Ka Nupepa Kuokoa, Volume LVII, Number 44, 31 October 1919 — Page 4
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
Na Kumukula ma ka Ninau Hui Uniona
Ma ka po o ka Poalua aku la, i noho ae ai he halawai a kekahi poe kumukula o keia kulanakauhale, a hoolohe i na hoakaka manao, mai ka poe haiolelo mai, no ka hoala ana aku o na kumukula maloko nei o keia. Teritore i Hui Uniona no lakou iho. me ka hoea ole mai nae, i ka hooholoia ana o kekahi mea maopopo. koe wale no ka mahae o na mano o ka poe i akoakoa ae ma kela halawai, no ke ano o ka ahahui e kukulu aku ai.
Ma keia manao kukulu hui uniona o na kumukula, e pono i na kumu o Hawaii nei, ke hele me ka akahele, ma ka hookaokoa ana ia lakou iho, mai ke ano o na hui uniona, e alakaiia ana e na kanaka, na lakou e hoala mai nei i ka pilikia ma Amerika i keia la, a kakou pu hoi e ike nei i ka hua awahia o ia hana maanei nei.
He mano maikai kela i hoalaia ae no ke kukula ana i ahahui no na kumukula o keia Teritore, ina pela e waiho aku i ka inoa ma ke ano he hui uniona, aka e kukulu ae ma kekahi inoa okoa,no na hana kokua paha i na kumukula, na hana hoopakele ia lakou, a i ole hooholomua aku i na kula ma Hawaii nei, e hookoakoa loa ana ia lakou, mai ka pili ana aku me ka hui uniona nuima Ameika, o ike auanei@ lakou, e hoea mai ana i ka manawa e hooliloia mai ai lakou, i mau meapaahana no na han ahoopilikia a na alakai o na hui uniona, ka hana hoi, i lihi kuleana ole aku ai na kumukula e haawi i lka lakou mau kokua ana.
Ua hoakakaia ae kekahi manao maloko o kela halawai, aole no ke ake ana aku, e loaa na ukuhana kiekie i na kumukula, ke kumu o ke kukulu ana aku i ka hui uniona, aka no ke kupale an i na kumukula, mai na hoopilikia wale ia mai, a mau ano e ae paha i ina pela. Aole ma ke kukula ana i ka hui uniona, ka mea e nanaia aku ai ko lakou pono. aka he hana hiki no iloko o na ano ahahui e ae, a lakou e kukulu mai ai ke alwelaweia na hana apau a lakou i makemake ai, a na ke kupono ame ka pololei o ka lakou mau koi, e haawi aku i na kakoo ana ma ko lakou aoao, aole ma ka hoao ana e hoal ae i ka olohani, elike me na mea maa i lawelawe mau ia e na hui uniona.
O ke kulana o na kumukula ame na limahana i komo aku iloko o na hui uniona, ua kaokoa loa ko lakou kulana mai kela mau limahana mai, o ia hoi. O ka papa hoonaauao ke kuleana i na kumukula, a o ka papa hoonaauao hoi, he kauwa wale iho no ia na ka lehulehu, no laila he kulana kauwa no ko ka oihana hoonaauao ame na kumukula, a o na makainana na haku.
I ka nana aku ma ke ano hoohuoi, aia kekahi mau ku-e ana ma ka aoao o kekahi poe kumukula, i ka oihana hoonaauao. Ma kekahi mau mea, a ma ke kukulu wale ana no i ka hui uniona, a mamuli hoi o na kokua ana mai a kela hui, pela iho la e hoea mai ai i ka hookoia ana o kela mau manao ku-e, no keia kumu, e akahele, a e noonoo pono na kumukula e ao'o nei i na kula maanei, i ka lakou mea e hana aku ai ma keia kumuhana kukulu hui uniona.
Ke kakoo nei keia pepa i ke kukuluia ae he ahahui o na kumukula, no ka imi ana i na alahele e ku ai lakou ma ko lakou mau kulana kulanalana ole, ame ka imi ana i na alahele apau e hapaiia ae ai ka oihana hoonaauao maloko o na kula, ma ke kulana oi ae o ka holomua, aka o ka ae ana aku e kukulu i ahahaui uniona, me ka pili aku me ka ahahi uniona nui ma Amerika, e hoea mai ai i ka manawa e komo pu aku ai iloko o ka olohani ana, no ka pono o na ahahui e ae, o kekahi kela o na hana kupono ole, e ae ole ia aku ai e komoia ano noonoo, iloko o keia manao kukulu ahahui.
