Ka Nupepa Kuokoa, Volume LVII, Number 45, 7 November 1919 — KAKOO E HOOLILO IA HONAUNAU I PAKA NO KA LEHULEHU. [ARTICLE]

KAKOO E HOOLILO IA HONAUNAU I PAKA NO KA LEHULEHU.

Kuu dear Sol. Hanohano, Aloka kaua: —E kala mai kou ihiihi i kau .kauwa nei, no kela poomanao e kau ae la maluna, ua ike iho au ma ke kino lahilahi o kau ipukukui malamalama uo na mea e pili ana ia Honaunau, no ka noho ana o ka papa alakai o Bihopa a hooholo ai e haawi ana i ke Kalana o Hawaii, ke kuleana e malama ai i paka. Ua nui kuu hauoli, no ka mea, .ua hookoia ka'u mea i noke ai i ke kaniailio no na mea e pili ana i ka Haleokeawe ame ka heiau pu no hoi kekahi. Ke hoomanao nei no au i kuu hoike ana ia oe i ka hana a kekahi haole i ka eli i na lua ame ka hanee ana mai o kā pa pohaku e holopuni ana i ka heiau, lie mea a'u e ehaeha ai ka ike aku i na mea a na kupuna o kakou i hana ai i kela au naaupo, a keia au naauao c imi nei, pehea la i lāweia mai ai keia pohaku nunui ame kekahi mau mea e ae a keia makapeni i ike ai, a na lahui e e hele mai nei e makaikai, he mau kaukani mile ka mamao, aka o ka mea i hanaia e na lima o ko kakou mau kupuna ua kaulana aole wa e nalowale ai.

Ua nui ka'u mea i kamailio ai ame kuu hui ana me ka lunahoomalu o ka papa lunakiai o Hawaii oia ka Hon. S. Kauhane me ka'u mau olelo e ahewa ana i ke Kalana o Hawaii, i ka hoohemahema, a pela me na hoa hanohano o na hale kaukanawai, i ka lioohemahema maoli no i na mea a na kupuna i hana ai a kaulana, a na malihini e hele mai nei e makaikai he kupanaha maoli i kuu hui ana me k? Hon. Kauhane me kuu nuku iaia ame kuu olelo aku iaia heaha kau hana e hana ai oe i loaa kou kaulana a na malihini.e imi mai ai o ka lunahoomalu o na lunakiai o Hawaii kalana? Eia kana hana, no ka mea, ua

loaa iaia ka naauao i oi ae mamua o na kupuna o kakou, ua nui kona mahalo mai i ko'u manao e pili ana no Honaunau, ame kona olelo mai ia'u ua hooikaika oia i kela kau aku nei e loaa i bila haawina no Honaunau, na kekahi mau hoa hanohano no o ua aina kaulana nei i hoohemahema a loaa ole ai, uolaila pela keia makapeni e manao nei o ka poe i ku-e i keia mea maikai, e malama i na mea a na kupuna i hana ai, a kaulana, e malama aku keia hanauna hou ma ke koko, e holo la iloko o uame a e kukulu aku i kiahoomanao ma ia kahua, ame ke kahua kaua o Mokuohai, e lawe ae ia wahi a malama i mea hoomanao no na keiki a kakou, ame ka lakou manio aku e nana aku kakou i na mea i hanaia iho uei no ia kanaka kaulana oia o Rusavela, ua wikiwiki maoli kakou i ke kokua, ina o ko kakou, aole e kunana ana. Nolaila o ia ka keia makapeni e kau leo aku nei i na hoa kaukanawai, e makaala i na wahi kaulana o ko kakou onehanau, e hapai ae iluna e kukulu aku imua oke ao nei. He lahui nialama kakou i na mea a na kupuna i hana ai a kaulana, eia ke malamaia nei, aia maluna o na makaainana o ke kalana o Hawaii ke o ka malama ana ia Honaunau, e kukulu i hale pili mauu, a e hoonoho aku i mea ike hana, i mea kuhikuhi ia wahi kaulana o na mea ana e hana lima ai, e loaa kona ola malaila, no ka mea he nui maoli o na malihini e hele makafkai nei. No ka holomua o keia liana ke paipai nei keia makapeni me ka inahalo nui i kuu kapena maikai. Kou haahaa, J. K. MOKUMAĪA.