Ka Nupepa Kuokoa, Volume LVII, Number 44, 31 October 1919 — Page 7

Ka Nupepa Kuokoa

 

 

He Moolelo no MAGURETA a i ole

           

No keia nele ana i na hoike no kahi e loaa ai kuu wahine, hooholo iho la ko’u manao hope, ua make paha oia, a i ole, ua hookomoia aku e kona makuakane, maloko o kekahi wahi e hopaaia ai o ka poe ma’i, no ka hoohoka ana mai kela makuakane o Magureta ia’u, aole e ike hou iaia.

            Me na manao luuluu o ke kaumaha, me na haawina hoi o ka ehaeha, i haalele’aku ai au ia Parisa, a huli hoi mai la no Amerkia nei, me ka manao, e loaa ia’u ka hoopapau ana iko;u manawa, ma ka hana a’u i koho ai, ma na hana akeakamai.

            Ua waiho iho no kuu makuakane i kekahi waiwai no’u. me kona kauoha pu ana mai, e malama aku au i kuu kaikuahine hoahanau, ae haawi hoi iaia i kekahi uku makahiki kupono, i ole ai oia e halawai me ka pilikia.

            Ua apono au i na hoolala ana apau a kuu makuakane, no laila i ko’u hoea ana aku no ko’u home. kuksakuka pu iho lo maua me Ane Wilikona, no na mea e pono ai kona noho ana, oiai aia no na manao makee iloko o’u, e ike aku ua loaa he nohona oluolu iaia. Kamailio okoa aku la au iaia no kona hoi a noho ma kekahi home ana e koho ai, oiai ua paa kuu manao, e kuai hoolilo aku i kela home o makou, a e hole aku au no ke Komohana, no ka lawe ana ae i kekahi kulana i hawaiia mai ia’u.

            Iloko o ko’u kahaha ame ka pihoihoi pu no hoi. hoike mai la kuu kaikuahinehoahana ia’u, ua aloha kahiko oia ia’u no na makahiki loihi, a o kela manao ana o’u e holo aku no kahi mamao loa, ua like pu ia me ka hou ana aku i kona puuwai.

            Ua lilo keia i mea hoopilikia loa mai i ko’u noonoo. oiai aia mau no kuu puuwai me kee Magureta, aole hoi i maopopo ia’u kona hopena, nolaila. Ua hele loa kee puuwai i ke kahi keena, e hookipa mai ai i ka noonoo o kuu kaikuahine, e lilo mai oia i wahine na’u, a o kekahi no hoi, aole no au i aloha iaia.

            I wahi nae nona e ike mai ai i ka meahuna a’u i hunakele ai mai kuu makuakane mai, hoike piha aku la au iaia no ko’u mare ana i ka wahine, me kuu hoohiki ana aku la au iaia no ko’u mare ana i ka wahine, me kuu hoohiki ana aku no hoi imua ona, aole loa au e mare hou i kekahi wahine okoa ae, aka e noho no au pela, malia o hoea mai no he la a na Lani e hoihoi hou mai ai i kuu wahine nalowale.

            Ma keia hoike okoa ana aku o’u i ka paa o ko’u manao, aole loa e hooko aku i kona iini ua hilo ae la kela noho hoaloha ana o maia i mea ole. a i wahi e loaa ai ka noho oluolu ana ia maua pakahi. haawi aku la au i ka hapalua o na waiwai o kuu makuakane nona, alaila haawi aku la i ke alohoa hope, o ko’u hoi aku la no ia no ke Komahana e noho ai, a malaila au i hoohala ai i kekahi mahele o ko’u ola ana.

            He ela nae makahiki o kela kaawale ana mai o’u, mai Nu Ioka mai. ike iho la au malomo o ka nupepa no ka mare ana o ua kaikuahine hoahanau nei o’u i ke kane.

            Ina paha aole i hoopapau loa ko’u noonoo ma ka’u mau hana, ina he kanake pupule au. a i ole ua maka kahiko paha, no ka mea aole loa he wahi mea i loaa mai ia’u no ke ano ka nalowale ana o kuu wahine, alaila hooki iho laka Poropeka Kadina i kana kamailio ana mai. me ka holoi ana aae hoi i na kulu waimaka o ke aloha wahine oiaio, mai kona mau lihilihi aku.

            Aole loa no anei he wahi lihilihi iki o na mea pohihihi e pili ana i ke ano o ka nalowale ana o kau wahine i loaa ia oe? i ninau iki aku ai o Reginola.