Ua kaokoa ke kulana o ka oihana kumukula elike me ia a makou i olelo mua ae nei, ma na ano hana e ae, a in a i makemake na kumukula e hoomahuahuaia ae ko lakou ukuhana, imua o ka ahaolelo e waiho pololei aku ai i ka lakou mau noi, a in a he mau pilikia e ae, imua o ka oihana hoonaauao, a o ke komisina hoonaauao paha, a hoea loa iloko o na aha hookolokolo, in a he mea kekahi e koiia mai ana e hana pela, ua hanaia ko kakou mau kanawai no ka nana ana i ka pono o na aoao a elua, e lilo ole ai ka kui uniona i manaoia e kukulu aku, i mea kokua nui mai ia lakou, koe wale no ko lakou lilo aku i mau meapaahana no ka pono o na hui uniona e aku.
He manao maikai a kupono loa keia i hoalaia mai e komo na kumukula iloko o kekahi ahahui, e lilo ia ahahui i kikowaena no na kumukula apau e akoakoa ae ai, a hoakaka i ka lakou mau mea apau i manao ai, pela iho la e pono ai e hooneeia aku ka oihana hoonaauao ma Hawaii nei imua, e kauakaiia aku anei ia a hui pu aku me ka ahahui uniona nui ma Amerika, alaila hiki ke nanaia aku ka lakou mau mea i makamake ai?
Ma na ano apau, e ku-eia aku keia manano kukulu hui uniona iwaena o na kumukula maanei nei, a e hookaokoa hoi lakou, ia lakou iho, mai ke alakaiia aku, e na kanaka i maa i ke kukulu i na hui uniona me ka manao, he mana ko lakou e hoolilo aku i na haku hana, a i ka lehulehu, i poe hooko wale mai no i ko lakou makemake.
He Mea Hookahaha i ka Manao
Iloko o keia manawa e hapa mai nei ke komo mai o kekahi mau waiwai i Hawaii nei. ke hoopii mau ae nei na halekua i ke kumukuai o ke kopaa, ma ke kuai liilii ana me kahi o ka umi-kumalua keneka no ka paona, oiai nae he umi-kumamakahi no keneka ma Amerika; he mea hookahaha mai keia i ko kakou noonoo. no ka mea, eia no ma Hawaii nei i hoouluia ai ke ko, a wiliia a loaa ke kopaa keokeo, a ulaula paha.
I kulike ai me ka hoike a ka lunanui o kekahi o na mahiko maanei nei, he mau kaukani o na eke kopaa i hooliloia i na halekuai kukaa ma Honolulu nei no ke ehiku keneka o paona, a ke kuaiia nei nae ma ke kuai liilii ma kekahi mau wahi, ma ka umi-kumamalua keneka a pii aku no ka paona; aole he mau kumu kupono no keia hoopipii ana, aka no ke ake wale mai no e hoomahuahua ae i ka pomaikai o ka poe kalepa, a e hoopilikia mai i ka lehulehu.
Aole he luhi ma ka aoao o ka poe kalepa, aia na luhi apau ma ka aoao o na mahiko, eia nae ua nui ino maoli ko lakou puka, o ko kakou manaolana wale no ma keia mua aku no ka loaa o ke emi mai ia kakou o ke kumukuai, aole wale maluna o ke kopaa, aka ma na waiwai e ae kekahi, o ia no na hooponopono ahaolelo ma Amerika.
He nui wale na mea e hooulu ponoi ia nei ma o kakou nei, me ka uuku no o na hoolilo, ke uku nei nae kakou i ke kumukuai i papalua iho i ka waiwailo o ia mau mea, no keaha mai keia? No ke ake wale mai no o ko kakou poe kalepa e loaa nui ka pomaikai ia lakou, a e hoopilikia aku i ka lehulehu.
No ka hoopakele ana ae nae ia kakaou mai ka uku ana aku i na kumukuai kiekie loa ma kekahi mau meaai i hooulu ponoi ia ma o kakou nei, eia ke Kiaaina@ ke hooueu@ mai nei i na makaainana o keia Teritore, e hoi aku a mahi i na aina, e komo aku iloko o na hana hanai holoholona, a e ku ae iluaa@ ma ke ano he mau limahana no ka aina a hoao e hoopakele ae ia kakou, mai ke kiola ana aku i na dala nunui, i na meaai e nookkomoia@ mai nei, no ka hoolako ana i keia Teritore.
I Mau Home Hookuonoono
O ka manaolana o na kanaka Hawaii o keia mua aku, o ia no ko lakou hoi ana e noho maluna o na aina hookuonoono, a komo kino aku ma ka mahi ana i ka aina, ina ma ke ko, a i ole ma ka halakahiki paha, aka nae i wahi e hiki pono ai, ke lawe i na aina hookuonono. o ke dala ke alahele mua e noonoo ai, no ia kumu i kono mau ia mai ai ko makou manao, e hoeueu aku i na Hawaii, e malama i ke dala, a mai lilo ma na hana uhauha, ka hana nana i alakoi ka hapanui o na Hawaii iloko o ka noho nele ana.
