la. me kela huakai huli hoi nae a laua, ua hoohalaia kekahi manawa nui. ma ko laua kamailio ana, ka mea i maa ole ia laua i ka @ kana pela. ma na manawa mamua aku,

 

Ua makaukau mua ka aina ahiahi ia Nora, e kakali wale mai ana no o ka huli hoi aku o kona mau haku, a mahope iho o ka holoholoi ana ia laua iho. me ke komo ana mai i mau lole hou. haule aku la maluna o ke pakaukau. aia hoi o Magureta me kela hiona hauoli mau no on a. me ka i ana mai i kana kane :

 

"He mea hauoli ka noho ana maloko o kekahi hale @nani elike me kela kakela a kaua o ka hele makaikai ana aku nei i keia la e Reginola. aka nae he mea kaumaha no, ka haalele ana iho i keia home, a kaua i noho ai me ka hoomanawanui." wahi ana me ka piha hoihoi o kona mau maka, ka mea hoi nana i pulapu aku ia Reginola, i ke kumu nana i hoololi hikiwawe ae i kana wahine mai kela ano kahiko mai i kamaaina iaia.

 

Aole no a Reginola mau mea i kamailio mai. no kela mau olelo a kana wahine, koe wale no ka hoao ana mai e minoaka. a i ka pau ana o ka laua ai ana, huii hoi aku la o Magureta noloko o ke keena hookipa. a hoi loa aku la no hoi o Reginola noloko o kona keena oihana no ka nana ana. in a paha he poe kekahi i hoea aku i ka hale ma kela la no ka ike ana iaia. a ua waiho iho i ko lakou mau inoa. maluna o na apana pepa.

 

No kekahi mau mahina keia noho ana aku on a opio. me ka loaa ole he mau kuee ana mawaena o laua. a e hoikeike mau aku ana no hoi o Reginola i kona mau ano oluolu imua o Magureta. aole nae ma kela ano kahiko. aka ke ku la no oia me ka uahoa. ka mea hiki ole ia Magureta. e huai okoa mai imua o kana kane, i nui o kona aloha no ke kanaka ana i lawe aku ai i kane nana.

 

@Hoko o kela mau mahina. ua hoea mai la ka Kanani mau leka pane ia laua, e haawi mai ana i kona mahallo no na kono i waihoia aku imua ona. e hoi mai, a i hookahi no o lakou wahi e noho like ai : e hoole mai ana @nae no ka hiki iaia ke hooko mai i ka laua kono, malalo o na kumu lehulehu, aka ua hiki no oia e noho ana ma Kapalakiko. o ke kumu nui loa nae, no kona hopohopo. o hoea aku auanei o Noela Kauwila, aole oia, no ka iini nui iloko o kona uhane, o ia no ke alakai ana i kaua kane. ma na alahele pololei apau. e lilo ai oia i kanaka maikai.

 

Ma kekahi kakahiaka nae, elike no me ka Magureta hana mau. o ka hele i ke ao hookani piano, haalele iho la oia ua paa ua kumu nei e kamailio ana aku no kahi o kana kumu. @o ka hoea ana ae e ike i ua kumu nei ana, e hala ai he manawa loihi no laua e kamailio ai ahiki i ka hora umi-kuma-@makani.

 

He elua hora okoa a oi, alaila hoea mai i ka aina awakea, e molowa ai ua o Magureta ma ke kakali ana, nolaila hooholo iho la oia. e hele i ka holoholo, a hoi mai i ka wa kupono. no ke ao ana i kana mau haawina.

 

@Hoko nae o kela noho oluolu ole o ke kane ame kana wahine. aole i hooneleia mai o Magureta me na haawina o ke aloha. ke ike maoli la no oia ia mea iloko o kona puuwai, me ke kau mau ana aku o kona manaolana, e hoea mai ana no i ka la, e hoike okoa aku ai oia ia mea imua o kana kane.

 

Me he mea la. ma keia kakahiaka, ua oi loa ae ka hoihoi iloko o Magureta. he kulana eleu @hoi kona ma na ano apau. a iaia o ka ike ana aku i kekahi mau manu iluna o ke kumulaau. hooho ae la oia i keia mau olelo:

 

"Ua like loa au me kela mau manu maloko o ka ululaau. no lakou na leo nani e mele mai la. He mea oiaio. he ikaika kou kino aohe nae e loaa ka hauoli iau, ahiki i ka ike ana o Reginola. ua aloha aku au iai. a ua olokaia aku hoi ka pohaku nui. nana e alai nei mawaena o maua.

