Ka Nupepa Kuokoa, Volume LVII, Number 37, 12 September 1919 — HE HULA NO JOSEPHUS DANIELS. [ARTICLE]

HE HULA NO JOSEPHUS DANIELS.

Kaulana mai Dei a o Daniela, KaHauolelo o ka oihana kaua, He inoa nui kou ua kaulana, Ma na paemoku o Amerika; Na ka Nu loka i hii hele mai Na ale hulilua a o ka nioana, Hookomo i ka nuku a o Mamal'a, Hoola'i na iwa maluna pono; Hanohano na hana a ka mokulele, Malihini kaulana i Hawaii nei; Ike oe i ka nani a o Puuloa, I ke alahukimoku nur o ke ao. Kaomi lima ia iho ke pihi, Na kulu pakaua e haluku nei; Hukiia e ka hae Amerika, Holopono na hana me ka maikai; Mahalo i ka nani a o Hilo Bay, Ka uw«hi punohu mai i ka lua;* Hoike mai ana i kona nani, I na waihooluu like ole he nui; Haawi ke aloha lululima, Na makaaioana a o Hawaii nei; Piha i ka mahalo me ka hauoli, Na hana hookipa me ka maikai; Haina ia mai ana ka puana, Haaheo e ka hae- Ameiika. Hakuia e PETER KAMANO. Makahuena Light Station, Koloa, K?.uai