Ua kokoke loa mai na aina ma Wailua, Kauai, e weheia aku no ka hookuonoono ana, o ka poe i makaukau me ke dala. a i ike paha i kahi o na kokua e loaa mai ana ia lakou, o ka keia pepa e hoeueu aku nei. e hookomo aku i na palapala noi; in a no ka loaa o na ulia pomaikai, no ke komo iloko o ka wae ana ae i kela mau aina. he oi loa aku ka pono, o ka hoi ana a hana kino maluna o na aina hookuonoono, me ke kauka'i ole, i na hanalima, a mau kulana oihana paha ma keia kulanakauhale, aole e loaa ka noho kuonoono ana maanei. aka mai na hua mai i hoikaikaia aku ma na aina hookuonoono.
Ma na hoike i loaa mai i keia keena, mai ka poe mai i loaa ko lakou mau home hookuonoono maoli e noho mai nei i keia manawa, aole nae mamuli o ka noho wale iho no, aka mamuli o ke komo kino ana aku. a hooikaika ma ka hana ana, a hui pu iho me na kokua ana mai a na hui mahiko, pela iho la i noho lanakila ai lakou, a ikeia ae ai he poe kuokoa no lakou iho. me ka lako maoli o ka noho ana. ka mea i loaa mua ole ia lakou, oiai e noho hana ana no na uku nunui o ka mahina.
Ke olezzo nei kekahi poe ma keia kulanakauhale, he hana hiki ole loa ia lakou ke hoi aku a noho ma na aina hookuonoono, me ka hana kino ana i ka aina, no ka mea aole lakou i maa i ka hana, aole hoi i makemake e ike aku i ko lakou ohana e hooikaika pu ana ma ka hana; o ka poe o keia ano, he makehewa no ko lakou noonoo ana e koho i na aina hookuonoono, aia@ wale no a waiho aku i ka manao hookaho a haahea. a komo hoi ka manao makee iloko e huli i ke kuonoono, me ka hou o ka lae, alaila kupono ka hooikaika ana e loaa he home hookuonoono. O keia no kekahi pilikia nui iloko o kakaou na kanaka Hawaii, o kela makemake ole e hana kino aku i ka aina, oiai nae, he lahui hooikaika keia i ka hana, ma kona moolelo mai kinohi mai; a o ka poe hooikaika no i ka hana, he poe lako lakou o ka noho ana i keia la, a pili no ka nele i ka poe molowa, a maka'u i ka hana.
No ka poe hemahema maoli, me ka maopopo ole o na kokua e loaa mai ana ia lakou mai kekahi wahi mai. in a aia ka makemake ame ka iini iloko o kalkou e loaa na home hookuonoono. he makehewa ko lakou hoao ana e waiho i na palapala noi, no ka mea, aole loa e hoea mai ana i ka hookoia ana o ko lakou mau makemake, mamuli o ka puikaika loa o na kumu aelike, i hanaia mawaena o ke aupuni ame ka mea hookuonoono, aole wale ma ke ano o ka uku ana i ka aina, aka ma ke ano o ka noho ana, ame ka mahi ana aku i ka aina, elike me ke ano o ka aelike.
Mai manao kuhihewa kekahi poe, he hana paani wale no ka ulu ana ae o na manao ohohia, a hookomo aku i na palapala noi no na aina hookuonoono, aole pela e hooko mai ana ke aupuni i na kumu aelike apau me ke kui'o, aia wale no a makaukau. alaila pono, i hemahema no, ua lilo wale ia hooikaika ana i mea poho.
E noonoo e na Hawaii i keia mau a'o ana a ke Kuokoa, maluna o keia ninau home hookuonoono, a e hana hoi ma ke ano naauao, e komohia ole aku ai oukou iloko o ka poino.
__________________________
Ke kakoo loa nei keia pepa i ka manao o ka makamaka J.K. Mokumaia ma kana mau mea i hoike ae ai no na ma'i lepera makai ae nei o Puuhale, no ka maikai o ko lakou malamaia ana, ame na manaolana no ka pau o ko lakou ma'i, malalo o ka lapaau ana a na kauka malaila, ke hoea malaila i ka wa kupono loa; a keia pepa e hoeueu aku nei i na Hawaii i loohia@ i na haawina o keia ma'i, e hoi koke ae i ka wa lahilahi o ka ma'i malaila, e pau ka noho pee ana; malia paha no ke aloha mai ke kumu o kekahi poe i hana ai pela, o ke aloha oiaio nae, o ia ka hoi ae i kahi e malamaia mai ai me ke kupono, a e loaa mai ai hoi na lapaau ana i ku i ka naauao, no ka mea he heluna nui o na ma'i i hoi ae i ka wa kuponoi hookuuia aku, a i huli hoi aku imua o ke alo o ko lakou mau ohana.