 

"Ua kono mau ia mai au, e hoike aku imua on a. i ka nui o @kou aloha iaia. me he mea la nae. e kaohiia mai ana au e kekahi mea. aole e hooko aku ia manao. Ua noho pouliuli maoli oia no kou aloha. o ka pilikia nae. aia no ma kou aoao. i ka hiki ole iau ke hoikeike ae i ka nui o kou makee ame ke aloha iaia. Ua mare aku au iaia, o kona home. o ko maua home ia ; a o ka mea oiaio no nae, ua ike au i ke aloha iaia, e hikiole ai iau ke hoomau aku i ka huna ana."

 

@Ina paha no ka loha mai o Reginola. i kela mau huaolelo i hoopukaia ae e kana wahine, a hoomaopopo hoi i ka lamalama o kona mau maka. mamuli mai no ia o ka nui makee i ke kanaka ana i noho aie aku ai i kou ola. in a ua hoopau loa ia ae na manao kanalua iloko on a. no ka hoea ana @mai@ka la i @laa ai ka lanakila ma kona aoao. a i papahiia mai ai @hei kana mau hooikaika ana. me ka makana hiwahiwa loa ana i iini loa ai. o ia no kona ike ana mai ia Magureta ma ke ano he wahine i aloha aku i kana kane. me kona puuwai apau.

 

Oiai no nae ua o Magureta e nanea ana i ka hele. me ke kulou hoi o kona poo ilalo. lohe ana no oia i ke kahea ana mai o kekahi mea i kona inoa. a iaia i aea ae ai iluna. a nana aku la ma kahi, o ka leo i pa-e mai ai aia hoi ike aku la oia ia Noela Kauwila. e hele mai @ana mahope on a.

 

Aole i hoopuiwaia o Magureta i kona wa i ike aku ai i kela kanaka ana i kamaaina loa ai, a i ole. mae paha kona helehelena. aka o ke kuoo ka uahoa ame ka hookamani ole.o na ano iho la ia o ua @wahine opio nei, me ka pane ana aku:

 

"Ina iau oe e Noela Kauwila i kahea mai nei. ke makemake nei au. e kahea mai oe iau ma ka inoa o Mrs. Alika, aole makekahi inoa e ae." wahi ana me ka leo kuoo.

 

Ua hookahaha loa ia aku o Noela Kauwila. o ia kona ike ana mai, aole he wahi ano opulupule iki i koe maluna o kela wahine opio, a ua hooi loa ia ae hoi ka huapala ame ka ui o Magureta. mamua o kela manawa o kona ike hope ana iaia.

 

"Ke manao nei au. ua hoopihaia aku oe me na haawina o ke kahaha no keia halawai hou ana o kaua ma keia aina malihini."

 

"Ua hookahaha i'o ia mai @an, no keia oili ana mai ou, me he mea la mailuna mai o ka lani kou haule ana iho ilalo @nei ; o ka mea oiaio no nae, aole ou makemake e ike hou ia oe.  Heaha ka hana nana i kono aku ia oe e hoea mai no Parisa nei?"

 

@"He nui no na kumu o kou hoea ana mai no keia kulanakauhale ; o ka mua, mamuli no ia o kekahi mau hana ; o ka lua. no ka makaikai ana no ia i keia kulanakauhale, kahi @au i hoohala ai i kekahi mau manawa. no ka hoohauon ana iau iho ; a o ke kumu hope loa, no ka manao ana no ia. ma ou la e loaa mai ai ka ike iau e pili ana no Kanani ame Alika. ka maua kaikamahine uuku."

 

"Manao iho la anei oe e hele mai imua ou. e ninau ai no kau wahine i hoehaehaia ame kau kaikamahine?" wahi a Magureta me ka hoopinana ana ae i kona mau lehelehe o ka hoowahawaha.

 

"Iawai hou aku auanei au e ninau ai no laua? @Ua hakilo au iaoe no kekahi mau la ae nei i hala. a i kou ike ana e hele hookahi ana oe i ka holoholo, manao mai la ka @bookoia o kou makemake, pela au i hookolo mai nei mahope @on. Ina no kou hele pololei aku imua o Kauka Alika kuu kaikoeke. a uinau aku no kuu wahine, aole ana e nele kona hookau ana mai i na hana hoopilikia maluna ou."