            Aole loa. He mau manawa lehulehu ka’u o ka holo hou ana aku no Parise, a no kahi kauhale uuku a maua i noho ai, me ka manaolana e loaa mai ana la hoi kekahi whi ike, no ke ano o kona hopena, he ole nae ka loaa, a ke mau nei ka pohihihih o kona nalowale ana ahiki i keia la. Ma ka manawa hope loa a’u o hoea aku ai ma Parise, he eono ae nei makahiki kela, loaa mai la ka lohe ia’u. ua maje aku o Mr. ame Mrs. Delavina, mawaho ae olaila aohe mea au i maopopo, pela hoi ke ano o ka waiwai o kela kanaka.

            Ma kela wahi o na kamailio ana mai a ka Poropeka Kadina, huki ae la oia ma kahi a Magureta e noho ana, a i mai la: Ma ka’u hoomaopopo aku, he wahine oe na Kauka Alika, a oiai ua kulike loa kou helehelena, me ka helehelena o kuu mea aloha i nalowale mai ia’u aku: a oiai no hoi, ua loaa aku no kekahi mau hoomaopop ana ia oe no kou makuahine, ua konoia mai au e hooia aku, he kaikamahineoe na’u, aka nae ua aneane e hiki ole ia’u ke manaoio aku ia mean. Ina paha e hiki ana ia oe ke hoomalamala iki mai, ma kekahi wahi o ka moolelo pohihihi a’u i hoakaka aku nei, malia e hoea aku ana kakou i kahu e hoopauia ae ai keia pilikia, a ke nonoi aku nei au ia oe e hoike mai i ka mea au ike.

            Ke hopohopo loa nei au, o na mea pohihihi i pili aku i ko’u makuahine e ku mau aku ana ia me ka hiki ole ke kuekaaia ae, no ka mea. aole he hookahi wahi moali a’u i mao popo nona amr kona moolelo, wahi a Magureta me ka hiolo ana iho o kona mau waimaka.

            O, mai hoike mai oe i kekahi mea o kena ano’ i’ wahi a ka Poropeka Kadina me ka leo o ka mea i piha me ka ehaeha. I kou manawa i kamailio mai nei he keiki oe na Magureta Delavina, ua koho iho kuu manao, e hoea mai ana i ka manawa e hoopauia ae ai ko’u pohihihi, elike me kau e kamailio mai nei.

            Ua hele kuu uhane a piha me ka hauoli ina i hiki ia’u ke hoolele aku i ka malamala no na mea i pili i kuu makuahine. oiai nae ua pohihihi loa au i na mea e pili ana iaia. o ka mea pono paha a’u e hana aku ai. o ia no ko’u hoike ana i ko’u moolelo iho. alaila hoomaka aku la oia e hoike elike me ia a kaua e ka makamaka heluhelu i hoomaopopo ai ma na mokuna aku nei i hala o keia moolelo, o ia kona kaa ana aku malalo o ka malama na mai a ka Rev. Anola ame kana wahine.

            Maloko anei o Burukalina, Nu Ioka, kou wahi i waihoia aku ai malalo o ka malama ana mai a kela mau mea i piha me ke aloha ame ka lokomaikai. wahi a ka Poropek Kadina me ka piha i ke pihoihoi

            Ae. o keia ka mea oiaio loa a;u e hoike aku nei ia oe.

            Ina o kena iho la ka mea oiaio aliala ua hoauheeia ae kekahi mea pohihihi no kanalowale ana o kuu Magureta o ia no kona ukali ana mai mahope o’u no Amerika nei. Pehea nae e hiki ai ia kaua ke ulaa ae i keia mea pohihihihi; a ke hopohopo loa nei au, malia paha aole oe he keiki nana. koe wale no ke loa nei au. malia paha aole oe he keiki nana. koe wale no ke kulike ana o ko olua mau helehelena, malaila wale iho la no kakou e koho aku ai’i kona lilo ana he makuahine nou.

            Ke manao nei au, aole loa he pohihihi. no ko’u lilo ana he keiki ponoi loa nana, no ka mea maloko o ka leka i kakauia aku i ka Rev. Anola ame kana wahine, e noi okoa aku ana oia ia laua. e lawe aku a malama i kana keiki, eia no kela leka ia’u kahi i malama ai. e lawe mau ana no au ma ka’u mau wahi anau e hele ai, no ko’u minamina loa o nalowale auanei, a ina e hiki ana ia oe ke hooiaio mai, o kela no ka limakakau o kau wahine, alaila e hoopauia ana kou pohihihi. no ko’u lilo ana he lailamahine ponoi loa nana, o ka wehe ae la no ia o Magureta i ka leka a haawi aku la i ka Poropeka Kadina.