Nuhou Kuwaho
OMSK@, Oct. 16 - E hukiia mai ana ua pualiloa@ Kepuni a piu@ maloko o Siberia i keia manawa mai ia aupuni mai ma kekahi manawa a ke aupuni a na Rukini apau o hoakaka mai ai i kekahi makemake no ia hana, elike me ka hoakaka a Kauna Tauntada@ Kato, ka Elele Aupuni Kuihawa Kepani i Omsk.
_________________________
MINEOLA, Oct. 27 - Ma ka palapala hoike i hoohikiia a ka poe koho i ka waiwailo no ka auhou@ i hookomoia ae i ka aha maanei e hoike ana ia o ka waiwailo@ o na waiwai a pau o ke Konela Rusawela@ aia ma kahi o ka $810,000. Maloko o ka palapala kauoha e holo aku aua@ ka waiwai holookoa i ka wahinekanemake@ a e peia@ ma ke auo@ he waiwai hooilina no na keiki.
__________________________
TOKIO, Oct. 27. - O na kukauka anu@ uo ka bana hou ia@ o ka aelike kuikahi@ hui mamaena@ o Pelekane ame la pana. e@ pau ana ma keia Iulai ae, e wohe@ ana e ke aupuni Kepani me ka Aupuni Pelekane. elike me kekahi hoakaka@ i hiki ke hilinai@ ia i hoopukaia ae maanei.
Ua loaa ka olelo hooholo a ke aupuni Kepani@ a hana hou ia ka ualike@ me Beretania. Nui mahone o ke kukakuka ili@ aole me ke Aupuni Pelekane male@ no aka me na mana@ nui e ae@ kokahi@ o ka ao. Kaohloiaua@ hoiaio@ mai na pupuni@ Paleni ame Italia, i ko laua kakoo no ka hoomauia@ ana aku o ka ao like@ ona@ aona@ o Pelekane ame Iapaua i mea hooialo no ka loaa mau o ka maluhia ma ka Hikina loa am Inia.
__________________________
WAKINEKOA, Oct 27 - O ua nuaki a pau ma Amerika ua hoihoi hou ia ka manawa ihope hookahi hora@ ma ka hora@ 2 o ke kakahiaka Saba i o ka@ hopena@ iho la@ ia@ o ka manawa o eono mahina mahope o ka hookoe@ ana i ka malamalama.
Ua hoopau loa ia e ka ahaolelo@ ma kekahi manawa kokoke i hala aku ke kanawai@ e hookoe ana i ka malamalama o ka la aka nae@ o ke kulanakau hole@ o Nu Ioka ame kekahi mau wahi e ao a puni ka aina ka'i hooholo e hoohana hou ia no ka hookoe ana i ka malamalama o ka la maloko o ko lakou mau apana ilio ma keia@ makahikia ae
Na Mare
William Puaoi ia Elizabeth Johnson, Oct. 20
Na Hanau
Na R.N. Keliikoli@ ame Hattie Hepa; he kiakamahine@, Oct. 18.
Na Jos. K, Kaea ame Hattie Hilo, he keikikane, Oct. 20.
Na Geo. Kaeha âme Oecilia@ Kaleikiui, he keikikane, Oct. 24.
Na Ghas. Wunder âme Abbie Papu, he keikikane, Oct. 25.
Na Makua Kalohi âme Mary Kamaka, he keikikane, Oct. 25.
Na Chas. Namauu@ ame Rachel Kaanakaokai, he kaikamahine, Oct. 26
Na Make
David Pohaku, ma ka Home@ Leahi, Oct. 17.
Thelma A. Justice, ma ke Alanui Manui, Oct. 18.
W. Kalaaukahi, ma ke alanui Factory, Oct. 23.
John S. Aea, ma ke Alanui Kanaloa, ame Kam. IV Road, Oct. 24.
Daisy Miller, ma ka Halema'i Moiwahine, Oct. 25.
Jos. Robert Jr. ma ke alanui Waikahalulu, Oct. 26.
Wm. K. Nao, ma ke alanui Waiakamilo, Oct. 27.
Makaukau Na Hoolala Ana No Ke Kukulu Home
No ka hoomanao ana aku i na hana a Miss Ida M. Pope i make i noho kukukula no ke Kula Kaikamahine o Kamehameha, ua hooholo ae na haumana o ke kula, ma o na komite la i kohoia, e kukulu aku i kekahi home, a e kapaia ma ka inoa ka "Ida M. Pope Home," a e lilo kela wahi i home no na kaikamhain o ke Kula Kaikamahine o Kamehameha e noho ai, i ko lakou wa e hemo mai ai mailoko mai o ke kula, a noho hana ma keia kulanakauhale, a i ole hele aku paha i kekahi mau kula e ae maanei nei.