 

"Ina oe i hele pololei aku imua ona, aole loa oia e hoopilikia mai ana ia oe ma kekahi ano no ka mea he keonimana kau kane, i like ole aku me kou ano e Kauwila."

 

"He keu no la, o ke kanaka au i aloha aku ai, oia wale no ke kupono i kane nau, mamua o ka mare ana aku i kekahi kauka. i nele ia mea he aloha."

 

"Ua aloha au i ke kanaka au i lawe mai ai he kane nau, me kuu puuwai apau." wahi a Magureta me ke kuoo. ka mea hoi nana i hoehaeha loa aku i ka noonoo o Kauwila, me kona manao kuhihewa. aia no la ke mau la ke aloha o Magureta iaia. alaila e hoao hou oia e pulapu i kela kaika mahine. ma ke koi ana mai e noho pu laua he kane a he wahine.

 

"Alaila ua pomaikai maoli oe e Magureta," wahi a ua o Kauwila me ka minoaka o ke ano hoohenehene ma kona mau panalina.

 

"He hookahi wale no au mea e kaumaha loa nei. o ia no ke kuhihewa o kela wahine. ma ka mare ana me oe. Pehea la oe e Noela Kauwila i aa ai e holo ma-lu mai kau wahine mai. ka wahine i hoomanawanui iloko o kau mau hana uhauha apau."

 

"Ke mano nei au, ua maopopo ia oe ka moolelo o kau mau mea i hana ai. he hana naaupo loa na kekahi kanaka, ka noho malie ana ma Kapalakiko, e paa mai ai oia i kahopuia, a hahaoia aku maloko o ka halepaahao. nolaila o ka hana pono wale no ma kou aoo. o ia ka holo mahuka ana. me ka nana ole ae i kau wahine ame ka maua keiki."

 

"Ina he makee oe i kau wahine. a i kou inoa. aole loa e hawahawa kou mau lima, i na dala a hai, ka mea nana i hookomo aku ia oe iloko o ka poino. a i hookau aku hoi i ka hilahila maluna o kou ohana. Pehea la oe i aa ai e lawe mai i ka hoohilahila. a hookau aku maluna o kau wahine, ka mea i aloha mai ia oe, me kona makee i ka noho maemae ana?"

 

"Heaha auanei kau nana. ua ike no oe. ua maa au i ka noho ana iloko o ka hanohano. a i mea e hoomauia aku ai ia ano o ke ola ana, he mea pono e loaa nui ke dala iau, in a ia ma ke ano pololei, a ma ke ano epa paha."

 

"Imua o ke alo o ke akua. a imua o na maka o ko ke ao nei. o oe kekahi o na kanaka hana karaima ekaeka loa e Noela Kauwila. Me ko ike no, he wahine maemae loa o Kanani. e hoao ana ma na ano apau e loaa he nohona oluolu ana me oe, eia nae. o kau iho la ia e hai-na ai iloko o kou mau manao o ka lokoino. me ke aloha ole, au e hoohalike ae ai.ua like aku kou ano me ka holoholona."

 

"Ma kau mau mea e hoomaopopo aku nei. ua @halohia aku kela manao lili ou no kau wahine, no ka mea ke kamoilio wale mai nei no oe i na olelo maikai nona, me ka hooili ana mai i na ahewa ana maluna iho ou."

 

"Ae, aole he manao lili i koe iloko ou nona. no ka mea ua holo aku kela daimonio nana e hoopilikia ana i kuu noonoo mai iau aku. a eia au i keia manawa, me kou mau noonoo maikai apau."

 

"E ae ana anei oe e hoakaka mai i ke ano o ka hoi ana mai o kou mau ano maikai?"

 

"He hookahi no kumu nui. o ia ka nalohia ana aku o na hiona i maa iau i ka ikeia i na manawa i hala. ka loli o kou wahi e noho ai, ame  kou kaa ana aku malalo o ka malama ana a kekahi kanaka maikai. a o ka mea pookela loa, o ia no ka noho oluolu ana maloko o kou home, me kau kane."

 

"Alaila, ua pomaikai maoli oe e Mrs. Alika, i ka loaa ana o kau kane @kupono."

 

"Iwaena o na kanaka apau e ola nei ma keia honua, o Kauka Alika ke pookela au i ike ai."