            I ka manawa i loaa aku ai o ka leka iloko o ka lima o ka Poropeka Kadina, wehe ae le oia a nana iho la me ka hele a piha i ke pihoihoi, a o ia ka ua kanaka nei o ka hoohoo ana ae. me ka hiolo pu ana mai o kona mau waimaka: Aole he mea okoa ae nana i kakau i keia leka, na kuu Magureta aloha no ia. O na huaolelo apau i kakauia, mai kona lima ponoi mai no ia, no ka mea ua hele au a kamaaina loa i kona lima kakau, elike me ko’u kamaaina i kou’u inoa ponoi.

            E na Lani! ua hoea mai anei i ka manawa e amaweheia ace ai ka meahuna pohihihi i pili i kuu Magureta? Ke ike nei au eia ke kau nei ka hoailona o ka ohana Delavina, nolaila e hoomanawanui iki mai oukou, e kii ae au i kekahi mea e hoauhee loa ia aku ai ko kakou pohihihi, o ke ku ae la no ia o ua poropeka nei, a kii mai la i kekahi wahi poki uuku, maloko o kona pakaukau, me ka lalau ana iho i kekahi leka kahiko, a hawi aku la is Magureta.

            Me na lima haalulu no hoi i weeke ae ai o Magureta i ka leka mailoko ae o ka wahi, a ma ke kihi maluna loa o ka leka, e kau ana kela hoailona hookahi no. i kamaaina i kona mau maka, maloko o ka leka a kona makuahine i kakau ai i ka Rev. Anole. a o ka limakakau. ua kulike loa ia ma na ano apau, me ka lima kakau maloko o kana leka.

            Ke ike nei au, aole loa he wahi kanalua ai koe, no ko’u lilo ana he keiki nau. wahi a Magureta, me ka nana ana aku i na maka o ka poropeka aoo e noho mai ana imuao kona alo, oiai hoi na kulu waimaka o ke aloha makua i awili pu ia me ka hauoli, e hi olo makawalu ana ma kona mau papalina.        

            O, e kuu keiki, e hiki ana aneu ua ie ke kapa mai ia’u he makuakane nou? E hiki ana anei ia oe e loaa he wahi manaoio ana, owau ka mea i kuleana e kapa aku ia oe he kaikamahine na’u?

            Auwe! i hooho ae ia o Magureta, me ke ku okoa ana ae iluna, pahola aku la hoi kona mau lima imua o ka Poropeka Kadina a i aku la me ka manao makee kui’o o ke aloha makua: Ina ua hoea mai i ka wa a’u e ike ai i kuu makuakane ponoi, alaila ua paneia mai ka leo o ka’u pule. a hooki okoa iho la oia i kana kamailio ana aku, no ka hiki ole iaia ke hoomau aku i kana kamailio ana, i kau a mea o ka hele a piha i na manao aloha i owili pi ia me ka hauoli, no ka loaa ana iaia o kona makuakane ponoi.

            Lalau mai la hoi ka Poropeka Kadina i ka lima o Magureta a huki ake la a pili iaia. me ka hoopili ana iho i ke poo ma kona umauma, honi iho la ma kona mau lehelehe, me ka hooho ana ae i keia mau olelo:

            E hoonaniia ke Akua no Kona lokomaikai! Ua ae mai Oia e haawi mai ia oe. ka i’o o kuu i’o ame ke koko o kuu koko ia’u i keia la. i mea nana e hoomama mai i kuu manao kau maha a luuluu, no kuu Magureta i nalowale. O e kuu keiki, e hoae anei oe e aloha mai ahiki i keia manawa?

            Ke manao nei au, aole ia he hana paakki, wahi a Magureta, me ka aea ana ae o kona poo iluna, a puili aku la i ka Poopeka Kadina, me ka honi pu ana aku no hoi, a hoomau aku la no i ka hookane ana i kona mau waimaka.

            He mau minuke kela no ka makua ame ke keiki e lulumi la, aia hoi iloko o laua pakahi na nabai luuluu, a i ka hookuu ‘ana ae ane o ka Poropeka Kadina, i kana paa ana ia Magureta, i mai la oia:

            E huikala mai oe e kuu keiki ia’u, ua hiki ole maoli ia’u ke uunu hoomanawanui iho i ko’u mau waimaka, i kau a mea o ka hele o ke aloha no kou makuahine a nui, o oe paha auanei ka mea nana e hoomama mai i kuu noonoo ma keia hope aku, alaila ku ae la oia iluna, me ka hele ana aku a komo ma kekahi rumi okoa aku, no ka hoomalielie ana i kona mau manau kaumaha.

