Ka Nupepa Kuokoa, Volume LVII, Number 38, 19 September 1919 — KUU LEI MAKAMA'E HE WAHINE UA HALA. [ARTICLE]

KUU LEI MAKAMA'E HE WAHINE UA HALA.

Mr. Sol. Hauohano, Lunahooponopono 0 ke Kuokoa, Aloha nui kaua: —E o!u--olu mai kou ahonui ia'u e hookomo iho ma ke kino lahilahi o ka kaua nupepa 1 keia poomanao'maluna ao. Ua haalele mai i keia ola ana kuu lt i momi makamae, kuu wahine, Mrs. Sarai Namai Kaleialoha. ,| E na makainaka, na hoaloha ame na haipule o lehova ke Akua o ka Hooniana Makua Kalawina o Kalanikahua Hou, Pauwela, Haiku, Maui, a mai ka hikina o ka la ma Kumukahi a ka iho j na o ka la i Lehua, ma ka inoa o ko kakou Haku aloha o lesu Kri»to, aloha no kakou a nui loa. | Owau keia o ko oukou hoapaahana iloko o ka hana o ko kakou Haku o lesu Kristo, hoahanau, lunakahiko o ka ekaleaia i ha'i ia ae la maluna, me ka luuluu k minamina hoi i kuu wahine, kuu hoapili, ua liala a nalowale loa no! ka manawa pau ole, ma ka Poakolu, la 10 o Sept., 1919. Auwe kumakena lihaliha wale! Ma keia Ja no i hai ia ae la maluna, ua hele #k*u oia no kahakai i ke ku 'i opihi me ka maopopo mua ole e loaa aua he ulia poino; ua po'iia e ke kai a loaa aku i kana mau keiki Jas. Kalei-! aloha me Hana e lana mai ana i ka ili-' kai ua make. Ua hoohuiia maua ma ka berita o ka mare ma ka la 20 o lulai, I§§3. Na ke Kahu Z. S. K. Paaluhi o ka Ekaleaia o Haiku o ia mau makahiki loihi i ha'a aku; ua piha hoi ia niaua na makahiki he 36 o ka noho ana iloko o ka mare, a iloko no o keia manawa, ua hoopomaikai mai ke Akua, ka Makua mana loa/ Ua loaa ia maua na keiki he 20. Ua make tfku he 10 a he 10 e ola nei. He elima keikikane a he elima kaikamahi--oe, a mai ia lakou mai he 16 moopuna a he i make a he 14 e nei. Ua hauauia mai kuu wahine mai ka : puhaka inai o koiia; mau mpkua, ]Vlr. M. | P. Kahoe me Mrs.. Kaianui Kalioe ma | Peahi-uka, i ka la 3 o lulai, 1867, ua piha hoi iaia na makahiki he 52 a haa lele mai la ia'u kana kane, na keiki ame na e paiauma luuluu a poina ole nona. "He hoahanau oia no ka Hoomana Makua Kalawina o Haiku, no na makahiki loihi a mahope mai ua hoolilo hou aku oia iaia i hoahanau no ka hoomana Naauao i kukuluia. e Rev. J. E. Kekipi. I keia la hoi a'u e kakau nei ua hoi hou maua i ka Hoomana Makua ka Ekalesia o Kalanikahua Hou e ku nei ma Pauwela, Maui. Aole o maua wale no, 0 ka māua mau keiki me na moopuna apau loa e noho hoomalu ia ana e ke komite Bev. M. M. Kahiapo. He makuahine hooifiaika i ka hana hoomanawanui ana i ka hana a ka Ha ku o ka Ekalesia ana i ku iho la a moe aku la. He haumana K. S. o Mrs. Sarai N. Kaleialoha i ikeia e oukou e na haipule o na ekalesia lehulehu, a he kulana puuku kona no ke C. E. Sr. o kona ekalesia, he makuahine hooikaika i na hana apau o kona ekalesia, he oluolu, a he makuahine lokomaikai. He makuahine maiau i ka hooponopono home ana, he hoomaemae i na mea apau e pi'li ana i ke kino, he hooikaika 1 ka mahiai o ia hoi na lo'i kalo, kula uala, hanai hploholona,'puaa me ka moa, a iloko iho la no oia o ka hana a kuu ka luhi a hoi aku la ma kahi mau o na mea ola apau i, ka lepo, a o ka uhane me ke Akua mftu loa. E na hoahanau o Kalanikahua na ike i'na hana a kqu a kuo koiia luhi, ua pau kona hele ana mai e launa pu me oukou.i ka hana a ko kakou Haku lesu, na halawai ekalesia, C. E. Sr. me na hana no'apau. Minamina walel Ua pau kona lohe ana i ka leo o ka bele a nana aku i ke kulana nani o ka luakini, kona mau paia, i kā hehi ana i kona papahele ame kona kihapai. E, n& pali hauliuli na kahawai o ka uka o Peahi/ ka ua peepee puhala o Hama kua'e. \ia |>au ko olua hoopulu ana i kona ili. la'e kahakai Kole, Piiniawa, Eleile me Maliko e, ua pau ko oukou hoope ana i na hunakai i kona ili. E Pauwela me kou mau kahawai e, ua pau ka hehi anā a k&ahele ae maluna! o kou lepo aloha. Ua hala, ua nalo, ua kuu ka luhi o kuu leimpmi makamae. '| O ke aloha no ko kakou e na haipule o lehova ke Akua, na hoaloha, ua makamaka me na pilikana apau. Owāu iho no me ka luuluu, DAN KALEIALOHA/ Pauwela, Maui, Sept. 13, 1919.