 

"Alaila ua hoopoina loa ka paha oe i kela aloha kahiko o kaua? U piha anei oe i ka hoowahawaha nou?"

 

"Aole au i makemake e hoowahawaha aku i kekahi mea, oiai he okoa ka mea nana e kaupaona mai i ko ke kanaka mau ano apau. Nou iho, aole loa ou mahalo i kekahi kanaka, a i kekahi wahine paha, i ku-e i na ano pololei apau i pili i keia ola ana."

 

"Alaila e kapa mai ana anei oe, owau kekahi o kela poe. i ku-e i kou ano oiaio?"

 

"Aole e hiki ia oe e Noela Kauwila ke hoole ae, no ka mea ua hana maoli aku no oe i kela hewa, me ko ike no, aole i lawa kau mau dala no kou mau lealea waiwai ole, eia nae komo no oe iloko o na hana uhauha. Hoko o kou ola ana, ua pauaka maoli oe  ia oe iho. Iau i huli aku ai ihope a nana i kela manawa au e kamaaina ana ia oe. ua kuhihewa maoli no au, he kanaka maikai la oe, eia ka he ilio have iloko o ke koloka huluhipa."

 

"He ku maoli i ka lokoino ame ka hoehaeha kena mau olelo au e Mrs. Alika e kamailio mai nei," wahi a Kauwila me ka inoino o kona helehelena.

 

"ke kamailio wale aku nei no au i keia mau mea, aole me ka manao ku-e ia oe, a piha paha i ka hoowahawaha, no ka mea aole he noonoo o ia ano iloko ou. ua hoi mai kou mau ano kahiko apau. me ka ike maoli iho no, he hana kohu ole ka huhu wale aku no ia oe. aka nau ponoi no i hookomo aku ia oe iloko o ka poino.

 

"Ua kuhihewa maoli no au he kanaka mai kai la oe. a ke hoomaikai ae nae, maluna o ko wahine kou kaumaha nui. ma muli o kau mau hana, kou haalele ana iaia, e auamo i kau mau hana hoohilahila a hoohaahaa o ke aloha ole."

 

"Ua oi loa aku kena mau huaolelo au e kamailio mai nei iau e Magureta mamua o ka mea hiki iau ke hoomanawanui."

 

"He mau olelo ikaika io paha keia, aka nae. ina he mea ia e komohia aku ai ka noonoo iloko ou, a mihi oe i kau mea i hana aku ai, alaila e pomaikai loa ana oe. mamuli o kou ike ana, ua hana hewa loa aku oe imua o ke Akua. a imua hoi o kau wahine."

 

"Ua kuhihewa loa oe e Magureta no kou mau ano. aia no iloko ou ka makee no kau mau mea aloha."

 

"Ina he aloha io oe i kau wahine, ame ka olua kaikamahine. alaila e ku ae iluna a maloeloe, a e hoi pololei aku imua o ko laua alo. a nonoi aku i ka laua mau huikala ana mai ia oe, a e hapai ae i ka hilahila ame ka ehaeha mai kau mau mea aloha ae, a laua e noho hoomanawanui mai nei."

 

"E olelo mai ana anei oe, e huli hoi hou aku au i Kapalakiko. a e paa mai i ka hopuia?"

 

"He mea oiaio, ua puni ka honua nei  i ka ike. no kou aihue ana i kekahi heluna dala mahuahua loa, mai kou mau @aku hana mai o ka mea oinio maoli no ia, au e hiki ole ai ke hoole mai, eia nae, ua uku hou ia, aku kekahi hapa o kela mau dala, a he koena uuku wale no koe."

 

"Alaila, nawai i hoihoi hou aku i na dala i ka banako?" @waiu a ua o Kauwila, me ka aa o na maka, no ka mea o ka mua loa kela o kona lohe ana no ka uku ana o kana @wahine i na on a o ka hale banako i kekahi mau dala, ana i lawe aihue mai ai.

 

"O Kanani ponoi ka mea nana i uku aku i kela mau dala. @Maioko ae o na lako hale ame kona home i kuai hooliloia aku, i uku ai oia i na dala apau i loaa mai iaia ; me ka lawe ana ae i ke koena aku o na dala au o ka aihue ana. ma ke ano he hapa ia o kona aie, a e uku aku ana oia i na keneka apau loa, i ka manawa e loaa ai iaia ke dala."

