Ka Nupepa Kuokoa, Volume LVII, Number 47, 21 November 1919 — HAINA NANE. [ARTICLE]

HAINA NANE.

Mr. Lunahooponopono, aloha maikai kaua:—E oluolu mai oe ia'u me ka'u haina no ka nane a ke keiki o iniinisi i ke anu o Puuonale, Kohala. Akahi—He mau kania ka'u i hanauia i Kahiki, a hanaiia e Hawaii nei a kanikoo a palalauhala, haumakaiole, a pehea aku la ka i koko, o ke kupanaha nae i keia mau kama a'u, he ike aku no au iaia e hoomahielua, ua li'aloko, ua ike mai oia ia'u, ua komo ke kuko me ka li'a, aia wale no a lilo i mea ole, alaila hui iho la na kama a'u me ke aloha paumako o kekahi i kekahi.

O ka ninau: Owai ka inoa o kuu mau kama? Haina: Kamapuaa. Eia ka'u kui ana i ka. pua lehua o ka lei o ke keiki o Puuonalo e olelo ana, hanauia i Kahiki a hanaiia i Hawaii nei, akahi, hana ia ka ma'i o Kamapuaa i Kahiki, a hanai ia o Kamapuaa i Hawaii nei. Ke ae nei au, pololei, i Hawaii nei o Kamapuaa i noho ai a kanikoo, palalauhala, houmakaiole, ka i koko, a eia ka lua o ka puaa ka holoholona a ka haole i hoopili ai i kekahi mea hana kamana ma'ipuaa, a lilo i mea ole, he oiaio kela e ku-aana, he okoa ka ma'i, okoa ka wili, a i ko laua hoohuiia ana, malaila iho la paumako ke aloha. Ua lawa keia, me ka anoipua i ka Lunahooponopono; e kala mai ina he inoino kahi. LEIMOKIHANA. Kapaa, Kauai.

Lihi launa ole mai la kaua i ke ao aina, ua pae aku la i na pali o Kalalau, hoomanawanui hou ia mai i pae pono i ke awa o Mamala!—L. H.