O ka huina dala i hooholoia e ke komite, no ke kukulu ana aku i keia home, aia ma kahi o 50,000 dala, a ma ke ahiahi o ka Poaha o ka pule aku nei i hala, i noho ae ai kekahi maa komite a hoolala i na alahele e hoohaua@ aku ai, i wahi e loaa mai ai kela huina dala i makemakeia.
O na mea i hoolalaia, o ia no ke nei@ ana aku i na kokua mai na hoaloha mai, elike me ka lakou i manao ai e haawi, ka hana ana no hoi i na meaono, ka pai ame kekahi mau mea e ae, a kuni hoolilo aku i ka lehulehu, ma ka malama ana i mau ahamele, ame na alahele no apau e ikeia ana, e loaa mai ke dala. E hoomaka ana na komite i ka huli ana i na dala no kela home, ma ka la I@ o ka mahina@ o Novemaba@.
Ma ka hora elua me ka hapa o ka auwina la o ka la apopo i makemakeia ai na lala apau o ka ahahui o na kaikamahine i hemo mailoko aku o ke kula, e akoakoa ae ma kekahi halawai kuikawa e malamaia ana mauka o ke Kula o na Kaikamahine.
Nuhou Kuloko
Ma ka Poakolu nei i haawiia aku ai ke kauoha i ka lunanui o na hanahou e ke komisina uwapo, no ka hoomaka ana aku i ka eli ana i ke awa o Kalihi ae nei, no ka hoohohonu apa.
__________________________
Ma Waimanalo ae nei i paa mai ai he poe Pilipino i ka hopuia, na alakai kukulu hui uniona iwaena o na Pilipino, mamuli o ko lakou ae ole e hele mailuna aku o ka aina o ka mahiko.
__________________________
Ma ka Poakolu nei i wehi hamamaia ae ai oluna o ka mokukaua Nu Kilani, no ka makaikai ana aku a ko Honolulu nei poe, a ua hele oluna o kela mokukaua a piha i ka poe makaikai.
__________________________
Ua hoea mai nei no moho@ au kaulana o Ameika po Honolulu nei, a ma ka po o ka la apopo ahiki i ka po o ka Poalua ae nei, e malamaia ai na heihei au mawaena o lakou ame koonei mau moho.
__________________________
E alawa ae e ua Lahainaluna e noho ana ma na Mokupuni o Maui, Molokai ameLanai, i ka hoolaha@ a ka Peresidena John W. Kalua, o ka Ahahui o na Lahainaluna o Mau, i ka hoolaha kahea halawai ma kekahi wahi o keia pepa e puka aku nei.
__________________________
Ma ka hapalua o ka hora ehiku o@ ke ahiahi Sabati ae nei. Novemaba 2, 1919 e malama ae ana ka Ahahui Hoopakele o na Poola, he halawai maloko o ke Poola Hall, me ke alanui oluli@ Holokohana, no ka noonoo ana i kekahi kumuhana ano@ nui, a ua makemakeia na lala apau o ka ahahi e hoea ae ina@ ia halawai.
__________________________
No ka hoopiha ana aku i kokahi mau wahi hakahaka o na kumukula, mamuli o ka hoea ole ana mai o na kumukula i manaola aku ai mai Amerika mai, e hoounaia aku ana kekahi mau haumana o ka papa ekahi o ke Kula A'o Kumu no, ke a'o ana ma kekahi mau kula o keia Teritore
__________________________
E hoomanao ae ana na Kepani o keia kulanakauhale i ka la hanau o ka Emepera@ o Iapana in a ka la apopo, me ka malamaia he aha huluhula me hoohauoli, ma ka Hokele Young, me ka hoounaia o na palapala kono he eono haneri@ ka nui i na makaainana Amerika ma keia kulanakauhale.
__________________________
Oiai e hana ana ma ke kahua o ka hale hou o ka hui o T. H. Davies e kukuluia nei, ma ka auwina la o ka Poakolu aku la, i haule mai ai he limahana mai kahi holopapa mai, a haki kekahi iwiaoao, me ka loaa o na lapaau koke ana no kona mau palapu, maloko o ka halema'i o na ulia poino.
__________________________
Mamuli o kekahi ulia ma ka po o ka Poalua aku nei i hala, i halawai ai o Alber F.K. Unea me ka make, mamuli o ka pii ana o na huila o ke kaaahi@ maluna on a ma Wahiawa ae nei, a ma ka auwina la o nehinei@ i malamaia ae ai kona anaina hoolewa, a homoeia@ aku kona kino leop ma ka ilina o Manoa.