 

"Aole loa au i moeuhane mua e hana mai ana oia pela," i hooho ae ai o Kauwila, me ka hele, a kunahihi kona mau maka. "O kau i manao mau ai, ua hiki iaia ke hoolilo aku kekahi mau pono hale, a o ke dala e loaa mai na, e malama ana oia, i pono ai kona noho ana me ke kaikamahine, oiai hoi au e huli ana i kekahi hana kupono, a i ka wa e ike ai au, ua lawa ke dala iau, alaila kauoha aku ia laua e holo mai no ka noho pu ana me au ma kekahi wahi mamao loa mai Kapalakiko mai."

 

"Aole loa oe i ike i na ano maikai he nui iloko o kau wahine, he waiwai makamae loa ia i loaa iaia. elke no me ia i loaa i kau kane, a i keia manawa aia kela wahine ke noho hana mai la, no ka malama  ana iaia ame kana kaikamahine, me ka hoomakaulii ana i wahi e ukuia aku ai na dala au o ka aihue ana mai ka banako mai."

 

"E manao ana ka hoi au la, o Reginola ka mea nana e kokua aku ana i kona kaikuahine."

 

"Ua makaukau loa kona kaikuane e haawi aku i na kokua ana ma no ano apau, a ua kauoha okoa aku maua ia Kanaui e hoi mai e noho pu me maua, aka nae, aole loa oia i haawi mai i kona ae, mamuli o kona makemake ole, e kaukai aku na hai oia e malama mai.

 

Me keia mau mea apau au e hoakaka akunei no kau wahine, ua loaa ka ike iau aole loa e hiki iaia ke hoomau aku i kela ano o kona ola ana, aka i kekahi la, e halawai ana oia me ka pilikia ma ke kino, mamuli o ka hooikaika loa i ka hana, ka mea i maa ole iaia, mai kona mau la opio mai, a mamuli wale no okau mau hana, i konoia aku ai oia e hooikaika kino wahine, a no kona wale no, a no ka pono hoi o kau keiki, o kau nonoi hope ia oe, e huli hoi aku imua o ko laua alo, a e lawe ae i ke koikoi o ka haawe a kau wahine e auamo nei maluna iho ou, elike me ke ano o ke kanaka, aole hoi elike me ka holoholona.

 

"Ke ole au e kuhihewa, aia no ke kau mai la kona mau maka maluna ou, a e hookipa aku ana oia ia oe me na manao maikai, me ka hoopoina ana i kau mau hana lapuwale o ka wa i hala, ka hana nana i hookau aku i na haawina hoehaeha maluna ona.

 

"Ua kamailio mau mai nei oe, no kou makau, o paa mai auanei oe i ka hopuia, ke ikeia ma Kapalakiko, in a pela, e hoihoi aku no hoi oe i na dala apau au i lawe aihue mai ai mai kou mau haku hana mai, a e loaa he hooponopono maikai ana me lakou, ahiki i ka huikala ana mai ia oe, ia wa auanei oe e hoao aku ai e ola me ka hoopono."

 

"Aole e hiki iau ke hoihoi aku i na dala iloko o ka hui banako, no ka mea, ua hookomo aku au he huina dala mahuahua iloko o ka oihana kuai huluhipa ma Aukekulia, a i hoea mai nei au i Parisa nei no na mea e pili ana i kela oihana."

 

"Ina ua nele oe i ke dala, pehea, e ae ana anei oe e huli hoi aku imua o kau wahine, in a e kokua aku ana au i ka huina dala i koe, no ka uku ana aku i kou aie i ka hui banako?"

 

MOKUNA XXXV.

 

Nana pono mai la o Noela Kauwila maluna o Magureta no kekahi mau sekona, alaila pane mai la : "Mamuli anei o kou makee no kou pono, i ae ai oe e haawi mai i na kokua ana ma ke dala?"

 

"Aia io ka manao makee loko ou, e hoolilo ia oe i kanaka maikai ma keia mua aku, aka o kou manao ana mai, e kokua aku ana au ia oe, ua kuhihewa loa ia noonoo ana ou pela, ke hana wale aku nei no au i keia mea, mamuli o kou manao aloha no kau wahine ame kana kaikamahine. O kau mau hana e Noela Kauwila, aia ke kiko eleele ke kau la maluna o kau kaikamahine ponoi, a o ke kanaka i nele ka hu ana ae o ka manao aloha no kana kaikamahine, ua nele maoli oia i ka puuwai. No kou manao aloha no kuu kane, ka mea i hoehaeha loa ia aku, no kona kaikuahine, ua konoia mai au e hooikaika mana ano apau e hoomamaia ae ai kona noonoo, a o ia kau e waiho aku nei imua ou, i ke alahele wale no e hoopauia ae ai keia pilikia ; pehea e ae ana anei oe e lawe aku i kau mau kokua ana?"