            I kela hala ana aku hoi o ka Poropeka Kadina, ia wa i huli mai ai o Magureta no kahi a Reginola e noho aku ana, a pane mai la, oiai no hoi kona mau maka e pohina ia ana e na waimaka:

Pehea la e hiki ai ia’u ke huna iho i na manao hauoli, no ka loaa ana o kuu makua i keia la, ka mea a kaua a elsua i moeuhane mua ole ai. peal iho la e oile mai ai keia mea kamahao loa. a noke iho la i ka uwe, me ka piha maoli me na manao ehaeha.

 

MOKUNA XLIV.

           

Ua lilo o Reghinola ame Kanani i mau hoike ike maka no kela hiona no ka hoopauia ana ae o na pohihihi mawaena o ka makua ame ke keiki, a o laua pu kekahi i hookahe ake i ko laua mau waimaka o ka hauoli, i awili pu ia me ke kaumaha, no ka hoomanao ana ae i ko laua mau makua ponoi.

Aole no o Kanani e kala kahiko i hoomaopopo ai, aia kekahi mau mea nana i hookaumaha aku i ka noonoo o ka Poropeka Kadina, akahi nae a hoea mai i ka maopopo pono ana iaia o kela pilikia.

Ua lilo nae keia maopopo ana ae la, he makuakane ke Poropeka Kadina no Magureta, i mea hoohauoli loa aku i ko Kanani manau, mamuli o kona ike ana iho, ua hoomama loa ia aku ka noonoo o kela poropeka, e lilo ai ke koena aku o kona mau la e ola ai. i mau la no ka hoopoina ana i na mea o ka wa i hala, a e hoohalaia aku ana hoi ke koena o kona mau la e ola aku ai me ka hauoli, mamuli o kaike ana, he kaikamahine kekahi ana ma ke ao nei.

Ma ka aoao hoi o Reginola, oiai ua hoopiha loa ia aku oia i ka hauoli, no ka maopopo ana ae la he kaikamahine ponoi o Magureta na ka Poropeka Kadina, noloaila ua pau kona pohihihi, no na makua o kana wahine, o kela waiwai nui hewahewa o Delavina ma Parisa. e holo mai ana ia maluna o Magureta; o kana mea wale no e hopohopo la. o ia kona auamo hookahi aku i kona aloha, malia o ka loaa ana ae la o ka makuakane o kana wahine, he mea ia no Magureta e hoi aku ai e noho pu me ia. Magureta i kela kanaka malihini loa iaia, me ka lele ana aku e honi iaia, oiai hoi ua loihi ko laua nei noho pu ana, aole loa he hookahi manawa a Magureta i honi mai ai iaia nei, a i ole, ae mai paha i ua o Reginola e hamohamo aku ma kona lae, he oki loa no ma na ano apau.

He hookahi nae mea a ua o Reginola o ka hoomaopopo ana aku, ma kela manawa a Magureta i huli mai ai a nana iaia. mahope iho o ka maopopo ana i kana wahine, o kela no kona makuakane ponoi, aia ka hauoli iloko ona, me he mea la, e koi okoa mai ana iaia nei i hookahi ko lana komo manaoio aku, e hoea mai ana i ka manawa e aloha aku ai o Magureta iaia.

Ke hauoli nei au i ka hoike ama aku ia oe e. Magureta ua loaa iho la kou makuakane a ua hoea mai hoi i ka hoopauia ana o na pohihihi apau e pili ana i kou mau makua. wahi a ua o Reginola, no ka pane ana aku i kana wahine oiai hoi kana wahine e nana mai ana maluna ona, me ka i okoa ana iho iloko ona:

Ke ike nei au. he o ia  mau no kona aloha ia’u, e hoea mai ana i ka manawa a’u e hoike okoa aku ai iaia, aole i makehewa kona aloha ana mai ia’u, me kona manao paha, ao’e he aloha iloko o’u nona e noho aku nei. E ike ana oia, aole e lilo ka loaa ana iho la o ko’u makuakane i kumu e hoemiia iho ai ko’u aloha iaia. aka e oi pakela ae ana ia, mamua o ka mea ana i moeuhane ai.

Aole i loihi loa kela noho ana aku o ka Poropeka Kadina maloko o kekahi rumi okoa, no ka hoomalielie ana i kona mau manao kaumaha, no ka mea ua oili koke mai la no oia iwaho, no ka hui pu ana me kana kakamahine, aia no hoi ka waimaka ke pohina la, ma kona mau maka. eia nae ke nana aku iaia, me heomea la, ua hoi mai ka nanaina mohola maikai maluna o kona helehelena, ao ia kana o ka pane ana mai ia Kanani:

Ke manao nei au, e hoolilo kaua i keia la, i la kulaia no kaua, mamuli o ka hoea ana mai nei o ka kaua mau malihini. E waiho ka kaua mau hana apau no keia la, a e huli hoi like kakou no ka home o Kanani, malaila kakoue hoohala ai i kekahi manawa nui. ma ke kamailio ana i na mea e pili ana ia kakou iho.