__________________________
Ma kekahi meahou o ka hoounaia ana mai i Honolulu nei, mai Hilo mai, ua noho ae ka ahahui uniona o na Kepani limahana o na mahiko ma Hilo, Hawaii, a hooholo, e waiho aku i ke koi hoomahuahua ukuhana imua o na on a o na mahiko, ma kahi o ka ekolu dala o na kane, a i elua dala o na wahine no ka la.
__________________________
Mahope iho o ka huli hoi ana mai nei o Kauka Herbert Clemmens no Honolulu nei, mahope o kona kaa ana aku he paahao malalo o ka oihana koa o Amerika, i waiho ae ai oia i kana palapala noi imua o Kiaaiana McCarthy, no ka hoopuka hou ia aku he laikini nona, no ka hana ana i na mea pili i na niho ma keia kulanakauhale.
__________________________
Oiai he nui na mea i wawaia ae no ke komo ole o Duke P. Kahanamoku iloko o na heihei au, e malamaia ana iloko o keia mau po aku, me na moho mai nei o Amerika, ua oili okoa mai nei oia imua a hoike mai i kona makaukau e kupale i ka hanohano ana i paa ai no kekahi mau makahiki, ma ke ano he moho no Hawaii nei, oiai no nae, aole oia i hoomaamaa ia ia iho, no na heihei ana e komo aku ana.
He Hoomaikai
Ke haawi aku nei ka ohana o John Samuel Aea i ka lakou hoomaikai i na hoaloha apau ame na makamaka, a pela hoi i ka oihana makai no na maikai apau i hanaia mai no ka mea i noalele mai i keia ola ana, a no na makana pua lehulehu hoi i haawiia mai no ka hoohiwahiwa ana i ke kino wailua o ka mea i hala, a no ke komo puame@ mai hoi e u pu iloko o na hora o ka laulau@.
O John Samuel Aea@ Ua Hana I Ke Ala Hoi Ole Mai
O Mr. Lunahooponopono, e uaola@ mai hoi i kow@ no@ nei manao. Ma@ ke kakahiak o ka Poalima o ka Hilo@ aku ia@ i hala i pauaho mai alii@ keiki ola ana kekahi keiki kup@ a kamaalua@ aloalo@ kuaua o ka Uakukalahale ma ka home@ o kana keiki Albert K. Aea, ma ka@ alanui Kapahulu, oia o John Samuel Aea, kekahi o na kanaka, i hana@ ino@ ka hoomanawanui malalo o ka oihana makai o Honolulu no kekahi mau makahiki lehulehu, a i kamaainana hoi e na meaapau, a na lilo kona make ana@ i ilono hoopuiwa aku i ka hui ame ka lehulehu o kona mau hoaloha ame na makamaka.
Ua hanaula@ oia ma ka ia 16 o Mei, 1875 mai ka puhaa@ mai o Carrie Kahaeholoikalali@ Kamauoha ame Joseph Aea, a laia@ i hala@ aku la ma keia aoao ua haalele@ iho ola i na mea aloha he lehulehu mahope nei e kuipakena@ aku nona ola koha@ makoahoe@ ua kaikuahine elua, Mrs. Lydia Aea Kalolo ame Mrs. Mary Kua@ Makaweo@ na keiki eiwa, Carrie Kaunohiolili@, George Kapeau@, Kamailealii@, Mabel Keoni@ Samuel, ame Albert, me elua mau@ moopuna, Ericksou@ Ren@ ame Charles Makoe@ Makaweo@ Jr.
Ua hoohaauaola@ ola lualoko o na kula nui Iolani@ ame Kamehameha, a wahope@ o kona pukaanamai@ ia mau kula mai ua lehulehu mau@ hana o kanaweo@ lawo ana o kakoke@ loa me ka oihana luakai@, a o kana@ mau huina@ alanui e ku mau ai ma na alanui Emma@ ame Beritania.
No na mauilia@ elima, i haiku@ koha hoomailoia@ ana i ka ma'i, a ua hana mau ia aku no holoia@ a kona mau hoapaa haua he kanaka kino@ ikalakaihoi@ kupono no ka oihana makai elaanae@ ua lilo ia ikaika i mea ole i ka ma'i, a o ka hopena@ ua mae aku la ola i ka moe mau loa. Kuu ka luhi.
He mau mea punahele loa i ku Moiwahine Liliuokalani kona makuakane Joseph Aea ame kona makuahine, Mrs.@ Kahea Aea, a pela me kona kaikaina Kaipo Aea; imua mau o ke alo oi ka Moiwahine Liliuokalani o Kaipo Aea, a he kakauolelo pokoe@ no hoi o Kaipo Aea noleko@ o ke keena@ o ke Kakanolelo he mau makahiki kakaikahi mamua o kolia make ahai@.
