Ka Nupepa Kuokoa, Volume LVII, Number 39, 26 September 1919 — KAHEA HALAWAI O NA AHAHUI MOKUPUNI O KA HOOMANA NAAUAO O HAWAII, MOKUPUNI O [ARTICLE]

KAHEA HALAWAI O NA AHAHUI MOKUPUNI O KA HOOMANA NAAUAO O HAWAII, MOKUPUNI O

OAHU. I na lala apau o ka Ahahui Mokupuni o ka Mokupuni o Oahu nei o ka Hoomana Naauao o Hawaii, ame na Ahahui apana apau i kuleana i na hana o ua ahahui mokupuni la, ke hoikeia aku nei ka lohe ia oukou e malamaia ana ko kakou ahahui mokupuni i hoikeia ae nei maluna ma ka luakini o Kealaula o ka Malamalama, ma Koula, Honolulu, ma ka la 23 o Oktoba, 1919, hora 9:30 a.m. Nolaila, ke kauoha nei keia o kela ame keia ahahui apana ma na ekalesia o ka Hoomana Naauao o Hawaii, ma Oahu nei, e oluolu e hoouna ae i ko oukou mau elele ma kahi i hoikeia ae nei maluna, me ko oukou mau makaukau no na hana o ua ahahui la, a e kohoia hoi ko oukon mau elele aole e emi iho ka nui o ko oukou mau elele malalo o ka nui o ko oukou mau ahahui. E hanaia mai no hoi ka oukou mau hoike elele ame ka oukou mau hoike oihana, e hoomaka ana mai ka mahina mai o Aperila, 1919, a pau ma ka mahina o Sepatemba, 1919. ROGERS L. KEKUEWA, Kakauolelo Ahahui Mokupuni o ka Mokupuni o Oahu, Hoomana Naauao.