Ke lokahi aku nei ko’u manau me kou e kuu poropeka wahi a Kanani. me ke ku ana ae iluna, no ka hooponopono ana. i kaua mau hana, alaila kau nui aku la maluna o ke kaa, aia ka pahuhopu no’ka home o Kanani.

Iloko o ka hora hookahi. mai kela manawa mai o ko lakou hoea ana aku i ka hale, ua makaukau mai la na meaai mluna o ke pakaukau, a akoakoa nui mai la e ai, me ke kamailio ana i na mea o ka wa i hala, e hoala ana i na ninau he nui a e pane ana hoi kela ame keia elike me ka hiki.

O ko lakou ai hoi’ia ahiki i ka maona ana, noi mai la ka Poropeka Kadina e hooku aki iaia, no kekahi manawa, oiai hoi o Kanani ame ke kaikamahine lawelawe i lilo aku ai ma ke hoomaukaukau ana, ame ka noonoo ana i mau meaai na lakou no kela ahiahi, nolaila ua koe kokoolua wale iho la no o Magureta me kana kane.

Aia o Magureta ma ka puka aniani kahi i noho ai, me ka nana ana iwaho, me he mea la he nui kana mau mea e noonoo ana. me ke manao ole ae no kana kane. Ke noho hookahi la no o Reginola ma kona wahi. me ka maikai ole o kona manao, no kela kukaawale mau o laua, ua hoomanawanui oia a no ka hiki ole. ku okoa ae la oia iluna, hele mai la a ma ka aoao o Magureta a pane aku la:

E kuu Magureata ua hoea mai nei kaua i ka hoauheeia ana aku u na mea pohihihi apau e pili ana i kou mau makua. O oe i’o no ke keiki ponoi loa a Magureta Dwelavina, no ka mea ua loaa na hooiaio ma kou aoao. a o oe ka hooilina no na waiwai o Delavina: kou kupunakane.

O keia hookahi no ka’u mea’e noonoo ana. a kamailio okoa mai la oe. aka nae. ke kanalua loa nei au i ko’u kuleana e koi aku ai i kela waiwai.

Heahea iho la hoi ke kumu e koi ole aku ai oe i ka waiwai i kuleana ai oe ma o kou makuahine la? wahi a reginola me ka piha i ke kahaha.

No ka mea aole no o’u makemake i kela waiwai.

Aole anei ou makemake i kela waiwai?Ua hookahaha loa mai oe i ko’u manao e Magureta, o kela kekahi o na waiwai maikai loa, a o kekahi no hoi he nui ke dala i hoahuia maloko o ka banako.

Ua maopopo ia’u ka nui o ka waiwai ame ke dala, aka nae he hookahi wale no a’u mea e koi aku ana. o ia no ke kii o kuu makuahine, ame kekahi mau mea hoomanao e ae o ko’u ohana, o ke koena aku o na waiwai e waiho aku ana no au, elike me ia i hoakakaia maloko o ka palapala kauoha.

O kena mau mea apau au e kamailio mai nei ia’u . he mau noonoo lalau wale no. e pono oe e noonoo hou i ka mea pono au e hana ai.

Ua paa lea kuu manao. e hooko aku elike me ia a’u i kamailio aku nei ia oe. no ka mea ua noi loa ka’u mau dala. aohe a’u mea e hoohana aku ai i kela mau dala kahiko. a ina e hui pu ia ae ana me keia mau dala hou, e lilo ana ia i mea hoopilikia loa mai i ko’u noonoo. alaila ku okoa ae la oia iluna, huli papu mai la hoi imua o kana kane, a i hou mai la:

Ke olelo mai nei oe ia’u i ka naaupo, i ka haalele aku i ka’i mau koi apau i ka waiwai o kuu kupunakane, e ae mai ana anei oe, e komo pu mai kaua i ka hoohana ana i kela mau waiwai, me he mea la. nou ponoi? E ae ana anei oe e hoolilo aku i ka’u mau dala. me he mea la, o oe ke kuleana i na mea apau?

Ma ia mea au e koi mai nei e Magureta, aole e hiki ia’u ke hoohiki aku imua ou. wahi a Regionola me ka leo kuoo.

Nokeaha mai ke kumu? Aole anei, me ka hooikaika oe e imi nei i na mea apau e pono ai ko kaua noho ana? Aole anei ua lilo kou hoolako ana mai i ko’u mau makemake apau i kumu e hooikaika ai oe ma ka hana ana?