 

No kekahi mau minuke, aole e hiki ia Noela Kauwila ke pane koke mai, aka ke kulou wale la no kona poo ilalo, me he mea la, e noonoo ana oia i kana mea e hana aku ai, oiai hoi o Maureta e hakilo pono mai ana, me na manao makee, e ike o Kauwila i ke koikoi o ka hewa ana i hana ai, e maliu aku ai i na uwalo ana mai a keia wahine opio, aka nae, i ke aea ana ae o ke poo o ua kanaka nei iluna, pane aku la oia i ka i ana aku :

 

"Aole e hiki iau ke hoi hou aku i Kapalakiko, a ku aku imua o ka poe au i kamaaina ai ma kela kulanakauhale, ua oi aku kou make ana, mamua o ka hoohilahila e kau mai ana maluna ou. Aole i maopopo ia oe e Magureta ka hopena e halawai mai ana me au, a no ia kumu la, pela iho lai hiki ole ai iau ke ae aku i kau noi."

 

"He keu aku maoli no oe e Noela Kauwila a ke kanaka lokoino." wahi a Magureta me ka piha hoowahawaha. "Ina ua hilahila oe i ke ku ana aku imua o na kanaka au i kamaaina ai ma Kapalakiko alaila pehea iho la i hiki ai i kau wahine ke auamo i na ehaeha o kau karaima, o ka hana ana. imua ponoi o ke alo o kela poe kanaka hookahi no, au e makau loa nei i ka ike ana aku ia lakou?"

 

"E hoomano hoi paha oe, aole oia i hana hewa maoli, nolaila aia no na manao aaloha o na kanaka maluna ona, aka nou nei la, o ka hoowahawaha ame ka nanakee ia mai ka mea loaa iau, a o ka oi loa aku o ka mea hilahila, o ia no kou kapaeia ana mai ke komo ana aku iloko o ka pohai o ka poe hanohano."

 

"Manao anei oe o kekahi wahine maemae loa elike me Kanani, e hiki ana iaia ke auamo i na hoinoino ana mai a ko ke ao nei maluna ou, ame kona inoa maikai. O, e Noela Kauwila, e aho kou kamailio ana imua o ka holoholona mamua o ke kamailio ana imua ou, a ua mkapo moli no au, o ke aloha wale ana aku no ia oe, i kinohi loa, eia ka he oi kou ino imua o ka nahesa.

 

"No ka pono wale no o kau wahine ame kana kaikamahine, i makee ai au e haawi aku i na ao ana ia oe ame kau mau koua ana. a he nani ia, aole ou wahi mea a maliu mai i kau mau oelo, nolaila ke hookuu aku nei au ia oe e hele aku ma ka alanui au i koho ai; a ua konoia mai hoi au e olelo ae, ua oi loa aku ka pono, e noho o Kanani nona iho. mamua o kou hoi ana aku imua on a, e hoouluhua ai i kona noonoo, ma o kou komo hou ana aku iloko o na hana i oi aku ke ino, imua o kau karaima ekaeka e kau nei ke alina maluna o kou ohana."

 

Me keel mau olelo hope, o ke kaha mai la no ia o Magureta hele, me ka nana hou ole aku maluna o Noela Kauwila.

 

Ke noho maile la no o Kauwila, a nana i ka hele o Magureta, a i ka mamao loa ana o ka wahine opio, ma kahi e lohe ole mai ai i kana mau olelo, ia wa i kamailio ae ai me ka piha i ka huhu :

 

"Ina he kane ma kahi o kela wahine e hoi la, in a aole e waiho kou mau lima, mai ka haawi ana aku iaia i ka eha. he mea liilii loa ka uku ana aku i na dala au o ka lawe aihue ana mai ka banako mai, o ka mea nui, o ia @noka @hiki ana @iau ke ku aku imua o ka poe au i kamaaina @ ai ma Kapalakiko. Ina no hoi paha la o Magureta @la @mea nana e hooponopono me ka hui banako, a oia @Pu@ka mea nana e kauoha aku ia Kanani e holo mai i Parisa nei, in a ua haawi koke aku nei au i ko u ae.

