Ka Nupepa Kuokoa, Volume LVII, Number 45, 7 November 1919 — HAINA NANE [ARTICLE]

HAINA NANE

Mr. Lunahooponopono ahonui:—Eia au he malihini imua o kou alo me ka'u haina o ka nane a ke Keiki o Waialua. Eia iho ke kukulu ana o ua nane nei: He kama ka'u i hanauia, eia nae ua maheieia ua kama nei a'u i elua mahele, o ka mahele mua, aia au me na lahui kanaka apau o ke ao nei; mahele elua, he milimili au na ka poe kiekie ame ka poe haahaa, a hoa hana pu me lakou. i Eia ka'u wehewehe ana ame ka'u mau haina: No ka mahele mua, haina, Puu. Aole keia oka puu e kapaia aku nei e na kanaka o na puu iluna o ka aina ēlike paha me na wahi kiekie a haahaa, u» kapaia lakou he maii puu aole oia ka'u puu, no ka haina o ka'u puu oia ka puu moni ai o ke kanaka. Ua eha aku la oe i ka mahele mua! Ka'u haina no ka mahele elua, Wai. O ka wai oia ka mea e pono ai ka poe apau loa mai ke kiekie a ka haahaa, a he hoa hana pu me oe ē Kawelowal, o ia' hoi e hoopulu ana i na pua kanu, e hooma-u ana i na pulapula ko, e auau ana no hoi i kou kino me kou mau lima, holoi ana i kou maka lepo, a pela wale aku, he ole hana pu hoi ia la. I ka hoohui ana o na mahele elua e ioaa no kuu kama, "Puuwai." Ua eha aku la oe ia kuahine. Me neia niau wehewehe ame neia mau haina, me oe e ka Lunahooponopono ko'u aloha ame kou mau keiki hoonoho hua. Owau iho no me ka haahaa, KA OPUA PUA ROSE. Waianae, Oahu, T. H. Halahu mai la kau pahuna ihe e kualiine, aole i ku i ka maka o ka pipi bulu. Hoonuiia mai ka ike me ka noeau, i wali ka a'uwae o ke Keiki o Puaena!—L. H. '