O kau mau mea apau e kamilio mai nei, he mau mea pololei no ia aka nae. ma ke ano he kino wahine kou, a he wahine mare oe na’u ua kau mai ke ko’iko’i maluna iho o’u, o ka hoolako ana aku ia oe ma na ano apau, me ke kauka’i ole aku i kau mau dala, a i kou mau waiwai paha.

Auhea oe e Reginola, kuu kane. ua like no ke ko’iko’i o na hana i kau aku maluna oa ma ke ano he kane oe na’u, me ka haawina i ili mai maluna o’u kau wahine. Imua o ke kahunapule nana kaua i hoolilo i hookahi iloko o ke apo o ja mare, a imua o ke Akua mana loa, i hoohiki aku ai kaua, e auamo i na ko’iko’i apau o ko kaua noho mare ana, alaila kuhikuhi aku la o Magureta iwaho o kekahi kumulaau nui e ku mai ana ma kahi kokoke i ka hale, a hoomau hou aku la i kana kamailio ana:

E nana ae kaua. aia kekahi manu kane ke noho mai la maluna o ka punana a ka manu wahine, no ka hoopumehana ana i kana mau hua, a i ka huli hoi ana mai o kela manu, me kekahi mau meaai e pono like ai laua, aole anei e komo pu aku ana ku manu kane, ma ka ai like ana i kela mau meaai me ka manao hauoli? E hoole aku anei kela manu kane, mamuli o ka lilo ana na ka manu wahine e haawi mai i ka ai iaia?

E hoomanao oe e Magureta, aia iloko o ka manu wahine ke aloha no ka manu kane, a o kana mau mea apau e hoihoi mai ana imua o kana kane, he mau mea wale no ia i hanaia mai no ke aloha, nolaila e ike mai oe i ka like ole o kau mea e hoohalike mai nei me kela mau manu, me ko kaua noho ana. He hana kohu ole loa na’u, na ke kane a kekahi wahine i aloha ole mai ia’u. ka lawe ana mai i na mea apau au e waiho mai nei imua o kuu alo, alaila hooki iho la o Reginola i kana kamailio ana mai, me ka hele o kona mau papalina a pii ka ula, no ka hiki ole iaia ke uumi iho i na manao haku’iku’i like ole iloko ona, no na hana a Magureta iaia.

Ua halii iho la ka meha no kekahi mau sekona, alaila nana pono aku la o Magureta ma na maka o kana kane, a hooho ae la me ka leo haalulu:

O, e Reginola, me ka hooki ana iho no ke kakali ana, e loaa he ikaika kuponoi aia e hua’i aku ai i kona manao.

Ua hoopuiwa aku o Reginola i ke kaheaia ana aku o kona inoa e Magureta, a i koke mai la:

Heaha kau i makemake ai e kamailio hou mai ia’u? wahi ana me ka haalele ana aku o kana nana ana i ka punana o ka manu e noho mai ana, a nana mai la ma na maka o Magureta.

Ina au e hoike aku ana ia oe, i ka nui o ko’u aloha nou, he mea anei ia nou e ae mai ai. e kaana pu i ko’u mau waiwai apau? wahi ana me ke kulou ana aku imua me ka puliki ana ae hoi ikona mau lima mamau o kona umauma.

E Magureta, aole ou makemake e hoae mai oe e pulapu ia’u, i poha mai ai ka leo o Reginola ,oiaio loa o na huaolele apau i hoopukaia aku e kana wahine.

Aole keia he mau olelo palaualelo wale no a’u e kamailio aku nei imua ou e Reginola, aka ua hoopukaia aku mailoko lilo loa mai o kuu puuwai. O, e Reginola. he keu aku maoli no kou noho pouhuli iloko o ka makahiki holookoa ae nei i hala! Aole oe i ike i ka ehaeha ame ke kaumaha a’u i auamo hoomanawanui ai iloko o kela makahiki hookahi no kau mau hana ku i ka lokoini. me ka maliu ole mai i ka’u mau hoao ana aku e hoohauoli ia oe.

Ke hoo’ohe malie aku la o Reginola i kela mau olelo a kana wahine alaila paa ae la i kona mau lima mamua o ka umauma, me he mea la. e kaomi iho ana oia i ka pana kapa lili ana o konas puuwai alala pane mai la me ke kui’o:

O, e Magureta. ke hoike mai nei anei oe ia’u i ka mea oiaio loa? He’aloha i’o anei kou ia’u. oi aku i ke aloha o ka hoaloha i ka hoaloha? Ua aloha mai anei oe ia’u ma ke ano e lilo owau ke kanaka hauoli hookahi ma ka honua nei?