 

"E hoomanawanui ana no nae au, in a e holopono ana kela oihana au ma Aukekulia, alaila e kauoha aku ana aa ia Kanani e ho o mai, a hoi aku mamua ma kekhi ama @ mao e noho ai, ma kahi i malihini loa na kana ia mamua

 

"He keu aku ka hoi kou poina, aole au i ninau aku @nei ka Kanani hana, ame kona wahi i noho ai, i hiki ai iaa ke hooupa pololei i kau leka. O  kou manao nui loa ia o ka hakilo mau ana ia Magureta e ninau aku i kahi i noho hana ai o Kanani, o ka palaka loa iho la ka hoi ia, a ua wahine ole maoli no kou hoopau manawa wale ana, me na oleo e pomaikai ole ai au, koe wale no ka hoalaia ana mai o koa manao huhu no Magureta."

 

No ka piha loa o ua o Kauwila me ka hoonaukiuki, o ke ku ae la no ia, a hele aku la ma ke alahele i kaokoa loa mai kahi a Magureta i hele aku ai i na minuke mamu aku.

 

Ua lilo kela halawai pu ana o Magureta me Kauwila i mea hoopiliki aku i kona noonoo, e lilo ai i mea maikai ole nona ke halawai aku me kana kane i kona wa e hoi aku ai i ka aina awakea. nolaila hooholo iho la oia aole e kau maluna o ke kaa uwila, aka e hoi waewae no ahiki i ko laua home.

 

Iaia e hoi la, o ka mea i ala mai iloko o kona noonoo, o ia no ka hoike ana aku ia Reginola, ua halawai pu oia me Kauwila, aka nae ma kekahi ano ke nana ae, aole ia he mea maikai, oiai ua nui ka hana a kana kane maloko o ka halemai, a o kekahi no hoi, ua noonoo nui loa o Reginola no kona kaikuahine, in a paha no kona lohe aku, eia kela kanaka nana i hai-na i kona kaikuahine, mloko o Parisa kahi i pee ai, e hoalaia aku ana ka manao huhu iloko ona.

 

"Aole he hana maikai nau ke kamailio ana aku iaia, no kou halawai pu ana me Kauwila i keia la, aka no kekahi manawa kupono, e kamailio aku no au iaia no keia halawai pu ana o maua, aole he mea maikai na kekahi wahine ka hunu ana i kana mau mea apau i ike ai mai kanakane mai. Ina no hoi paha i hiki iau ke kamilio aku iaia elike me ke ano o kau kamailio ana ia Noela Kauwila, he keu aku ka hauoli o kuu uhane. Ua kamailio aku nei au imua o Kauwila i ka nui o kou aloha no ke kanaka au i lawe mai ai i kane nau, ua piha maoli no au me na manao haaheo i ke kamailio ana no kona mau ano kilakila he nui, o ka mea apiki nae, i kou wa e halawai ai he hiki iau ke hoike okoa aku imua on a, i ka meahuna iloko o kuu puuwai. O kekahi kumu paha o ka hiki ole iau ke hoike aku imua on a, i ka nui o kou aloha iaia, no kona piha kuoo, aohe wahi mea a hoikeike mai i kela ano kahiko i maa iaia, aka he uhoa maoli kona mau ano apau ke nana aku."

 

No na mahina eono i kaahope aku, ua kaokao maoli ko Reginola ano mai kela mamua aku o kona mare ana ai Magureta, o ke kumu mai o keia ano o ke kauka opio, mamuli okona koho ana aku, aohe he mea nana e hoololi ae i ko Magureta noonoo nona, nolaila ua hoolilo nui oia i kona noonoo ma kana mau hana, me kona hoao ana no nae ma na ano apau, e hoolako aku i na makemake ame na hemaema o kanawahine.

 

He mea haohao no nae iloko o Reginola, i kona ike mai i ka hauoli iloko o kana wahine, me ka maopopo ole nae iaia o ke kumu o kela hauoli, o kana wale no i koho iho ai, mamuli no ia o ka holopono o ka magureta mau hana apau e lawelawe ai, aole hoi mamuli o  ka loli ana o kona manao.

