Ka Nupepa Kuokoa, Volume LVII, Number 49, 5 December 1919 — E Hoonee Aku i na Hana Imua [ARTICLE]

E Hoonee Aku i na Hana Imua

Aole he mau hoapaapa hou ana aku i koe, ua 1 ooholo ka hapanui o na hoa o ka papa lunakiai o ke Kulanakauhale a Kalana o Honolulu nei, i ke kahua hou o ke Kuia Kiekie McKinley e ku aku ai; o na manao like ole o na hoa oka papa lunakiai, ame kekahi mahele o na makaainana, e hoopau, a e hoonee koke aku i aa hana apau imua, i \vahi e lilo mai ai ka aina i makemakeia i ke aupuni. Ma ka manawa a ka ahaolelo aku nei i hala, i hookaawale ae ai i kekahi haawina dala, no kekahi kahua hou e ku ai o kela halekula, ua hanaia ia me ka manao, e kuai aku i ka aina i onaia e Fairchild; he kahua i hoakaka ae ai ke Kiaaina i kona manao apono, pela hoi me ke kahukula nui o ka papa hoonaauao, a i ka hooholo ana o ka hapanui o na hoa 0 ka papa no kela kahua, o ka hoea ana mai la ia 1 ka pau ana o na hoopaapaa no kahi kupono, a oi ae o ka maikai, e ku ai o ke!a halekula. Ma na hana apau loa, he hana paakiki ka loaa ana o na mānao kuikahi i ka poe i kuleana i kekahi ninau ano nui elike me keia ke anō; o na kuhihewa ame na kuhihewa ole no ke koho ana o ka papa i keia kahua, aole ia he ninau no keia manawa, aka r.a keia mua aku e hoike mai, a kakou e kau aku ai i na manaolana ana, aole i kuhihewa ka papa, ma kana mau mea i hana aku ai, aka ua hookahuaia maluna o kekahi mau kumu kupono loa, elike me ka ulu ana o ke kulanakauhale o Honolulu nei i keia manawa. Ua hoala mai ka ahahui o na haumana o ke kula i kekahi ku-e ana i )ceia kahua, me ke kikoo ana aku i kekahi wahi mamao, mamuli o ko lakou manaoio ana, o ke ku ana o kela kula malaila, e loaa ana he wahi kupono loa no na liaumana, e loaa mai ai ke kulana ola kino maikai ia lakou, pela hoi V»aa pu ana he kahua paani akea, a o ka mea oi aku, o ia no ka maluhia o ka huli naauao ana, no ka mea ua kaawale na mea e lilo ai ka noonoo o na kamalii i kahi e, elike me na kaa uwila e holo ae ana ma na alanui, ame ke kapaiulu o na kaa otoinobile, o ke ku-e o keia ano i hoalaia mai, ame kekahi mau kumVi e ae, o ka keia pepa e a'o aku nei, e waiho aku kakou i na manao maikai ole apau, a e ku aku a kakoo i ka mea i hooholoia e ka papa mc ka manaoio, e ike aku kakou i ke ku ae o kekahi halekula nani, maluna o kona kahua hou, i pili kokoke mai i ke kulanakauhale nei; malia e hooiia ae ana ka u'i ame ka nani o keia hale nia ona la.