E Reginola, kuu kane ua aloha aku au ia oe me kuu piiwai apau, o ua aloha la auanei ka mea nana e hoomailo mai i kuu kion, ke kaawale oe mai a’u aku. alaila hiolo aku la kona mau waimaka o ke aloha oiaio no ke kanaka ana i nana aku ai, aole ma ke ano he kane nana. aka he hoopakele nona.

Ua hunakele au i keia meahuna iloko o kuu puuwai no ka makahiki holookoa i kaahope aku nei, a i keia manawa, ke ike nei au aole e hiki hou iho ia’u ke uumi a o ia ka’u olelo aku nei imua ou e kuu kane. aole e hiki ia’u ke huli hoi houno Palani me oe, a e noho aku paha imua o kou alo ke mau no kou ano uahoa imua o’u elike me kau mau hana no ka makahiki holooloa aku nei i nala.

O kena anei ka mea oiaio loa au e kamailio mai nei? O! e na lani, ua hoea mai anei i ka hookoia ana o ka iini a kuu puuwai? alaila pahola mai la oia i kona mau lima a elua imua Magureta, a hele aku la no hoi kana wahine a moe aku la imua o kona umauma, o ia ka ua o Reginola i hoono hou ae ai:

Ua hoea mai i ka hookoia ana o ka’u moauhane, me ka hapai ana ae i ke poo o Magureta iluna a honi aku la ,a kona mau lehelehe. Akahi au a olelo ae, ua hoea mai i ka manawa a’u nana aku ai ia  mua, me na manaolana hauoli.

No na minuke ekua, aole e hiki ia Magureta ke pane ae, no ka mea ua hele kona puuwai a piha me ka hauoli, mamuli o ka hoaheeia ana aku o na alalai apau mai ko lana ela ana, o Reginola no hoi kekahi i loaa ia manao hookanhi, i ka hookuu ana ae nae o ka Reginola puliki ana ia Magureta, hookaawale aku la oia i kana wahine mai iaia aku, a i aku la:

Pehea no la hoi kaua i noho pouliuli ai i ko kaua auo? O, e kuu Magureta! alaila lele okoa aku la o Magureta e honi i kana kane, me ka puili hou ana aku o Reginola iloko o kona poli, a hoauhee loa ia aku la hoi na manao kanalia apau mai iaia aku, no ka eena o kana wahine, no kekahi ,manawa ana e makemake mai ai e honi iaia.

Akahi no a pau ko’u kanalua i keia manawa, a ke ike maka nei au, i ka oiaio o kou mau mea i kamailio mua mai nei au, i ka oiaio o kou mau mea i kamailio mua mai nei no kou aloha ia’u, me ka hoomau ana iho o Reginola i ka honi i ka ihu o Magureta.

Pehea no la hoi oe i noho pouliuli ai, me ka ike ole mai ka nui makee, iloko o’u e huai pau aku i ka meahuna iloko o kuu puuwai. Ke noke mai nei oe i ka honi ia’u, oiai nae he lehulehu wale na manawa a’u i ake aku ai e honi ia oe. e hoike mau mai ana nae oe i kou mau ano hoihoi ole.

Ma ia wahi e kuu wahine, ke hoopohihihi loa mai nei oe i ko’u noonoo aka e hoiki mai i ka manawa hea au i hana aku ai ia oe pela e Magureta?

E hookuu ae oe ia’u, a e noho malie oe maluna io ka noho, o ke ku ae la no ia o Magureta iluna, me ka hele ana ae a ku mahope o ke kua o Reginola, paa ae la kona mau lima ma na papalina, a pane iho la:

Ke hauoli nei anei oe, i ko’u hele pu ana mai me oe ma keia huaka’i? Akahi no o Reginola a hoomanao ae i kela hana a kana wahine iaia, ia laia maluna o ka oneki o ka mokuahi ina paha i hoikeiki aku oia i kekahi wahi ano o ka hohoi i kana kana wahine, ina ua honi okoa mai o Magureta iaia, a o ka pau pahiko no ia o ka pilikia nana i hookaumaha kekahi hapa nui o ko laua noho mae ana.

Ke hoomanao nei au i kau mau olelo i pane mai ai ia’u ia kaua maluna o ka mokuahi: Ua kupono maoli no oe e lilo i wahine malama ma’i, a ke hauoli loa nei au no kau mau mea apau i hana mai ai no’u. p keia na olelo a’u e hoomanao loa nei.

Pehea no la hoi oe i kamailio ole mai ai i na olelo oluolu, ina no hoi ua hoea kahiko mai kaua i ka pau ana o keia pilikia, me ka noke ana iho o ua o Magureta i ka honi i ke kanaka ana i aloha ai, a noho okoa iho la no maluna o kona uha, me ka puluiki ana mai ma ka ai o Reginola.