 

e hoomau ana no o Magureta ma kana hana o ke pena kii me ka hele ana no hoi e aoia mai i ka ike hookahi piano me ka himeni, ua loli loa ae ko Magureta mau ano, mai na manwa aku mamua. Ua mahalo maoli no ua o Reginola i ka nani ame ka maikai o ka Magureta mau kii e pena ai, me kona olelo okoa ana ae, he kalena keia i kau aku maluna on a, mai kona ohana aku, kela ohana i kaulana ma ke kahakii.

 

Me keia kulana o ka noho ana mawaena o ke kane ame kana wahine, i hoea mai ai ka loio i kekahi la, a hoike mai la i ka olelo hooholo i hoopukaia mai e ka aha hookolokolo e apono ana i na koi apau ma ko Magureta aoao, no kona lilo ana he keiki na Magureta, ke kaikamahine hookahi wale iho no a Delavia, aka ua kanalua nae ka aha i ka haawi ana mai i kana olelo hooholo, no ka ili aku o na waiwai apau o Mr. Delavina maluna o magureta, ke ole e loaa na hooiaio maopopo loa, no ka mareia ana o kona mau makua.

 

Ua noke ka loio o magureta i ka huli ma kela ame keia wahi maloko o Parisa, i ka huli maloko o na buke e hoopaaia ai ka poe mare, aole he loaa iki iaia o kekahi wahi e hoakaka ana no ka mareia ana o magureta Delavina i ke kane.

 

Maloko o ka palapala kauoha hooilina a ka makuakane e hoakaka ana ia, e holo aku no kona mau waiwai apau loa maluna o kana kaikamahine hookahi wale iho no, oia o Magureta ke huli hoi aku oia no Parisa iloko o na maka hiki he umi, mai kona make ana aku, malalo nae o kekahi kumu, aole kela kaikamahine i lawelawe aku i kekahi hana e hoohilhilaia ai kona ohana.

 

Ina hoi no ka huli hoi ole aku o kela kaikamahine, a ua nele loa oia i na hooilina apau, alaila e kuai hooliloia aku kona mau waiwai apau, a o na dala e loaa mai ana, e hooliloia aku ia, no ka hoomauia ai ke kaulana o na kanaka ma Parisa, a o kana mau kii pena apau e lilo aku ia i waiwai no ke aupuni, me ka hoihoiia maloko o ka hale hoike ike o na meakahiko.

 

He ewalu makahiki i hala, mai ka manawa mai o ka make ana aku o Mr. Delavina ahiki mai i keia manawa o ka hoea ana aku o Magureta, a he elua wale no makahiki i koe, o ke kaa aku no ia o kela waiwai lioko o ka lima o ka poe okoa loa, a kaa aku hoi na kii pena malalo o ka malu o ke aupuni.

 

Ua hoopihoihoi loa ia aku ko Magureta noonoo, i kona lohe ana i na hoakaka a ka loio, a iaia i noho iho ai me kana kane, mahope o ka huli hoi ana aku o ka loio, kamailio aku la o Magureta i ka pane ana aku imua o Reginola :

 

"He mea uuku loa ka waiwai i kou noonoo, o ka mea nui, o ia no ka maopopo ana ae no ka mare pono ia o kou mau makua."

 

"He nui hewahewa maoli kela waiwai, e hiki ole ai ia kaua ke hoomama i ka kaua kamailio ana no ia mea." i papai mai ai o Reginola, me kona pane pololei ole mai ma kahi e pili ana i ka mare ia ana o na makua o kana wahine.

 

"He mea nui io no kela waiwai, i ka manao o kekahi mea, i ake nui ia mea, aka nou nei, aole i oi ae ka waiwai mamua o kou ike ana, he keiki au i loaa mai ma ke ano ku i ke kanawai. Aia kekahi mau kii au i minamina loa ai, a i makemake nui loa ai hoi, e kaa mai malalo o kou malu, o ia no kela kii o Magureta, au e manaoio mau nei, o kou makuahine ponoi no ia."

 

"Owau pu kekahi i makemake e lilo mai kela kii ia oe, a e hooikaika ana au ahiki i ka hookoia ana o kuu iini : in a no aole e loaa mai ana he mau hooiaio ana ia kaua, iloko o keia mau makahiki elua, no ka mare pono ia ana o kou mau makua."

 

"He wahi manaolana no anei kou, e loaa mai ana kela kii iau, me ko kaua ike no, ua paa loa na mea i hanaia maloko o ka palapala kauoha hooilina, no ka lilo aku o kela mau kii apau, imau waiwai no ke aupuni?"

 

(Aole i pau.)