Maloko o ka hale@ waiho kino make o Mr. Williams malamala@ ai ke aina@ hoolewa ma ka aliwaina@. Poaono, mailaila i laweia aku ai no ka ilima o Manoa. O kona mau hoa@ Makai na hapai pahu a o kekahi no hoi o lakou ka i he'e pu aku ma kane anakai ope loa.
Na ohana i hooihulunia@ ma o Mr. & Mrs. Makaweo.
Nui Ana Na Kumukula No Na Kuaaina
I mea a loaa ai on a mau kumukula no na kula@ ma na apana kuaaina ke 63 mau haumana papa ekahi o ke kula@ a'o kumu e hookuu kekeia aku anei@ mai ko@ kula Aokumukula@ aku o Teritore@, a e honunala@ aku ana lakou ma na apena@ kuaaina@ i hele@ i na kumu a hoomaka aku ko@ lakou a'o kula ana a e loae@ ana ka uku ia lakou he@ $75 o ka mahina@ O keia mau haumana e hoounahi aku ana in a e ikeia@ ana ko lakou makaukau holopono hoi ka lakou a'o ana e hoopono mau loa ia aku ana lakou, ma la mau, wahi aka in a holopono ole ka lakou lawelawe@ hana ana@ elike me ia i makemakeia e ka oihana hooualuko@ me o keikahukula. Nui la ehoihoi kou ia ae ana lakou i ke kua@ Aukumu@ no ka hoopau@ pono ana aku i ko@ lakou maawa@ ame ka hoomupuahoa@ huu@ ana ae i ka ike a'o kula.
O ke kumu o keia lawe ana o ka oihana naauao i keia hana mamuli no ia o ka hoea@ ole ana mai o kumukula i makemakeia kau nei e hoea mai ianei mai Amerika mai. No na haumana papa ekahi e hoouhaia aku ana penei ka mahele ana: Oahu 8; Kauai 18; Maui 10; Hawaii hikina 19; Hawaii Komohana 7.
Hoolaha Kuai o Ka Hoolimalima Aupuni
Ma ka hora@ 10 a.m. o ka Puakolu. Novemaba 1st, ma ka oka@ komomamua@ akila@ Hale Kapahulu@ Honolulu. Te H. malaila a koaila@ aku ai ma ke kudala akea i ka mea koho kiekie loa malalo o ka Pauko 380 o na Kanawai Hooponopono. Hou ia o Hawali o ka 1810@ ka hoolimalima laula i ka wawai aupuni i hoakakaia malalo iho no@ penei@.
Koena o ka aina aupuni e waiho la@ ma Aiea, Ewa, Oahu, malalo koko@ aku@ e ka Ululaau J. Hookoeia e apoia ana@ ma kekahikoke@ e ma Apaea@ 2, 4 au@ kekahi mahele o ka Apana 5, o ka aina@ Hookuonoono@ o Aiea, ma kekahi 30@ e ka palena o Halawa, a ma ka aoi@ makai o ka aoao muka@ ia o ka Apana 30 i hooloihila@, nona ka iliaina ma kahikokohe@ loa i ka 26.5. eka.
Manawa o ka hoolimalima. 15 maka@ hiki mai Novemaba 10, 1919 aku.
Uku hoolimalima haaha $15 a@ makahiki, e uku hapa makahiki mua la@
Ke hookoe@ nei ke aupuni i ke koke@ wai@ ame na pono pili kahawai@ apau malko@, a i ole ia, i ke kahawai ame ma@ wai malaila hola@ pu me na pono ala nui kupono e moe ana ilaila.
Na ka mea kuai@ mai e uku i ua hooli'o o ke hoalaha@ ana.
No ua kii palapala aina ame na hoa@ kaka aku i koe@ e noi ae ma ke heena@ o ke Komikiha@ o na Aina Aupuni. Hele@ Kapiiala, Honohilu@ T. H.
C.T. Bailey
Kamaaina@ o na Aina Aupuni e@ 70 - Oct. 17, 91@
Hoolaha Kuai O Na Apana Ai Na Aupuni
Ma ka hora 10 a.m. o ka Poakahi@. Novemaba 1o, 1919 ma ka puka@ kama@ mamua@ o ka Hale Kaphilaia@, Honolulu T. H. malaila o kualia aku a@ na@ ke@ kuuala@ akea i ka mea koho@ kiekie loa na ohana@ aina i hookakaia malalo ino@ nei e waiho ana maloko o Honolulu:
Na Apana Aina Aupuni O Kuwili@, Kapalama.
Apana Helu, Blaine. Kumukuai@ Oi aku a emi mai. Haaheo. Kapuai kues@.