Ke kaumaha loa nei au no ka’u mau mea apau i hana aku ai malina ou e kuu wahine aloha, he keu aku maoli no ko’u noho pouliulu: aka nae ua hoea mai ka la o ko kaua mau hauoli, a ma keia hope ake, aole a kaua hoohewahewa hou ana. i ka manama hea oe i ike iho ai i kou aloha io ana mai ia’u e kuu wahine aloha?

Ina ke hoomanao nei oe, i kela ahiahi au i kamailio mai a no ke karaima a  Noela Kauwila i hana ai, a i holo mahuka ai e pee mai kana wahine aku, ma ia ahiahi. i ike maoli ai no au i ka nui o ko’u aloha ia oe, ame ke auhee ana aku o na manao maikai ole apau mai ia’u aku.

 Alaila he loihi maoli kela manawa o kou huna ana i kou aloha, wahi a Reginola me ka piha i ke kahaha.

Ae, iloko o ia manawa au i ike maoli iho ai, i ko’u hoomana ana aku i kekahi kii lepo palolo, ame ko’u ae ana aku e hoopilikiaia ia mai ko’u noonoo e kekahi kanaka i oi aku ke ino mamua o ka holoholona, oiai no nae e noho pu ana au me ke kanaka i hiki ke haawi mai i ka nohona hauoli ana a’u.

O e Reginola, ma kela po ia’u i kukulu mai ai i kou mau ano kilakila he nui imua o kuu alo kela aloha oiaio iloko oi no’u a hoohalikelike aku me na ano o Noela Kauwila, ike maoli iho la no au i kou kuhihewa maoli, me ia aloha no nae, i hoala aku ai au i na manao maikai ole iloko ou no’u, ma ke koi ana aku i ke kumu o kou huna ana i kou inoa oiaio. au no e hoomanao nei no na olela hahana loa i kamailioia mawaena o kaua ma kela po.

Ia’u i nana aku ai i kou mau ano apau aole loa ia elike me kekahi kane i loaa ka manao aloha kui’o no kaua wahine nolaila i wahi e papahiia mai ai kuu aloha me na haawina pookela o ka hauoli, hooikaika aku la au elike me ka hiki ia’u ke hana, i keia la nae, i hoea mai ai i ka hookoia ana o ia iini o’u.

Maluna iho o kaua a elua na ahewa e pono ai ke kauia mai. no ka mea ua like pu no ko kaua noho pouliuli no ko kaua ano oiaio maoli. He keu aku nae a ka mea kupaianaha iloko o ka hele o ko kaua aloha a nui no kekahi i kekahi, aole he ae o kekahi e kaa ma kona aoao ka hoike ana ae ia mea. Ina paha i hana mua ia e kaua i keia mea, aole kaua e kala kahiko i noho ai iloko o ko kaua hauoli, alaili nui iho la ka hanu o Reginola.

Maluna o’u na ahewa ko’iko’i e pono ai e hookauia mai, a ua lilo pu no hoi au i mea hoopilikia aku ia oe e kuu kane aloha. Pehea la i hiki ai ia oe ke hoomanawanui i na hana a kekahi wahine elike me ka’u i hana aku ai ia oe?

Aole e kaua huli hou ana aku e nana i na mea o ka wa i hala, aka e nana aku kaua iamua. ua oili mai ka la olino o ko kaua hauoli, a o ka mea oi loa aku, akahi no a kohu ko’u kapa ana aku ia oe he wahine na’u ua kuleana au maluna ou; aole pela i ka wa aku la i hala, je wahine wale iho no oe ma ka inoa.

He koe wale no nae keia. alaila hooki honua iho la o Magureta i kana kamailio ana aku.

He maukanalua anei kekahi ma kou aoao, no ke kumu e loaa ole ai ka noho hauoli ana ia kaua?

Ma ko’u aoao, aole au i ike i kekahi kumu e ala mai ai he mau mea maikai ole no ko kaua noho ana aku.

Elike no me kou iko ole i kekahi kumu maopopo loa e lilo ai ko kaua noho ana aku i mea ma ko’u aoao, e hookaumaha hou ia ai ko kaua noonoo.

Ua maopopo anei ia oe ia mea e Reginola? me ka paa ana aku o na lima o Magureta ma na papalina o kana kane, me ka noke ana aku no hoi i ka honihoni, a i hou aku la:

E hoomanao oe, owau ka hooilina hookahi wale iho no i koe i ka waiwai o Delavina ma Palani. nolaila he wahine waiwai maoli kau. pehea, e komo pu mai ana anei kaua ma ka hoohana i kela mau waiwai. me he mea la o oe ke kuleana maoli?

 

(Aole i pau.)