(1) 6 5203@ $3,121.80
(2) 7 5516@ 3,302.60
(3) 8 5708@ 3,235.20
(4) 9 5246@ 3,507.60
(5) 10 5693@ 3,415.80
(6) 11 5540@ 3,324.00
(7) 12 5387@ 3,232.20
(8) 13 5384@ 3,140.40
(9) 14 5386@ 3,231.80@
Na Apana Aina Ma Ke Kiekie@ Na O Alewa
Apana Helu, Iliaiha@. Kumukuai Eka Haahaa.
Oi aku a emi mai.
(10) 1 30 $300.00
(11) 2 297 200.00
Ma ke kuike@.
No na@ kii palapa'a aina ame na hoa@ kaka ako i koe'a@ aoi@ ma ke koena o ka Kamiaina a na Aina Aupuni, Hale Kapilala@, Honolulu, T.H.
C.T. Bailey
Komisina o na Aina Aupuni.
Hanaia@ ma Honolulu, T.H. Okaiula@ 8, 1919.
5370@ - Oct. 71, 31.
Hoolaha Kuai o Na Hoolimalima Aupuni
Ma hora 12 awakea. Poaono, Novemaba 15, 1919, ma ka Hale Hookoloko@, Waimea, Kauai malaila e kualia@ aku ai ma ke kudala@ akea malalo o ka Pauko@ 380 o na Kauawai Hooponopono Hou ia o 1915, ha hoolimalima laula i na aina aupuni@ i hoakakaia@ malalo iho nai@, e waiho la@ ma ke Awawa o Waimea, Waimea, Kauai.
Apana Helu, Iliaiha@. Kumukuai Eka Haahaa.
O ka eka o ka makahiki.
(1) 67 19.30@ $25.00
(2) 68 11.30@ 23.00
(3) 69 7.80@ 25.00
(4) 70 4.60@ 25.00
(5) 71 5.90@ 25.00
Manawa@ o na hoolimalima, 10 makahiki mai Novemaba 15@, 1919 aku.
E aku ia ua aku hoolimalima ma ka hapa@ makahiki.
Na ka poe kuai mai e uku i na lilo o ka hoolaha ana.
No ke ano o ka hoolimalima, na kii ame na hoakaka@ aku a koe@; e noi ae ma ke keona o ka hope Akeua Mr. G. W. Sahu@, Lihue, Kauai, a i ole, ma ke keena@ o ke Komisiha o na Aina Aupuni, Hale Kapitala@, Honolulu T.H.
C. T. Bailey
Komisiha o ua Aina Aupuni
Hauaia ma Honolulu T. H., Okato a 8, 1919
670@ - Oct. 17, 31
Hawaii Theatre
__________________________
Ka Hale Kiionioni o na Kii Lehulehu, Maanei e hoieikeia@ ai na Kilo@ o ke Komohana@ ma Hana Keaka.
B. Loli@ hamokoa ana ka papa kuhikuhi i ae@ Sebati Poalua-Poaha ame ke Poalima
__________________________
Poalima-Poaona, Okakopa@ 31 - Novemaba 1.
Monaboe@ Salisbury ma ke ano "Hugon Ka Ikaika" (5 Kii)
Pela ma, "J. Warren Kerrigan@" (Ka Weli o ao Kula)
âme na Lealea Pili Kahakai - I ku Hoakaaka
__________________________
Sabati-Poakahi, Novemaba 2-3
Howard Hiokman ma ke ana "Social Ambitions" (5 Kii)
Pela me Pearl White ma ke ano "Ka Poe Pakaha Uwila" - (10 Mokuna)
ame Ford Weekly
__________________________
Poalua-Poakohu, Novemaba 4-5
Priscilla Dean ma ke ano "Ka U'i Keleawe" (5 Kii)
Pela me "Na Liona Me Na Lede@" Eiko Comedy (2 Kii) ame ka
"New Universal Weekly."
__________________________
Poaha, Novemaba 6.
Herbert Rawlinson ma ke ano "Lilo Ka Paa I ole" (3 Kii)
Mahope O Ke Kahua - Eiko Comedy (2 Kii)
2 Burtos@ Homes Travelogue.
__________________________
Poalima ame ka Poaono, Novemaba 7-8
"Ka Weli O Ke Kula"
He Kii Kamahao no ke Komohana iloko o 7 mokuna i piha me pihoihoi
Betty Compson Huapala ame George Larkin.
Ka maka'u ele o na Paku Kiionioni.
__________________________
Hoikeike ao, ma na ia apau (koe@ ka@ Sabati) mai ka 12 a 4:30 p. m.
Na Hoikeike Ahiahi hoomaka 6:30 a 6:30.
Ukukomo, 15c, 25c, 35c, koto pu me ka Auhau Kana.